अन्तर्राष्ट्रिय प्रतियोगिताको तयारी गर्न चार करोड ३४ लाख बजेट
युवा तथा खेलकुद मन्त्री विराजभक्त श्रेष्ठले पेरिस ओलम्पिक, मिसन-२०२६ र छैटौँ एसियन इण्डो मार्सल आर्ट-२०२४ लगायत अन्तर्राष्ट्रिय खेलकुद प्रतियोगिताको तयारी गर्न चार करोड ३४ लाख विनियोजन गरिएको बताउनुभएको छ ।
नरबहादुर चन्द, जसले सुदूरपश्चिममा हकी स्थापित गराए
नरबहादुर चन्द भारतमा जन्मिए । उनले माध्यमिक तहको शिक्षा पनि त्यहीँ आर्जन गरे । नरबहादुर कक्षा ६ मा पढ्दादेखि नै हकी खेल्न थालेका हुन् । उनका बुबा भारतको राजस्थान प्रान्तको उदयपुर जिल्लामा एउटा कम्पनीमा काम गर्दथे ।
चन्दा सङ्कलन गरेर खेलमैदान निर्माण
म्याग्दीको रघुगङ्गा गाउँपालिका–६ पाखापानीमा चन्दा जुटाएर खेलमैदान निर्माण भएको छ । स्थानीयवासी, प्रवासीहरू र गाउँपालिकाको सहयोग जुटाएर स्टार स्पोर्टस् क्लबले खेलमैदान निर्माण गरेको हो ।
नेदरल्यान्ड्सले रोमानियालाई हल्का रूपमा नलिने
युरोपेली च्याम्पियनसिपमा मङ्गलबार रोमानियाविरुद्ध खेल्दा नेदरल्यान्ड्सलाई विगतमा जस्तोदाबेदार मानिएको छैन । परम्परागत रूपमा युरोपेली फुटबलमा रोमानियाभन्दा नेदरल्यान्ड्स धेरै माथि छ । सन् १९९० पछि नेदरल्यान्ड्सले रोमानियासँग हारेको पनि छैन । यी दुई टिमबिच अहिलेसम्म १४ पटक आमनेसामने हुँदा नेदरल्यान्ड्सले रोमानियालाई १० पटक हराएको छ । यस क्रममा नेदरल्यान्ड्सले २९ गोल गरेको छ । रोमानियाबाट मात्र तीन गोल आएको छ । पछिल्लो पटक सन् २००७ मा भएको युरोपेली च्याम्पियनसिपको छनोट चरणमा रोमानियाले नेदरल्यान्ड्सलाई हराएको थियो । यद्यपि यी दुईबिच मङ्गलबार हुने भिडन्तलाई बराबरीको टक्कर मानिएको छ । रोमानिया युरोको नकआउटमा पुगेको यो मात्र दोस्रो पटक हो । सन् २००० मा रोमानियाले क्वाटरफाइनलसम्मको यात्रा गरेको थियो । नेदररल्यान्ड्स सन् १९८८ को विजेता हो ।
प्रधानमन्त्रीद्वारा ‘प्रकाश दाहाल स्मृति चौथो महिला तथा पुरुष खुला राष्ट्रिय बक्सिङ प्रतियोगिता’ उद्घाटन
प्रधानमन्त्री पुष्पकमल दाहाल ‘प्रचण्ड’ले ‘प्रकाश दाहाल स्मृति चौंथो महिला तथा पुरूष खुला राष्ट्रिय बक्सिङ प्रतियोगिता’ को सोमबार यहाँ उद्घाटन गर्नुभएको छ ।
दुई हेभिवेट टिम फ्रान्स र बेल्जियम भिड्दै
युरोपेली च्याम्पियनसिप–२०२४ को प्रिक्वाटरफाइनलमै दुई उपाधि दाबेदार फ्रान्स र बेल्जियमको सामना हुँदै छ । यी दुई छिमेकी राष्ट्र विश्वका दुई हेभिवेट फुटबल टिम हुन् । फिफा फुटबल वरीयतामा फ्रान्स दोस्रो र बेल्जियम तेस्रो स्थानमा छन् । यद्यपि यी दुवै टिमले चालु प्रतियोगितामा आफ्नो स्वाभाविक प्रदर्शन गर्न सकेका छैनन् । फ्रान्सका कप्तान तथा प्रमुख स्ट्राइकर किलियन एमबापेले पनि एक गोल मात्र गर्नुभएको छ । त्यो पनि पोल्यान्डविरुद्ध उहाँले पेनाल्टीमा सफलता पाउनुभएको थियो । कतारमा भएको विश्वकपमा आठ गोलसहित गोल्डेन बुट जित्ने एमबापेले युरोमा त्यही लय देखाउन सक्नुभएको छैन । यस प्रतियोगितामा फ्रान्सको अग्रपङ्क्तिमा खेल्ने शैलीलाई लिएर पनि आलोचना भइरहेको छ ।
दाबेदार स्पेनलाई नवप्रवेशी जर्जियाको चुनौती
