दोलखामा पुनः मतदान सुरु
दोलखामा शान्तिपूर्ण रूपमा प्रतिनिधि र प्रदेश सभा सदस्यका लागि मतदान सुरु भएको छ । बिहान ७ बजेदेखि जिल्लाका १० मतदान केन्द्रमा मतदान सुरु भएको हो ।
मेरो नेतृत्वमा पुस पहिलो सातामा नयाँ सरकार गठन हुन्छ: नेता पौडेल
नेपाली काँग्रेसका वरिष्ठ नेता रामचन्द्र पौडेलले पुस पहिलो हप्ता भित्र नयाँ सरकार बन्ने बताउनु भएको छ । नेपाल प्रेस युनियन चितवनले बिहीबार भरतपुरमा आयोजना गरिएको पत्रकार भेटघाट कार्यक्रममा बोल्दै उहाँले मङ्सिर अन्तिम सम्म निर्वाचनको अन्तिम घोषणा भइसक्ने र साउन पहिलो सातामा नयाँ सरकार बन्ने जानकारी दिनुभयो ।
घर–घरमा खानेपानी धारा
सिन्धुलीको मरिण गाउँपालिका–३, चनौटेनिवासी विमला तामाङलाई अहिले आफ्नो घरको चुलोमै खानेपानी पुगेको महसुस हुन थालेको छ। खानेपानीका लागि निकै सास्ती खेप्दै आएका चनौटेको घर–घरका धारामा यसै साता खानेपानी झरेपछि वर्षौंदेखिको खानेपानी अभाव हटेको छ। उपभोक्ता तामाङले भन्नुभयो, “गाउँमा लिफ्ट खानेपानी तथा सरसफाइ आयोजना निर्माण सम्पन्न भएसँगै हामीले खानेपानी समस्याबाट मुक्ति पाएका छौँ। नभए खानेपानी खोज्दै बिहानभरि बित्थ्यो। अहिले घरको चुलोमै खानेपानी पुगेजत्तिकै मात्र भएको छैन, वर्षौंदेखिको खानेपानीको प्यास मेटिएको छ।”
ठूला दलबाट शून्य, स्वतन्त्र पार्टीबाट दुई जना निर्वाचित
हेटौँडा, मङ्सिर १५ गते । गत आइतबार सम्पन्न प्रतिनिधि सभा तथा प्रदेश सभा सदस्य निर्वाचनको बागमती प्रदेशको निर्वाचन परिणाम अन्तिम चरणमा पुग्दा प्रतिनिधि सभामा यस प्रदेशबाट प्रत्यक्षतर्फ ठूला राजनीतिक दलबाट निर्वाचित महिला जनप्रतिनिधिको सङ्ख्या शून्य रहेको छ। १३ वटा जिल्ला रहेको यस प्रदेशको ३३ प्रतिनिधि सभा निर्वाचन क्षेत्रमध्ये ३२ निर्वाचन क्षेत्रको अन्तिम मतपरिणाम सार्वजनिक हुँदा प्रतिनिधि सभा सदस्य निर्वाचनमा पहिलो हुने निर्वाचित प्रणालीतर्फ ठूला दलका महिला उम्मेदवार निर्वाचित हुन सकेनन्।एक मात्र निर्वाचन क्षेत्र रहेको दोलखामा मतदानमा धाँधली भएको उजुरीपछि निर्वाचन आयोगले बिहीबार मतदान गर्ने निर्णय गरेको छ। तर सात जना स्वतन्त्र र १४ दलका गरी २१ जना प्रतिनिधि सभा सदस्यका लागि उम्मेदवार रहेको दोलखा जिल्लामा महिला उम्मेदवार नै छैनन्। स्वतन्त्र २८ र विभिन्न दलका गरी ७४ जना पहिलो हुने निर्वाचित हुने निर्वाचन प्रणालीका लागि यस प्रदेशबाट प्रतिनिधि सभा सदस्यमा उम्मेदवार रहेका थिए। प्रतिनिधि सभा सदस्यमा उम्मेदवार भएकामध्ये नयाँ स्थापना भएको राजनीतिक दल राष्ट्रिय स्वतन्त्र पार्टीका दुई जना महिला उम्मेदवार प्रतिनिधि सभा सदस्यमा निर्वाचित हुनुभएको छ।सत्ता गठबन्धनमा रहेको माओवादी केन्द्रको भागबण्डामा नपरेपछि काठमाडौँ निर्वाचन क्षेत्र १० बाट अञ्जना बिशङ्खेले मित्रवत् प्रतिस्पर्धा गर्नुभएको सो क्षेत्रमा कांग्रेसका राजेन्द्रकुमार केसी निर्वाचित हुनुभएको थियो।