१० लाख बढीको अवैध सामान नष्ट
भारतबाट अवैध रूपमा भित्र्याइएका १० लाख रुपियाँ भन्दा बढीको अवैध सामानलाई नेपालगन्ज भन्सार कार्यालयले नष्ट गरेको छ।
बाँकेका न्यायिक समितिमा नौ सयभन्दा बढी उजुरी दर्ता
बाँकेका आठ वटा पालिकाका न्यायिक समितिमा गत आर्थिक वर्षमा नौ सय ६६ वटा उजुरी दर्ता भएका छन् । आर्थिक वर्ष २०७९/०८० माभन्दा गत आर्थिक वर्षमा कम उजुरी दर्ता भएका हुन् ।
जिम्मेवारी समयमै पूरा गर्न निर्माण व्यवसायीलाई मुख्यमन्त्री आर्चायको निर्देशन
लुम्बिनी प्रदेशका मुख्यमन्त्री चेतनारायण आचार्यले कामको जिम्मेवारी लिने, तर पूरा नगर्ने प्रवृत्तिले समस्या निम्तिएको बताउनुभएको छ ।
१०६ वर्षका वृद्धको भाँच्चिएको हड्डीकाे सफल शल्यक्रिया
नेशनल अर्थोपेडिक अस्पताल नेपालगन्जमा सल्यान वनगाड कुपिण्डे नगरपालिका–७ साँग्रेका १०६ वर्षीया पदम बहादुर शाहको भाँचिएको हिपको हड्डीको शल्यक्रिया सफलतापूर्वक गरिएको हो ।
सरकारले लगानीको वातावरण निर्माण गर्छ, ढुक्क भएर लगानी गर्नुहोस् : मुख्यमन्त्री आचार्य
लुम्बिनी प्रदेशका मुख्यमन्त्री चेतनारायण आचार्यले प्रदेशको आर्थिक, सामाजिक तथा सांस्कृतिक विकासको लागि सरकारले लगानीको वातावरण निर्माण गर्ने बताउनुभएको छ।
नेपालगन्जका चोकचोकमा जुम्लाका स्याउ
जुम्लामा उत्पादन भएको स्याउ नेपालगन्जका चोकचोकमा पाइन थालेको छ । जुम्लाबाट गाडीमा ढुवानी गरेर कोहलपुर ल्याइने स्याउ नेपालगन्जका धम्बोझी, पुष्पलालचोक, भानुचोक, बिपी चोकलगायतका स्थानमा प्रतिकिलो रु एक सय ६० मा खरिद गर्न पाइने स्थानीय बताउँछन् ।
सन्तानको दीर्घायुको कामना गर्दै तीन छठ्ठी पर्व मनाइयाे
हिन्दु मधेसी समुदायका महिलाहरुले आफ्ना छोराको दीर्घायुको कामना गर्दै कपिलवस्तुमा धुमधामका साथ तीन छठ्ठी पर्व मनाएका छन् ।
छाडा पशुचौपाया व्यवस्थापन सुरु
नेपालगन्ज उपहानगरपालिकाले छाडा पशुचौपायाको व्यवस्थापन सुरु गरेको छ ।
मानव तस्करी रोक्न नेपाल र भारतबिच सहकार्यको प्रतिबद्धता
खुला सिमानाका कारण सीमा नाकाबाट भइरहेको मानव तस्करी रोकथामका लागि नेपाल र भारतका सुरक्षा अधिकारी लगायत विभिन्न सरोकारवालाले समन्वय र सहकार्य गर्ने प्रतिबद्धता जनाएका छन् ।
बाइस हजार घरधुरी धाराविहीन
राष्ट्रिय जनगणना–२०७८ अनुसार गुल्मीमा ६६ हजार १२५ घरधुरी रहेकामा २२ हजार ३६९ घरधुरी ‘एक घर एक धारा’ विहीन छन् । दुई नगर र १० गाउँपालिका गरी कुल १२ स्थानीय तह रहेको गुल्मीमा ४३ हजार ७५६ घरमा एक घर एक धारा पुगेको छ भने बाँकी २२ हजार ३६९ घरधुरी पिउने पानीका लागि कुवा/पँधेरो धाउने गरेका छन् ।
