एसइईमा ४ जिपिए ल्याउनेलाई बारपाक सुलीकोटले एक लाख दिने
गोरखाको बारपाक सुलीकोट गाउँपालिकाले यस वर्षको एसइई परीक्षामा उत्कृष्ट नतिजा ल्याउने पालिका भित्रका विद्यार्थीलाई प्रोत्साहन स्वरूप एक लाख रुपियाँ उपलब्ध गराउने घोषण गरेको छ ।
स्ववियु निर्वाचन : यस्ता छन् विद्यार्थी सङ्गठनका मुद्दा
स्वतन्त्र विद्यार्थी युनियन (स्ववियु) निर्वाचनमा विद्यार्थी नेताबिच स्वस्थ प्रतिस्पर्धा हुनुपर्नेमा विद्यार्थी नेताहरूले जोड दिएका छन् ।
व्यावहारिक शिक्षासँगै बाजा बजाएर आत्मनिर्भर बन्दै विद्यार्थी
शुक्लागण्डकी नगरपालिका–९ स्थित तालवेसी माध्यमिक विद्यालयले व्यावहारिक शिक्षासँगै प्रयोगात्मक सीप सिकाउन थालेपछि यहाँका विद्यार्थी आत्मनिर्भर हुन थालेका छन् ।
सप्तरीबाट एसइई परीक्षामा ८ हजार ७ सय १५ विद्यार्थी सहभागी हुँदै
यसपाली हुने माध्यमिक शिक्षा परीक्षा (एसइई) परीक्षामा सप्तरी जिल्लाको एक सय ४२ विद्यालयबाट आठ हजार ७ सय १५ जना विद्यार्थी सहभागी हुँदैछन् ।
स्ववियु निर्वाचन : त्रिवि केन्द्रीय क्याम्पसमा अध्यक्षका लागि १७ जनाको उम्मेदवारी
कीर्तिपुरस्थित त्रिभुवन विश्वविद्यालय (त्रिवि) केन्द्रीय क्याम्पसमा स्वतन्त्र विद्यार्थी युनियन (स्ववियु) निर्वाचनको अध्यक्ष पदका लागि १७ जनाको उम्मेदवारी परेको छ ।
ठेकेदार बदमासीले दश वर्षदेखि शिक्षा कार्यालय भवन अलपत्र
शेरबहादुर राईओखलढुङ्गा, फागुन २९ गते । ठेकेदारका कारण अलपत्र परेको तत्कालीन जिल्ला शिक्षा कार्यालय ओखलढुङ्गाको भवन निर्माण स्थल जङ्गलमा परिणत भएको छ । ठेक्ला लागेको १० वर्ष बित्दासमेत भवन निर्माणको काम सम्पन्न भएको छैन । २०७१ असार ३१ गते भवन निर्माणको जिम्मा पाएको गाल्वा पुष्पाञ्जली जेभीले भवन निर्माणका लागि घडेरी सम्याउन र डीपीसीको काम गरेर छोडेको थियो । जग्गा सम्याउन र भवनको जग हाल्न २० लाख खर्च भएको बताइएको छ । अहिले उक्त निर्माण स्थलमा उत्तिसको जङ्गल भएको छ । निर्माण कम्पनीले एक वर्षभित्र भवनको काम सक्ने गरी दुई करोड ८८ लाख ६७ हजार रुपैयाँमा सम्झौता गरेको थियो । निर्माण स्थलमा निर्माण सामग्री पुर्याउन समस्या भएको, भूकम्प र नाकाबन्दी लगायतका कारण देखाएर ठेकेदार कम्पनीले काम अघि बढाएको थिएन । हालको शिक्षा विकास तथा समन्वय इकाईले पटक पटक स्पष्टिकरण सोधेर दुई वर्ष अघि ठेक्का तोडिएको सूचना अधिकारी विष्णु प्रसाद कडेलले बताउनुभयो । पर्याप्त बजेट