प्रत्यक्षतर्फ २०७४ सालको निर्वाचनमा यस प्रदेशबाट माओवादी केन्द्रका पम्फा भुसाल एक जना मात्र प्रतिनिधि सभा सदस्यमा निर्वाचित हुँदै मन्त्री बन्नुभएकोमा यो पटक उहाँ राष्ट्रिय स्वतन्त्र पार्टीका डा. तोसिमा कार्कीसँग पराजित हुनुभएको छ। यस प्रदेशमा प्रत्यक्ष निर्वाचन प्रणालीबाट दुई जना निर्वाचित भएकोमा कार्कीसँगै राष्ट्रिय स्वतन्त्र पार्टीकै सोबिता गौतम काठमाडौँ क्षेत्र नं. २ बाट एमालेका मणिराम फुयाल र प्रतिनिधि सभाका पूर्वसभामुख ओनसरी घर्तीलाई पराजित गर्दै विजयी बन्नुभएको हो। कांग्रेसले यस प्रदेशमा एक जना मात्र महिला उम्मेदवार मकवानपुरको क्षेत्र नं. १ बाट सहमहामन्त्री महालक्ष्मी उपाध्यायलाई बनाएकोमा उहाँ राप्रपाका दीपकबहादुर सिंहसँग पराजित हुनुभएको छ। यसै क्षेत्रमा राप्रपा नेपालका अध्यक्ष कमल थापा एमालेको चुनाव चिह्न लिएर उम्मेदवार बन्नुभएकोमा पराजित हुनुभएको थियो। माओवादी केन्द्रबाट काठमाडौँ क्षेत्र नं. ७ मा उम्मेदवार हुनुभएका मानुषी यमी भट्टराई राष्ट्रिय स्वतन्त्र पार्टीका गणेश पराजुलीसँग र काठमाडौँ क्षेत्र नं. ९ बाट प्रतिस्पर्धा गर्नुभएका कल्पना धमला एमालेका कृष्णगोपाल श्रेष्ठबाट पराजित हुनुभएको छ।प्रतिनिधि सभा सदस्यका लागि देशभरमै सबैभन्दा बढी महिला उम्मेदवार काठमाडौँ प्रतिनिधि सभा क्षेत्र नं. १ र भक्तपुर क्षेत्र नं. २ मा रहेका थिए। काठमाडौँ १ मा कुल ३२ उम्मेदवारमा १० जना महिलाले र भक्तपुर २ मा २६ जनामा छ जना महिलाले प्रतिनिधि सभा सदस्यमा चुनावमा प्रतिस्पर्धा गर्नुभएको थियो। यस प्रदेशको मकवानपुरका प्रतिनिधि सभा क्षेत्र नं. २, धादिङ क्षेत्र नं. १, काभ्रेपलाञ्चोक क्षेत्र नं. २ र दोलखा जिल्लामा प्रतिनिधि सभा सदस्यमा महिला उम्मेदवार थिएनन्।
माओवादी अध्यक्ष दाहाल सुकुटेमा
नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ सिन्धुपाल्चोकको सुकुटे आउनुभएको छ।
कांग्रेस नेता निधि र जनमत पार्टीका अध्यक्ष राउतबीच भेट
नेपाली कांग्रेसका पूर्व उपसभापति विमलेन्द्र निधि र जनमत पार्टीका अध्यक्ष सीके राउतबीच भेटवार्ता भएको छ।
वरिष्ठ पत्रकार अधिकारी र साहित्यकार गिरी सम्मानित
मुलुकको पत्रकारिता क्षेत्रमा विशिष्ट योगदान पु¥याएबापत वरिष्ठ पत्रकार ध्रुवहरि अधिकारीलाई सम्मान गरिएको छ ।
‘म हिंसा गर्दिन र हिंसा सहन्न ’
लैङ्गिक हिंसा विरुद्धको अन्तर्राष्ट्रिय १६ दिने अभियान अन्तर्गत बुधबार ललितपुरमा विभिन्न कार्यक्रम गरिएको छ ।
सबै शक्तिलाई जोड्ने नेतृत्व आवश्यक छ : महामन्त्री थापा
नेपाली कांग्रेसका महामन्त्री गगनकुमार थापाले सबै शक्तिलाई जोड्नसक्ने नेतृत्व आवश्यक भएको बताउनुभएको छ। उहाँले भन्नुभयो, “नेतृत्वले चाहेमा दश वर्षमा विकासको क्षेत्रमा कायापलट गर्न सक्छ। विकासमा चमत्कार गर्न सक्ने र सबैको चाहना बुझ्ने नेतृत्व चाहिएको छ।”
