सुनकोसी तेस्रो निर्माणको बाटो खुल्यो
काभ्रेपलाञ्चोक र रामेछाप जिल्लाको सिमानामा पर्ने सुनकोसी नदीमा निर्माण प्रस्ताव गरिएको सुनकोसी जलाशययुक्त विद्युत् आयोजना निर्माणको बाटो खुलेको छ । विद्युत् विकास विभागले तयार गरेको सम्भाव्यता अध्ययन तथा वातावरणीय प्रभाव मूल्याङ्कन (ईआईए) प्रतिवेदन स्वीकृत भएसँगै आयोजना निर्माणका लागि बाटो खुलेको हो ।
गुठी ऐन तर्जुमा गर्न समिति गठन
भूमि व्यवस्था, सहकारी तथा गरिबी निवारण मन्त्रालयले गुठीसम्बन्धी ऐन तर्जुमा गर्न सरोकार भएकासहितको समिति गठन गरेको छ ।
प्रदेश सभा गठनले पायो पूर्णता
निर्वाचन आयोगले प्रतिनिधि सभा तथा प्रदेश सभा सदस्य निर्वाचन–२०७९ को अन्तिम परिणामसहितको प्रतिवेदन बागमती प्रदेशका प्रदेश प्रमुखसमक्ष प्रस्तुत गरेसँगै बागमती प्रदेश सभा गठन प्रक्रियाले पूर्णता पाएको छ । गत मङ्सिर ४ गते सम्पन्न प्रतिनिधि सभा तथा प्रदेश सभा सदस्य निर्वाचनको प्रत्यक्ष र समानुपातिक प्रणालीबाट निर्वाचित प्रदेश सभा सदस्यको नामावलीसहितको निर्वाचन परिणाम प्रदेश प्रमुख यादवचन्द्र शर्मासमक्ष आयोगका सचिव गोकर्णमणि दुवाडीले पेस गरेसँगै औपचारिक रूपमा प्रदेश सभा गठन प्रक्रियाले पूर्णता पाएको हो ।
मन्थली–पुरानागाउँ सडक अलपत्र
रामेछाप सदरमुकाम मन्थलीबाट वडा नं ८ चिसापानी र वडा नं ९ पुरानागाउँ जोड्ने सडक लामो समयदेखि अलपत्र अवस्थामा छ । सडक कालोपत्रे ठेक्का लिएको कान्छाराम कन्स्ट्रक्सनको लापरबाहीका कारण मन्थली–चिसापानी–पुरानागाउँ सडक लथालिङ्ग बनेको हो । बागमती प्रदेश सरकारको भौतिक पूर्वाधार मन्त्रालयको बजेटबाट मन्थली नगरपालिका–८ को जखनीटारदेखि मन्थली नगरपालिका–९, पुरानागाउँ जोडिने कुल ७.३६ किलोमिटर सडकको नाला तथा ग्याभिनसहित कालोपत्रे गर्ने ठेक्का कान्छाराम कन्स्ट्रक्सनले पाएको थियो ।
पाँच महिनामा पच्चीस सय जना वैदेशिक रोजगारीमा
काभ्रेपलाञ्चोक जिल्लाबाट चालू आर्थिक वर्षको पहिलो पाँच महिनाको अवधिमा वैदेशिक रोजगारीका लागि दुई हजार ५३९ जना विदेशिएका छन् । वैदेशिक रोजगार विभागको तथ्याङ्कअनुसार गत साउनदेखि मङ्सिर महिनासम्ममा इजाजतप्राप्त संस्थाहरूबाट श्रम स्वीकृति लिएर एक हजार ५६० पुरुष र ५४२ महिला गरी कुल दुई हजार १०२ जना वैदेशिक रोजगारीमा गएका छन् ।
चार्जिङ स्टेसन सञ्चालन
विद्युतीय सवारीसाधनका लागि चितवनको भरतपुर बसपार्कमा निर्माण गरिएको विद्युतीय चार्जिङ स्टेसन सञ्चालनमा आएको छ । भरतपुरको केन्द्रीय बसपार्कमा दुईवटा चार्जिङ बुथसहितको स्टेसन सञ्चालनमा आएको हो । मुग्लिनमा यसै हप्ताबाट चार्जिङ स्टेसन सञ्चालन आउने नेपाल विद्युत् प्राधिकरण चार्जिङ स्टेसन परियोजना इन्जिनियर सागर ज्ञवालीले जानकारी दिनुभयो ।
आजदेखि दैनिक चार घण्टा बाटो बन्द
