स्वास्थ्य बिमामा आकर्षण बढ्यो
अर्घाखाँचीमा ८० हजार ५६९ जनाले स्वास्थ्य बिमा गरेका छन्। जिल्लाको कुल जनसङ्ख्या एक लाख ७७ हजार ८६ को ४५.४९ प्रतिशत जनसङ्ख्याले स्वास्थ्य बिमा गरेको स्वास्थ्य बोर्ड शाखा कार्यालय अर्घाखाँचीले जनाएको छ। जिल्लाका छ वटा पालिकामध्ये सन्धिखर्क नगरपालिकामा २० हजार ५३८ जनाले स्वास्थ्य बिमा गरेका छन्। जसमा महिला १० हजार ७९० र पुरुष नौ हजार ७४८ जना रहेका छन्। शीतगङ्गा नगरपालिकामा १३ हजार ७२८ जनामध्ये महिला सात हजार ३२ र पुरुष छ हजार ६६६ रहेका छन्। पाणिनी गाउँपालिकामा १५ हजार २३४ जनामध्ये महिला सात हजार ८७३ र पुरुष सात हजार ६६१ जनाले बिमा गरेका छन्।
दाङमा अट्वारी पर्वको उल्लास
दाङका थारू समुदायमा धार्मिक एवं सांस्कृतिक महत्वको अट्वारी पर्वको उल्लास छ। थारू समुदायले दिदीबहिनीको अटल सौभाग्यको कामना गर्दै अट्वारी पर्व मनाउने गर्छन्।
बिक्न छाडे मादल
दाङ घोराही उपमहानगरपालिका–१४, स्वर्गद्वारी आश्रम टोल निवासी ६५ वर्षीय जुठे बादीले तिजका लागि नयाँ मादल बनाउनुभएको छ। तिजसँगै दसैँ, तिहारलगायतका पर्व नजिकिँदै गर्दा घरखर्चका लागि आयस्रोत जुटाउन उहाँले मादल बनाउनुभएको हो । बनाएका मादल बिक्री भने हुन सकेका छैनन्। केही वर्षअघिसम्म चाडपर्वको समयमा नयाँ मादल बेचेर नभ्याउने गरेको स्मरण गर्दै जुठे भन्नुहुन्छ, “पछिल्लो समय मादलको बिक्री ह्वात्तै घटेको छ ।” साढे चार दशकदेखि मादल बनाएर बेच्दै आएका उहाँको मादल बिक्न कम भएको छ । उहाँले पेसा नै हराउँछ कि भन्ने चिन्ता लाग्ने गरेको बताउनुहुन्छ ।
अविवाहित महिला र पुरुषलाई नै भत्ता
गुल्मीदरबार गाउँपालिकाले अविवाहित महिला र पुरुषलाई भत्ता दिने भएको छ । गाउँपालिकाले ४० वर्ष पूरा भएका महिला र ४५ वर्ष पूरा भएका अविवाहित पुरुषलाई सामाजिक सुरक्षा कार्यक्रमबाट भत्ता दिने भएको हो ।
विस्फाेटले ढकेरी–सम्शेरगन्ज सडकखण्डमा खाल्डो
पूर्व–पश्चिम राजमार्ग अन्तर्गत बाँकेको राप्तीसोनारी गाउँपालिका ८, नयाँगाउँ नजिकै ढकेरी–सम्शेरगन्ज सडकखण्डमा एक्कासी ठूलो खाल्डो (ढ्वाङ) परेको पाइएको छ ।
तीजकाे मौलिकता हराउँदै
नेपाली हिन्दु नारीहरुको महान् चाड हरितालिका तीजका अवसरमा यतिबेला बजारमा तीजको चहलपहल बढेको छ । केहिदिन अगाडिदेखि तीज मनाउने प्रचलन सुरु भएसँगै किनमेल गर्नेको पनि भीड देखिन्छ ।
-original-thumb.jpg)
हाइसले अटोलाई ठक्कर दिँदा एकको मृत्यु
दाङमा हाइसले अटोलाई ठक्कर दिँदा एक जनाको मृत्यु भएको छ । मृत्यु हुनेमा तुलसीपुर उपमहानगरपालिका-६ गोलौरा निवासी १३ वर्षीय दामोदर भण्डारी रहेको इलाका प्रहरी कार्यालय तुलसीपुरका प्रहरी नायव उपरीक्षक ठाकुरप्रसाद पोख्रेलले जानकारी दिनुभएको हो ।
विद्यार्थीलाई लागु औषधबारे सचेतना कक्षा
पछिल्लो समयमा बाँकेमा लागु औषधको सेवन तथा ओसारपसार बढ्दै गएपछि विद्यार्थीलाई कुलतबाट जोगाउन प्रहरीले विद्यालयमै पुगेर सेचत गराउन थालेको छ ।
