मनाङका विद्यालय खुल्न थाले
हिमाली जिल्ला मनाङमा विद्यालय खुल्न थालेका छन् । हिउँदे बिदा सकिएपछि फागुनको सुरुआतसँगै विद्यालय खुल्न थालेका हुन् ।
भवन बनेपछि प्रहरीलाई सेवा प्रवाहमा सहज
जिल्ला प्रहरी कार्यालय तनहुँको तीनवटा सुविधासम्पन्न भवन बनेपछि सेवा प्रवाहमा सहजता भएको छ। पुरानो र जीर्ण भवनबाट सेवा प्रवाह हुँदै आएकोमा अब सुविधासम्पन्न नयाँ भवनबाट प्रहरीको कामकारबाही सञ्चालन हुने जनाइएको छ।
बेनी अस्पतालमा ज्येष्ठ नागरिक उपचार कक्ष
स्थानीय ज्येष्ठ नागरिकलाई स्वास्थ्य सेवाको पहुँचमा ल्याउन बेनी अस्पतालमा ज्येष्ठ नागरिक उपचार कक्ष सञ्चालन गरिएको छ। सङ्घीय सरकारको सहयोगमा अस्पताल व्यवस्थापन समितिले सोमबारदेखि ६० वर्ष उमेर पुगेका ज्येष्ठ नागरिकको उपचारका लागि बहिरङ्ग कक्ष तथा वार्ड सञ्चालनमा ल्याएको हो।
पोखरामै छैनन् आधुनिक दमकल
१० दिनअगाडि मुस्ताङको थासाङ गाउँपालिका–३, लेते कालोपानीमा आगो लागेपछि नियन्त्रण लिन हम्मेहम्मे प-यो। आगो निभाउने दमकल जान सक्ने मार्ग नहुँदा आगो नियन्त्रण लिन समस्या भएको भनाइ अग्नि नियन्त्रकहरूको छ।
-original-thumb.jpg)
यती एयर दुर्घटना : चालक परिवर्तन मुख्य कारक
यती एयरलाइन्सको माघ १ गते पोखरामा भएको दुर्घटनाको छानबिनका क्रममा दुर्घटना हुनु केही समयअघि विमान उडानको मुख्य नेतृत्व चालकबाट सहचालकले लिएको पाइएको छ।
सुकुम्वासीलाई जग्गाको निस्सा वितरण
पर्वतको जलजला गाउँपालिका भित्र बसोवास गरिरहेका भूमिहीन सुकुम्वासी तथा अव्यवस्थित बसोवासीलाई जग्गाको निस्सा वितरण सुरु गरिएको छ ।
यात्रु चढेको गाडी काली गण्डकीमा खस्यो, १८ घाइते
जोमसोमबाट पोखराका लागि छुटेको म्याग्दी कोरला यातायातको ना ७ ख ७४४० नम्बरको बस आज काली गण्डकी नदीमा खसेको छ । गाडीमा सवार १८ जना घाइते भएका छन् ।
बङ्गुर फर्ममा ‘अफ्रिकन स्वाइन फिभर’ को सङ्क्रमण
म्याग्दीमा 'अफ्रिकन स्वाइन फिभर'को सङ्क्रमणबाट झण्डै पाँच सय बङ्गुर मरेका छन् । म्याग्दीको सदरमुकाम बेनी नगरपालिका ७ वडाको अग्निखेत क्षेत्र एवम् ग्रामीण भेगमा मात्रै चार सय ८१ वटा बङ्गुरको मृत्यु भएको भेटेरिनरी अस्पताल तथा पशु विज्ञ केन्द्र म्याग्दीले जनाएको छ ।
मुख्यमन्त्री कपमा बाग्लुङ र म्याग्दी विजयी
गण्डकी प्रदेश मुख्यमन्त्री कप २०७९ मा पुरुषतर्फ बाग्लुङ र महिलातर्फ म्याग्दीले जितेका छन् । गण्डकी खेलकुद परिषद्ले स्याङ्जाको वालिङमा आयोजना गरेको प्रतियोगितामा बाग्लुङले पर्वतलाई ३–१ सेटले पराजित गरेको थियो ।
"व्यावसायिक र रोजगारमुखी शिक्षा आजको आवश्यकता"
पूर्वाञ्चल विश्व विद्यालयका उपकुलपति प्राध्यापक डाक्टर यादवराज कोइरालाले समय अनुकूल गुणस्तरीय र व्यावहारिक शिक्षालाई अङ्गाल्नुपर्ने अनिवार्य आवश्यकता रहेकोमा जोड दिनुभयो ।
