सशस्त्र प्रहरी नायब निरीक्षकमाथि खुकुरी प्रहार
कञ्चनपुरको दोधारा चाँदनीमा खटिएका एक सशस्त्र प्रहरी नायब निरीक्षकमाथि शुक्रबार राति खुकुरी प्रहार भएको छ ।
खुवा प्रशोधन पुनः सञ्चालन
स्थानीयलाई स्वरोजगार बनाउन गन्यापधुरा गाउँपालिकाले सवा दुई करोड रुपियाँ खर्च गरिरहेको छ। कृषि, पशुपालन र उद्योग व्यवसायका क्षेत्रमा गाउँपालिकाले सो रकम खर्च गरिरहेको हो। गाउँपालिकाले अनुदान सहयोग गर्न थालेपछि बन्द भएका साना उद्योगसमेत सञ्चालनमा आउन थालेका छन्। गन्यापधुरा गाउँपालिका–१, रुवाखोलामा सञ्चालन नहुँदै बन्द भएको खुवा प्रशोधन केन्द्र सञ्चालनमा आएको छ। चालु आर्थिक वर्ष खुवा प्रशोधन केन्द्रलाई साढे सात लाख रुपियाँ बराबर डेरी उपकरणमा सहयोग गरेपछि केन्द्र सञ्चालनमा आएको गाउँपालिका अध्यक्ष इन्द्रबहादुर कार्कीले बताउनुभयो।
बाघ देखिएपछि बस्तीमा सतर्कता
कैलालीको भजनी क्षेत्रमा ‘रेडियो कलर’ जडित पाटेबाघ देखा पर्न थालेपछि सुरक्षा सतर्कता बढाइएको छ। भजनी नगरपालिका–५ को गुलरियाघाट तिकुनिया नाका क्षेत्रमा पाटेबाघ देखा परेपछि मानवीय क्षति नहोस् भनेर सुरक्षा सतर्कता बढाइएको हो। सबडिभिजन वन कार्यालय भजनी, सुरक्षा निकाय, स्थानीय सरकारसहित सञ्चारमाध्यममार्फत सर्वसाधारणलाई सतर्क पारिएको छ। यसैगरी डिभिजन वन कार्यालयले बाघको निगरानी गर्ने कार्य गरिरहेको छ।
हिमपहिरोमा परेर ज्यान गुमाएकाको शव सदरमुकाम ल्याइयो
दार्चुलाको व्यास गाउँपालिकाका –१ भोलेनको हिउँ पहिरोमा परेर ज्यान गुमाएका तीन जनाको शव शुक्रबार साँझ छ बजे सदरमुकाम ल्याइएको छ । दुई जना भने अझै बेपत्ता अवस्थामा छन् ।
डुङ्गा नचल्दा समस्या
महाकाली नदी तर्ने डुङ्गा भारतीय सुरक्षाकर्मीले बिनाकारण बन्द गरेपछि सीमा क्षेत्रमा आर्थिक तथा सामाजिक कार्यमा समस्या परेको छ । नेपाल र भारतको सीमा छुट्याउने महाकाली नदीको पञ्चेश्वरमा पुल नहुँदा डुङ्गाबाट दुई देशका नागरिक सीमा वारि–पारि गर्दै आएका छन् । कोरोना महामारीका बेला २०७६ साल चैतमा डुङ्गा चल्न बन्द भयो । त्यसयता पञ्चेश्वर गाउँपालिका–४ स्थित हल्दु–विनायक घाटमा भारतीय सीमा सुरक्षा बलले डुङ्गा चल्न दिएको छैन । पञ्चेश्वर गाउँपालिकाका अध्यक्ष गोरखबहादुर चन्दले महाकाली नदी तर्ने डुङ्गा बन्द हुँदा धार्मिक पूजाआजा, वैवाहिक कार्य, औषधोपचारलगायतका काममा बाधा परेको बताउनुभयो ।
डाङ्ग्रे सारौंको ‘ब्रिडिङ’ सिजन सुरु
हाम्रै घर वरिपरि पाइने डाङ्ग्रे सारौं चराको यतिबेला ‘ब्रिडिङ सिजन’ (प्रजनन समय) चलिरहेको छ । परिवार वृद्धिका लागि यी प्रजातिका चरा अहिले मानव बस्ती नजिकका रुख, विद्युतको पोल, गुज्जमुज्ज भएको तार लगायत स्थानमा गुँड बनाइरहेका छन् । डाङ्ग्रे सारौं गाउँघरमा पाइने सामान्य अवस्थाका चरा प्रजाति हुन ।
सेती प्रादेशिक अस्पताललाई एम्बुलेन्स हस्तान्तरण
