नागरिक उनमुक्ति पार्टीको अवरोधपछि प्रदेश सभा बैठक स्थगित
लुम्बिनी प्रदेशको पाँचौ प्रदेश सभा बैठक नागरिक उन्मुक्ति पार्टीको अवरोधका कारण स्थगित भएको छ।
सडकका खाल्डाखुल्डी पुर्दै सडक डिभिजन
सडक डिभिजन कार्यालय पाल्पाले सडकका खाल्डाखुल्डी पुर्ने काम सुरु गरेको छ । सिद्धार्थ राजमार्गअन्तर्गतका पाल्पा–बुटवल खण्डको सडकमा परेका खाल्टाखुल्टी पुर्ने काम सुरु गरिएको सडक डिभिजन कार्यालय पाल्पाले जनाएको छ ।
नेपालगञ्जमा स्वास्थ्य प्रवर्द्धन प्राथमिकता
सर्नेभन्दा नसर्ने रोगको समस्या धेरै भएकाले नेपालगञ्ज उपमहानगरपालिकाले स्वास्थ्य प्रवर्द्धनात्मक कार्यक्रमलाई प्राथमिकता दिएको प्रमुख प्रशासकीय अधिकृत शिवप्रसाद रिजालले जानकारी दिनुभयो ।
स्रोत नखुलेको २१ लाख भारतीय रुपियाँसहित तीन पक्राउ
कपिलवस्तु प्रहरीले स्रोत नखुलेको २१ लाख सात हजार एक सय भारतीय रुपियाँसहित तीन जनालाई पक्राउ गरेको छ । स्रोत नखेलेको भारतीय रुपियाँ ओसारपसार भइरहेको भन्ने गोप्य सूचनाका अधारमा उनीहरुलाई पक्राउ गरिएको हो ।
च्याउखेतीबाट मनग्य आम्दानी
गैँडाकोट नगरपालिका–५ मा रहेको छत्राक एग्रो फार्मका सञ्चालक ६१ वर्षीय कर्णलाल श्रेष्ठ विगत दुई वर्षदेखि च्याउखेतीमा नै रमाइरहनुभएको छ । “केही गर्छु भन्ने इच्छाशक्ति भयो भने न त पैसाले रोक्दो रहेनछ, न त उमेरले नै छेक्दो रहेछ, मात्र काम गर्ने जोश, जाँगर चाहिँदो रहेछ”, श्रेष्ठले भन्नुभयो ।
कालिदह नाकामा बढ्यो चहलपहल
पछिल्लो समय नेपाल–भारत सीमाक्षेत्र कालिदह–ककरहवा नाकामा चहलपहल बढ्दै गएको छ । भारतीय पर्यटक ककरहवा–कालिदह नाका हुँदै लुम्बिनी आउने क्रम बढेपछि सीमा क्षेत्र गुल्जार बनेको हो ।
टङ्कप्रसाद आचार्यको जन्मघरलाई सङ्ग्रहालय बनाइने
नेपाली इतिहासको पहिलो राजनैतिक पार्टी प्रजा परिषद्का अध्यक्ष टङ्कप्रसाद आचार्यको नवलपरासी स्थित जन्म घरलाई संग्राहलय बनाइने भएको छ ।
दिवा खाजाको पैसा अभिभावकलाई
नवलपरासीका कतिपय विद्यालयले विद्यार्थीलाई उपलब्ध गराइएको दिवा खाजाको पैसा अभिभावकलाई दिने गरेको पाइएको छ। सरकारले सामुदायिक विद्यालयमा विद्यार्थीको आकर्षण बढाउन कक्षा ६ सम्मका विद्यार्थीलाई दिवा खाजा दिने व्यवस्था गरेको छ।
काल बन्यो भूतखोला
विस्तृत अध्ययन नगरी बनाइएको पर्यटकीय संरचनाले सर्वसाधारणको ज्यान लिने गरेको छ। तिनाउ गाउँपालिका–३ मा रहेको भूतखोलामा पर्यटकका लागि बनाइएको संरचनाले हरेक वर्ष तीन/चार जनाको ज्यान लिने गरेको छ। भूतखोलामा रहेको पोखरी अवलोकन गर्न र पौडी खेल्न आउनेहरू अकालमै ज्यान गुमाउन बाध्य भएका छन्। स्थानीय सरकार र प्रदेश सरकारले अध्ययन नै नगरी पर्यटक तान्न संरचना बनाएका कारण यस्तो समस्या आएको हो। यसले हरेक वर्ष गर्मी सिजनमा पौडी खेल्न जानेहरू ज्यान गुमाउन बाध्य छन् भने कतिपय मानिस तस्बिर खिच्नेक्रममा लडेर ज्यान गुमाउन बाध्य भएको तानसेनका स्थानीय शम्भु आचार्यले बताउनुभयो।
