एउटै औँलाले हल्लाउन सकिने ठूलो ढुङ्गो
झट्ट हेर्दा पत्याउन गाह्रो छ । तर दोलखाको मेलुङ गाउँपालिका–४ मा एक औँलाले मज्जाले हल्लाउन सकिने बडेमाको ढुङ्गो रहेको छ । गोठालाहरु यसमा चढेर मज्जाले हल्ली हल्ली खेल्ने गर्दछन् तर लड्दैन । यसले सबैजनालाई अचम्मित बनाएको छ । ठाउँको नामै हल्लिने ढुङ्गा रहन गएको छ ।
शैक्षिक कार्यक्रम अन्तर्राष्ट्रियकरण गर्दै केयू
काठमाडौँ विश्वविद्यालय (केयू)ले आफूले सञ्चालन गर्दै आएको योगिक साइन्स, हेल्थ मेनेजमेन्ट र हस्पिटालिटी मेनेजमेन्टलगायतका विषयलाई अन्तर्राष्ट्रियकरण गर्ने अभियान सुरु गरेको छ। विश्वविद्यालयले भारतको आन्ध्र प्रदेश तिरुपतिस्थित विश्वेश्वरा योग रिसर्च इन्स्टिच्युटसँग आफ्ना कार्यक्रमहरू सञ्चालन गर्ने विषयमा सम्भाव्यता (आशय) पत्रमा हस्ताक्षर गरेको छ।
पहिरोमा पहरा दिएर पढाइ
सिन्धुली जिल्लाको सुनकोसी गाउँपालिका–५ खन्नेखर्कस्थित भूमेश्वर आधारभूत विद्यालयका प्रधानाध्यापक ताराकुमारी कार्कीलाई विद्यालयको समयमा पढाइभन्दा बालबालिकालाई पहिरोमा परेर लड्लान भन्ने पिरलो पर्ने गर्छ। विद्यालयकै आँगनमा गएको पहिरोबाट कतिखेर बालबालिका लड्ने हुन् भन्ने उहाँलाई चिन्ता लाग्दा पढाइसमेत प्रभावित हुने गरेको छ।
विकास निर्माणले सहरी क्षेत्रका वनस्पति नासिँदै
भरतपुर महानगरपालिकामा भौतिक संरचना निर्माणको क्रममा वनस्पतिको विनाश भएकोप्रति चिन्ता व्यक्त गरिएको छ। चितवनको नारायणगढदेखि गोन्द्राङसम्म निर्माणाधीन छ लेन सडकको दायाँबायाँ रहेका रुख काटिएको भन्दै वातावरणविज्ञदेखि सर्वसाधारणले यसप्रति चिन्ता व्यक्त गरेका हुन्। विकाससँगै वातावरण संरक्षण गर्नुपर्नेमा जोड दिइएको छ।
संघद्वारा ६ जना गुरूङ पत्रकार पुरस्कृत
तमू (गुरूङ) सञ्चारकर्मी संघ, नेपाल (एट्जोन) ले ६ जना पत्रकारलाई पुरस्कृत गरेको छ । हरेक वर्ष वितरण हुने ‘तमू पत्रकारिता पुरस्कार’ बाट विभिन्न विधामा ६ जना पत्रकार तथा सञ्चारकर्मीहरूलाई पुरस्कृत गरिएको संघका अध्यक्ष रवीन गुरूङले जानकारी दिनुभयो ।
धुँवा फाल्ने १३ वटा सवारी साधन कारबाहीमा
काठमाडौंको कलंकीमा मंगलबार गरिएको विशेष चेकजाँचमा अत्यधिक धुँवा फाल्ने १३ वटा सवारी साधनलाई कारबाहीमा परेका छन्।
तमू ल्होसारको उपलक्ष्यमा पाँच पत्रकार पुरस्कृत
काठमाडौं १२ पुस । तमू ल्होसार २०७९ को उपलक्ष्यमा पाँच पत्रकार सम्मानित भएका छन् । तमू (गुरुङ) सञ्चारकर्मी संघ, नेपालले मंगलबार विभिन्न सञ्चारमाध्यममा कार्यरत पत्रकार सम्मानित भएका हुन् । तमू बौद्ध सेवा समिति नेपालमा आयोजित कार्यक्रममा कान्तिपुर टेलिभिजन पोखराका भुपाल गुरुङ तथा एभरेष्ट एफएम पोखराका दीपेन्द्र श्रेष्ठ पूर्वप्रधानसेनापती छत्रमानसिंह गुरुङ तथा कमला गुरुङ पत्रकारिता पुरस्कारबाट सम्मानित हुनुभएको छ । 