खोलामा डुबेर दुई जनाको मृत्यु
कपिलवस्तुको बाणगंगा नगरपालिका-८ ढोडेकोलमा दुई किशोरको खोलामा डुबेर ज्यान गएको छ ।
सुख्खा पहिरोले सिद्धार्थ राजमार्ग अवरुद्ध
सिद्धार्थ राजमार्गको सिद्धबाबा क्षेत्रमा सुख्खा पहिरो खस्दा सडक अवरुद्ध बनेको छ । जिल्लाको तिनाउ–३, स्थित ड्यामसाइड र सिद्धबाबा मन्दिरको बिच भागमा शनिबार दिउँसो पहिरो खसेर सडक अवरुद्ध बनेको हो ।
कान्ति तालमा मोटरबोट नचलाउन दबाब, चरा पार्क बनाउन विज्ञको माग
विश्वमै दुर्लभ मानिने चरा सारसको प्रजनन् गर्ने ठाउँ बनेको नेपालगन्जको कान्ति तालमा मोटरबोट नचलाउन स्थानीयले दबाब दिएका छन्।
प्युठानमा दुर्घटनाबाट मृत्यु हुनेको सङ्ख्या ५० प्रतिशतले घट्यो
प्युठानमा सवारी दुर्घटना र मानवीय क्षति घटेको छ । जिल्ला प्रहरी कार्यालयका अनुसार पछिल्लो दुई वर्षमा प्युठानमा दुर्घटना र त्यसबाट हुने मानवीय क्षति घट्दो क्रममा रहेको देखिएको हो ।
शिक्षकका लागि तीन दिने तालिम सञ्चालन
बाँके जिल्लास्थित सामुदायिक विद्यालयमा कार्यरत कक्षा ९ र १० मा विज्ञान विषय पढाउने शिक्षकहरूलाई तीन दिने तालिम सञ्चालन भएको छ ।
हराउँदै मानपुर बजार
कुनै समय मध्यपश्चिम क्षेत्रकै व्यापारिक केन्द्र थियो, मानपुर बजार । तुलसीपुर १७ मा रहेको मानपुर बजार अहिले सुनसान अवस्थामै छ ।
विभिन्न प्रजातिका वन्यजन्तुको उद्धार
डिभिजन वन कार्यालय गुल्मीले विभिन्न प्रजातिका १७ वन्यजन्तुको उद्धार गरेको छ । पछिल्लो दुई वर्षको अवधिमा मृत र घाइते अवस्थामा विभिन्न स्थानमा अप्ठ्यारोमा परेका विभिन्न प्रजातिका १७ वटा वन्यजन्तुको उद्धार गरिएको डिभिजन वन कार्यालय गुल्मीका सूचना अधिकारी एवम् वन अधिकृत राजन कुँवरले जानकारी दिनुभयो ।
प्रदेश मन्त्रालयले गर्यो १२४ कर्मचारीको सरुवा
लुम्बिनी प्रदेशको वन तथा वातावरण मन्त्रालयले १२४ जना कर्मचारीको एकै पटक सरुवा गरेको छ । लुम्बिनी प्रदेश सरकारको नीतिअनुसार वन तथा वातावरणमन्त्री बादशाह कुर्मीले अधिकृतस्तर आठौँ तहसम्मका १२४ जना कर्मचारीको सरुवा गर्नुभएको हो ।
-original-thumb.jpg)
रेसुङगा विमानस्थलबाट उडान पुनः सुरु
झण्डै दुई महिनापछि रेसुङगा विमानस्थलबाट पुनः उडान सुचारु भएको छ । गत असार १४ गतेदेखि खराब मौसमका कारण रेसुङगा विमानस्थलबाट उडान हुन नसकेको नेपाल एयरलाइन्स रेसुङगा विमानस्थलका स्टेसन प्रमुख सुमन थापाले जानकारी दिनुभयो ।