नआएकाले नयाँ ठेक्का आह्वान नभएको कँडेलको भनाई छ । व्यक्तिको घरमा वार्षिक लाखौँ रुपैयाँ भाडा तिरेर हाल शिक्षा विकास तथा समन्वय इकाईको कार्यालय सञ्चालन भइरहेको छ । तत्कालीन जिल्ला शिक्षा कार्यालयको भवन लगायत लामो समय देखी जिल्लामा अलपत्र र रुग्ण अन्य आयोजनाहरूको काम अगाडी बढाउन विशेष पहल गरिने ओखलढुङ्गाका प्रमुख जिल्ला अधिकारी विजयराज सुवेदीले बताउनुभयो । भर्खरै प्रमुख जिल्ला अधिकारीका रूपमा ओखलढुङ्गा आउनुभएको प्रजिअ सुवेदीले लामो समय देखी अलपत्र परेका विकास निर्माणका कामलाई सञ्चालन गर्न प्राथमिकताका साथ पहल गरिने बताउनु भएको हो । स्थानीय तह र सरोकारवाला निकायसँगको समन्वयमा अलपत्र आयोजनालाई गति दिने प्रजिअ सुवेदीले बताउनुभयो । साथै जिल्लाको शान्ति सुरक्षा, सुशासन कायम गर्न तर्फ पनि विशेष योजना बनाएर काम गरिने प्रजिअ सुवेदीले बताउनुभएको छ ।
एसइई परीक्षा : दाङमा ४७ परीक्षा केन्द्र निर्धारण
दाङमा एसइई दिने विद्यार्थीको सङ्ख्यामा वृद्धि भएको छ । शिक्षा विकास तथा समन्वय एकाइ कार्यालय दाङका अनुसार जिल्लामा गत वर्षको तुलनामा यस वर्ष एसइई दिने एक हजार तीन सय ५६ जना विद्यार्थीको सङ्ख्या वृद्धि भएको हो ।
स्वतन्त्र र निष्पक्षरूपमा स्ववियु निर्वाचन गर्ने सहमति
हेटौँडा २ स्थित मकवानपुर बहुमखी क्याम्पसमा स्वतन्त्र विद्यार्थी युनियन (स्ववियु) को निर्वाचनमा विद्यार्थी सङ्गठन दर्ताका विषयमा विरोध जनाउँदै निर्वाचनको पूर्व सन्ध्यामा तालाबन्दी गरेको नेपाल विद्यार्थी संघ (नेविसंघ) क्याम्पस इकाई समितिले क्याम्पसमा लगाएको ताला खोलेको छ ।
ताप्लेजुङबाट दुई हजारभन्दा बढी परीक्षार्थी एसइईमा सहभागी हुँदै
ताप्लेजुङबाट यस वर्ष दुई हजारभन्दा बढी विद्यार्थी माध्यमिक शिक्षा परीक्षा (एसइई)मा सहभागी हुने भएका छन् । यही चैत ७ गतेदेखि सुरु हुने एसइई परीक्षामा नियमित र ग्रेडवृद्धितर्फ गरी दुई हजारभन्दा बढी परीक्षार्थी सहभागी हुने भएका हुन् ।
धनकुटाका ६ क्याम्पसमा सर्वसंवत नेतृत्व चयन
धनकुटाका ६ वटा क्याम्पसमा तीन वटा विद्यार्थी सङ्गठनहरूले सर्वसम्मत रूपमा स्ववियुको नेतृत्व चयन हुने सहमति गरेका छन् ।
स्ववियु निर्वाचन : मंगला क्याम्पसमा अनेरास्ववियुका उम्मेदवार निर्विरोध
