खुसीले मुक्ति दिवस मनाउन नसकेको गुनासो
जमिन्दारहरुको घरमा दासकै जस्तो जीवन बिताइरहेका कैलाली, कञ्चनपुर, बर्दिया, बाँके र दाङका कमैयालाई सरकारले मुक्त गरेको आज २३ वर्ष पुगेको छ । २०५७ साल साउन २ गते (आजको दिन ) तत्कालीन गिरिजाप्रसाद कोइरालाको सरकारले मुक्त भएको घोषण गरेको थियो ।
कैलालीको भजनी र जोशीपुरमा आज सार्वजनिक बिदा
कैलालीको भजनी नगरपालिका र जोशीपुर गाउँपालिकाले आज सार्वजनिक बिदा दिएका छन् ।
उपमहानगरपालिकाका स्वास्थ्यकर्मी आन्दोलित
धनगढी उपमहानगरपालिकामा कार्यरत ३५ जना स्वास्थ्यकर्मी आन्दोलित भएका छन् । नयाँ आर्थिक वर्षबाट उपमहानगरपालिकाले हाजिर गर्न नदिएपछि उनीहरू आन्दोलित भएका हुन् ।
घोडाघोडी मन्दिरको होमकुण्ड जीर्ण
पूजापाठ, विवाह, व्रतबन्ध लगायत कर्मकाण्डको आम्दानीले नै मन्दिरमा २६ जना बटुकको निःशुल्क शिक्षा आवास गरिँदै आएको बताउने गुरुकुलका प्राचार्य समेत रहेका पुजारी संज्यालले मन्दिरमा होमकुन्डको छानोहाल्न नसक्दा वर्षा र गर्मीमा धार्मिक कार्य गराउन समस्या भएको उल्लेख गर्नुभयो ।
सुदूरपश्चिममा बत्ती बाल्ने महिना सुरु
बैतडीसहित सुदूरपश्चिम प्रदेशमा साउनलाई ‘बत्ती बाल्ने महिना’का रूपमा मनाउने गरिन्छ । धार्मिक महिनाका रूपमा चिनिने यस महिनालाई बत्ती बाल्ने महिना अर्थात् स्थानीय भाषामा ‘कालो महिना’ भनिन्छ । कालो महिना मानिने भएकाले आजदेखि बत्ती बालेर उज्यालो पार्ने पर्वका रूपमा मनाइँदैछ ।
व्यावसायिक पशुपालनमा आकर्षण
बाँकेका शशीराम डाँगी बिहानै ६ बजे दूध लिन आउने गाडीको प्रतीक्षामा बस्नुहुन्छ । उहाँले तयार पार्नुभएको ३५ लिटर दूधको भाँडो उठाएर गाडीले लैजान्छ । बिहान दूध लैजान आउने गाडीले बेलुका पनि उहाँको घर छेउमा आएर हर्न बजाउँछ ।
सुदूरपश्चिम प्रदेश सभा : बजेट बहुमतले पारित
सुदूरपश्चिम प्रदेश सरकारले आर्थिक वर्ष २०८०/८१ का लागि सार्वजनिक गरेको बजेट बहुमतले पारित भएको छ। शनिबार राति बसेको प्रदेश सभा बैठकले बजेट पारित गरेको हो। अघिल्लो दिनसम्म सत्तापक्षकै प्रदेश सभा सदस्यहरू बजेटमाथिको छलफलका क्रममा प्रतिपक्षी दलका सदस्यको भन्दा कडा रूपमा आलोचन गरे पनि अन्ततः बहुमतले पारित गरेको जनाइएको छ। शनिबार एकाएक उहाँहरूको बोली मात्रै फेरिएन बजेट पनि पारित भएको छ। उहाँहरूको माग नै संशोधन नभए बजेट स्वीकार गर्न नसक्ने रहेको थियो।
विना अनुमति मेडिकल सञ्चालन गर्ने पक्राउ
जिल्ला प्रहरी कार्यालय कञ्चनपुरले एक महिनाका अवधिमा अवैधरुपमा मेडिकल पसल सञ्चालन गर्ने १५ जनाविरुद्ध मुद्दा दर्ता गरेको छ । अनधिकृतरुपमा मेडिकल पसल सञ्चालन गरेर उपचार गर्ने १५ जनालाई नियन्त्रणमा लिएर औषधि सम्बन्धी कसुरमा मुद्दा दर्ता गरिएको प्रहरी उपरीक्षक कमल थापाले जानकारी दिनुभयो । “वर्षौंदेखि अनधिकृतरुपमा सञ्चालनमा रहेका मेडिकल पसल बन्द गराउने अभियान थालेका छौँ”, उहाँले भन्नुभयो, “यस क्षेत्रमा बिना इजाजत जोखिमपूर्ण औषधिको बिक्री वितरण तथा उपचार भइरहेको पाइएको छ ।”
