हरित सहर बनाउन मुख्यमन्त्री चौधरीको आग्रह
लुम्बिनी प्रदेशका मुख्यमन्त्री डिल्ली बहादुर चौधरीले सरिया र सिमेन्टको सहरलाई हरित सहरको रुपमा अघि बढाउन आवश्यक भएको बताउनुभएको छ।
रुपन्देहीका शतप्रतिशत बालबालिकाले लगाए खोप
सबै बालबालिकाले खोप सुविधा पाएपछि अब सिङ्गो जिल्लालाई यही असार २९ गते पूर्ण खोप सुनिश्चित घोषणा गरिने भएको छ ।
पूर्व राष्ट्रिय खेलाडी सम्मानित
नेपालको प्रतिनीधित्व गर्दै अन्तराष्ट्रिय प्रतियोगितामा सहभागिता जनाउने पूर्व राष्ट्रिय खेलाडीहरुलाई सम्मान गरिएको छ ।
लुम्बिनी क्याम्पसलाई विश्वविद्यालय बनाइने
बुटवलमा ४३ वर्षअघि स्थापना भएको लुम्बिनी वाणिज्य क्याम्पसलाई मानित विश्वविद्यालय र बहुसङ्काय क्याम्पसका रूपमा विकास गर्ने योजना अघि सारिएको छ। विश्वविद्यालयको मान्यता दिनका लागि योग्यता निकट पुगेको अर्थात् मान्यता लिन अग्रसर अवस्थालाई मानित विश्वविद्यालय भनिन्छ। क्याम्पस व्यवस्थापन तथा विकास परिषद्को १३ औँ सभामा क्याम्पस व्यवस्थापन समितिका अध्यक्ष मोतीलाल पाण्डेले उक्त योजना अघि बढाइएको बताउनुभयो।
धान रोप्न खेत तयार गरिँदै
घोराही–४ का किसान धान रोपाइँका लागि राँगाको सहायताले खेत जोत्दै । पछिल्लो समयमा कृषिमा यान्त्रिकरण भए पनि गोरु र राँगाको सहायतामा खेत जोत्ने गरिन्छ । तस्बिरः रञ्जिता अधिकारी/रासस
मौसम पूर्वानुमान थाहा हुने भएपछि उडान सुरक्षित
नेपालगन्जबाटै पश्चिम नेपालका सबै जिल्लाको मौसम पुर्वानुमान जानकारी हुन थालेको छ । नेपालगन्ज विमानस्थलमा मौसम पूर्वानुमान जानकारी गराउने डिजिटल प्रणाली जडान गरिएपछि विहानै यहाँबाट पश्चिम नेपालको दिनभरिको मौसमबारे जानकारी हुन थालेको हो ।
साउनभित्रै सरकारले पूर्णता पाउँछ : मुख्यमन्त्री चौधरी
लुम्बिनी प्रदेशका मुख्यमन्त्री डिल्लीबहादुर चौधरीले साउनभित्रै प्रदेश सरकारलाई पूर्णता दिइने बताउनुभएको छ । नेपाल प्रेस युनियन बाँकेले आइतबार नेपालगञ्जमा आयोजना गरेको स्वागत तथा पत्रकार भेटघाट कार्यक्रममा मुख्यमन्त्री चौधरीले सो कुरा बताउनुभएको हो ।
कोहलपुरमा अत्याधुनिक बसपार्क उद्घाटन
कोहलपुरमा पश्चिम नेपालकै सुविधा सम्पन्न लामोदूरीका बसपार्कको आज उद्घाटन गरिएको छ । आज एक समारोहकाबीच लुम्बिनी प्रदेशका मुख्यमन्त्री डिल्ली चौधरीले बसपार्कको उद्घाटन गर्नुभएको हो ।
पालिका कार्यालयको भवन निर्माण अलपत्र
