गोरखापत्र अनलाइन
मासिक १० लाखको दूध बिक्री
वैदेशिक रोजगारीको मोह त्यागेर १२ वर्षअघि गाउँमै पशुपालन व्यवसाय सुरु गर्नुभएका म्याग्दीका ४२ वर्षीय सुरेश ढुङ्गाना अहिले धेरै युवाका लागि प्रेरणाको स्रोत बन्नुभएको छ । पशुपालन व्यवसायप्रतिको उहाँको लगन, परिश्रम र निरन्तरताले सफल कृषकको परिचय दिलाएको छ ।
आँधीखोला किनारमा फल्यो तरबुजा
स्याङ्जाको भिरकोट नगरपालिकाले आँधीखोला किनार क्षेत्रमा परीक्षणका रूपमा लगाएको तरबुजाले फल दिन थालेको छ । नगरपालिकाले बगरक्षेत्रमा परीक्षणका लागि तरबुजा खेती सुरु गरेको थियो ।
बुटवलमा सधैँ पहिरोको त्रास
वर्षा सुरु हुनासाथ बुटवल उपमहानगरपालिका अन्तर्गत ज्योतिनगर र लक्ष्मीनगरका बासिन्दामा पहिरो र बाढीको त्रास दोहोरिने गरेको छ । यहाँको विपत् आकस्मिक घटना नभई बर्सेनि दोहोरिने नियति जस्तै बनेको छ । हरेक वर्ष दोहोरिने यस्ता विपत्का घटनाबाट त्रास कायम रहेको छ भन्दै ज्योतिनगरस्थित मिलनपथका पहिरोपीडित सत्यनारायण शर्माले दीर्घकालीन समाधानका लागि राज्यले चासो नदिएको गुनासो गर्नुभयो ।
जुडिबेलाका महिला किसान सुर्ती खेतीतर्फ आकर्षित
रौतहटको चन्द्रपुर नगरपालिका–२, जुडिबेला क्षेत्रका महिला किसान सुर्ती खेतीतर्फ आकर्षित भएका छन् । घरका पुरुष सदस्यको सानो सहयोग, स्थिर बजार र राम्रो आम्दानी हुने भएकाले यहाँका मध्यमवर्गीय महिला किसान सुर्ती खेतीतर्फ आकर्षित भएका हुन् ।
दुई पटक म्याद थप्दा पनि बनेन अस्पताल
रुकुमपश्चिमस्थित जिल्ला अस्पताल भवन निर्माणका लागि दुई पटक म्याद थप हुँदा पनि पूरा हुन सकेको छैन । निर्माणको करिब अन्तिम चरणमा रहेको अस्पताल पूरा गरेर हस्तान्तरण गर्न अझै म्याद थप गर्नुपर्ने बताइएको छ ।
पालिकाको बलमिच्याइँले बजेट दुरुपयोग
कैलालीको धनगढी उपमहानगरपालिकाको बलमिच्याइँका कारण करोडौँ रुपियाँको बजेट दुरुपयोग भएको छ । धनगढी उपमहानगरपालिका–७, देवहरिया वनस्पति उद्यानस्थित जाखोर तालपरिसरमा सिमेन्टको ब्लक लगाउने र सोलार बत्ती जडान गर्ने कार्यमा ठुलो बजेट दुरुपयोग भएको हो ।
सवारी दुर्घटनामा प्रहरी हल्वदारको मृत्यु
नयाँ वर्षको दिन झापामा अत्यधिक सवारी बढेको छ । दुर्घटना हुँदा एकजनाको मृत्यु हुनुका साथै ६ जना घाइते भएका छन् । मृत्यु हुनेमा सशस्त्र प्रहरीका सहायक हवल्दार रहनुभएको छ ।
महाकाली तर्न डुङ्गाकै भर
