म्याग्दीबाट बीस करोडको सुन्तला बिक्री
म्याग्दी जिल्लाबाट यस वर्ष रु २० करोड मूल्य बराबरको सुन्तला निकासी भएको छ । जिल्लामा उत्पादन भएको सुन्तला जिल्ला सदरमुकाम बेनीका साथै राजधानी काठमाडौँ, पोखरा, मुग्लिङलगायतका बजारमा निकासी भएको कृषि ज्ञान केन्द्रले जनाएको छ ।
तनहुँ जलविद्युत् आयोजना समयमै पूरा गर्न निर्देशन
नेपाली कांग्रेसका नेता तथा प्रतिनिधि सभा सदस्य शङ्कर भण्डारीसहितको जनप्रतिनिधिहरू सम्मिलित एक उच्च स्तरीय टोलीले निर्माणाधीन १४० मेगावाट क्षमताको तनहुँ जलविद्युत् आयोजनाको निरीक्षण गरेको छ ।
पक्की घर पाएपछि विपन्न परिवारमा खुसी
घर नहुँदा झुप्रोमा कष्टपूर्ण जीवन निर्वाह गरिरहनुभएका बन्दीपुर गाउँपालिका–४, विमलनगर निवासी सूर्यबहादुर नेपाली पक्की घर पाएपछि खुसी हुनुभएको छ । सोही ठाउँ निवासी समाजसेवी सीता थापाको सक्रियतामा घर निर्माण गरी नेपालीलाई हस्तान्तर गरिएको हो । सीताको नेतृत्वमा विभिन्न व्यक्तिबाट सहयोग जुटाएर दुईकोठे पक्की घर बनाइएको छ । विभिन्न समूह र व्यक्तिबाट एक लाख २३ हजार रुपियाँ नगद सङ्कलन गरी सिमेन्ट, ढुङ्गा, बालुवा, जस्तापाता खरिद गरी बाँकी स्थानीयवासीबाट श्रमदान गरी सो घर निर्माण गरिएको हो ।
प्राकृतिक सौन्दर्यले भरिपूर्ण छ गाजाको दह
बाह्रै महिना आन्तरिक पर्यटकले भरिने गाजाको दह प्राकृतिक सौन्दर्यले भरिपूर्ण छ ।
दोर्दीमा ज्येष्ठ नागरिक सम्मानित
लमजुङको दोर्दी गाउँपालिकाले ज्येष्ठ नागरिकलाई सम्मानित गरेको छ । जाडोको समयमा जेष्ठ नागरिकलाई गाउँपालिकाले न्यानो सिरक तथा कपडासहित ज्येष्ठ नागरिकलाई सम्मानित गरेको हो ।
समयमा सडकको कार्य सम्पादन गर्न ध्यानाकर्षण
राष्ट्रिय गौरव आयोजनाको रुपमा रहेको नारायणगढ बुटवल सडक योजनाको काम चाँडो सम्पन्न गर्न सडक निर्माण र सरोकारवालाले प्रमुख जिल्ला अधिकारी कृष्णप्र्रसाद लम्सालको ध्यानाकर्षण गराएका छन् ।
बागलुङ–पोखरा सडक दैनिक आठ घण्टा बन्द हुने
मध्यपहाडी लोकमार्गको बागलुङ–पोखरा खण्ड दैनिक आठ घण्टा बन्द हुने भएको छ । बागलुङ– पोखरा खण्डको स्तरोन्नतिको कामका लागि यातायात बन्द गरेर काम अघि बढाइने भएको हो ।
सुमन श्रेष्ठ ११ दिनदेखि बेपत्ता
तनहुँका एक युवक ११ दिनदेखि बेपत्ता भएका छन् । म्याग्दे गाँउपालिका–४ घुम्ती निवासी २४ वर्षीय सुमन श्रेष्ठ ११ दिनदेखि बेपत्ता हुनु भएको हो ।
पाउद्वार तातोपानी कुण्ड प्राकृतिक उपचार स्थल बन्दै (फोटो फिचर )
म्याग्दीको अन्नपूर्ण गाउँपालिका ५ पाउद्वारस्थित कालीगण्डकी नदी किनारमा रहेको तातोपानी कुण्ड प्राकृतिक उपचार स्थलका रुपमा विकास हुन थालेको छ ।