समूह चरणमा तीनै खेल जितेपछि स्पेनलाई युरोपेली च्याम्पियनसिप–२०२४ को प्रमुख उपाधि दाबेदार मानिएको छ । आफ्नो यस छविलाई कायम राख्न क्वाटरफाइनलमा पुग्न स्पनेले आइतबार नवप्रवेशी जर्जियाको सामना गर्ने छ । जर्जिया समूह चरणको अन्तिम खेलमा पोर्चुगल जस्तो ठुलो टिमलाई हराएर नकआउटमा पुगेको हो । जर्जिया स्पेनविरुद्धको खेलमा अर्को स्तब्धकारी नतिजा निकाल्ने आशामा छ । यद्यपि समूह चरणमा गत विजेता इटालीलाई पनि हराएको स्पेनले प्रिक्वाटरफाइनलमा सहज प्रतिद्वन्द्वी पाएको छभन्दा फरक पर्दैन । गत वर्ष स्पेनले छनोट चरणमा जर्जियालाई दुई पटक सजिलै हराएको थियो । एक खेलमा स्पेनले जर्जियालाई ७–१ ले हराएर अपमानित गरेको थियो । जुन खेलमा गोल गरेर स्पेनका लामिने यमाल युरो छनोटमा सबभन्दा कान्छो गोलकर्ता बन्नुभएको थियो ।
टी-२० विश्वकपमा भारत च्याम्पियन
नवौँ संस्करणको आइसिसी टी-२० विश्वकप-२०२४ को उपाधि भारतले जितेको छ ।
देशभर स्केटिङ मैदान बनाउनु पर्छ : मन्त्री जोशी
सङ्घीय मामिला तथा सामान्य प्रशासनमन्त्री भानुभक्त जोशीले स्केटिङ तथा स्केटबोर्डिङ साहसिक र लोभ्याउने सुन्दर खेल भएको बताउँदै ७५३ वटै पालिकामा त्यसका लागि खेल मैदान बनाउनु पर्ने बताउनुभएको छ ।
विश्वकपको फाइनलमा भारत र दक्षिण अफ्रिका भिड्दै
आइसिसी टी–२० विश्वकप क्रिकेटको फाइनलमा शनिबार राति भारत र दक्षिण अफ्रिकाले प्रतिस्पर्धा गर्दछन्।
जर्मनीलाई नकआउटको डर
युरोपेली च्याम्पियनसिप–२०२४ अन्तर्गत शनिबारदेखि नकआउट चरण सुरु हुने छ । नकआउट चरणको पहिलो दिन आयोजक जर्मनी र डेनमार्कबिच तथा इटाली र स्विट्जरल्यान्डबिच भिडन्त हुने छ । नकआउट चरणमा जर्मनी र डेनमार्कबिचको खेल दुई अपराजित टिमबिचको एक मात्र भिडन्त हो । स्कटल्यान्ड र हङ्गेरीलाई हराउनुका साथै स्विट्जरल्यान्डविरुद्ध बराबरीमा खेली जर्मनी समूह ‘ए’ विजेता बनेको थियो । डेनमार्क भने स्लोभेनिया, इङ्ग्ल्यान्ड र सर्भियासँग बराबरीमा खेलेर नकआउटमा पुगेको हो ।
गण्डकी प्रदेशस्तरीय कबड्डी उपाधि कास्कीलाई
कास्कीले गण्डकी प्रदेशस्तरीय पुरुष कबड्डीको उपाधि जितेको छ । पोखरामा सम्पन्न प्रतियोगितामा तनहुँलाई ४५–३८ अंकले पराजित गर्दै कास्कीले उपाधि जितेको हो ।
अस्ट्रिया र जर्मनीमा अशोक निर्णायक
अन्तर्राष्ट्रिय तेक्वान्दो निर्णायक अशोक खड्काले युरोपमा हुने दुई फरक अन्तर्राष्ट्रिय तेक्वान्दो प्रतियोगितामा निर्णायकको भूमिका निर्वाह गर्नुहुने भएको छ ।
टी-२० विश्वकप : इङ्ल्यान्डलाई हराउँदै भारत फाइनलमा
साविक विजेता इङ्ल्यान्डलाई हराउँदै भारत आइसिसी टी-२० विश्वकप क्रिकेटको फाइनलमा प्रवेश गरेको छ ।
टी–२० विश्वकप : दक्षिण अफ्रिका फाइनलमा
दक्षिण अफ्रिका आइसिसी टी–२० विश्वकपको फाइनलमा प्रवेश गरेको छ । ट्रिनिडाडमा बिहीबार भएको सेमिफाइनल खेलमा दक्षिण अफ्रिकाले अफगानिस्तानलाई नौ विकेटले हरायो ।
टी-२० विश्वकप : अष्ट्रेलियालाई हराउँदै भारत सेमिफाइनलमा
बलियो प्रतिद्वन्द्वी अष्ट्रेलियालाई २४ रनले हराउँदै भारत आइसिसी टी-२० विश्वकप क्रिकेटको सेमिफाइनलमा प्रवेश गरेको छ । भारतले समूह विजेतको रुपमा सेमिफाइनलमा स्थान बनाएको हो ।