तीन करोड लगानीमा साबुन उद्योग सञ्चालन
दाङको घोराहीमा करिब तीन करोड रुपियाँको लगानीमा साबुन उद्योग सञ्चालनमा आएको छ । सल्यानको कपुरकोट गाउँपालिका–३ का तुल्सीराम शर्माले घोराही उपमहानगरपालिका–१६, रावत गाउँमा साबुन उद्योग सञ्चालनमा ल्याउनुभएको हो । मेलिना मल्टिपल प्रालिका नाममा स्थापना भएको सो उद्योगले ‘स्मृति’ ब्रान्डमा लुगा धुने साबुन बजारमा ल्याएको छ । लामो समय वैदेशिक रोजगारीका क्रममा साउदी अरेयिबा र दुबईमा करिब सात वर्ष बिताउनुभएका शर्माले साबुन उद्योग सञ्चालनमा ल्याउनुभएको हो ।
बागमतीले उखु क्रसिङ वृद्धि गर्ने
नवलपरासीको सुस्ता गाउँपालिकामा रहेको बागमती खाडसारी चिनी मिल्सले यस वर्षमा १० लाख क्विन्टलभन्दा बढी उखु क्रसिङ गर्ने भएको छ । यस वर्ष उखु उत्पादन बढेपछि अघिल्ला वर्षको भन्दा बढी उखु क्रसिङको तयारी गरेको सो उद्योग सञ्चालक राम थापाले जानकारी दिनुभयो । नवलपरासी जिल्लामा सञ्चालित लुम्बिनी चिनी उद्योग, इन्दिरा चिनी मिल र बागमती खाडसारी चिनी उद्योग गरी तीनवटा चिनी उद्योग सञ्चालनमा छन् । यी तीन उद्योगमध्ये बागमती चिनी उद्योगले सबभन्दा बढी उखु क्रसिङ गर्ने भएको हो ।
-original-thumb.jpg)
रुपन्देहीमा चिलको चिरीबिरी (फोटो फिचर)
रुपन्देहीको रोहीणी गाउँपालिका वडा २ मैनिहवास्थित रोहीणी नदी किनारमा यो समयमा चिलको चहलपहल बढेको छ।
बुटवलवासीलाई रगतसम्बन्धी सबै सेवा निःशुल्क
बुटवलमा रगतसम्बन्धी सबै सेवा निःशुल्क हुने भएको छ । बुटवल उपमहानगरपालिकाले रक्त सञ्चार सेवा केन्द्रसँग सम्झौता गरी बुटवलभित्रका बासिन्दाले रुपन्देहीका अस्पतालहरूमा उपचाररत रहँदा आवश्यक पर्ने रगत र रगतजन्य पदार्थ लिँदा शुल्क नलाग्ने व्यवस्था गरेको हो ।
लुम्बिनीमा बुद्धको नाटक ‘गच्छामी’
आरोहण गुरुकुलले बुद्धको फरक परिचय दिने नाटक ‘गच्छामी’ लुम्बिनीमा मञ्चन गरेको छ। पुण्यप्रसाद गौतमद्वारा लिखित पुस्तक गौतम बुद्धमा आधारित नाटक हो।
ठेक्का लागेको डेढवर्षसम्म पुल निर्माण सुरु भएन
डेढ वर्षअघि ठेक्का पाएको मित्तल निर्माण सेवा, हेटौँडाले पुल निर्माण कार्य सुरु नगरेपछि बर्दघाटका स्थानीयलाई खजुरा खोलामा आवतजावतमा समस्या भएको छ ।
आर्थिक विकास र समृद्धिका लागि मिलेर काम गरौँ : मुख्यमन्त्री गिरी
लुम्बिनी प्रदेशका मुख्यमन्त्री लीला गिरीले राजनीतिक अस्थिरता नै मुलुकको सबैभन्दा प्रमुख समस्या भएको बताउनुभएको छ । बिहीबार एनटिभी कोहलपुरमा आयोजित विशेष समारोहलाई सम्बोधन गर्दै मुख्यमन्त्री गिरीले सो कुरा बताउनुभएको हो ।
‘मिडियाकर्मीले स्वास्थ्य प्रवर्द्धन सेवालाई प्राथमिकता दिनुपर्छ’
मिडियाकर्मीले प्रचारात्मक सेवालाई मात्र जोड दिंदैआएको भए पनि अब स्वास्थ्य प्रवर्द्धन सेवालाई प्राथमिकता दिनुपर्ने सरोकारवालाले बताएका छन् ।
