गोरखापत्र अनलाइन
बजार झरे लेकाली भेडाच्याङ्ग्रा
दसैँ नजिकिँदै गर्दा हिमाली क्षेत्रमा पालिएका भेडाच्याङ्ग्रा बजार झर्न थालेका छन् । किसान तथा व्यापारीहरू भेडाच्याङ्ग्राको बथान लिएर देशका विभिन्न बजारमा आइपुगेका हुन् । हिमाली भेडाच्याङ्ग्रा बजार झरेपछि दसैँ पर्व आगमनको झल्को दिन्छ ।
सार्वजनिक बिदा र शनिबार पनि सत्यवतीका विद्यालय सञ्चालन हुने
सार्वजनिक बिदाका दिनमा पनि गुल्मीको सत्यवती गाउँपालिका भित्रका विद्यालयहरु सञ्चालन हुने भएका छन् ।
दिक्तेल रूपाकोट मझुवागढीका भूमिहीन र अव्यवस्थित बसोवासीलाई जग्गाको निस्सा
राष्ट्रिय भूमि आयोगले दिक्तेल रूपाकोट मझुवागढी नगरपालिकाका भूमिहीन तथा अव्यवस्थित बसोवासीलाई जग्गा उपलब्ध गराउन निस्सा वितरण सुरु गरेको छ ।
प्रदेश सभा तत्काल बस्न कठिन
जेनजी समूहको आन्दोलनका कारण आगजनीबाट क्षति पुगेको सुर्खेतस्थित कर्णाली प्रदेश सभा पूर्ववत् अवस्थामा आउन कठिन देखिएको छ । आगामी माघ २१ गतेभित्र कर्णाली प्रदेश सभाको हिउँदे अधिवेशन बोलाउनुपर्ने बाध्यता छ । आगजनीबाट प्रदेश सभा बैठक, सचिवालयलगायत सम्पूर्ण कार्यालय नष्ट भएपछि पुनर्निर्माण गर्न समय लाग्ने देखिएको छ ।
यस्तो छ आजका लागि सागसब्जी र फलफूलको मूल्य
कालीमाटी फलफूल तथा तरकारी बजार विकास समितिले आजका लागि कृषि उपजहरूको थोक मूल्य निर्धारण गरेको छ । समितिका अनुसार प्रस्तुत सागसब्जी र फलफूलको अधिकतम थोक मूल्य निम्नानुसार छ ।
सन्तानब्बे वटा भौतिक संरचनामा क्षति
जेनजी पुस्ताको आन्दोलनका क्रममा कर्णालीका ९७ वटा भौतिक संरचनामा क्षति पुगेको छ । कर्णाली प्रदेश प्रहरी कार्यालय सुर्खेतको विवरण अनुसार निजी तथा सरकारी सवारीसाधन र भौतिक संरचनामा ठुलो क्षति पुगेको छ ।
साढे तीन करोडमा बनेको कृष्णपुर नगरपालिकामा दुई करोड क्षति
साढे तीन करोड बढी लगानीमा निर्माण गरिएको कञ्चनपुरको कृष्णपुर नगरपालिकाको भवनमा आगलागी हुँदा दुई करोड बढीको क्षति पुगेको छ ।
पर्यटकीय मौसममा होटेल सुनसान
पर्यटन व्यवसायीका लागि यो मौसम पर्यटकीय गतिविधिले उभार पाउने मौसम हो । मनसुन सकिएको र चाडबाड सुरु भएसँगै आन्तरिक र बाह्य पर्यटक घुम्न निस्कन्छन् । अघिल्ला वर्षमा यो अवधिमा पोखराका होटेल आन्तरिक तथा बाह्य पर्यटकले खचाखच भरिन थाल्थे तर यो पटक भने पोखरा सुनसान जस्तै बनेको छ । भदौ २३ र २४ को जेनजी आन्दोलनले गर्दा पाहुनाको आगमन खस्किएको हो ।
तेह्र वर्षसम्म पनि बनेन पुल