टी-२० विश्वकप : अमेरिकालाई हराउँदै साविक विजेता इङ्ल्यान्ड सेमिफाइनलमा
साविक विजेता इङ्ल्यान्ड आइसिसी टी-२० विश्वकप क्रिकेटको सेमिफाइनलमा प्रवेश गरेको छ । सुपर आठअन्तर्गत ब्रिजटाउनमा आइतबार राति भएको खेलमा इङ्ल्यान्डले अमेरिकालाई १० विकेटले हरायो । सुपर आठको समूह ‘बी’ मा रहेको इङ्ल्यान्डको तीन खेलबाट चार अङ्क बनाएको छ । इङ्ल्यान्डले दुई खेलबाट समान चार अङ्क बनाएको दक्षिण अफ्रिका र दुई अङ्क बनाएको वेस्ट इन्डिजलाई रनरेटमा पछि पारेर शीर्षस्थानमा रहेको छ ।
खेलाडीको पुरस्कार रकम अब बैंक खातामा जान्छ : मन्त्री श्रेष्ठ
युवा तथा खेलकुदमन्त्री विराजभक्त श्रेष्ठले अन्तर्राष्ट्रिय पदक विजेता खेलाडीलाई आगामी वर्षदेखि बैंक खातामार्फत नै पुरस्कारको रकम दिने व्यवस्था मिलाइएको बताउनुभएको छ।
टी-२० विश्वकप : बङ्गलादेशमाथि भारतको सानदार जित
सुपर आठअन्तर्गत एन्टीगुवास्थित सर भिभिएन रिचार्ड्स स्टेडियममा शनिबार राति भएको खेलमा भारतले बङ्गलादेशलाई ५० रनले हरायो ।
कप्तान रोहित, दीपेन्द्र र सन्दीपले क्यानडाको ग्लोबल टी-२० लिग खेल्ने
नेपाली राष्ट्रिय क्रिकेट टिमका कप्तान रोहित पौडेल, दीपेन्द्रसिंह ऐरी र सन्दीप लामिछानेले क्यानडाको ग्लोबल टी-२० लिग खेल्ने भएका छन्।
हक्की प्रतियोगितामा रानी सैना र मानसरोवर विजयी
जिल्ला स्तरीय हक्की प्रतियोगितामा पुरुषमा रानी सैना हक्की क्लब र महिलामा मानसरोवर हक्की क्लब विजयी भएका छन् । फाइनल खेलमा दुवै टिम विजेता भएका हुन् ।
टी-२० विश्वकप : अपराजित दक्षिण अफ्रिकाको सेमिफाइनल सम्भावना बलियो
दक्षिण अफ्रिकाले आइसिसी टी-२० विश्वकपमा अपराजित यात्रा जारी राखेको छ । सुपर आठअन्तर्गत सुक्रबार राति भएको खेलमा दक्षिण अफ्रिकाले बलियो प्रतिद्वन्द्वी इङ्ल्यान्डलाई सात रनले हरायो ।
खेलकुद क्षेत्रको विकास राष्ट्र विकासको महत्त्वपूर्ण आधार : अध्यक्ष दाहाल
राष्ट्रिय सभाका अध्यक्ष नारायणप्रसाद दाहालले खेलकुद क्षेत्रको विकास राष्ट्र विकासको महत्त्वपूर्ण आधार भएको बताउनुभयो ।
आइसिसी टि–२० विश्वकप क्रिकेट प्रतियोगिता : अस्ट्रेलियाले बङ्गलादेशलाई हरायो
आइसिसी टि–२० विश्वकप क्रिकेट प्रतियोगिताअन्तर्गत सुपर आठको खेलमा अस्ट्रेलियाले बङ्गलादेशलाई २८ रनले पराजित गर्दै विजयी भएको छ ।
‘बलिङलाई ब्याटिङ र फिल्डिङको साथ भएन’
नेपाली राष्ट्रिय क्रिकेट टोलीका कप्तान रोहितकुमार पौडेलले आइसिसी टी–२० विश्वकपमा ब्याटिङ र फिल्डिङमा अपेक्षाकृत प्रदर्शन नहुँदा जितको नजिक पुगेर पनि हार बेहोर्नु परेको बताउनुभएको छ । टी–२० विश्वकपमा सहभागी भई स्वदेश फर्किएपछि बिहीबार आयोजित पत्रकार सम्मेलनमा कप्तान पौडेलले बलिङ राम्रो भए पनि ब्याटिङ र फिल्डिङले साथ दिन नसकेको बताउनुभयो । आइसिसी विश्वकपमा नेपाल समूह ‘डी’ मा दक्षिण अफ्रिका र बङ्गलादेशसँग जितको नजिक पुगेर ब्याटिङ र फिल्डिङमा पनि निराश बनेको थियो । श्रीलङ्कासँगको खेल वर्षाले अनिर्णीत हुँदा नेपालले एक अङ्क जोडेको थियो । उहाँले दक्षिण अफ्रिका र बङ्गलादेश जस्ता ठुला टिमविरुद्ध मौका मिलेर पनि जित हासिल गर्न नसक्दा समर्थकलाई पीडा भएको अनुभव आफूले गरेको बताउनुभयो ।