म्याग्दीको मंगला शिक्षा क्याम्पसको स्वतन्त्र विद्यार्थी युनियन(स्ववियु)मा अखिल नेपाल राष्ट्रिय स्वतन्त्र विद्यार्थी युनियनका उम्मेदवार निर्विरोध भएका छन् । मङ्गला गाउँपालिका–२, स्थित क्याम्पसको स्ववियुको निर्वाचनका लागि मङ्गलबार अनेरास्ववीयुको तर्फबाट मनोनयनपत्र दर्ता भएकाले निर्विरोध भएका हुन् ।
घोडाघोडी बहुमुखी क्याम्पसमा स्ववियु निर्वाचन कार्यक्रम स्थगित
कैलालीको घोडाघोडी बहुमुखी क्याम्पसमा नामावलीको विषयलाई लिएर सहमति नजुटेपछि निर्वाचन कार्यक्रम स्थगित गरिएको छ । क्याम्पसमा स्वतन्त्र विद्यार्थी युनियन निर्वाचन तालिका अनुसार अन्तिम मतदाता नामावली प्रकाशनपछि नेपाल विद्यार्थी संघले सहमति अनुसार माघ ११ गतेपछि भर्ना भएका विद्यार्थीसहितको नामावली प्रकाशन गरेको आशङ्का गर्दै फागुन २६ गते निर्वाचन कार्यालयमा तालाबन्दी गरेको थियो ।
नवलपुरका सबै क्याम्पसको चुनाव स्थगित, विद्यार्थी आन्दोलित
जिल्लाका सबै क्याम्पसमा आगामी चैत ५ गतेका लागि तोकिएको स्वतन्त्र विद्यार्थी युनियन (स्ववियु) को चुनाव स्थगित भएको छ । जिल्लामा उत्पन्न असहज परिस्थितिका कारण चुनाव गराउन नसकिएकाले स्थगित गरिएको नेपाल पब्लिक क्याम्पस संघ, नवलपुरले जनाएको छ ।
बाजुरामा एसइई परीक्षा दिनेको सङ्ख्या बढ्यो
बाजुरामा माध्यमिक शिक्षा परीक्षा (एसइई) दिने विद्यार्थीको सङ्ख्या बढ्दै गएको छ । शैक्षिक सत्र २०८० को तथ्याङ्क अनुसार नियमिततर्फ एक हजार ४८७ छात्र र एक हजार ३४७ छात्रा गरी दुई हजार ८३४ र ग्रेड वृद्धिका लागि छात्र ५१ छात्रा ४८ गरी ९९ गरी दुई हजार ९३३ जना विद्यार्थीहरुले एसइई परीक्षा दिएका थिए ।
वैज्ञानिक र प्रविधियुक्त शिक्षा प्रणालीबाटै मुलुकको समृद्धि
प्रधानमन्त्री तथा पूर्वाञ्चल विश्वविद्यालयका कुलपति केपी शर्मा ओलीले वैज्ञानिक र उच्च प्रविधियुक्त गुणस्तरीय शिक्षाका लागि सरकारले विश्वविद्यालयहरूलाई निरन्तर सहयोग गर्ने प्रतिबद्धता व्यक्त गर्नुभएको छ ।
पाथीभरा बहुमुखी क्याम्पसमा स्ववियुको सर्वसम्मत नेतृत्व
स्वतन्त्र विद्यार्थी युनियन (स्ववियु) को पाथीभरा बहुमुखी क्याम्पस ताप्लेजुङमा सर्वसम्मत नेतृत्व चयन भएको छ । तिलकुमार जोगीको अध्यक्षतामा सर्वसम्मत नेतृत्व चयन भएको हो ।
पूर्वाञ्चल विश्वविद्यालयका आठ हजार १५० विद्यार्थी दीक्षित
प्रधानमन्त्री एवम् कुलपति केपी शर्मा ओलीको उपस्थितिमा मङ्गलबार पूर्वाञ्चल विश्वविद्यालयको १३ औँ दीक्षान्त समारोह सम्पन्न भएको छ ।
मधेशबाट ८८ हजार ८५८ विद्यार्थीले एसइई दिने