पुल निर्माण गर्ने क्रममा पहाड काट्न चितवनको मुग्लिन–नारायणगढ सडकखण्ड मङ्गलबारदेखि दैनिक चार घण्टा बन्द गरिने भएको छ । मुग्लिन सडकखण्डमा निर्माणाधीन पुलका लागि पहाड काट्नुपर्ने भएकाले अन्य वैकल्पिक मार्ग नभएपछि सडक बन्द गरेर काम गर्नु परेको नागढुङ्गा–मुग्लिन सडक आयोजना पश्चिम खण्ड (नारायणगढ–मुग्लिन)का आयोजना प्रमुख किरण कार्कीले जानकारी दिनुभयो । प्रमुख जिल्ला अधिकारी, प्रहरी प्रमुख, ट्राफिकलगायत सबै पक्षसँग समन्वय गरेर बिहान ११ः०० बजेदेखि दिउँसो ३ः०० बजेसम्म सडक बन्द गरेर पहाड कटान गरिन लागेको हो ।
सुन्दर अष्टचैत्य
सिन्धुपाल्चोकको पेमाछल उद्यान केन्द्र पाँचपोखरी थाङ्पाल गाउँपालिकास्थित नागीथामडाँडामा अवस्थित अष्टचैत्य ।
‘गोरखापत्रका सामग्री खोजेर पढ्नेखालका भएका छन्’
नेपाल पत्रकार महासङ्घका महासचिव रोशन पुरीले पछिल्लो समयमा गोरखापत्रका समाचार सामग्रीमा परिवर्तन आएर पठनीय भएको बताउनुभएको छ ।
-original-thumb.jpg)
'गाउँपालिका महासंघ गोरखापत्र संस्थानसँग सहकार्य गर्न तत्पर छ’
गाउँपालिका राष्ट्रिय महासंघको नवनिर्वाचित नेतृत्वले स्थानीय शासनलाई अझ सबल बनाउन गोरखापत्र संस्थानसँग सहकार्य गरेर जाने तत्परता देखाएको छ ।
दोलखाको बिगुमा भिरबाट लडेर एक पुरुष बेपत्ता
दोलखाको बिगु गाउँपालिकामा भिरबाट लडेर एक पुरुष बेपत्ता हुनुभएको छ । बिगु गाउँपालिका –१ लामाबगरमा सडक निर्माणमा खटिएका पुरुष भिरबाट लडेर बेपत्ता हुनुभएको हो ।
भरतपुर विमानस्थलको आन्तरिक व्यवस्थापनमा सुधार
भरतपुर विमानस्थल कार्यालयले आन्तरिक व्यवस्थापनमा सुधार गरेको छ । यात्रुलाई सेवासुविधा दिन आन्तरिक व्यवस्थापन व्यवस्थित गरेको भरतपुर नागरिक उड्डयन कार्यालयले जानकारी दिएको छ ।
अव्यवस्थित सहरीकरणले मौलिकतामा आघात: प्रधानमन्त्री
प्रधानमन्त्री शेरबहादुर देउवाले प्राकृतिक साैन्दर्यता र मौलिकतासहित व्यवस्थित सहरीकरणमा जोड दिनुभएको छ ।
वाम लोकतान्त्रिक गठबन्धनकै सरकार बन्छ : अध्यक्ष प्रचण्ड
नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आगामी सरकार वाम लोकतान्त्रिक गठबन्धनकै हुने गरी छलफल भइरहेको जानकारी दिनुभएको छ ।
गाउँपालिका अध्यक्ष र अधिकृतसहित सात जनाविरुद्ध भ्रष्टाचार मुद्दा दर्ता
तेमाल गाउँपालिका काभ्रेपलाञ्चोकका तत्कालीन अध्यक्ष सलाम सिंह लामा, प्रमुख प्रशासकीय अधिकृत शर्मिला लामिछाने सहित सात जना उपर अख्तियार दुरुपयोग अनुसन्धान आयोगले भ्रष्टाचार मुद्दा दर्ता गरेको छ ।
तीन नेतालाई कारबाही सिफारिस
नेपाली कांग्रेस जिल्ला कार्यसमिति काभ्रेपलाञ्चोकले प्रतिनिधि तथा प्रदेश सभा सदस्य निर्वाचनमा असहयोग गरेको भन्दै केन्द्रीय सदस्यद्वय मधुप्रसाद आचार्य र गणेश लामा तथा प्रतिनिधि सभा क्षेत्र नम्बर २ का सभापति महेश खरेललाई साधारणसमेत नरहने गरी कारबाही गर्न केन्द्रीय कार्यसमितिमा सिफारिस गरेको छ।
बालबालिकालाई सामाजिक सुरक्षा भत्ता
दोलखाको मेलुङ गाउँपालिकाभित्रका अभिभावकविहीन बालबालिकालाई सामाजिक सुरक्षा भत्ता दिइने भएको छ। चालू आर्थिक वर्षमा यहाँका ३३ जना बालबालिकालाई मासिक दुई हजार रुपियाँका दरले वडा कार्यालयमार्फत भत्ता दिन लागिएको पालिकाका प्रमुख प्रशासकीय अधिकृत सञ्जय सिवाकोटीले जानकारी दिनुभयो।