निर्माण व्यवसायीको चरम लापरबाहीका कारण बाँकेका तीन वटा स्थानीय तहको कार्यालय भवन निर्माण अलपत्र परेको छ । भवन निर्माण सम्पन्न गर्ने समयावधि सकिएपनि निर्माण व्यवसायीको ढिलाइले गर्दा बाँकेको जानकी, नरैनापुर र खजुरा गाउँपालिकाको कार्यालय भवन निर्माण कार्य अलपत्र परेको हो ।
नेपालगञ्जलाई 'गुलमोहर सिटी' बनाउने अभियान
नेपालगञ्ज उपमहानगरलाई 'गुलमोहर सिटी' बनाउने अभियान सुरु गरिएको छ ।
घरमै पुगेर सामाजिक सुरक्षा भत्ता वितरण
दुर्गमका ज्येष्ठ नागरिकलाई घरमै पुगेर सहज रूपमा सामाजिक सुरक्षा भत्ता वितरण गरिएको छ । पाल्पाको माथागढी गाउँपालिकाले दुर्गम वडाका ज्येष्ठ नागरिकलाई घरमै पुगेर सामाजिक सुरक्षा भत्ता वितरण गरेको हो ।
कोलीय गणराज्यको दरबार क्षेत्रमा भेटियो प्राचीन इनार
गौतमबुद्धको मावली क्षेत्र रुपन्देहीको देवदहस्थित प्राचीन दरबार रहेको दाबी गरिएको खयरडाँडामा प्राचीन इनार र मध्यकालीन अवशेष भेटिएको छ ।
‘नागरिकले अनुभव गर्ने गरी काम गरेका छौँ’
पाल्पाको रिब्दीकोट गाउँपालिकाको कुल जनसङ्ख्या १८ हजार ७७० रहेको छ। यसको क्षेत्रफल १२४.५५ वर्ग किलोमिटर रहेको छ। जिल्लाको मध्यभागमा पर्ने यस गाउँपालिकावासीको आम्दानीमा कृषि व्यवसायको ठुलो हिस्सा रहेको छ। स्थानीय बासिन्दाको आम्दानीको स्रोत वैदेशिक रोजगारी पनि हो। अध्ययनका लागि बिदेसिने र बसाइँसराइ गर्ने क्रम पनि बढिरहेको छ। दोस्रो स्थानीय तहको निर्वाचन भएको पनि एक वर्ष बितिसकेको छ। यहाँको विकासका लागि जनप्रतिनिधि लागिपरेका छन्। गाउँपालिकाका अध्यक्ष नारायण कार्कीसँग गोरखापत्रकर्मी बिन्दु थापाले गरेको कुराकानी :
हट्यो फट्के, बन्यो पुल
१० वर्षे जनयुद्धकालमा सबैभन्दा सुरक्षित र छोटो मार्ग थियो बिजौरी हुँदै ग्वारखोलाको तिरैतिर रोल्पा पुग्ने घोडेटो बाटो। त्यही घोडेटो अहिले सडकका रूपमा निर्माण भएको छ। घोडेटोको अधिकांश ठाउँमा फट्के थिए। त्यही फट्के भएका ठाउँमा अहिले पुल निर्माण गरिएको छ। तुलसीपुर उपमहानगरपालिका वडा नम्बर १९ का वडाध्यक्ष प्रेमनाथ योगीका अनुसार फट्केको ठाउँमा पुल निर्माण गर्दा बिजौरीदेखि होलेरीसम्म सडक सञ्चालनमा सहज भएको छ।
बेपत्ता छोरीको खोजी गरिदिन आमाबुवाको हारगुहार
बाँके होलियाका नारायण कुर्मी दम्पतीले आफ्नी १९ वर्षीया छोरी रेश्मालाई बेपत्ता पारिएको जनाउँदै खोजी गरिदिन सम्बन्धित सबैलाई आग्रह गर्नुभएको छ ।
स्वास्थ्य स्वयंसेविकालाई साईकल बितरण
