प्राथमिकतामा परेन जग्गा वर्गीकरण
जिल्लामा जग्गा वर्गीकरणको काम नहुँदा सर्वसाधारण मर्कामा परेका छन्। आफ्नो क्षेत्रभित्रको जग्गा वर्गीकरण गरी पठाउन केन्द्रले स्थानीय तहलाई निर्देशन दिए पनि अधिकांशले अहिलेसम्म वर्गीकरणको काम टुङ्ग्याएका छैनन्। जग्गा वर्गीकरणका लागि स्रोतसाधनको कमीले गर्दा काममा ढिलाइ भएको स्थानीय तहहरूको दाबी छ। अहिले अधिकांश स्थानीय तहले काम सुरु गरिसकेको जनाएका छन्। आरुघाट गाउँपालिकाका अध्यक्ष राजु गुरुङले भन्नुभयो, “अहिले वडा वडामा प्राविधिक पठाएर सर्वेक्षणको काम भइरहेको छ। उक्त कार्य सकिएपछि छिट्टै बैठक बसेर यसलाई टुङ्ग्याउँछौँ।” उत्तरी गोरखाको चुमनुब्री गाउँपालिकामा तीन वडामा सर्वेक्षणको काम सकिएको छ। सात वडा भएको सो पालिकामा चार वडामा वर्गीकरणको काम हुन बाँकी रहेको प्रमुख प्रशासकीय अधिकृत भीमसेन श्रेष्ठले जानकारी दिनुभयो।
स्पष्टीकरणपछि सडकको काम पुनः सञ्चालन
ठेक्का सम्झौता भएर लामो समयसम्म प्रगति हुन नसकेको तनहुँको भानु नगरपालिकास्थित भानु मार्गको काम पुनः सुरु भएको छ । पटक–पटक म्याद थप भएर पनि सडक कालोपत्रको काम ढिलासुस्ती भएको उक्त खण्डमा पूर्वाधार विकास कार्यालयले निर्माण कम्पनीलाई स्पष्टीकरण सोधेपछि काम पुनः सुरु भएको हो । कार्यालयले केही समय अगाडि कारबाहीस्वरुप स्पष्टीकरण सोधेको थियो । लगत्तै निर्माण कम्पनीले कामलाई अगाडि बढाएको छ । भानु नगरपालिका–१३ चन्द्रावती, पोखरीछाप, ठूल्ढुङ्गा दश किलोमिटर सडकखण्डको कालोपत्र ढिलाइ हुँदा सर्वसाधारणलाई सास्ती हुँदै आएको छ ।
वृहत् निःशुल्क आयुर्वेद स्वास्थ्य शिविर
अर्जुनचौपारी गाउँपालिकाले वृहत् निःशुल्क आयुर्वेद स्वास्थ्य शिविर गरेको छ । गाउँपालिकाले गरेको शिविरमा ३६२ जनाको स्वास्थ्य परीक्षण गरिएको थियो भने ३१ थरिका औषधि वितरण गरिएको थियो ।
कुश्मिसेरा–राङ्खानी सडक : दुई वर्षको काम चार वर्षमा आधा
निर्माण व्यवसायीले सरसर्ती काम गरेको भए दुई वर्षअगावै बागलुङ जिल्लाको दक्षिण भेगको मुख्य सडकका रूपमा रहेको कुश्मिसेरा–राङ्खानी सडक कालोपत्र भइसक्थ्यो ।
मुग्लिन–पोखरा सडक: पूर्वी खण्डमा परीक्षण कालोपत्र सुरु
पृथ्वीराजमार्गलाई चार लेनमा विस्तार गर्न काम भइरहेको छ । मुग्लिन–पोखरा सडक विस्तार आयोजनाको पूर्वी खण्डमा बिहीबारदेखि कालोपत्र गर्न सुरु गरिएको हो ।
सेवा प्रवाह चुस्त बनाउन निर्देशन
गण्डकी प्रदेशका मुख्यमन्त्री सुरेन्द्रराज पाण्डेले सरकारी सेवा प्रवाह चुस्त बनाउन निर्देशन दिनुभएको छ । गृह जिल्ला गोरखाका कार्यालय प्रमुखहरूलाई निर्देशन दिँदै उहाँले जनताले महसुस गर्ने गरी काम गर्न आग्रह गर्नुभएको हो । उहाँले भन्नुभयो, “हाम्रो मुख्य जोड भनेको जनतालाई सर्भिस डेलिभरी दिने हो । यसलाई अझै ध्यान दिनुहुने छ भन्ने मेरो विश्वास छ ।”
मार्फामा उत्पादित बिउ देशका विभिन्न भागमा
मुस्ताङमा रहेको शीतोष्ण बागवानी विकास केन्द्र मार्फाले उत्पादन गरेको तरकारीको बिउ देशका विभिन्न भागमा पुग्ने गरेको छ । शीतोष्ण हावापानीमा उत्पादन भएको बिउबाट उत्पादन राम्रो हुने भएकाले पनि त्यसको माग उच्च हुने गरेको छ ।
पोखराबाट चीनका विभिन्न सहरमा चार्टर्ड उडान हुने
पोखरा अन्तर्राष्ट्रिय विमानस्थलबाट चीनका विभिन्न सहरमा चार्टर्ड उडान हुनेभएका छन् । संस्कृति, पर्यटन तथा नागरिक उड्डयनमन्त्री सुदन किरातीले आगामी असारको पहिलो सातादेखि चीनका विभिन्न सहरमा चार्टर्ड उडान सुरु हुने बताउनुभयो ।
सडकले जोडियो अग्लो बस्ती मुठाचौर
मुठाचौर बागलुङको सबैभन्दा उच्च स्थानमा रहेको बस्ती हो । उच्च पहाडको टुप्पोमा समथर भूभागमा फैलिएको मुठाचौर खेतीपाती र पशुपालनका लागि उर्वर ठाउँ हो । वरपर घनाजङ्गल । चारैतिर घना जङ्गलले घरिएको मुठाचौरमा ढुङ्गा, माटो र काठले बनेका कलात्मक घर छन् । यी घरमा वर्षको सात महिना ताला लगाइएको हुन्छ ।
अनागरिक बनाउनु जघन्य अपराध : एमाले नेता ज्ञवाली
नेकपा एमालेका उपमहासचिव प्रदीप ज्ञवालीले भ्रष्टाचार र मानव बेचबिखनको कोही पनि दोषी उम्कन नहुने बताउनुभएको छ । उहाँले कुनै व्यक्ति मन परेन भनेर जबरजस्ती तान्न खोज्ने या मेरो मान्छे परो भनेर संरक्षण गर्न खोज्ने कुनै पनि गतिविधिहरू स्वकार्य नहुने बताउनुभयो ।
