गोरखापत्र अनलाइन
-original-thumb.jpg)
बेनीमा घोडा नाच प्रदर्शन
बेनीमा परम्परागत रुपमा देखाउँदै आएको घोडा नाच प्रदर्शन गरिएको छ । नेवार समुदाका युवाहरुको सक्रियतामा बर्खेनाच अन्तर्गत मंगलबार घोडा नाच प्रदर्शन गरेका हुन् ।
सर्वोच्च पदमा पुगिसकेको व्यक्ति राजनीतिमा फर्कनु उचित हुँदैनः महासचिव पोखरेल
नेपाल कम्युनिस्ट पार्टी (एमाले) का महासचिव शङ्कर पोखरेलले देशको सर्वोच्च पदमा पुगिसकेको व्यक्ति पुनःराजनीतिमा फर्कनु उचित नहुने बताउनुभएको छ।
सम्झौता गरेअनुरूप सतप्रतिशत कार्यसम्पादनमा जोड दिनुहोस्: सञ्चारमन्त्री गुरुङ
सञ्चार तथा सूचना प्रविधिमन्त्री पृथ्वीसुब्बा गुरुङले चालु आर्थिक वर्षमा गरिएका कार्यसम्पादन सम्झौताहरू सतप्रतिशत सम्पन्न गर्न निर्देशनात्मक सुझाव दिनुभएको छ।
चट्याङले एकको मृत्यु, ११ जना घाइते
पश्चिम मकवानपुरको मनहरी गाउँपालिका वडा नं ६ स्थित हाङलाङ भन्ने गाउँमा किरिया भइरहेको घरमा चट्याङ पर्दा एक जनाको मृत्यु भएको छ भने अन्य ११ जना घाइते भएका छन्।
‘कुलिङ अफ पिरियड’ लाई व्यवस्थापन गर्नुपर्छ’
राष्ट्रियसभाका सांसद डा. अन्जान शाक्यले ‘कुलिङ अफ पिरियड’ लाई अल्झाउने नभई समाधान गर्नेगरी व्यवस्थापनको बाटो खोज्नुपर्ने बताउनुभएको छ । ‘कुलिङ पिरियड भनेको सार्वजनिक सेवा र निजी स्वार्थ सेवाविचमा नैतिक विभाजन र संस्थागत पर्खाल ‘फायरवाल’ राख्ने हो’ उहाँले भन्नुभयो ।
रासायनिक मल वितरणमा हुने अनियमितता रोक्न कृषी मन्त्रीको निर्देशन
भूमि व्यवस्था, कृषि तथा सहकारीमन्त्री रामनाथ अधिकारीले नेपालको अन्न भण्डार मधेस प्रदेशका किसानलाई रासायनिक मलको वितरण गर्दा हुने समस्या तथा अनियमितता रोक्न निर्देशन दिनुभएको छ।
नेटवर्किङको माध्यमबाट ठगी गर्ने पाँच जना पक्राउ
कावासाती नगरपालिका–८ मा रहेको युनिभर्सल इन्टरपेनेर्स प्रा.लि. शाखा कार्यालयमा कार्यरत कर्मचारीहरुले विभिन्न व्यक्तिहरुलाई नेटवर्किङ विजनेश मार्फत प्रशस्त पैसा कमाउन सकिन्छ भन्ने झुटो प्रलोभन देखाउने पाँच जनालाई प्रहरीले पक्राउ गरेको हो ।
पर्यटकका लागि धर्मशाला निर्माण
‘बुद्ध हिमाल–हिमालचुली ग्रेट लेक्स ट्रेल’ मा पदयात्रा गर्ने पर्यटकका लागि चार वटा धर्मशाला निर्माण गरिएको छ । पदमार्गमा आउने पर्यटक, यस क्षेत्रमा पर्ने ताल तथा पोखरीमा स्नान तथा पूजा गर्न आउने तीर्थालुलाई लक्षित गरेर धर्मशाला निर्माण गरिएको हो ।
-original-thumb.jpg)
नेपाली पर्यटनको कथा टिकटकमार्फत संसारलाई सुनाइने
हिमाल, संस्कृति र प्रकृतिले सम्पन्न देश नेपाललाई विश्वले विभिन्न रूपले चिनेको छ । कहिले सगरमाथा र हिमालमार्फत, कहिले बुद्धमार्फत, कहिले संस्कृतिका विविध रङ्गहरूमार्फत् कहिले अनुपम प्रकृतिमार्फत् । अब भने नेपालले सामाजिक सञ्जाल ‘टिकटक’ को उपयोग गर्दै आफ्नो कथा संसारभर सुनाउने भएको छ ।
-original-thumb.jpg)
गण्डकीमा घरेलु मदिरा विधेयक पारित
गण्डकी प्रदेशमा परम्परागत घरेलु मदिरा उत्पादनलाई व्यवस्थित बनाउँदै कानुनी मान्यता दिने बाटो खुला भएको छ। मङ्गलबारको प्रदेशसभाबाट ‘गण्डकी प्रदेशमा घरेलु मदिराको उत्पादनलाई नियमन तथा व्यवस्थापन गर्न बनेको विधेयक’ पारित भएको हो।
करेन्ट लागेर किशोरीको मृत्यु
बागलुङको निसीखोला गाउँपालिका–३ बोहरागाउँमा करेन्ट लागेर एक किशोरीको मृत्यु भएको छ।
गाजाको अवस्था ‘अत्यन्तै चिन्ताजनक’, खाद्यान्न अभाव चरममा