रुपन्देहीको गैडहवा गाउँपालिका –४ पोहवाले महिला स्वास्थ्य स्वयंसेविकालाई साईकल बितरण गरेको छ । दिनरात नभनी २४ घण्टा जनताको घरदैलोमा खटिने महिला स्वास्थ्य स्वयंसेविकालाई घर–घरमा जान अझै सहज होस् भन्ने उद्देश्यले साईकल वितरण गरिएको गाउँपालिकाले जनाएको छ ।
किसानलाई कृषि यन्त्र र चल्ला वितरण
लुम्बिनी प्रदेशका कृषि तथा भुमि ब्यवस्थामन्त्री भण्डारीलाल अहिरले प्रदेश सरकारले गरिब र विपन्न तथा वास्तविक किसानलाई कृषि उत्पादनमा सहयोग गर्ने बताउनुभएको छ ।
‘समयमै न्याय नदिनु न्याय मर्नुसरह हो’
सर्वोच्च अदालतका प्रधान न्यायाधीश हरिकृष्ण कार्कीले पीडितलाई समयमै न्याय नदिनु न्याय मर्नुसरह भएको बताउनुभएको छ। घोराहीमा दाङ जिल्ला अदालतको नवनिर्मित भवनको उद्घाटन गर्दै प्रधान न्यायाधीश कार्कीले कुनै पनि बहानामा पीडितलाई ढिला न्याय दिनु भनेको न्याय मर्नुसरह भएको बताउनुभएको हो।
नेकपा एस पाल्पाका अध्यक्ष पाण्डेको निधन
नेपाल कम्युनिस्ट पार्टी (एकीकृत समाजवादी) पाल्पाका जिल्ला अध्यक्ष खिमानन्द पाण्डेय [कमल] को मृत्यु भएको छ ।
घरमा बन्धक बनाइएका ओमप्रकाशको उद्धार
आफ्नै घरमा गत पाँच वर्षदेखि साङ्लोमा बाँधेर बन्धक बनाइएका बर्दिया गुलरिया –५ का एक मनोरोगी युवाको उद्धार गरेर मानवसेवा आश्रम नेपालगन्जले उपचार सुरु गरेको छ ।
कृषि खेतीमा रमाउँदै भलामी दम्पत्ति
गुल्मीको रेसुङ्गा नगरपालिका खानीगाउँमा अङ्गुर खेती गरिएको छ । रेसुङ्गा नगरपालिका वडा –८ निवासी प्रकाश भलामी दम्पत्तिले बाख्रापालन, नर्सरीसँगै अङ्गुर खेतीमा रमाइरहनुभएको छ ।
चार सय बढी विद्यार्थीलाई शैक्षिक सामग्री वितरण
सिराज खान नेपालगञ्च, असार २२ गते । मुख्यमन्त्री शैक्षिक सुधार कार्यक्रम अन्तर्गत विद्यालय र मदरसामा अध्ययनरत विद्यार्थीलाई पोसाक, झोला र शैक्षिक सामग्री वितरण गरिएको छ । शिक्षाको क्षेत्रमा सबैभन्दा पिछिडिएको बाँकेको नरैनापुर गाउँपालिका वडा नम्बर १ मा रहेको एक विद्यालय र तीन मदरसामा अध्ययनरत विद्यार्थीहरूलाई पोसाकसहित शैक्षिक सामाग्री वितरण गरिएको हो । नरैनापुर गाउँपालिकाका अध्यक्ष ईश्तियाक अहमद शाहले मुख्यमन्त्री शैक्षिक सुधार कार्यक्रम अन्तर्गत एक विद्यालय र तीन मदरसामा अध्ययनरत चार सय ५० बढी विद्यार्थीलाई पोसाक, झोला र शैक्षिक सामग्री वितरण गरिएको बताउनुभयो । उहाँले लुम्बिनी प्रदेश सभा सदस्य कृष्णा केसी नमुनाले सो शैक्षिक सामाग्री वितरणको बजेट व्यवस्था गराउनु भएकोमा आभार व्यक्त गर्नुभयो । अध्यक्ष