आगामी चैत ७ गतेबाट सुरु हुने माध्यमिक शिक्षा परीक्षा (एसइई) मा मधेश प्रदेशबाट ८८ हजार ८५८ जना विद्यार्थी सहभागी हुने भएका छन् । शिक्षा विकास निर्देशनालय मधेश प्रदेशका अनुसार परीक्षाका लागि ३१२ परीक्षा केन्द्र तोकिएको छ । परीक्षामा एक हजार २३१ वटा विद्यालयका विद्यार्थी सहभागी हुँदै छन् ।
मालुङ्गा सार्वजनिक बहुमुखी क्याम्पसको स्ववियु सभापतिमा भण्डारी
स्याङजाकोे गल्याङमा रहेको मालुङ्गा सार्वजनिक बहुमुखी क्याम्पसको स्वतन्त्र विद्यार्थी युनियन निर्विरोध चयन भएको छ । क्याम्पसको स्वतन्त्र विद्यार्थी युनियनको सभापतिमा नेपाल विद्यार्थी संघका गोविन्द भण्डारी सर्वसहमतिमा निर्वाचित हुनु भएको क्याम्पसका पूर्व स्ववियु सभापति खगेन्द्र भण्डारीले जानकारी दिनुभयो ।
स्ववियु चुनावमा दुई विद्यार्थी सङ्गठनबिच भागबन्डा
चैत ५ गते हुन लागेको स्वतन्त्र विद्यार्थी युनियन (स्ववियु) निर्वाचनका लागि सिन्धुपाल्चोकमा दुई विद्यार्थी सङ्गठनबिच भागबन्डा मिलेको छ ।
पूर्वाञ्चल विश्वविद्यालयका आठ हजार विद्यार्थी दीक्षित हुँदै
पूर्वाञ्चल विश्वविद्यालयको १३औँ दीक्षान्त समारोह मङ्गलबार हुँदै छ । दीक्षान्त समारोहमा आठ हजार १५० विद्यार्थी दीक्षित हुने सो विश्वविद्यालयका सूचना अधिकारी टेकप्रसाद अधिकारीले जानकारी दिनुभयो ।
हुम्लाबाट ११ सय चार जना परीक्षार्थी एसइईमा सहभागी हुँदै
यस वर्षको माध्यमिक शिक्षा परीक्षा (एसइई)मा हुम्ला जिल्लाबाट एक हजार १०४ जना विद्यार्थी सहभागी हुने भएका छन् । नियमित तर्फ ९५० जना र ग्रेड वृद्धितर्फ १५४ जना विद्यार्थी एसइईमा सहभागी हुने भएका हुन् ।
स्ववियु निर्वाचन : गुल्मीमा अनेरास्ववियु र नेविसङ्घको तालमेल
आगामी चैत ५ मा हुने स्वतन्त्र विद्यार्थी युनियन (स्ववियु)को निर्वाचनमा गुल्मीमा अनेरास्ववियु र नेविसङ्घले तालमेल गर्ने भएका छन् ।
एसइईमा पाँच लाख दस हजार परीक्षार्थी
यस वर्षको माध्यमिक शिक्षा परीक्षा (एसइई) मा पाँच लाख १० हजार परीक्षार्थी सहभागी हुने भएका छन् । राष्ट्रिय परीक्षा बोर्डका अनुसार परीक्षामा सहभागी हुन फाराम भरेका विद्यार्थीका आधारमा यो तथ्याङ्क निकालिएको हो ।
बिदाइमा भावुक बने विद्यार्थी
विद्यालयको आङ्गन भावनाले भरिएको थियो । चारैतिर माला र अबिरले रङ्गिएको माहोल, आँखामा आँसु र मनभरी सम्झनाको बिसौनी बोकेर जनसहयोगी माध्यमिक विद्यालय, गौमुखी –५, खुङ्ग, प्युठानमा एसइई परीक्षार्थीको बिदाइमा अरु विद्यार्थी भावुक भएको दृश्य हो ।