'सुश्री भद्राकुमारी घले पत्रकारिता पुरस्कार'बाट कालिका टिभीकी गीता गुरुङ, तमू ल्होसार मूल आयोजक समिति पत्रकारिता पुरस्कारबाट बिएफबिएस रेडियो काठमाडौंका धनजंग गुरुङ सम्मानित हुनु भएको हो । यस्तै तमू आदिकवि हर्कबहादुर गुरुङ स्मृति पत्रकारिता पुरस्कारबाट मुकुन्दसेन टिभि नवलपुरका शिला गुरुङ , लक्ष्मी गुरुङ पत्रकारिता पुरस्कारबाट ग्यालेक्सी फोरके टेलिभिजन ताप्लेजुङका देवराज गुरुङ पुरस्कृत हुनुभएको छ । हरेक वर्ष तमू (गुरुङ) सञ्चारकर्मी संघ, नेपालले पत्रकारिता पुरस्कार प्रदान गर्ने गरेको छ । कार्यक्रमका प्रमुख अतिथि आदिवासी जनजाति आयोगका सदस्य सूर्यबहादुर गुरुङले कार्यक्रमाको उद्घाटन गर्नु भएको थियो । पुरस्कार छनौट समितिको संयोजकमा तमू (गुरुङ) सञ्चारकर्मी संघका पूर्व अध्यक्ष डण्डबहादुर गुरुङ र सदस्यमा बद्रीकाजी गुरुङ र शान्ति गुरुङ हुनुहुन्थ्याे ।
महानगर उपप्रमुख डङ्गोलसँग स्वीस राजदूत क्याप्लरको शिष्टाचार भेट
काठमाडौं, पुस १२ गते । काठमाडौं महानगरकी उपप्रमुख सुनीता डङ्गोलसँग नेपालका लागि स्वीजरल्याण्डकी राजदूत एलिजावेथ भोन क्याप्लरले शिष्टाचार भेट गर्नुभएको छ । उपप्रमुखको कार्यकक्षमा उहाँबीच भेट भएको हो । भेटका क्रममा उपप्रमुख डङ्गोलले भित्री सहरी क्षेत्रका परम्परागत भवन निर्माण गर्न घरधनीलाई सहुलियत दिने गरिएको, महिला हिंसा न्यूनीकरणका लागि वडास्तरीय महिला सेल गठन गरिएको, न्यायिक समितिमा उजुरी आउनु अघि वडास्तरीय मेलमिलाप कक्षमा छलफल गराउने प्रयास गरिएको, फोहोर व्यवस्थापनका लागि विभिन्न अवधारणा अघि सारिएको तीमध्ये उपयुक्त विधिको छनाेट गर्ने योजना रहेको बताउनुभयो । राजदूत क्याप्लरले सोध्नुभएका प्रश्नको जवाफमा उहाँले यस्तो बताउनुभएको हो । राजदूत क्याप्लरले सहरी विकासका पूर्वाधार, सम्पदा क्षेत्रका संरचनाको व्यवस्थापन, महानगरको निर्णय प्रक्रियालगायत विषयमा जिज्ञासा राख्नुभएको थियो ।
राप्रपामा थापा, बुधबार कांग्रेसको निर्वाचन
राष्ट्रिय प्रजातन्त्र पार्टीको बागमती प्रदेशको संसदीय दलको नेतामा उद्धव थापा चयन हुनुभएको छ । काठमाडौँ जिल्ला प्रतिनिधि सभा निर्वाचन क्षेत्र नं. ८ (ख) बाट प्रदेश सभा सदस्य थापा काठमाडौँमा सोमबार भएको संसदीय दलको बैठकले सर्वसम्मत संसदीय दलको नेता चयन गरेको हो । राप्रपाका केन्द्रीय सदस्य एवं बागमती प्रदेशका प्रदेश सभा सदस्य लक्ष्मी घिमिरेले संसदीय दलको प्रमुख सचेतक, सचेतक, सचिवलगायत चयन गर्न बाँकी रहेको जानकारी दिनुभयो । बागमती प्रदेश सभामा राप्रपाको प्रत्यक्ष प्रणालीबाट निर्वाचित सातसहित १३ जना प्रदेश सभा सदस्य रहेका छन् ।
केन्द्रीय राजनीतिको प्रभाव : प्रदेशमा फेरियो सत्ता समीकरण
केन्द्रमा सत्ता गठबन्धन टुटेसँगै बागमती प्रदेशको नयाँ सरकार निर्माणका लागि दलहरूको समीकरण फेरिने भएको छ । नेपाली कांग्रेस, नेकपा (माओवादी केन्द्र), नेकपा (एकीकृत समाजवादी)लगायतका केन्द्रमा रहेको लोकतान्त्रिक वाम गठबन्धन टुटेर नेकपा (एमाले), माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टीलगायतका दलहरूको नयाँ सत्ता समीकरण निर्माण भएसँगै बागमती प्रदेशमा सरकार निर्माणमा सत्ता समीकरण फेरिने भएको हो ।
