म्युजिक भिडियो सहित 'लोसार मेला' बजारमा
हिमाली बौद्धमार्गीहरुले मनाउने लोसार पर्वको अवसर पारेर 'लोसार मेला' बोलको गीत बजारमा ल्याएको छ । लोसार पर्व उत्सवका क्रममा मेलाहरू पुगेर माया लगाउने गीतको मुख्य बोल रहेको छ ।
सामुदायिक शिक्षा सुधार्न अभियान
रामेछापको मन्थली नगरपालिकाले सामुदायिक शिक्षा सुधारका लागि अभियान सञ्चालन गरिरहेको छ। नगरपालिकाले शिक्षा क्षेत्रको विकासलाई पहिलो प्राथमिकतामा राखेर सामुदायिक विद्यालयको पठनपाठन गुणस्तरीय बनाउने अभियान चलाइरहेको छ। सोही अभियानअनुसार नगरपालिकाले अहिले अभिभावक, शिक्षक, विद्यार्थी, सरोकारवाला निकायसँग छलफल, प्रशिक्षणलगायतका कार्यक्रम सञ्चालन गरिरहेको छ।
सरकारले बजेट नछुट्याएपछि वडाले थाल्यो काम
चितवनको माडीस्थित अयोध्यापुरीधाममा योजनाअनुसार प्रदेश र सङ्घ सरकारले काम नगरेपछि वडाले बजेट विनियोजन गरेर पूजाका लागि निर्माण कार्य थालनी गरेको छ। माडी नगरपालिका–९ मा रहेको प्रस्तावित अयोध्याधाम राम मन्दिरमा हवन कुण्ड, भान्साघर र पुष्प क्यारी बाल निर्माण कार्य अगाडि बढाएको हो। माडी नगरपालिका–९ नम्बर वडा कार्यालयद्वारा विनियोजित सात लाख रुपियाँ बजेटबाट राम मन्दिरवरपर फूलको क्यारी, भान्साघर र पूजाको हवन कुण्ड निर्माण सुरु भएको छ।
निम्नवर्गीय परिवारलाई घर
चितवनको इच्छाकामना गाउँपालिकाले गाउँपालिकाभित्र रहेका अति विपन्न परिवारको घर निर्माण गरिदिने भएको छ। गाउँपालिकाले आफ्नै स्रोत तथा विभिन्न सङ्घ/संस्थाहरूसँगको सहयोगमा गाउँपालिकाभित्रका अति विपन्न परिवार पहिचान गरी घर निर्माण गर्ने तयारी थालेको हो।
हिउँविहीन हिमाली क्षेत्र
सिन्धुपाल्चोकका उत्तरी हिमाली क्षेत्र हिउँबिनाको काला पत्थरमा परिणत हुन थालेका छन्। वर्षौंदेखि हेलम्बुको तार्केघ्याङ, मेलम्चीघ्याङ, तेजेनथाङ, कुटुम्साङ, घोप्टेघ्याङ, ठाडेपाटी, तार्तुङमा हिउँ पर्न छाडेको छ। उक्त पहाडहरूमा एकाएक हिउँ पर्न छाडेको हो। जलवायु परिवर्तनका कारण तापक्रम बढ्दै जाँदा ती क्षेत्रमा हिउँ जम्न छाडेको हो।
चितवनका नदी किनारमा ठूला होटल
चितवनका नदी किनार होटल र रिसोर्टले भरिएका छन् । कुनै समय बाढीले जग्गा कटानको समस्या भोगेका किसान अहिले ठूला लगानीकर्ताले जग्गा खरिद गरेपछि त्यहाँबाट विस्थापित हुने अवस्थामा पुगेका छन् । पश्चिम चितवनको जगतपुरदेखि मेघौलीसम्मको क्षेत्रमा पर्यटन व्यवसायीले जग्गा खरिद गरेर राखेका छन् । ती क्षेत्रमा अहिले ठूला होटल खुलेका छन् भने कतिपयले पछि खोल्नका लागि जग्गा ओगटेर राखेका छन् ।
किसानलाई हाते ट्रयाक्टर
मेलम्ची नगरपालिका–६ का किसानलाई वितरण गर्न राखिएको हाते ट्रयाक्टर ।
भूउपयोग नीति बन्न नसक्दा आमनागरिक मर्कामा
भरतपुर –१९ शारदानगर टाउनकी इन्दिरा खनाल घिमिरे पैतृक सम्पत्ति भएर पनि त्यसको उपभोग गर्न नपाउँदा आफू समस्यामा परेको बताउनुभयो । कुखुरापालन व्यवसाय गर्दै आउनुभएका उहाँले जमिन भएर पनि नगद नभएका कारण समस्या भोग्नु परेको हो ।