आजभोलि खेतमा असारे गीत बज्दैनन्, टिकटक बन्छ
विगतमा किसान जेठको अन्त्यदेखि साउनको पहिलो सातासम्म रोपाइँ गर्थे । एक महिनाभन्दा बढी दिन रोपाइँमा व्यस्त हुने किसानले आलोपालो (अर्मअर्प) प्रथामा रोपाइँ गर्थे ।
भारतीय पक्षबाट महाकालीको पानी तान्ने प्रस्ताव
नेपाल–भारत समन्वय बैठकमा भारतीय अधिकारीले धारचुलामा खानेपानीको समस्या भएकाले महाकाली नदीको पुलघाट (दार्चुला पारि) बाट लिफ्ट गर्न सहमति मागेका छन् । नेपाली पक्षले भने यस विषयमा सरकारलाई जानकारी गराउने बताएका छन् । भारतको पिथौरागढमा भएको नेपाल–भारत समन्वय बैठकमा नेपालको तर्फबाट बैतडी र दार्चुला र पिथौरागढ जिल्लाका प्रमुख अधिकारी र सुरक्षा निकायका प्रमुखहरूको सहभागिता रहेको जनाइएको छ ।
अवरुद्ध सडक सुचारु गर्न खटिए जनप्रतिनिधि
त्रिवेणी नगरपालिका क्षेत्रमा अवरुद्ध सडक सञ्चालन गर्न काममा स्थानीय जनप्रतिनिधि नै खटिएका छन् । असारको पहिलो सातादेखि लगातार परेको पानीका कारण अवरुद्ध सडक जनप्रतिनिधिले एस्काभेटर लिएर सडक सञ्चालन गराउन खटिएका हुन् । २०७५ देखि २०८० सम्म त्रिवेणी नगरपालिकाका नौ वटै वडा सडक सञ्जालले जोडिएका छन् । सडक अवरुद्ध हुँदा स्थानीयवासी दैनिक उपभोग्य सामग्री ल्याउन दुई घण्टा पैदल हिँडेर बूढीगङ्गा नगरपालिकाको बार्जुगाड र बाम्का बेतालमाण्डौँलगायतका बजारमा जान बाध्य छन् ।
वर्षौंदेखि डुङ्गाको भरमा ओहोरदोहोर
छेङ्गालाल डङ्गौराको जवानीले उहाँको साथ छोडिसकेको छ । ज्येष्ठ नागरिक डङ्गौराले डुङ्गा तर्नुपर्ने बाध्यता भने अझै हटेको छैन । “वचनपनदेखि डुङ्गाबाट ओहोदोहोर गर्दै अहिलेको अवस्थासम्म पुगिसक्यौँ,” उहाँले भन्नुभयो, “कपाल फुलिसक्दा पनि डुङ्गा तर्नुपर्ने बाध्यताको हटेको छैन ।”
‘आफ्नै बारीको तरकारीले आत्मनिर्भर बनायो ’
बाँके बैजनाथ गाउँपालिका–८ टिटीहिरियाकी ५२ वर्षीया शान्ति चौधरीको दैनिकी २३ किलोमिटरको दूरी पार गर्दै आफ्नै बारीमा फलेको तरकारी लिएर नेपालगन्जको बजारमा बेच्नमै व्यस्त छ ।
सुदूरपश्चिम प्रदेशको बजेट बहुमतले पारित
सुदूरपश्चिम प्रदेशको आर्थिक वर्ष २०८०-८१ को बजेट बहुमतले पारित भएको छ । गए राति बसेको प्रदेश सभाको बैठकले बहुमतबाट बजेट पारित गरेको हो ।
सुत्केरीको हवाई उद्धार
कैलालीबाट एक महिलाको हवाई उद्धार गरिएको छ। सुत्केरी व्यथा लागेर अवस्था जटिल बनेकी मोहन्याल गाउँपालिका–४ ओखलढुङ्गाकी ३७ वर्षीया बिमला मिजारको हेलिकोप्टरमार्फत उद्धार गरिएको हो।
नेपाल–भारत बैठक : झुलाघाट नाका बिहान ६ बजे खोल्ने सहमति
नेपालको बैतडी र दार्चुला तथा भारतको पिथौरागढ जिल्लाका प्रमुख जिल्ला अधिकारी सम्मिलित बैठकले बैतडीसँग जोडिएको झुलाघाट नाका खोल्नेबारे उक्त सहमति भएको हो ।
राना थारु समुदायका महिलाले तीज पर्व भदौ २ मा मनाउने
कैलाली–कञ्चनपुरका मूल निवासी राना थारु समुदायका महिलाले श्रावण शुक्लपक्षको तृतीया तिथिमा मनाउने तीज पर्व आगामी भदौ २ गते मनाउने भएका छन् ।
नेपाल–भारत जोड्ने झोलुङ्गे पुलको लठ्ठा चुँडिँदा आवतजावत बन्द
