खेलकुद मन्त्री र आईसीसी प्रतिनिधिबीच भेट
युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा भएको भेटमा राखेपका उपाध्यक्ष शिव कोईराला, राखेपका सदस्य सचिव टंकलाल घिसिङ, नेपाल क्रिकेट संघका अध्यक्ष चतुरबहादुर चन्द, आईसीसी डेभलप्मेन्टका चेयरम्यान इमरान ख्वाजा, आईसीसी डेभलप्मेन्टका जेनरल म्यानेजर विलियम्स ग्लानराईट र आईसीसी फाइनान्स एन्ड ओपरेसन अफिसर नितिशा कोठारीको उपस्थिति थियो ।
चेस ओलम्पियाडका लागि खेलाडी छनोट
भारतमा अयोजना हुने चेस ओलम्पियाडको ४४औं संस्करणमा सहभागि हुने नेपाली खेलाडीको टुंगो लागेको छ । काठमाडौंमा शनीबार सम्पन्न छनोट खेलबाट मिलन लामा, क्षितिज भण्डारी र रुपेस जयसवाल छनोट हुनुभएको छ ।
हर्डल्समा जयरानीको अर्को कीर्तिमान
नेपाल आर्मीकी जयरानी थारुले ४४औं राष्ट्रिय एथलेटिक्स प्रतियोगितामा राष्ट्रिय कीर्तिमान बनाउनुभएको छ । दशरथ रंगशालामा जारी प्रतियोगिताको दोस्रो दिन शनिबार जयरानीले महिला चार सय मिटर हर्डल्स (बाधा दौड) मा १ मिनेट ०७.२ सेकेन्डमा दूरी पूरा गर्दै नयाँ राष्ट्रिय कीर्तिमान बनाउनु भएको हो
सागमा स्वर्ण विजेतालाई गोदावरीको आजीवन भत्ता
गोदावरी नगरपालिकाको ११औं नगरसभाले दक्षिण एसियाली खेलकुद (साग) मा स्वर्ण पदक जित्ने खेलाडीलाई आजीवन भत्ता प्रदान गर्ने निर्णय गरेको छ । नगरपालिकाको शनिबार भएको निति तथा कार्यक्रमले गोदावरी नगरपालिकाबाट साग खेलकुदमा स्वर्ण पदक जित्ने नगर भित्रका खेलाडीलाई मासिक पाँच हजार रुपियाँ भत्ता दिने निर्णय गरेको हो ।
महेन्द्ररत्नलाई भलिबल उपाधि
महेन्द्ररत्न क्याम्पस ताहचलले प्रथम उपत्यकाव्यापी पुरुष भलिबल प्रतियोगिताको उपाधि जितेको छ । ताहचलस्थित घरेलु कोर्टमा शनिबार भएको फाइनल खेलमा महेन्द्ररत्नले रत्नराज्य लक्ष्मी क्याम्पसलाई ३–० को सोझो सेटमा हरायो ।
मैत्री खेलमा एनआरटीले सङ्कटालाई हरायो
ए’ डिभिजन क्लब न्युरोड टिम (एनआरटी) र संकटा क्लबबीचको मैत्रीपूर्ण खेलमा एनआरटी विजयी भएको छ । दशरथ रंगशालामा शनिबार भएको खेलमा एनआरटीले संकटालाई ३–२ गोलले पराजित गरेको हो ।
आयोजक मलेसियालाई हराउँदै यूएई च्याम्पियन
आयोजक टोली मलेसियालाई फाइनलममा पाँच विकेटले पराजित गर्दै एसीसी महिला टी–२० च्याम्पियनसिप क्रिकेटको उपाधि संयुक्त अरव इमिरेट्स (यूएई)ले जितेको छ ।
बाहिरियो नेपाल एसिसी टी–ट्वान्टी च्याम्पयनसिपबाट
वर्षा बाधक बनेपछि नेपाल ‘एसिसी महिला टी–ट्वान्टी च्याम्पियनसिप’बाट बाहिरिएको छ ।