दोलखाका १० केन्द्रमा कडा सुरक्षाबीच बिहीबार मतदान हुने
दोलखामा भोलि बिहीबार प्रतिनिधि र प्रदेश सभा सदस्यका लागि पुनः मतदान हुँदैछ । बिहान ७ बजेदेखि बेलुकी ५ बजेसम्म हुने निर्वाचनको सुरक्षा व्यवस्था कडा पारिएको मुख्य निर्वाचन अधिकृतको कार्यालय दोलखाले जनाएको छ ।
मङ्सिर २७ सम्म मेलम्चीको पानी काठमाडौंमा : मन्त्री चौधरी
खानेपानीमन्त्री उमाकान्त चौधरीले यही मङ्सिर २७ गतेसम्ममा मेलम्चीको पानी वितरण गरिने बताउनुभएको छ । आज (बुधबार) मेलम्ची खानेपानी आयोजनाको कार्यप्रगति बुझ्न मुहानस्थल अम्बाथान पुग्नुभएको मन्त्री चौधरीले २७ गतेभित्र काठमाडौंमा पानी वितरण सुरु गरिने बताउनुभएको हो ।
पुन: मतदानका लागि आवश्यक तयारी पूरा
दोलखाका केही स्थानमा बिहीबार हुने पुनः मतदानका लागि आवश्यक तयारी पूरा भएको छ । मतदानका लागि कर्मचारी, मतपत्र, मतपेटिकालगायतका निर्वाचन सामग्री मतदान हुने ११ वटै केन्द्रमा पुगिसकेको मुख्य निर्वाचनको कार्यालयले जनाएको छ ।
भरतपुर महानगरपालिकाले अवैध संरचना हटाउने
भरतपुर महानगरपालिकाले अवैध रुपमा निर्माण गरिएका संरचना हटाउने भएको छ । महानगरपालिकाले ३५ दिने सूचना जारी गर्दै अवैध संरचना हटाउन आग्रह गरेको हो ।
बीपी कोइराला क्यान्सर अस्पतालमा चिकित्सक भेट्नै मुस्किल
बीपी कोइराला मेमोरियल क्यान्सर अस्पताल भरतपुर देख्न र सुन्नमा जति सुन्दर छ त्यहाँ उपचार गर्न आउने बिरामीले पाउने दुःख र सास्ती त्यति नै छ ।
रोगले सुन्तला सखाप भएपछि तरकारी खेती गर्दै किसान
चितवनको तामिन कुनै बेला सुन्तला उत्पादन राम्रो हुने ठाउँका रूपमा प्रख्यात थियो । इच्छाकामना गाउँपालिका–५ तामिनका किसानले एउटा याममै लखौँ रुपैयाँको सुन्तला बिक्री गर्थे । सुन्तला उत्पादनको पकेट क्षेत्रसमेत घोषणा गरेर केही वर्ष कृषि कार्यालयका कार्यक्रमसमेत यहाँ सञ्चालन भए ।
एक सय मत नपाउने बाह्र उम्मेदवार
प्रतिनिधि तथा प्रदेश सभा निर्वाचन २०७९ मा काभ्रेपलाञ्चोक जिल्लाका दुई प्रतिनिधि सभा र चार प्रदेश सभा क्षेत्रमा उम्मेदवारी दिएका उम्मेदवारमध्ये १२ उम्मेदवारले एक सयभन्दा कम मत प्राप्त गर्नुभएको छ। जिल्लामा प्रतिनिधि तथा प्रदेश सभा सदस्यमा गरी ६४ जनाले उम्मेदवारी दर्ता गराउनुभएको थियो।
बागमती प्रदेश सभामा प्रत्यक्ष निर्वाचनमा प्रमुख दल हाबी
प्रदेश सभा सदस्य पहिलो पटक २०७४ सालमा भएको निर्वाचनमा बागमती प्रदेश सभामा प्रत्यक्षतर्फ तेस्रो स्थानमा रहेको नेपाली कांग्रेस दोस्रो प्रदेश सभा सदस्य निर्वाचनपछि पहिलो बनेको छ। ११० सदस्यीय रहेको बागमती प्रदेश सभामा प्रदेश सभा सदस्य निर्वाचनमा पहिलो निर्वाचित हुने निर्वाचन प्रणालीबाट ६६ जनाले प्रतिनिधि गर्ने संवैधानिक व्यवस्थाअनुसार यस पटकको निर्वाचनबाट कांग्रेसका सबैभन्दा धेरै उम्मेदवार विजयी भएर ठूलो दल बनेको हो। ४४ जना प्रदेश सभा सदस्य समानुपातिक निर्वाचन प्रणालीबाट चयन गर्ने व्यवस्था रहेको छ।