बागमती सरकार विस्तार : आठ मन्त्री थपिए
बागमती प्रदेशका मुख्यमन्त्री शालिकराम जम्कट्टेलको सिफारिसमा मन्त्रिमण्डल विस्तार गरिएको छ । प्रदेश प्रमुख यादवचन्द्र शर्माले बुधबार आठ जना मन्त्रीको नियुक्तसँगै मन्त्रिपरिषद् विस्तार गर्नुभएको हो ।
उपप्रधानमन्त्री लामिछानेको नागरिकता विवादको मुद्दा हेर्दाहेर्दैमा
सर्वोच्च अदालतले उपप्रधान एवम् गृहमन्त्री रवि लामिछानेको नागरिकतासम्बन्धी मुद्दामा बुधबार सुनुवाइ गर्दागर्दै समय अभावका कारण ‘हेर्दाहेर्दै’मा शुक्रबारका लागि राखिएको छ।
वसन्तपुर क्षेत्रको पुनर्निर्माण सक्न अझै दुई वर्ष लाग्ने
२०७२ सालको भूकम्पले क्षतविक्षत भएको वसन्तपुर र हनुमानढोका दरबार क्षेत्र पुनःनिर्माण सम्पन्न गर्न अझै दुई वर्ष लाग्ने भएको छ।
प्रेम आचार्यको परिवारसँग गृहमन्त्रीको भेट
उपप्रधान एवम् गृहमन्त्री रवि लामिछानेले इलामका प्रेमप्रसाद आचार्यको परिवारसँग भेट गर्नुभएको छ ।
मुलुकको समस्या समाधान केन्द्रित राजनीति गरौँ : अध्यक्ष ओली
नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले मुलुकको समस्या समाधानमा राजनीतिक दल केन्द्रित हुनुपर्ने बताउनुभएको छ । पार्टी स्कुल विभागद्वारा बुधबार पार्टी मुख्यालय च्यासलमा आयोजित अनुशिक्षण कार्यक्रममा उहाँले सो कुरा बताउनुभएको हो ।
ढुवानी नहुनाले सडकका खाल्डाखुल्डी पुर्न समस्या
खाल्डाखुल्डी १५ दिनभित्र पुर्न उपप्रधान तथा भौतिक पूर्वाधार तथा यातायात मन्त्री नारायणकाजी श्रेष्ठले निर्देशन दिनुभए पनि निर्धारित समयमा खाल्डाखुल्डी पुर्न नसकिने सडक डिभिजन कार्यालय, काठमाडौंले जनाएको छ ।
आत्मदाहको प्रयास गरेका आचार्यको निधन
संघीय संसद भवनअगाडि मंगलबार दिउँसो आत्मदाहको प्रयास गरेका प्रेमप्रसाद आचार्यको निधन भएको छ ।
पूर्वाधार पर्याप्त नहुँदा सेवा प्रवाहमा समस्या
काभ्रेपलाञ्चोकको मेथिनकोट अस्पताललाई ५० शय्यामा स्तरोन्नति गरी प्रादेशिक अस्पताल बनाइए पनि अस्पतालका लागि आवश्यक भौतिक पूर्वाधार नहुँदा सेवा प्रवाहमा समस्या देखिएको छ । २०५४ सालमा प्राथमिक स्वास्थ्य केन्द्रका रूपमा स्थापना गरिएको मेथिनकोट अस्पताल २०६६ फागुन ५ गते १५ शय्या हुँदै आर्थिक वर्ष २०७७÷७८ मा प्रदेश सरकार मातहत आएको थियो ।
बागमती प्रदेशमा ११ मन्त्रालय कायम हुने
बागमती प्रदेशमा ११ मन्त्रालय कायम हुने भएको छ। आज साँझ बसेको मन्त्रिपरिषद्को बैठकले हाल कायम रहेको १४ मन्त्रालयलाई घटाएर ११ मन्त्रालय बनाउने निर्णय गरेको हो।
मुद्दा किनारा नलाग्दा सरकारी राजस्व गुम्दै
मुद्दा छिनोफानो गर्ने प्रस्ट अधिकार कानुनले वन अधिकृतलाई नदिँदा करोडाैँ रुपियाँको सम्पत्ति र राजस्व खेर गइरहेको छ । काठ चोरी निकासी गर्न लागेको अवस्थामा नियन्त्रण गरेर ल्याइएका सवारीसाधन र काठको मुद्दा छिनोफानो गर्ने अधिकार डिभिजन वन अधिकृतलाई कानुनले प्रस्ट नतोक्दा ती सवारीसाधन लिलामी नभई कार्यालयमा त्यसै थन्किएर जान थालेका छन् । सङ्घीय शासन व्यवस्था आएपछि चोरीमा संलग्न भएर नियन्त्रणमा लिएका साधनको मुद्दा किनारा लाग्न सकेको छैन ।