अधिवेशन आह्वान गर्ने बाटो खुल्यो
निर्वाचन आयोगले प्रतिनिधि सभा तथा प्रदेश सभा सदस्य निर्वाचन २०७९ को अन्तिम परिणामसहितको प्रतिवेदन बागमती प्रदेशका प्रदेश प्रमुख यादवचन्द्र शर्मासमक्ष प्रस्तुत गरेसँगै प्रदेश सभाको अधिवेशन आह्वान गरी प्रदेश सभा सदस्यको शपथलगायतका प्रक्रिया सुरु गर्न सकिने भएको छ। आयोगले सातै प्रदेशमा प्रतिवेदन बुझाउने क्रममा आयोगका सचिव गोकर्णमणि दुवाडीले प्रदेश प्रमुखको कार्यालय हेटौँडामा शनिबार आयोजित कार्यक्रममा बागमती प्रदेशको निर्वाचन परिणामको प्रतिवेदन प्रदेश प्रमुख शर्मासमक्ष पेस गर्नुभएको हो।
दोलखाका किसान तोरी खेतीप्रति आकर्षित
दोलखाको सैलुङ गाउँपालिका–५ का किसानहरू नगदे बाली तोरी खेतीप्रति आकर्षित भएका छन् ।
सडकमै लाग्छ हाटबजार
दोलखाको सदरमुकाम चरीकोटमा लाग्ने हाटबजार जिल्लाकै पुरानो हाटबजार हो। तर, अहिलेसम्म बजार व्यवस्थित हुन नसक्दा गाउँबाट स्थानीयले उत्पादन गरेको हरियो तरकारी, फलफूल, मकै, कोदोलगायतका खाद्यवस्तु सडक ओगटेर बिक्री गरिँदै आएको छ। हरेका शनिबार चरीकोट सातदोबाटो चोकमा लाग्ने हाटमा बिक्री र खरिदकर्ताको भीड लाग्दा सवारीसाधन अस्तव्यस्त भई सडक नै अवरुद्ध हुने गरेको छ। भीमेश्वर नगरपालिकाले हाट बजार व्यवस्थित गर्न सकेको छैन।
भारतीय सैनिक टोली नेपालमा
नेपाल सरकार र भारतीय सरकारबीच सम्पन्न बीसीजीएसआई को बैठकहरूमा भएको सम्झौता अनुसार दुई देशका सेनाका उच्च तथा मध्यम तहका अधिकृतहरूबाट दुई देशबीच निरन्तर रूपमा स्थलगत अवलोकन तथा अध्ययन भ्रमण सञ्चालन गर्ने भनी उल्लेख भएअनुसार भारतीय सेनाको टोली काठमाडौं आएको छ ।
कांग्रेस केन्द्रीय कार्यसम्पादन समिति बैठक
नेपाली कांग्रेसको केन्द्रीय कार्यसम्पादन समिति बैठक सुरु भएको छ। आइतबार दिउँसो ३ बजेका लागि बोलाइएको बैठक केही ढिला गरी पार्टीको केन्द्रीय कार्यालय, बीपी स्मृति भवन ललितपुर सानेपामा सुरु भएको हो।
मेलम्चीमा पूर्वप्रधानमन्त्री भट्टराईको पूर्णकदको सालिक अनावरण
प्रधानमन्त्री शेरबहादुर देउवाले काठमाडौंको सुन्दरीजलस्थित मेलम्ची खानेपानी आयोजनको पानी प्रशोधन केन्द्र परिसरमा पूर्वप्रधानमन्त्री एवम् सन्त नेता कृष्णप्रसाद भट्टराईको पूर्णकदको सालिक अनावरण गर्नुभएको छ ।
वीर अस्पतालका १२ कर्मचारीलाई ३० दिनभित्र हाजिर हुन आग्रह
चिकित्सा विज्ञान राष्ट्रिय प्रतिष्ठान (न्याम्स) वीर र कोभिड – १९ युनिफाइड केन्द्रीय अस्पतालले लामो समयदेखि अस्पतालमा सम्पर्कविहीन भएका कर्मचारीलाई ३० दिन हाजिर हुन आउन आग्रह गरेको छ ।
उत्कृष्ट काम गरेको भन्दै गोरखापत्र शाखालाई सम्मान
नेपाल पत्रकार महासङ्घ प्रतिष्ठान प्रदेशले गोरखापत्र प्रतिष्ठान शाखालाई सम्मानित गरेको छ । प्रतिष्ठान शाखाहरूमध्ये सबैभन्दा क्रियाशील शाखाको रूपमा काम गरेको तथा श्रमजीवी पत्रकारको हकहित तथा पत्रकारको व्यावसायिक क्षमता अभिवृद्धिको क्षेत्रमा योगदान पुर्याएको भन्दै प्रतिष्ठान प्रदेशले सम्मान गरेको हो ।