फागुन ४ गते गण्डकी सरकार स्थापना दिवसको सार्वजनिक बिदा
गण्डकी प्रदेश सरकारको स्थापना दिवसका अवसरमा फागुन ४ गते बिहीबार प्रदेशभर सार्वजनिक बिदा दिइने भएको छ । गत वर्ष चैत २३ गतेको बसेको मन्त्रिपरिषद् बैठकले यो वर्षका बिदाबारे निर्णय गरेको थियो ।
जोमसोमबाट पोखरा जाँदै गरेको बस लेतेमा दुर्घटना १७ घाइते
मुस्ताङको जोमसोमबाट पोखराका लागि छुटेको म्याग्दी कोरलाको ना ७ ख ७४४० नम्बरको यात्रुबाहक बस बेनी–जोमसोम कोरला सडक अन्तर्गत लेतेमा दुर्घटना भएको छ ।
मानवीय आचरणका कारण प्राकृतिक सम्पदामा असर
गण्डकी प्रदेश कृषि, ऊर्जा तथा जलस्रोतमन्त्री वेदबहादुर गुरुङले मानवीय क्रियाकलापका कारण प्राकृतिक सम्पदामा ठूलो असर परेको बताउनुभएको छ। जलाधार क्षेत्रमा बढ्दै गएको प्रदूषण रोक्न पानीसँग जोडिएका धर्म, संस्कार रीतिरिवाज एवं संस्कृति उजागर गर्नुपर्ने धारणा पनि उहाँको छ। नारायणी जलाधार संरक्षण गर्न आयोजित नारायणी नदी सम्मेलनमा उहाँले सो विचार व्यक्त गर्नुभएको हो।
अचार बनाउने तालिम सुरु
म्याग्दी सदरमुकाम बेनीमा अचार बनाउने तालिम सुरु भएको छ । महिला उद्यम विकास समिति म्याग्दी र म्याग्दी उद्योग वाणिज्य सङ्घको संयुक्त आयोजनामा सोमबारदेखि महिलालाई लक्षित गरेर तालिम सञ्चालन गरिएको हो । आगामी पाँच दिनसम्म सञ्चालन हुने तालिममा ८५ जना महिलाको सहभागिता रहेको छ ।
सराङघाट सबस्टेसन सञ्चालन
तनहुँ हाइड्रोपावर लिमिटेडले विद्युत् आपूर्ति नियमित गर्न बन्दीपुर गाउँपालिका–६, सराङघाटमा ३३/११ केभीको सबस्टेसन निर्माण गरेको छ । तनहुँमा निर्माण भइरहेको १४० मेगावाटको तनहुँ जलविद्युत् आयोजनाको सामाजिक विकास कार्यक्रमअन्तर्गत सो सबस्टेसन निर्माण पूरा गरिएको कम्पनीले जनाएको छ ।
रजत जयन्ती मनाउँदै सिरुबारी
दक्षिण एसियाको पहिलो नमुना सामुदायिक होमस्टे (घरबास) सिरुबारीले रजत जयन्ती मनाउने तयारी गरेको छ । २०५४ सालमा स्थापना भएको ग्रामीण पर्यटकीय गाउँ सिरुबारी होमस्टेले फागुन ५ र ६ गते रजत वर्ष मनाउने तयारी गरेको सिरुबारी पर्यटन विकास समितिका अध्यक्ष जितेन्द्र गुरुङले बताउनुभयो । संस्कृति, पर्यटन तथा नागरिक उड्डयनमन्त्री, गण्डकी प्रदेश सरकारका मन्त्री तथा विशिष्ट व्यक्तिलाई सहभागी गराएर रजत वर्ष मनाउने समितिले तयारी गरेको हो ।
भ्यालेन्टाइनमा पोखरा प्रेमिल गन्तव्य
प्रत्येक दिन प्रेम दिवस हो, एउटा सत्य जानिराख, प्रेमभन्दा मूल्यवान् केही अरू हुँदैन ठानिराख, सभ्यताको आकाशभर कति घाम उदाए, जून उदाए, प्रेमको इतिहास चोखो लेखिनुपर्छ ठानीराख।
ज्यामिरेमा बहुउद्देश्यीय भवन सञ्चालनमा
पुतलीबजार नगरपालिका – २ ज्यामिरेमा स्थानीयले बहुउद्देश्यीय भवन निर्माण गरेका छन् ।
रानीमहलमा आउने जोडीलाई सम्मान (फोटो फिचर)