संयुक्त राष्ट्र, भदौ ३ गते । संयुक्त राष्ट्रसंघसँग आबद्ध मानवीय संस्थाहरूले गाजा क्षेत्रमा इजरायलले शरण निषेध हटाउने निर्णयलाई सकारात्मक कदमका रूपमा स्वागत गरेका छन् । यद्यपि, उनीहरूले भावी सैन्य कारबाहीको तयारीले पहिले नै कठिन परिस्थितिमा जीवनयापन गरिरहेका जनताको स्थिति झनै संकटपूर्ण बन्न सक्ने गम्भीर चिन्ता पनि व्यक्त गरेका छन् ।मानवीय मामिलाको समन्वय गर्ने कार्यालय (ओसीएचए) ले गाजा सहरमा सैन्य गतिविधि तीव्र पार्ने योजनाले हजारौँ व्यक्तिलाई पुनः विस्थापित गराउने जानकारी दिएको छ । ती विस्थापित गाजाको दक्षिण भागमा जान बाध्य हुने छन्, जहाँ अहिले पर्याप्त खानेपानी, स्वास्थ्य सेवा र खाद्यान्न जस्ता अत्यावश्यक सुविधा अत्यन्तै सीमित छन् । गत मे देखि लागू गरिएको शरण निषेधका कारण करिब सात लाख ८० हजारभन्दा बढी व्यक्तिहरू पटक-पटक घरबाट विस्थापित हुनु परेको बताइएको छ । मानवतावादी संस्थाको अनुमानअनुसार करिब १३ लाख ५० हजार मानिसलाई आपतकालीन आवास आवश्यक छ, भने झण्डै १४ लाख व्यक्तिलाई अत्यावश्यक घरायसी सामग्री आवश्यक रहेका छन् । ओसीएचएले भनेको छ, “गाजाको मानवीय अवस्था अत्यन्तै चिन्ता जनक बनि सकेको छ । जारी द्वन्द्वका बिच चरम खाद्य अभाव छ र प्रत्येक दिन दुःखदरूपमा थप मृत्यु भइरहेका छन् ।”विश्व खाद्य कार्यक्रमले सम्भव भएसम्मको प्रयास गरी खाद्य सामग्री पुर्याउने कार्य भइरहेको जानकारी गराएको छ । तथापि, वर्तमान आपूर्ति आवश्यकता अनुसारको मात्रामा पुग्न सकेको छैन । ओसीएचएका अनुसार गाजाका स्वास्थ्य निकायहरूले पछिल्लो २४ घण्टामा कुपोषण र भोकका कारण दुई बालबालिका सहित पाँच जनाको ज्यान गएको जानकारी दिएका छन् । यस्ता दुःखद घटनाहरू रोक्नका लागि समयमै, सुरक्षित र निरन्तर रूपमा ठूला मात्रामा सहायता सामग्री वितरण गर्न सक्ने वातावरण आवश्यक छ ।मानविय निकायले भनेका छन्, “हामीले सबै जनतासम्म सहायता पुर्याउन प्रतिबद्धता लिएका छौं । नागरिकले चाहे जहाँ रहने निर्णय लिए पनि-उनीहरूको जीवन रक्षा र अधिकारको सुनिश्चितता गरिनु आवश्यक छ । सर्न चाहने व्यक्तिलाई आधारभूत सेवा उपलब्ध गराइनुपर्छ र उनीहरूलाई आफ्नै इच्छाले फर्कन सक्ने व्यवस्था मिलाइनुपर्छ ।”ओसीएचएले पुनः जोड दिँदै भनेको छ, “गाजाको सबै क्षेत्रलाई समेट्ने गरी सहजरूपमा मानवीय सहायता वितरण गर्न सक्ने वातावरण हुनु अति आवश्यक छ । त्यसका लागि समुदायमा आधारित वितरण प्रणालीसहित, सबै सम्भव नाका र सडक मार्गबाट ठूलो परिमाणमा सामग्री गाजामा प्रवेश गर्न दिनु अत्यावश्यक छ ।” रासस/सिन्ह्वा
सुरु भयो तीजको रमझम
हरितालिका तीज पर्व भित्रिएसँगै ताप्लेजुङमा शुभकामना आदानप्रदानसहित तीजको रमझम सुरु भएको छ। विभिन्न भातृ सङ्गठन, सङ्घ संस्था र समूहमा आवद्ध महिलाहरुले शुभकामना आदानप्रदान गर्ने, दर खाने लगायतका कार्यक्रम सुरु गरेका हुन्।
‘अष्ट्रेलिया नेपाली विद्यार्थीलाई उत्कृष्ट शैक्षिक गन्तव्य’
उच्च शिक्षा अध्ययनको लागि नेपाली विद्यार्थीको लागि अष्ट्रेलिया उत्कृष्ट शैक्षिक गन्तव्य रहेको यस क्षेत्रका जानकारले बताउनुभएको छ।
सामाजिक सञ्जाल विधेयक, २०८१ माथि विचार गरियोस् भन्ने प्रस्ताव सर्वसम्मतिले स्वीकृत
राष्ट्रियसभाबाट ‘सामाजिक सञ्जाल विधेयक, २०८१ माथि विचार गरियोस्’ भन्ने प्रस्ताव सर्वसम्मतिले स्वीकृत भएको छ ।