तलब भत्ताबाट विद्यालयलाई कम्प्युटर
सिन्धुपाल्चोकको बाह्रबिसे नगरपालिका–८ का वडाध्यक्ष विमलप्रसाद पौड्यालले आफ्नो तलब भत्ताबापत पाउने रकमले वडाका विद्यालयलाई कम्प्युटर, प्रिन्टरलगायतका सूचना प्रविधिका सामग्री सहयोग गर्नुभएको छ । मासिक रूपमा निर्वाचित भएयता पाएको तलब भत्ता एक लाख ६० हजार रुपियाँमा अपुग रकम थपेर वडाध्यक्ष पौड्यालले एउटा माध्यमिक र तीन आधारभूत विद्यालयलाई प्रविधिमैत्री सामग्री खरिद गरी सहयोग गर्नुभएको हो । गत वैशाखमा भएको स्थानीय तह निर्वाचनमा मत माग्ने बेला आफूले तलब भत्ताले सहयोग गर्ने वाचा गरेका हुनाले वडाका विद्यालयलाई प्रविधिमैत्री बनाउन विद्यालयमा एउटा कम्प्युटर, प्रिन्टर र प्रोजेक्टर उपलब्ध गराइएको उहाँले बताउनुभयो ।
प्रसारण लाइनको निर्माण तीव्र
रसुवा तथा नुवाकोट जिल्लामा उत्पादन हुने विद्युत् राष्ट्रिय प्रसारणको केन्द्रीय भण्डारणमा पु¥याउन प्रसारण लाइनको निर्माण तीव्र भैराखेको छ ।
गतिविधि नहुँदा सुस्तायो सौराहा
पर्यटकीय गतिविधि नहुँदा देशकै प्रमुख पर्यटकीय स्थलका रूपमा रहेको सौराहा यस पटक सुस्ताएको छ । हात्ती दौड, हात्ती महोत्सवजस्ता कार्यक्रमले विगतमा जाडोको समयमा सौराहामा पर्यटक खचाखच थिए तर अहिले कुनै कार्यक्रम आयोजना नहुँदा चितवन आउने पर्यटक अन्यत्र जान थालेका छन् । यस पटक कुनै गतिविधि नहुँदा चितवन आउने सम्भावित पर्यटक देशकै अन्य ठाउँमा जान बाध्य भएको पर्यटनविज्ञ विश्व सुवेदीले बताउनुभयो । सौराहा आसपासको मेघौलीमा हुने हात्तीपोलोजस्ता कार्यक्रम पनि नहुँदा त्यसको असर सौराहाको पर्यटन व्यवसायमा परेको उहाँको भनाइ छ ।
सहयोगीका भरमा आयुर्वेद औषधालय
दोलखाको कालिञ्चोक गाउँपालिका–५ स्थित लापिलाङ आयुर्वेद औषधालय वर्षौंदेखि कर्मचारी नहुँदा कार्यालय सहयोगीका भरमा सञ्चालन भइरहेको छ। २०७२ सालको भूकम्पले कार्यालय भवन भत्केपछि सेवा सञ्चालन हुन सकेको थिएन। २०७४ सालमा स्थानीय गाउँपालिकामा जनप्रतिनिधि आएपछि रेखदेख तथा सञ्चालन गर्ने अधिकार पालिकालाई सुम्पियो। पालिकाका प्रमुख प्रशासकीय अधिकृत नवराज ओलीका अनुसार कविराज र वैद्यको पद रिक्त भएपछि पटक पटक सूचना निकाल्दा पनि निवेदन परेन।
चिसापानीगढी संरक्षणपछि पर्यटक बढे
रामेछाप जिल्लाको मन्थली नगरपालिका–८, चिसापानीस्थित चिसापानीगढी घुम्न आउने पर्यटक बढेका छन्। जिल्लाकै ऐतिहासिक, छुट्टै पहिचान र महत्व बोकेको यो गढीमा स्थानीय तथा प्रदेश सरकारले पर्यटन पूर्वाधार विकासका लागि विभिन्न संरचना निर्माण गरेका छन्। सिन्धुलीगढीको सहायक गढी चिसापानीगढीलाई नेपाल र अङ्ग्र्रेज युद्धका बेला नेपाली सेनाले प्रशिक्षण गर्ने थलोका रूपमा प्रयोग गरेको स्थानीयको विश्वास छ। चिसापानीगढी संरक्षण तथा विकास समाजका अध्यक्ष उत्तम श्रेष्ठले भन्नुभयो, “अहिले नेपाल र अङ्ग्रेज युद्धको बेलाको भग्नावशेष र चिनोहरूको संरक्षण गर्दै थप कुराको खोजी गरिरहेका छौँ।”