डडेलधुराको भित्री मधेश जोगबुढा क्षेत्रबाट रोजगारी र दैनिक उपभोग्य वस्तुदेखि औषधी उपचारका लागि जाने नजिकको अस्पताल, बजार क्षेत्र भनेको भारतको टनकपुर, वनवासा क्षेत्र नै हो । नयाँ वर्ष लागेसँगै बिसुपर्व मनाउन भारतका विभिन्न सहरबाट स्वदेश फर्कंदै गरेका सयौँ जोगबुढावासी जोखिम मोलेरै डुङ्गाको भरमा महाकाली नदी तर्न बाध्य छन् । भित्री मधेश क्षेत्र परशुराम नगरपालिका र भारतलाई जोड्न महाकाली नदीमा पुल नहुँदा स्थानीयवासीले डुङ्गाकै सहारा लिनु परेको हो ।
समानुपातिक सांसदसँग आज प्रधानमन्त्रीको अन्तरक्रिया
प्रधानमन्त्री वालेन्द्र शाहले संघीय संसदमा प्रतिनिधित्व गर्ने सबै राजनीतिक दलका समानुपातिक सांसदहरूसँग बुधबार अन्तरक्रिया गर्ने कार्यक्रम रहेको छ ।
सिरुवा पर्वले सद्भाव र सांस्कृतिक एकताको सन्देश दिन्छ : मुख्यमन्त्री कार्की
कोशी प्रदेशका मुख्यमन्त्री हिक्मत कुमार कार्कीले सिरुवा पर्व (जुड़शीतल) को अवसरमा सम्पूर्ण नेपालीमा हार्दिक शुभकामना व्यक्त गर्नुभएको छ ।
कोशी कटानबाट बस्ती जोगाउन स्थायी तटबन्ध
कोशीको बाढीबाट हुने सम्भावित खतराको अति संवेदनशील क्षेत्रमा रहेको उदयपुरको बेलका नगरपालिका–८, लाहुरेखोचस्थित डुम्रीबोटे क्षेत्रमा बिगबोल्ड अर्थात् ठुला ढुङ्गाको तटबाँध निर्माण गरी वर्षा आउनुअगावै कटान रोकथामको काम सुरु गरिएको छ ।
मिथिलामा आज जुडशीतलको रौनक
मिथिला क्षेत्रको विशिष्ट सांस्कृतिक पहिचान बोकेको पर्व ‘जुडशीतल’ यतिबेला तराई–मधेशमा बुधबार (आज) हर्षोल्लासका साथ मनाइँदै छ । प्रत्येक वर्ष वैशाख २ गते मनाइने यो पर्वलाई ‘जुडशीतल’, ‘बाइस पावनी’ र ‘सिरुवा’ जस्ता विभिन्न नामले पनि चिनिन्छ ।
मर्स्याङ्दी नदीको बाँधमा डुबेर एक बेपत्ता
तनहुँको आँबुखैरनी गाउँपालिका–१, बरादीस्थित मर्स्याङ्दी नदीको ड्याम क्षेत्रमा नुहाउने क्रममा एक पुरुष बेपत्ता भएका छन् । जिल्ला प्रहरी कार्यालय तनहुँका अनुसार स्थानीय रूपमा टिका मगर (ढल्के) कोनदीमा नुहाउने क्रममा बुधबार बेपत्ता हुनुभएको हो ।
हुम्लामा ढिलो गरी औषधी आइपुग्यो
चालु आर्थिक वर्ष सम्पन्न हुन अब जम्मा तीन महिना मात्र बाँकी रहँदा वार्षिक रूपमा आउने औषधी हालै हुम्ला आइपुगेको छ । उक्त औषधी प्रदेश आपूर्ति निर्देशनालय, सुर्खेतले खरिद गरी चैत अन्तिम साता पैदल मार्गबाट ढुवानी गरेर हुम्ला पठाएको हो ।
लुङ्गिनमा ‘एक टोल, एक खेलमैदान’
हतुवागढी गाउँपालिका–२ लुङ्गिनमा खेलमैदान निर्माण गरिएको छ । खेलकुद क्षेत्रको विकास तथा युवाहरूलाई सकारात्मक गतिविधितर्फ अभिप्रेरित गर्ने उद्देश्यले यहाँका १५ टोलमा व्यवस्थित भलिबल मैदान निर्माण गरिएको हो ।