गौरिका र प्रिन्सलाई एनओसी अवार्ड
पौडीबाज गौरिका सिंह र ब्याडमिन्टन स्टार प्रिन्स दाहालले एनओसी अवार्ड जित्नुभएको छ । नेपाल ओलम्पिक कमिटीले (एनओसी) ले अन्तर्राष्ट्रिय ओलम्पिक दिवस २०२२ का अवसरमा बिहीबार महिलातर्फ गौरिका र पुरुषमा प्रिन्सलाई एनओसी अवार्ड प्रदान गरेको हो ।
फिफा वरीयतामा नेपाल आठ स्थान खस्कियो
नेपाल फिफा वरीयतामा आठ स्थान खस्किएको छ । विश्व फुटबल महासंघ (फिफा)ले बिहीबार सार्वजनिक गरेको वरीयतामा नेपाल आठ स्थान खस्किँदै एक सय ७६औं स्थानमा पुगेको हो । यसअघि नेपाल एक सय ६८औं स्थानमा थियो ।
नेपाल रग्बी १५ मा प्रवेश
कप्तान कृष्ण थापा क्षेत्रीले टस जितेसँगै नेपाली रग्बी टोलीले ढाकाको आर्मी रङ्गशालामा पहिलो पटक रग्बी १५ को आधिकारिक खेल खेलेको छ ।
अन्तर वडा टेबल टेनिस भदौमा
नेपाल स्पिन इभेन्ट प्रालिले आयोजनामा आगामी भदौ २१ देखि २५ गतेसम्म पूर्णशङ्कर श्रेष्ठ दोस्रो राष्ट्रब्यापी अन्तर वडा टेबल टेनिस प्रतियोगिता हुने भएको छ ।
एन्फाको महासचिवमा राई, कोषाध्यक्षमा जोशी र विदेश विभाग प्रमुखमा पाण्डे मनोनित
अखिल नेपाल फुटबल संघ (एन्फा)को महासचिवमा किरण राई, कोषाध्यक्षमा रवीन्द्र जोशी र विदेश विभाग प्रमुखमा नविन पाण्डे मनोनित हुनुभएको छ ।
ओलम्पिक दिवसमा बाँकेका पहिलो पुस्ताका ११ जना अग्रज खेलाडीलाई सम्मान
नेपाल ओलम्पिक कमिटी अन्तर्गत स्पोर्ट्स फर अल कमिसन लुम्बिनी प्रदेश कमिटीले ओलम्पिक दिवसको अवसरमा बुधबार नेपालगञ्जमा बाँकेका पहिलो पुस्ताका ११ जना अग्रज खेलकर्मीलाई सम्मान गरेको छ ।
सबै ओलम्पियन एक ठाउँमा
नेपाल ओलम्पियन संघले नेपालबाट विगतदेखि अहिलेसम्म ओलम्पिक गेम्समा सहभागि खेलाडीलाई पूर्नमिलन गराएको छ । ओलम्पिक दिवसको अवसरमा संघले मंगलबार राति ओलम्पियनहरुबीच एकआपसमा पूर्नमिलन गराएको हो ।
राखेपद्वारा खेलकुद विश्वविद्यालय कार्यदल गठन
राष्ट्रिय खेलकुद परिषद् (राखेप) ले खेलकुदको समग्र विकासका लागि खेलकुद सम्बन्धी छुट्टै विश्वविद्यालय स्थापना गरी व्यवस्थित अध्यापन हुनु पर्ने आवश्यकतालाई मध्यनजर गरी खेलकुद विश्वविद्यालय सम्बन्धी कार्यदल गठन गरेको छ ।
नेपाल हङकङसँग पराजित
एसीसी महिला टी–२० क्रिकेट च्याम्पियनसिप अन्तर्गत समूह चरणको अन्तिम खेलमा नेपाल हङकङसँग पराजित भएको छ । मलेसियाको किनरारा ओभल मैदानमा मंगलबार भएको खेलमा नेपाल हङकङसँग सात विकेटले पराजित भयो ।
एन्फा निर्वाचनमा अध्यक्ष सहित १९ जना विजयी