दार्चुलाको महाकाली नगरपालिका –९ दत्तु र भारतको बालुवाकोट जोड्ने झोलुङ्गे पुलको लठ्ठा चुँडिँदा आवतजावत नगर्न जिल्ला प्रशासन कार्यालय दार्चुलाले अनुरोध गरेको छ ।
अछामको कालागाउँमा अस्थायी प्रहरी पोष्ट स्थापना
मंगलसेन नगरपालिका–१४ कालागाउँमा अस्थायी प्रहरी पोष्ट स्थापना गरिएको छ । कालागाउँको मेलपोखरामा राखिएको अस्थायी पोष्टले तीन स्थानीय तहका छ वडा कार्यक्षेत्र तोकिएको छ ।
प्रदेश सभामा बजेटमाथि छलफल जारी
सुदूरपश्चिम प्रदेश सरकारले आगामी आर्थिक वर्षका लागि ल्याएको बजेटमाथि प्रदेश सभामा छलफल जारी रहेको छ। छलफलमा भाग लिनुभएका सत्तापक्ष र प्रतिपक्षका प्रदेश सभा सदस्यले बजेटको तीव्र आलोचना गरिरहनु भएको छ।
वैकल्पिक सडकका लागि पर्याप्त बजेट
वैकल्पिक सहायक राजमार्ग विकास कायक्रम अन्तर्गत डडेलधुरा जिल्लाको सहायक सडक निर्माणका लागि नयाँ आर्थिक वर्ष २०८०/८१ मा देशभरमै बढी बजेट छुट्याइएको छ । सडक निर्माण तथा स्तरोन्नतिका लागि पाँच अर्ब २० करोड ५७ लाख रुपियाँ बजेट छुट्याइएको छ । भौतिक पूर्वाधार मन्त्रालयका अनुसार, सो रकममध्ये एक अर्ब १० करोड रुपियाँ डडेलधुरा जिल्लाका सडक निर्माणका लागि छुट्याइएको छ । सो रकम देशभरमै सबैभन्दा बढी हुन आउँछ । वैकल्पिक सहायक राजमार्ग विकास कार्यक्रममा डडेलधुराका आठ वटा आयोजना छनोटमा परेका छन् । एउटै योजनामा १० करोडदेखि ३० करोड रुपियाँसम्म बजेट छुट्याइएको छ ।
सडक आवतजावतमा समस्या
बर्खा सुरु भएसँगै मार्तडी–कोल्टी सडक अवरुद्ध हुन थालेको छ । एक वर्ष पहिला कालोपत्रे हुनुपर्ने यो सडक निर्माणकार्यमा ठेकेदार कम्पनीले ढिलाइ गरेसँगै बर्खाको समयमा सडक अवरुद्ध हुने गरेको हो । २०७८ सालको असारमै काम सम्पन्न गर्ने गरी २०७६ असारमा धुलिखेल ग्वाल्भा श्याम एन्ड शङ्कर प्रालि काठमाडाैँ र बानियाँ कोटेश्वर जेभी प्रालि हेटौँडाले सडक निर्माणको जिम्मा लिएको हो ।
डेढ करोडका योजना अन्तिम चरणमा
अमरगढी नगरपालिका–७ मा डेढ करोडभन्दा बढीका योजना पूरा भएका छन् । चालु आर्थिक वर्षमा २१ योजना पूरा गर्न एक करोड ५२ लाख रुपियाँ खर्च भएको छ । पोखरा क्षेत्रका २१ वटा टोलमा पक्की बाटो निर्माण गरिएको छ । त्यस्तै पिसिसी बाटो निर्माणमा ८० लाख रुपियाँ खर्च गरिएको वडाध्यक्ष खड्क बोहराले जानकारी दिनुभयो । सातौँ वडा भेला कार्यक्रममा चालु आर्थिक वर्षको योजना र खर्चबारे जानकारी दिँदै वडा सचिव लोकराज पाठकले सबै योजना पूरा भइसकेको बताउनुभयो ।
बाघको आक्रमणबाट महिला घाइते
बाघको आक्रमणबाट कञ्चनपुरको बेलौरीमा एक महिला घाइते भएकी छिन् । बाघको आक्रमणमा परी बेलौरी नगरपालिका–९ डाडाकुण्डाकी २५ वर्षीया बिन्दु डगौंरा घाइते भएकी हुन् ।
झोलुङगे पुलका सामान सुरक्षित स्थानमा राखिँदै
कञ्चनपुरको शुक्लाफाँटा नगरपालिका–१२ तिलकीस्थित वनहरा नदीमा बाढीले चुँडालेको झोलुङ्गे पुलको सामान सुरक्षित स्थानमा राख्न थालिएको छ । गत वर्षको बाढीले चुँडालेको पुलका सामान खोलेर वडा कार्यालयमा राख्न लागिएको हो ।