राप्ती नदीमा १० वटा गोही छाडिए
बाँके राष्ट्रिय निकुञ्जले बर्दिया निकुञ्जबाट ल्याएर १० वटा गोही (घडियाल) बाँकेको राप्ती नदीमा छोडेको छ । सिमसार दिवसको अवसरमा बर्दियाबाट ल्याइएको गोही लुम्बिनी प्रदेशका मन्त्री कृष्णा केसीले बिहीबार राप्तीसोनारी गाउँपालिका –१ स्थित राप्ती नदीमा छोड्नुभयो ।
भूमि आयोगद्वारा नयाँ जग्गाको नापजाँच सुरु
राष्ट्रिय भूमि आयोगले नवलपरासी (बर्दघाट– सुस्ता पश्चिम) जिल्लाको सुनवल नगरपालिकाबाट पनि नयाँ जग्गाको नापजाँच सुरु गरेको छ ।
देशभरका ११ उपमहानगरको सम्मेलन बुटवलमा हुँदै
बुटवलमा देशभरका ११ वटा उपमहानगरपालिकाहरूको राष्ट्रिय सम्मेलन आयोजना हुने भएको छ ।
खानेपानी समितिलाई खर्च धान्नै मुस्किल
बाँकेको बैजनाथ गाउँपालिका–४ मा रहेको नौवस्ता खानेपानी तथा सरसफाइ उपभोक्ता समितिको मासिक खर्च ७० देखि ८० हजार रुपियाँसम्म पुगेको छ तर खानेपानीका ग्राहकबाट सङ्कलन हुने रकम भने मासिक करिब ४० हजार रुपियाँ मात्रै रहेको छ।
गण्डक नहरका पुल जीर्ण
समयमै मर्मत नहुँदा भारतीय भूमि सिँचाइका लागि नवलपरासीबाट लगिएको भारतीय गण्डक नहरमा बनेको प्रतापपुर क्षेत्रको पुल जीर्ण बनेको छ। यात्रुहरूले सो पुलमा जोखिम मोलेर यात्रा गर्नु परेको छ। २०१६ सालमा भारत र नेपालबीच गण्डक सम्झौता भएपछि गण्डक नहर बनाउन करिब १० वर्ष लागेको थियो। यो पुल निर्माण भएको ५० वर्षभन्दा बढी समय भइसक्दासमेत पुल निर्माणका लागि सम्बन्धित निकायले चासो देखाएको छैन। प्रतापपुर गाउँपालिकाका इन्जिनियर आनन्द यादवले ५० वर्षभन्दा पहिला निर्माण गरिएको पुलको दुवैतर्फका बारहरू भत्किएकाले जोखिम बढेको बताउनुभयो।
ओझेलमा कपिलवस्तु सङ्ग्रहालय
विगत १२५ वर्षदेखि विभिन्न पुरातत्वविद्ले प्राचीन नगरको अन्वेषणका क्रममा प्राप्त गरेका धेरै वस्तु कपिलवस्तु सङ्ग्रहालयमा सङ्कलन गरी राखिए पनि यो सङ्ग्रहालय पर्याप्त प्रचारप्रसार र पूर्वधार अभावका कारण ओझेलमा पर्दै गएको छ। सङ्ग्रहालयबारे स्वदेश तथा विदेशबाट भ्रमण गर्न आउने पर्यटकलाई जानकारी नहुँदा सङ्ग्रहालय ओझेलमा पर्दै आएको भनाइ सम्बद्ध अधिकारीको छ।
कोदोको प्रवर्द्धनसँगै उपयोग पनि बढ्दै
कोदो बालीको पछिल्लो समय भएको प्रवर्द्धनसँगै उपयोग पनि बढ्दै गएको छ । कोदो खेती बिस्तारै घट्दै गएपछि कृषि ज्ञान केन्द्र गुल्मीले रैथाने बाली संरक्षणका लागि अभियान नै चलाएसँगै यसको उपयोगितामा थप वृद्धि हुन थालेको कृषि ज्ञान केन्द्र गुल्मीका कार्यालय प्रमुख नवराज भण्डारीले जानकारी दिनुभयो ।
पढाइसँगै गुन्द्री बुन्न व्यस्त सबिना
गुल्मीको इस्मा गाउँपालिका–६ बुल्मकी सबिना कुमाल अहिले गुन्द्री बुन्न व्यस्त हुनहुन्छ । १७ वर्षीया सविना गाउँमै रहेको विद्यालयमा कक्षा ११ मा पढ्नुहुन्छ । उहाँ विद्यालय बिदाको समयमा आमालाई गुन्द्री बुन्न सघाउनुहुन्छ ।