शाहले विद्यालय पोसाक, झोला र शैक्षिक सामाग्री नहुँदा धेरै विद्यार्थी विद्यालयमा अनियमित हुने गरेकोमा अब सो समस्या समाधान भएकोले विद्यालयमा उपस्थिति बढ्ने विश्वास व्यक्त गर्नुभयो । उहाँले थप्नुभयो, “प्रदेश सभा सदस्य नमुनाले यहाँको शैक्षिक अवस्थामाथि उकास्नको लागि पहिलेदेखि नै लागिरहनुभएको छ, अहिले पनि प्रदेश सरकारबाट बजेट पार्नको लागि भूमिका खेल्नुभएकोमा धन्यवाद दिन चाहन्छु ।”लुम्बिनी प्रदेश सभा सदस्य कृष्णा केसी नमुनाले लुम्बिनी प्रदेशको मुख्यमन्त्री शैक्षिक सुधार कार्यक्रमअन्तर्गत चार सय ५० जना विद्यार्थीहरूलाई पोसाक, झोला र विभिन्न शैक्षिक सामग्रीहरू वितरण गरिएको जनाउँदै यसबाट विद्यार्थीलाई नियमित विद्यालय आउन सहयोग पुग्ने बताउनुभयो । उहाँले भन्नुभयो, “पोसाक लगायतका शैक्षिक सामग्री पाएपछि विद्यार्थीहरू नियमित विद्यालय आउनुका साथै शैक्षिक गुणस्तरमा समेत विकास हुने अपेक्षा राखेको छु, यसमा सबैको सहयोग आवश्यक छ ।” बाँकेकै विकट मानिने नरैनापुरमा अभिभावकको आर्थिकस्थिति राम्रो नहुँदा छोराछोरीलाई विद्यालय पठाउँदैनन् । केहीले पठाएपनि उनीहरू नियमित स्कुल पुग्दैैनन् । प्रदेश सभा सदस्य नमुनाले लुम्बिनी प्रदेश सरकारले निःशुल्क रूपमा दिएका पोसाकसहितका शैक्षिक सामग्रीहरूको दुरूपयोग हुन नदिन विद्यालयका शिक्षकहरू चनाखो हुनुपर्नेमा जोड दिनुभयो । वडा नम्बर १ का वडा अध्यक्ष इसाक जोलाहले विद्यार्थीहरूलाई पोसाक, झोला र शैक्षिक सामग्रीहरू वितरण गरिएपछि पठनपाठनमा सुधार हुने आशा गरिएको बताउनुभयो ।
कारागार माग गर्दै प्रधानमन्त्रीलाई ज्ञापनपत्र
बाँकेको बैजनाथ गाउँपालिका –३ नौबस्तामा निर्माण गरिएको क्षेत्रीय कारागार सञ्चालन र कैदीबन्दीको आधारभूत मानवअधिकार संरक्षणको माग गर्दै प्रधानमन्त्रीलाई ज्ञापनपत्र पठाइएको छ ।
१ करोड ४३ लाख सामूहिक लगानीमा डेरी उद्योग
रूपन्देहीको दुग्ध व्यवसायीको संयुक्त पहलमा आधुनिक डेरी उद्योग स्थापना गरिएको छ । बुटवल उपमहानगरपालिका –१४ बेलभरियामा जिल्लाका विभिन्न स्थानमा डेरीजन्य व्यवसाय गर्दैआएका व्यवसायी, किसानलगायतको सहकार्यमा करिब डेढ करोड लागतमा उद्योग स्थापना गरिएको हो ।
पार्टीविरुद्ध गतिविधि गर्ने चार जनालाई कारवाही
नेकपा (एमाले) सिद्धार्थनगर नगर कमिटीको पूर्ण बैठकले पार्टीका गतिविधिविरुद्ध लागेको भन्दै चार जना पार्टी सदस्यलाई साधारण सदस्य समेत नरहनेगरी कारबाही गरेको छ ।