बाह्र वर्षमा खोलो पनि फर्किन्छ भन्ने गाउँघरतिर एउटा लोकप्रिय उक्ति छ तर गुल्मीमा बाह्र होइन, तेह्र वर्ष नाघ्दासमेत एउटा पुल बन्न सकेको छैन । तीन वर्षमा बन्नुपर्ने पुल तेह्र वर्षमा पनि अझै बन्न नसक्दा यहाँका बासिन्दा निकै पीडित भइरहेका छन् । गुल्मीको रुरुक्षेत्र गाउँपालिका–१ को पुल क्याम्प र स्याङ्जाको कालीगण्डकी गाउँपालिका–१ चण्डी भन्ज्याङ जोड्ने गरी कालीगण्डकी नदीमा तीन वर्षमा बन्नुपर्ने पुल १३ वर्ष बित्दासमेत अझै बन्न सकेको छैन ।
‘हाम्रो काख त रित्तियो अरूलाई यस्तो कहिल्यै नहोस्’
जेनजी आन्दोलनका क्रममा प्राण गुमाएका दुई सहिदका परिवारले अब देशमा कहिल्यै यस्तो त्रासदी दोहोरिन नदिन सरकारलाई आग्रह गरेका छन् । नेपालगन्ज उपमहानगरपालिका–१, धम्बोझीका २३ वर्षीय सुलभराज श्रेष्ठ र १९ वर्षीय आयुष थापाको परिवारले संयुक्त स्वरमा राजनीतिक नेतृत्व लिनेहरूसँग आग्रह गर्दै भने, “हाम्रो काख त रित्तियो, तर अब कुनै पनि विद्यार्थी वा युवाले अनाहकमा ज्यान गुमाउन नपरोस् । हामीलाई परेको पीडा अब कसैलाई नपरोस् । देशमा सुशासन कायम होस्, भ्रष्टाचार सधैँका लागि अन्त्य होस् ।”
उच्च र सप्तरी जिल्ला अदालतको सरसफाइ तीव्र
जेनजीको प्रदर्शनपछि वातावरण सहज भए लगत्तै राजविराजस्थित रहेको उच्च अदालत जनकपुर राजविराज इजलास तथा सप्तरी जिल्ला अदालतका कर्मचारीहरू तीव्र रूपमा सरसफाइमा जुटेका छन् ।
नवलपरासीमा सरकारी संरचनामा तीन करोडभन्दा बढीको क्षति
आगलागी र तोडफोडका कारण पश्चिम नवलपरासीका सरकारी निकायमा तीन करोड बढीको क्षति भएको छ ।
नेपालको सार्वभौमसत्ता र अखण्डता जोगाउन एकतावद्ध हुुनुपर्छ : अध्यक्ष ओली
पूर्व प्रधानमन्त्री तथा नेकपा (एमाले) का अध्यक्ष केपी शर्मा ओलीले संविधान दिवसको अवसरमा लामो संघर्ष, बलीदानबाट प्राप्त संविधान र लोकतान्त्रिक गणतन्त्रात्मक संघीय समावेशी व्यवस्था, जनताको अधिकार स्थापित भएको दिनको रक्षा गर्न सबैमा आग्रह गर्नुभएको छ ।
संविधानको समीक्षा गरेर अगाडि बढ्नुपर्छः पूर्वप्रधानमन्त्री नेपाल
पूर्वप्रधानमन्त्री तथा नेपाल कम्युनिस्ट पार्टी (एकीकृत समाजबादी)का अध्यक्ष माधवकुमार नेपालले संविधानको कार्यान्वयनमा देखिएका कमजोरीको वस्तुनिष्ट समीक्षा गरेर अगाडि बढ्नुपर्ने बताउनुभएको छ ।
प्रदेशमा सुशासन कायम गर्न आह्वान
बागमती प्रदेशका मुख्यमन्त्री इन्द्रबहादुर बानियाँले प्रदेशमा सुशासन कायम गर्न आह्वान गर्नुभएको छ ।