गन्तव्य स्थल ताबेँडाँडा
रामेछापको उमाकुण्ड गाउँपालिकाले ताबेँडाँडालाई आकर्षक गन्तव्यका रूपमा विकास गर्ने योजना बनाएको छ । उमाकुण्ड र गोकुलगङ्गा गाउँपालिकाको सिमानामा रहेको ताबेँडाँडालाई धार्मिक, पुरातात्त्विक र आकर्षक दृश्यावलोकन स्थलका रूपमा विकास गर्ने गाउँपालिकाको योजनाअनुरूप अहिले काम भइरहेको छ । अहिले ताबेँडाँडा पुग्ने पदमार्ग, मन्दिर, च्योर्तेन, पिकनिक स्थललगायतका पूर्वाधार निर्माणको काम भइरहेको उमाकुण्ड गाउँपालिकाका अध्यक्ष शेरबहादुर सुनुवारले बताउनुभयो ।
अस्पतालको सेवा निःशुल्क गर्न माग
दोलखा सदरमुकाम चरीकोटस्थित पशुपति चौलागाईं स्मृति अस्पतालको सेवा निःशुल्क गर्न सरोकारवालाले माग गरेका छन् । सात वर्षदेखि निःशुल्क सेवा दिँदै आएको सो अस्पतालले माघ १ बाट शुल्क लिन सुरु गरेपछि स्थानीयले सेवा शुल्क निःशुल्क गर्न माग गरेका हुन् । दोलखा उद्योग वाणिज्य सङ्घ, नेपाल बार एसोसिएसन, नेपाल पत्रकार महासङ्घलगायत संस्थाका प्रतिनिधिले अस्पताल व्यवस्थापनसँग स्वास्थ्य सेवा निःशुल्क गर्न माग गरेका छन् । अस्पताल सञ्चालन गर्न भन्दै सेवाग्राहीसँग रकम लिने विषयमा हालै गरिएको निर्णयप्रति गम्भीर ध्यानाकर्षण भएको जनाउँदै ती संस्थाले संयुक्त विज्ञप्ति जारी गरी स्वास्थ्य सेवा पाउने अधिकार सुनिश्चित गरी निःशुल्क स्वास्थ्य सेवा उपलब्ध गराउन माग गरेका छन् ।
हरवा चरवाद्वारा पुन: स्थापनाको माग
सरकारले हरवा चरवालाई मुक्त घोषणा गरेको भए पनि पुनर्स्थापना नभएको भन्दै हरवा चरुवा प्रतिनिधिहरू आफ्नो माग लिएर सिंहदरबार पुगेका छन् । सरकारले गत साउन २ गते नै हरवा चरुवा मुक्त घोषणा गरेको थियो ।
स्पष्ट ‘बिजनेस प्लान’ बनाउन वायुसेवा निगमलाई निर्देशन
संस्कृति, पर्यटन तथा नागरिक उड्डयन मन्त्रालयका सचिव सुरेश अधिकारीले नेपाल वायुसेवा निगमलाई जहाज किन्नु अगाडि स्पष्ट ‘बिजनेस प्लान’ बनाउन निर्देशन दिनुभएको छ ।
मेलम्ची बाढीपहिरोको डेढ वर्ष : विपद्को घाउ अझै उस्तै
मेलम्चीमा आएको विनाशकारी बाढीपहिरोले हेलम्बु र मेलम्ची क्षेत्रमा पुर्याएको ठूलो जनधनको क्षति भएको डेढ वर्षभन्दा बढी भइसकेको छ । तर त्यसले छाडेर गएको घाउ अझै पनि उस्तै छ ।
स्काउट एडभान्स तालिम सम्पन्न
नेपाल स्काउटको ५१ औँ उडव्याज तथा ४४ औँ गर्ल्स स्काउट एडभान्स तालिम सम्पन्न भएको छ ।
सडक कालोपत्रेले लिएन गति
काभ्रेपलाञ्चोकको डाँडापारि क्षेत्रमा पर्ने महाभारत गाउँपालिका जोड्ने करिब नौ किलोमिटर सडक फराकिलोसहित दुई वर्षभित्र कालोपत्रे गर्ने लक्ष्य राखेर काम सुरु गरेको साढे दुई वर्ष बितिसक्दा पनि कामले गति लिन सकेको छैन। बागमती प्रदेश सरकारले आर्थिक वर्ष २०७७/७८ को नीति तथा कार्यक्रममा महाभारत गाउँपालिका जोड्ने तीनखुट्टे–देवीटार सडकको आठ किलोमिटर सात सय मिटर सडक दुई वर्षभित्र पूरा गर्ने गरी २०७७ असार मसान्तमा श्रेष्ठ सक्षम जेभीसँग ठेक्का सम्झौता गरेको थियो।