बन्दीपुरमा सुन्तला उत्पादन वृद्धि
तनहुँको बन्दीपुर गाउँपालिकामा सुन्तला उत्पादनमा वृद्धि भएको छ । गाउँपालिकाले सुन्तला खेतीलाई प्राथमिकता दिएर कार्यक्रम सञ्चालन गरेपछि उत्पादन वृद्धि भएको हो ।
अवैध सामान बरामद
कावासोती नगरपालिका–१६ स्थित पूर्व–पश्चिम राजमार्गमा अवैध रूपमा भन्सार छलेर ल्याएका २२ लाखभन्दा बढीको सामग्री प्रहरीले बरामद गरेको छ। प्रहरीले बिनाबिलको युरिया मल ४०० बोरा बरामद गरेको छ। प्रहरीका अनुसार लु. २ ख ५७०८ नं. को ट्रकबाट अन्दाजी मूल्य १९ लाख बराबरको विभिन्न सामग्री पनि बरामद गरिएको छ।
गाउँमा तयार हुँदै इन्जिनियर
अन्नपूर्ण गाउँपालिका–४, नारच्याङ्की १६ वर्षीया सोनिया थजाली स्थानीय प्रभा माध्यमिक विद्यालयमा कक्षा १० मा इलेक्ट्रिकल इन्जिनियर पढ्दै हुनुहुन्छ। गाउँमै प्राविधिक विषयको अध्ययन गर्न पाउँदा उहाँ निकै खुसी हुनुहुन्छ। इलेक्ट्रिकल इन्जिनियरको पढाइ सकाएर गाउँकै जलविद्युत् आयोजनामा काम गर्ने सपना थजालीले बुन्नुभएको छ।
एकै रात तेह्र घरमा चोरी
देशकै पहिलो होमस्टे आँधीखोला गाउँपालिका–१, सिरुबारीमा एकै रात १३ ठाउँमा चोरी भएको छ। वडा कार्यालयसहित एक बौद्ध गुम्बा, एक सहकारी र आठवटा निजी घरमा चोरी भएको हो। राजास्वारादेखि सिरुबारीसम्मको दुई किमि दूरीभित्र चोरी भएको प्रहरी निरीक्षक पदमराज थापाले बताउनुभयो। चोरी गर्नेले मुख्य गरेर सुन र नगदमा ध्यान दिएको देखिएको छ। बौद्ध गुम्बाको दान पेटिका लग्दा भित्र रहेका वर्षौंदेखिका पुराना बुद्धका मूर्तिमा भने केही नगरेको थापाले बताउनुभयो।
लमजुङको दूधपोखरीमा बन्यो मोटरेवल पुल
लमजुङको दूधपोखरी गाउँपालिका ४ र ५ जोड्न कुयाँले खोलामा मोटर गुड्ने पुल निर्माण गरिएको छ।
पोखराका मुख्य चोकमा पार्किङ निषेध : विकल्प दिन व्यापारीको माग
पोखराको मुख्य सडकका चोकमा मोटरसाइकल र गाडी पार्किङ गर्न पोखरा महानगरपालिकाले निषेध गरेको छ। महानगरपालिको निर्णय अनुसार मुख्य सहरी क्षेत्रको सडकमा पार्किङ गर्न पाइने छैन।
दलबीच सहमति, सहकार्य र एकताको खाँचो छ : वरिष्ठ नेता पौडेल
नेपाली कांग्रेसका वरिष्ठ नेता रामचन्द्र पौडेलले देशमा विकास, स्थायित्व र सुशासन कायम राख्न राजनीतिक दलबीच एकता आवश्यक रहेको बताउनु भएको छ।
गुरुङलाई छैटौँ व्यास नगर अल्ट्रा म्याराथन उपाधि
शहीद दिवसको उपलक्ष्यमा व्यास नगरपालिकाले आयोजना गरेको छैटौँ व्यास नगर अल्ट्रा म्याराथन प्रतियोगिताको उपाधि व्यास नगरपालिका–७ का २६ वर्षीय विशाल गुरुङले जित्नु भएको छ ।
प्रदेश सभा सदस्यलाई बत्तीदेखि भ्रमण भत्ताको सुविधा