ट्राफिक व्यवस्थापनमा नयाँ व्यवस्था
भरतपुर महानगरभित्रका सडकमा ट्राफिक व्यवस्थापन गर्दै सहर क्षेत्रमा हर्न निषेध गरिएको छ। भरतपुर महानगरपालिकाले ट्राफिक प्रहरी कार्यालय चितवनको सहयोग लिएर ट्राफिक व्यवस्थापनको काम अगाडि बढाएको हो। कार्यालयका प्रमुख ट्राफिक प्रहरी निरीक्षक धर्मबहादुर अधिकारीले ट्राफिक व्यवस्थापनको काम परिवर्तन हुने र दुई बसपार्क पूर्ण रूपमा सञ्चालनमा आउने गरी अगाडि बढाइएको जानकारी दिनुभयो।
अपाङ्ग महिला सङ्घको अध्यक्षमा दाहाल
नेपाल अपाङ्ग महिला सङ्घको २२ औँ साधारण सभा र ११ औँ अधिवेशनबाट ११ सदस्यीय नयाँ कार्यसमिति चयन भएको छ ।
‘जिगु म्ये, छंगु सः’ विमोचन
कवि रामभक्त कायस्थको नेपालभाषाको हाइकु सङ्ग्रह ‘जिगु म्ये, छंगु सः’ (मेरो गीत, तिम्रो स्वर) नेवा: आदिवासी राजनीतिक अभियानका संरक्षक डा. महेशमान श्रेष्ठ र च्वसा पासाका अध्यक्ष भूषणप्रसाद श्रेष्ठले रक्तकालीमा संयुक्त रूपमा विमोचन गर्नुभएको छ ।
कांग्रेसले पहल लिन नसकेपछि एमाले तयार भयो : महासचिव पोखरेल
नेकपा (एमाले) का महासचिव शङ्कर पोखरेलले निर्वाचनबाट नेपाली कांग्रेस पहिलो शक्ति बने पनि सरकार गठनमा पहलकदमीको भूमिका निर्वाह गर्न नसकेपछि दोस्रो ठूलो दल एमालेले राजनीतिक नेतृत्व लिएको बताउनुभएको छ ।
-original-thumb.jpg)
ज्येष्ठ नागरिकको भोजन गराएर वार्षिकोत्सव मनाइयो
रश्मिलाज फेसियल हाउस एण्ड ब्युटी केयरले आफ्नो १५ औँ वार्षिकोत्सव मानव सेवा आश्रम कौसलटारमा मनाएको छ।
येशु ख्रीष्टलाई स्मरण गर्दै 'क्रिसमस डे' मनाइँदै (फोटो फिचर)
क्रिश्चियन धर्मका संस्थापक येशु ख्रीष्ट जन्मेको दिनको सम्झनामा आज यस समुदायले ‘क्रिसमस डे’ मनाउँदैछन् । डिसेम्बर २५ तारिखका दिन येशु ख्रीष्ट इजरायलको वेथलेहेममा जन्मेका थिए । पवित्र आत्माबाट गर्भवती भई कुमारी मरियमबाट जन्मनुभएका येशु ख्रीष्टले तीन मुख्य खुसीयाली दिनुभएको नेपाल ख्रिष्टियन महासङ्घका अध्यक्ष सीबी गहतराजको भनाइ छ ।
प्रदेश सभा सदस्यलाई मातृभाषामा शपथ
बागमती प्रदेश सचिवालयले प्रदेश सभाका सदस्यलाई आफ्नो मातृभाषामा समेत शपथ गराउने व्यवस्था गरेको छ।
सुरक्षा दिने प्रहरीको टहरामा बास
नागरिकको सुरक्षा दिने जिम्मा पाएको प्रहरी मकवानपुरको मकवानपुरगढी गाउँपालिका–२ स्थित जितपुर भन्ज्याङको थुम्कोमा टहरोमा असुरक्षित रूपमा बस्दै आएका छन्।
बास्केटबल कप्तानदेखि प्रदेश सभा सदस्यसम्म
सोह्र वर्षको उमेरमै भीरबाट लडेर मेरुदण्डको पक्षाघात भएपछि गोकुलगङ्गा गाउँपालिका–४ की लक्ष्मी घिमिरेको जीवनको बाटो मोडिएको छ। ११ कक्षामा पढ्दै गर्दा २०६६ सालमा गाउँको भीरबाट लडेर उहाँको मेरुदण्ड पक्षाघात भएको हो।
सन्त निरंकारी मण्डलको सत्सङ्ग कार्यक्रम सम्पन्न
‘धर्मले जोड्छ, तोड्दैन । धर्म होइन भावना परिवर्तन गरौँ ।।’ नाराका साथ सन्त निरंकारी मण्डल नेपालद्वारा आयोजित बृहत् सत्सङ्ग कार्यक्रम सम्पन्न भएको छ ।