पत्रकार राईको मुद्दा काउन्सिललाई जिम्मा दिन आग्रह
नेपाल पत्रकार महासंघ प्रेस काउन्सिल नेपालले पत्रकार गजेन्द्र राईविरुद्ध नेपाल प्रहरीले चलाएको कारबाही कानुन विपरित भएको बताएको छ। यो विषय प्रेस काउन्सिलको अधिकार क्षेत्रभित्र पर्ने भन्दै यसलाई त्यसैगरी हेर्न आग्रहसमेत गरेको छ।
प्रयोगविहीन सुकुम्बासी आवास (फोटो फिचर)
काठमाडौं, मङ्सिर १३ गते । काठमाडौंको नागार्जुन नगरपालिकामा सरकारले गरिब र सुकुम्बासीका लागि ठूलो अपार्टमेन्ट बनाएको धेरै वर्ष बितिसकेको छ।अव्यवस्थित रुपमा काठमाडौंका बागमती, विष्णुमती र मनोहरा खोला किनारमा बसोबास गर्ने सुकुम्बासीको व्यवस्थित बसोबासका लागि सरकारले बनाएका अपार्टमेन्ट रित्तै छन्।तर सरकार र सुकुम्बासीबीचको लडाइँ भने सधै उस्तै छ।सरकारले १२ करोड बढी लगानी गरेर एउटा एक सय र अर्को १२४ वटा फ्ल्याट भएको अपार्टमेन्ट बनाएको हो।२०६९ सालमा तत्कालीन प्रधानमन्त्री डा. बाबुरा भट्टराईको पालामा यी भवन बनाउने निर्णय भएको थियो।तर, सरकारले सुकुम्बासीको व्यवस्थापन यी भवनमा गर्न नसक्दा भवन लामो समयदेखि खाली छन्।एकातिर सरकारले सुकुम्बासीको व्यवस्थापन गरेको छैन भने अर्कोतर्फ नागार्जुन नगरपालिकाका स्थानीय र जनप्रतिनिधिलेसमेत सुकुम्बासी बस्न नदिने भन्दै विरोध जनाइरहेका छन्।अपार्टमेन्टका केही फ्ल्याट भने नागार्जुन नगरपालिका र त्यसको हेरचाह गर्न बसेका व्यक्तिले प्रयोग गरेका छन्। तस्बिर : सुजन गुरुङ्ग
कांग्रेस महामन्त्रीद्वय गगन र विश्वप्रकाशको बधाइ साटासाट
प्रतिनिधिसभा सदस्यमा निर्वाचित भएपछि नेपाली कांग्रेसका महामन्त्रीद्वय गगन थापा र विश्वप्रकाश शर्माले बधाइ साटासाट गर्नुभएको छ।
सुकुम्वासीको उचित व्यवस्थापन बिनानै महानगर अघि बढ्यो : भूमि आयोगका अध्यक्ष
राष्ट्रिय भूमि आयोग, जिल्ला काठमाडौंले सुकुम्वासीहरूको उचित व्यवस्थापन बिना नै काठमाडौं महानगरपालिका डोजर लिएर बस्ती भत्काउन पुगेको आरोप लगाएको छ ।
झडपमा घाइते भएका नगरप्रहरीको नर्भिकमा निःशुल्क उपचार
थापाथलीका सुकुम्वासी र काठमाडौं महानगरपालिकाका नगर प्रहरीबीचको झडपमा घाइते सबैजनाको नर्भिक इन्टरनेशनल हस्पिटलले निःशुल्क उपचार गरिदिएको छ ।
मेलम्ची आसपासका बासिन्दालाई सतर्क रहन सूचना
मेलम्ची खानेपानी विकास समितिले मेलम्ची नदी किनारका स्थानीयलाई सतर्कता अपनाउन सूचना जारी गरेको छ ।
छुट्टाछुट्टै सवारी दुर्घटनामा दुई जनाको मृत्यु
छुट्टाछुट्टै सवारी दुर्घटनामा दुई जनाको मृत्यु भएको छ । सोमबार राति भएको दुर्घटनामा दुई जनाको मृत्यु भएको हो ।
गोकर्णेश्वर र टोखामा भएको दुर्घटनामा दुईको मृत्यु
काठमाडौंको गोकर्णेश्वर र टोखामा सवारी साधन दुर्घटना हुँदा दुईजनाको मृत्यु भएको छ ।