रोटरी क्लब अफ धनगढीले सेती प्रादेशिक अस्पताललाई ‘क’ वर्गको एम्बुलेन्स हस्तान्तरण गरेको छ।
अमेरिकाद्वारा सञ्चालित योजनाले परिणाम दिएकोमा खुसी छु : राजदूत थम्पसन
नेपालस्थित अमेरिकी दूतावासका राजदूत डीन आर. थम्पसनले अमेरिकाको सहयोगद्वारा सञ्चालित योजनाबाट सकरात्मक परिणाम निस्केकोमा आफू खुसी भएको बताउनुभएको छ ।
गिट्टीको थुप्रोमा टाउको भेटियो, पहिचान खुल्न सकेन
पाँच दिन अगाडि बैतडीको पाटनमा एक व्यक्तिको टाउको भेट्टिए पनि उनको पहिचान भने खुल्न सकेको छैन । गत आइतबार सडक निर्माणका लागि पाटन नगरपालिका–६ तल्लो बजारमा ल्याएको गिट्टीको थुप्रोमा एक व्यक्तिको टाउको भेट्टिएको थियो ।
सङ्घीयताले सुगमतर्फ रूपान्तरण हुँदै दार्चुला
सुदूरपश्चिम प्रदेशको उत्तरी हिमाली भेगमा पर्ने दार्चुला जिल्ला भौगोलिक रूपमा विकट भए पनि प्राकृतिक दृष्टिले धनी छ । नेपाल सरकारले घोषणा गरेका १३ वटा दुर्गम जिल्लामध्ये दार्चुला पनि एक हो । सङ्घीय संरचनाको निर्माणसँगै यो जिल्ला दुर्गमबाट बिस्तारै सुगमतर्फ फड्को मार्दै छ । सडक, यातायात, ऊर्जासँगै सूचना प्रविधिको प्रयोग र शिक्षा तथा स्वास्थ्यको क्षेत्रमा अपेक्षाकृत परिवर्तन हुँदै आएको छ ।
प्राथमिकताका आधारमा योजना सङ्कलन हुँदै
सुदूरपश्चिम प्रदेश सरकारले आगामी आर्थिक वर्षका लागि यस पटक विगतभन्दा फरक ढङ्गले योजना सङ्कलनको कार्यलाई अगाडि बढाएको छ । जनताको आवश्यकता र प्राथमिकताका योजना पालिकास्तरबाट सोझै समेट्नका लागि सरकारले प्रदेशका ३२ वटै निर्वाचन क्षेत्रमा योजना सम्मेलन/गोष्ठी गरेर वैशाख २५ गतेभित्र योजना सङ्कलन गर्न लागेको हो । वडा हुँदै पालिकासम्म पुगेका योजना सङ्कलन गर्नका लागि प्रदेश सभा सदस्यहरू आआफ्नो निर्वाचन क्षेत्रमा खटिरहनुभएको छ ।
छ लेन सडकको चोरी भएको रेलिङ कवाडी सङ्कलन केन्द्रमा फेला
कैलालीको धनगढीस्थित मोहना पुल अत्तरिया छ लेन सडकबाट चोरी भएको रेलिङ कवाड सङ्कलन केन्द्रमा फेला परेको छ।
-original-thumb.jpg)
घर निर्माणको काम अलपत्र
बाजुरामा बाढीपहिरोबाट विस्थापित भएका घरपरिवारको घर निर्माणको काम अलपत्र परेको छ ।
बाजुरामा भूकम्पको धक्का
बाजुरामा भूकम्पको धक्का महसुस भएको छ । जिल्लाको बिछिया केन्द्रबिन्दु भई भूकम्प गएको राष्ट्रिय भूकम्प मापन तथा अनुसन्धान केन्द्रले जानकारी दिएको छ ।
व्यस्तताका कारण सुदूरपश्चिम सरकार विस्तार हुन सकेन : अध्यक्ष नेपाल
नेकपा (एकीकृत समाजवादी) का अध्यक्ष एवम् पूर्व प्रधानमन्त्री माधवकुमार नेपालले आफूसहितका सत्तारुढ गठबन्धनका शीर्ष नेताहरूको व्यस्तताका कारण सुदूरपश्चिम प्रदेश सरकार बिस्तार गर्न ढिलाइ भएको बताउनुभएको छ ।
भारतीय सडक प्रयोग गरी शव खलङ्गा ल्याइँदै, दुई अझै बेपत्ता
दार्चुलाको व्यास गाउँपालिका –१ मा हिमपहिरोमा परी ज्यान गुमाएका तीन जनाको शव भारतीय सडक प्रयोग गरी सदरमुकाम खलङ्गा ल्याइँदै छ ।