चार सय हेक्टर नेपाली भूभाग डुबान
सीमा क्षेत्रमा भारतले निर्माण गरेको बाँधका कारण जिल्लाको करिब चार सय हेक्टर धान खेती डुबानमा परेको छ । सीमा क्षेत्रसँगै भारतले निर्माण गरेको बजाहा बाँध, महलीसागर बाँध र सिसवा बाँधका ढोका नखोलिँदा नेपालतर्फको धान खेत डुबानमा परेको हो । वर्षाका कारण मायादेवी र यशोधरा गाउँपालिकाका एक दर्जन गाउँका साढे तीन सयभन्दा बढी कृषकको चार सय हेक्टरमा लगाइएको धान खेत डुबानमा परेको छ । तीनदेखि पाँच किमी दक्षिणका खेत पानीमा डुबेपछि धान गलेको छ ।
मन्त्रीपरिषद् सदस्यलाई आचारसंहिता
लुम्बिनी प्रदेशका मुख्यमन्त्री चेतनारायण आचार्यले मन्त्रीपरिषद् सदस्यले पालना गर्नुपर्ने आचारसंहिता लागु गर्नुभएको छ । प्रदेश मन्त्रीपरिषद् बैठकबाट लुम्बिनी प्रदेश सरकार, मन्त्रीपरिषद् सदस्यले पालना गर्नुपर्ने आचारसंहिता, २०८१ लागु गर्ने निर्णय गरिएको हो । सरकारले स्वनियमनको रणनीति बनाएको हो । त्यसका लागि आचारसंहिता लागु गरिएको छ । प्रदेश राजधानीबाहिर भ्रमणमा जाँदा मुख्यमन्त्रीबाट भ्रमणको पूर्वस्वीकृति लिएर मात्र जानुपर्ने, जिल्ला भ्रमणमा जाँदा आन्तरिक मामिला तथा कानुन मन्त्रालयमार्फत सम्बन्धित जिल्ला प्रशासन कार्यालयलाई भ्रमण कार्यक्रमबारे अग्रिम जानकारी गराउनुपर्ने व्यवस्था गरिएको छ ।
तानाशाही प्रवृत्ति देखिएपछि नयाँ दल गठन भयो : महासचिव राई
जनता समाजवादी पार्टी (जसपा) का महासचिव तथा पूर्वमन्त्री मोहम्मद इस्तियाक राईले उपेन्द्र यादवको तानाशाही र मनपरी सहन नसकेर आफूहरुले विद्रोह गरेर नयाँ पार्टी गठन गरेको बताउनुभएको छ।
आँखा उपचार केन्द्रमा स्वास्थ्य बिमा सेवा सुरु
नेपाल नेत्र ज्योति सङ्घ आँखा उपचार केन्द्र तम्घासमा स्वास्थ्य बिमा सेवा सुरु गरिएको छ । नेपाल सरकार स्वास्थ्य बिमा बोर्डअन्तर्गतको स्वास्थ्य बिमा कार्यक्रमको उपचार सेवा यस आँखा उपचार केन्द्रबाट पनि सुरु गर्न लागिएको बताइएको छ ।
नाति पुस्तालाई परम्परागत बाजा सिकाइँदै
बाँकेको खजुरा गाउँपालिका –४ एफगाउँका खेमबहादुर विक ११ वर्षको हुनुभयो । गाउँघरमा हुने विवाह पूजा, धार्मिक कार्यक्रम र अन्य कार्यक्रममा उहाँ आफ्ना हजुरबुवा तिलबहादुरसँगै बाजा बजाउन जानुहुन्छ ।
ऐतिहासिक ‘बटौली’ बजार संरक्षण गरिँदै
बुटवलको पुरानो एवम् ऐतिहासिक बजार ‘बटौली’ लाई सम्पदा संरक्षित क्षेत्रको रुपमा विस्तार गर्नेगरी संरक्षण गरिने भएको छ ।