प्रदेश सभा सदस्यहरूले शपथ लिएकै दिनदेखि विभिन्न किसिमका सेवासुविधा तथा भत्ता पाउने कानुनी व्यवस्था रहेको छ । प्रदेश सभा सदस्यले मासिक ३६ हजार २४२ रुपियाँ तलब र एक सहायक स्वकीय सचिव राख्न पाउँछन् । सांसदले संसद्को प्रतिबैठक एक हजार भत्ता र ७५० रुपियाँ यातायात खर्च पाउने व्यवस्था छ । गत मङ्सिर ४ को चुनावमार्फत प्रदेश सभा सदस्य चुनिएकामध्येबाट सभामुख र उपसभामुख चयन भइसकेका छन् ।
देउरालीडाँडा पहिरोको त्रासमा स्थानीयवासी
लमजुङ सदरमुकाम बेँसीसहर आउने एक मात्र डुम्रे–बेँसीसहर सडकको उदिपुर देउरालीडाँडामा पहिरोको पुनः त्रास बढेको छ । हिउँदमा समेत सुक्खा पहिरो जाने गरेका कारण वैकल्पिक सडक निर्माणका लागि स्तरोन्नतिको पहल थालिएको छ । बेँसीसहर नगरपालिका–८ को प्रशासन चोक हुँदै बाँझाखेत भएर आँपचौर, चितीको बरबोट, रिट्ठेबगर हुँदै मस्र्याङ्दी नदीपारिको बाटो उदिपुरसम्म वैकल्पिक सडक स्तरोन्नतिको पहल थालिएको छ ।
रत्नेचौरको पहिचान बन्दै चिता हाउस
पछिल्लो समय भाइरल बस्ती भनेर चिनिने बेनी नगरपालिका–१, रत्नेचौरको तोरीको फाँट नजिकै रहेको चिता हाउस सञ्चालनको छोटो अवधिमै राम्रो पहिचान बनाउन सफल भएको छ । एकै घरका दुई दाजुभाइले चिता हाउस सञ्चालन गरेका हुन् ।
जमिन बाँझो नराख्नेलाई अनुदान
भिमाद नगरपालिकाले ‘समृद्धिको आधार उत्पादनमा वृद्धि र व्यापार’ नाराका साथ उत्पादन बढाउन अभियान सुरु गरेको छ । अभियानअन्तर्गत बाँझो जग्गामा उत्पादन गर्नेलाई अनुदान उपलब्ध गराउने निर्णय गरिएको भिमाद नगरपालिकाले जनाएको छ । गाउँका अधिकांश खेतबारी बाँझो राख्ने क्रम बढेकाले यसलाई रोकी उत्पादन वृद्धि गरेर व्यापारको माध्यमबाट कृषकलाई आम्दानी दिने उद्देश्यले अनुदानको व्यवस्था गरिएको भिमाद नगरपालिकाका प्रमुख दधिराज सुवेदीले बताउनुभयो ।
पोखराका व्यस्त सडकमा ‘पार्किङ ’ गर्न रोक
पोखराका मुख्य बजारका सडक छेउमा सवारी पार्किङ निषेध गरिने भएको छ । पोखरा महानगरपालिकाले सोमबार एक सूचना जारी गर्दै बजारका मुख्य स्थानमा पार्किङ निषेध गर्ने निर्णय गरेको सूचना सार्वजनिक गरेको हो ।
तोरीबारीको पृष्ठभूमिमा बागलुङको कुँडुले गाउँ
बागलुङ नगरपालिका–४ स्थित कुँडुले फेँदीमा फुलेको पहेँलपुर तोरी र पृष्ठभूमिमा कुँडुले गाउँ ।
ढगैंबेंसीलाई पर्यटकीय गन्तव्य बनाइने
राष्ट्रिय विभूति भक्ति थापाको जन्मस्थल मर्स्याङ्दी गाउँपालिका वडा ३ ढगैंबेंसीलाई पर्यटकीय गन्तव्य बनाइने भएको छ ।
उत्कृष्ट कृषक नगदसहित सम्मानित
स्याङ्जाको बिरुवा गाउँपालिकाले उत्कृष्ट कृषकलाई नगद पुरस्कारसहित सम्मानित गरेको छ ।