महुवा सङ्कलनको चटारो
कैलालीको ग्रामीण क्षेत्रमा औषधीय गुण भएको महुवा सङ्कलनको चटारो चलेको छ। गहुँ भित्र्याउने काम सकिएपछि स्थानीयवासी जङ्गली महुवा सङ्कलनमा अग्रसर भएका हुन्। स्थानीय महुवा सङ्कलनका लागि बिहानै जङ्गल पस्ने गरेका छन्। महुवा सङ्कलनको सिजन सुरु भएदेखि वनमा महुवा बटुल्नेको चहलपहल बढेको कैलारी गाउँपालिका–७ की कालीदेवी चौधरीले बताउनुभयो।
छ लेन सडकको रेलिङ चोरी
कैलालीको मोहना पुल छ लेन सडक किनारमा लगाइएको रेलिङ चोरी हुन थालेको छ ।
जमिन भासिँदा दुर्घटनाको जोखिम
कैलालीको घुरहा नदीमा रहेको पुल छेउको जमिन भासिएपछि दुर्घटनाको जोखिम बढेको छ । कैलारी गाउँपालिका–४ र ६ को सिमानामा रहेको उक्त पुलमा दुर्घटनाको जोखिम बढेको हो । केगाउँ र भगतपुर जोड्ने पुलको पूर्वी भागमा जमिन भासिएको छ । भासिएको क्षेत्रमा मर्मत कार्य नभएपछि दुर्घटनाको जोखिम बढेको भनाइ स्थानीयको छ । पुल भएर दैनिक कैयौँ मानिस सवारीसाधनबाट ओहोरदोहोर गर्ने गर्छन् ।
हिमपहिरोमा परेका आमाछोरासहित तीन जनाको सनाखत
दार्चुलाको व्याँस गाउँपालिका –१, भोलेनमा मंगलबार दिउँसो हिमपहिरो खस्दा वेपत्ता भएका पाँच जनामध्ये तीन जनाको शव फेला परेको छ । तीनै जनाको सनाखत भएको छ । दार्चुला दुहँ गाउँपालिका –४, का १८ वर्षीय प्रवीण कुँवर, उहाँकी आमा ३६ वर्षीय कमला कुँवर र डोटीको जोरायल गाउँपालिका –२, बुडरका ४५ वर्षीय नक्कीडोमा थापाको शव फेला परेको जिल्ला प्रहरी कार्यालय दार्चुलाका प्रहरी प्रमुख, प्रहरी नायव उपरीक्षक तर्कराज पाण्डेयले बताउनुभयो ।
दार्चुलाको हिमपहिरोमा पुरिएकामध्ये एक शवको पहिचान
दार्चुलाको व्यास गाउँपालिका –१ को भोलुम डाँडामा मंगलबार गएको हिमपहिरोमा परेर बेपत्तामध्ये मृतक एक जनाको पहिचान भएको छ ।
बलात्कार गरेको आरोपमा एक पक्राउ
कञ्चनपुरमा किशोरी बलात्कार गरेको आरोपमा एक जना पक्राउ परेका छन् । १७ वर्षीया किशोरीलाई जबरजस्ती करणी गरेको आरोपमा प्रहरीले एक किशोरलाई पक्राउ गरेको जनाएको छ ।
हिमपहिरोमा पुरिएका दुई महिलासहित तीनको शव फेला
दार्चुलाको व्यास गाउँपालिका –१ मा आज हिमपहिरोमा परी सम्पर्कविहीन रहेका पाँच जनामध्ये दुई महिला र एक पुरुषको शव फेला पारेको छ ।
मन्त्री देउवा र अमेरिकी राजदूत थम्पसनबीच भेटवार्ता
सुदूरपश्चिम प्रदेशका भौतिक पूर्वाधार विकासमन्त्री प्रकाश देउवा र नेपालस्थित अमेरिकी दूतावासका राजदूत डीन आर. थम्पसनबीच बुधबार धनगढीमा भेटवार्ता भएको छ ।
निर्माण पूरा नहुँदै भत्कियो करोडको सभाहल
छ वर्षअघि निर्माण सुरु भएको बैतडी जिल्लाको सभाहल जीर्ण बनेको छ। दशरथचन्द नगरपालिका–४, गढीस्थित जिल्ला समन्वय समितिको प्राङ्गणमा निर्माण भइरहेको सभाहल जीर्ण बनेर छत भत्किने अवस्थामा पुगेको छ।
.jpg)