अखिल नेपाल फुटबल संघ (एन्फा) को २१ सदस्यीय नयाँ कार्यसमिति चयन गर्न सोमबार भएको निर्वाचनले अध्यक्षसहित १९ जना पदाधिकारीको विजेता टुङ्गो लगाएको छ । सोमबार राति नै गरिएको मत गणनामा चार जना सदस्यको मत बराबर भएका कारण दुई जना पुनः निर्वाचनबाट निर्वाचित गरिने एन्फा निर्वाचन समितिले जनाएको छ ।
एन्फा अध्यक्षमा पंकज निर्वाचित
अखिल नेपाल फुटबल संघ (एन्फा) को अध्यक्षमा पंकजविक्रम नेम्वाङ निर्वाचित हुनुभएको छ । एन्फाको सोमबार काठमाडौंमा भएको २१औं चृुनावी साधारण सभाबाट पंकज निर्वाचित हुनुभएको हो ।
डुंगा प्रतियोगितामा चन्द्र र जीवन पहिलो
नेपाल माझी उत्थान संघ, सुनसरीका चन्द्रबहादुर माझी र जीवन माझी प्रथम खुला डुंगा प्रतियोगिताको सिंगल्समा पहिलो हुनुभएको छ । चन्द्र र जीवनले निर्धारित १२० मिटर दूरी १ मिनेट २२ सेकेन्डमा पूरा गर्नुभएको थियो ।
खेल क्षेत्रमा राजनीति नगर्नुहोस : मन्त्री अथक
युवा तथा खेलकुद मन्त्री महेश्वर गहतराज (अथक) ले खेल क्षेत्रमा राजनीति नगर्न आग्रह गर्नुभएको छ ।
बहराइनलाई हराउँदै नेपाल सेमिफाइनलमा प्रवेश
एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । मलेसियाको किनरारा ओभल क्रिकेट मैदानमा आज भएको खेलमा नेपालले बहराइनलाई आठ विकेटले पराजित गर्दै एक खेल अगावै सेमिफाइनलमा पुगेको हो । प्रतियोगितामा यस जीतसँगै नेपालले लगातार तेस्रो जीत दर्ता गराएको छ ।
भारोत्तोलनका खेलाडी सञ्जुका परिवारलाई जीवन बीमा रकम हस्तान्तरण
१३ औँ दक्षिण एसियाली खेलकुद (साग)का स्वर्णपदक विजेता भारोत्तोलनका खेलाडी स्वर्गीय सञ्जु चौधरीको परिवारलाई बीमा वापतको रकम प्रदान गरिएको छ । युनियन लाइफ इन्स्योरेन्स कम्पनी लिमिटेडले मृतक सञ्जुका आमा राप्ती सोनारी ३ निवासी सुन्दरमोती थारुलाई ५४ लाख २० हजार रुपियाँको चेक हस्तान्तरण गरेको हो ।
आरोप प्रत्यारोपबीच एन्फा निर्वाचन सोमबार
एन्फामा चार वर्षे नयाँ कार्यकालको लागि सोमबार (भोलि) हुन लागेको निर्वाचनमा वर्तमान अध्यक्ष कर्माछिरिङ शेर्पा र वरिष्ठ उपाध्यक्ष पंकजविक्रम नेम्वाङले छुट्टाछुट्टै प्यानलसहित उम्मेदवारी दिनुभएको छ। अध्यक्ष पदका लागि शेर्पा र नेम्वाङ समूहसहित फ्रेन्ड्स क्लबका पूर्वअध्यक्ष राजिव पौडेलसमेत चुनावी मैदानमा हुनुहुन्छ। स्वतन्त्र उम्मेदवारको रुपमा प्रस्तुत पौडेलको प्यानल छैन।
दक्षिण एशियन कुमुतेमा नेपाल च्याम्पियन
भारतको जयपुरमा आयोजना भएको आईएमएएस दक्षिण एशियन कुमुते च्याम्पियनसिपमा नेपाल टिम च्याम्पियन बनेको छ ।