प्रणय दिवसका अवसरमा आज (मङ्गलबार) रानीमहलमा पुग्ने जोडीलाई सम्मान गरिएको छ । प्रेम साटासाट गर्न रानीमहल पुगेका प्रेम जोडीलाई तानसेन नगरपालिका, नाटा लुम्बिनी र नाटा पाल्पा च्याप्टरले सम्मान गरेको हो ।
डाक्टर छैनन्, उपकरण बिग्रिए
पर्वतको कुस्मा नगरपालिका–१२, ठूलीपोखरीमा रहेको प्राथमिक स्वास्थ्य केन्द्रमा एक जना एमबीबीएस डाक्टरसहित १० जनाको दरबन्दी रहेको छ तर अहिले करारमा रहेका स्वास्थ्य सहायक ‘एचए’ले निमित्तका रूपमा स्वास्थ्य केन्द्र चलाउँदै आएका छन्। दरबन्दीमा रहेका डाक्टर अध्ययन बिदामा गएपछि हालसम्म अन्य डाक्टर आएका छैनन्। डा. विवेक भण्डारी २०७५ सालमा अध्ययन बिदामा गएपछि केन्द्रमा दरबन्दीको कुनै डाक्टर आएका छैनन्।
दाताको भरमा आश्रम सञ्चालन
तनहुँको व्यास नगरपालिका–५ बेनीपाटनमा सञ्चालित ज्येष्ठ नागरिक आश्रममा नौ वृद्धवृद्धाले सहारा पाउनुभएको छ ।
वालिङ नगरपालिकाले थाल्यो अव्यवस्थित तार व्यवस्थापनको काम
स्याङ्जाको वालिङ नगरपालिकाले बजारमा अव्यवस्थित रुपमा रहेका टेलिफोन तथा इन्टरनेटका तार व्यवस्थापन गर्न सुरु गरेको छ ।
हात्तीपाइलेको औषधि खुवाइँदै
पर्वतमा आगामी फागुन ११ गतेदेखि हात्तीपाइले रोगविरुद्धको औषधि खुवाइने भएको छ। स्वास्थ्य कार्यालयका निमित्त प्रमुख सन्तोष पौडेलले यस वर्ष अन्तिम चरणमा औषधि खुवाउन थालिएको जानकारी दिनुभयो। २०६४ सालबाट सो औषधि सेवनको थालनी गरिएको थियो। स्वास्थ्य कार्यालयको फितलो अनुगमन र स्वास्थ्यकर्मीको लापरबाहीका कारण पर्वतमा अभियान सुरु भएको १३ वर्षसम्म हात्तीपाइले रोगको निवारण हुनसकेको छैन। १३औँ चरणमा पनि प्रभावकारी नभएपछि यस वर्ष १४औँ चरणमा हात्तीपाइले रोगविरुद्धको आम औषधि खुवाइने भएको छ।
अन्तर्राष्ट्रिय उडानसँगै रात्रिकालीन सेवाको तयारी
पोखरा अन्तर्राष्ट्रिय विमानस्थल अन्तर्राष्ट्रिय उडान सेवाका लागि आवश्यक तयारी पूरा भएको छ। सो उडानसँगै रात्रिकालीन उडान सेवासमेत सञ्चालन गरिने विमानस्थल प्रमुख विक्रम गौतमले बताउनुभएको छ। उहाँले २३ फेब्रुअरी (फागुन ११)देखि अन्तर्राष्ट्रिय विमान उडानको तयारी रहेको जानकारी दिनुभयो। गत जनवरी १ देखि सञ्चालनमा आएको पोखरा अन्तर्राष्ट्रिय विमानस्थलमा अहिले दिउँसो चार बजेपछि नियमित उडान रहेको छैन।
वन्यजन्तुलाई खानेपानीको सुविधा
मानव र वन्यजन्तुबीचको द्वन्द्व न्यूनीकरण तथा वन्यजन्तुलाई खानेपानी सुविधाका लागि वनमै पोखरी निर्माण गरिएको छ। डिभिजन वन कार्यालय बागलुङले ‘एक सामुदायिक वन, एक पोखरी’ कार्यक्रमअन्तर्गत पोखरी निर्माण अभियानलाई तीव्र बनाएको छ। पानीको स्रोत संरक्षण, जङ्गल तल रहेका पानीको मुहान ‘रिचार्ज’ बढाउने तथा जङ्गली जीवजन्तुलाई पानीको स्रोत उपलब्ध गराउने उद्देश्यले सामुदायिक वन उपभोक्ता समूहमार्फत एक सामुदायिक वन एक संरक्षण पोखरी निर्माण अभियान थालेको डिभिजन वन कार्यालय प्रमुख