रोग नियन्त्रणमा स्वास्थ्यकर्मीको भूमिका महत्वपूर्ण : मन्त्री खनाल
लुम्बिनी प्रदेशका स्वास्थ्यमन्त्री राजु खनालले रोग नियन्त्रण र उन्मूलनका लागि स्थानीय तहमा रहेका स्वास्थ्य संस्थाहरुको भूमिका महत्वपूर्ण हुने बताउनुभएको छ।
उपचार गर्न रकमको अभाव
देब्रे खुट्टाको सानो फोका फुटेर घाउ भएको थियो । चप्पल फित्ता अडिने ठाउँमा समस्या भए पछि हिँडडुल गर्न असहज भयो । स्थानीय मेडिकलमा उपचार गर्दा निको भएन । घाउ बढ्ने र धेरै चिलाउन लाग्यो । समस्या बल्झिँदै गए पछि कपिलवस्तुको शिवराज नगरपालिका १ बनकसवा की ५५ वर्षीया उषा सुनार थप उपचार गराउन बुटवल पुग्नु भएको थियो ।
बालबालिकामा स्क्रबटाइफस र डेङ्गु
पछिल्लो समय बाँकेमा बालबालिकामा स्क्रबटाइफस र डेङ्गु रोग पनि देखिन थालेको छ। बालबालिकामा एन्फ्लुएन्जासँगै स्क्रबटाइफस र डेङ्गु रोग पनि पनि देखिन थालेको चिकित्सकले जनाएका छन्। भेरी अस्पतालका प्रमुख कन्सल्टेन्ट फिजिसियन डाक्टर राजन पाण्डेले हाल आएर भेरी अस्पतालमा आउने बिरामीमा स्क्रबटाइफस र डेङ्गुका बिरामी बढ्न थालेको बताउनुभयो।
कृषि, पर्यटन र सहकारीबाट समृद्ध मालारानी बनाउँछौँ
अर्घाखाँचीको मालारानी गाउँपालिका पर्यटकीय स्थल भएको सुन्दर स्थान हो। यहाँ कृषिको राम्रो सम्भावना रहेको छ। गाउँपालिकाले कृषिमा पनि पशुपालनलाई प्राथमिकता दिएर अगाडि बढाएको छ। जसबाट स्थानीयले राम्रो आम्दानी गर्न सफल भएका छन्। स्थानीय तह निर्वाचन २०७९ को मतपरिणामपछि गठन भएको मालारानी गाउँ सभाको अधिवेशनबाट आर्थिक वर्ष २०७९/८० को नीति तथा कार्यक्रम तर्जुमा गरिएको छ । यस गाउँपालिकामा भएका विकासका गतिविधिबारे पालिका अध्यक्ष दलबहादुर भट्टराईसँग गोरखापत्रकर्मी गणेश खनालले गरेको कुराकानी :
हस्तान्तरण हुन सकेन पार्क
गुल्मीमा पाँच महिनाअघि निर्माण सकिएको पार्क अझै हस्तान्तरण हुन सकेको छैन। निर्माण व्यवसायीले भुक्तानी नपाउँदा पार्क हस्तान्तरण हुन सकेको छैन। गुल्मीको रेसुङ्गालाई पर्यटकीय क्षेत्रका रूपमा थप टेवा पुग्ने भन्दै गडजुरामा पाँच करोड ५९ लाख रुपियाँको लागतमा रेसुङ्गा पार्क निर्माण गरिएको हो। ८३ रोपनी क्षेत्रफलमा फैलिएको पार्क निर्माणको सम्झौता २०७८ साल कात्तिकमा रेसुङ्गा नगरपालिका र धुलिखेल अर्जुन न्यु लिजा जेभीबिच भएको थियो। विसं २०७९ चैतमा सम्पन्न गर्ने गरी सम्झौता भएको थियो। निर्माण व्यवसायीले सम्झौताअघि नै निर्माण सके पनि पूरै भुक्तानी नपाएकाले हस्तान्तरण हुन नसकेको हो ।
जग्गा अभावले बनेन अस्पताल भवन
जग्गा अभावका कारण पाल्पा अस्पतालको स्तरोन्नतिमा समस्या थपिएको छ। अस्पतालको भवन निर्माणलगायतको काम गर्न जग्गा अभाव हुँदा निर्माणको बजेटसमेत फिर्ता भएको छ। तीन वर्षदेखि अस्पतालका लागि जग्गाको खोजी भए पनि अहिलेसम्म जग्गा प्राप्त हुन नसकेको अस्पतालले जनाएको छ। जग्गा अभावकै कारण लुम्बिनी प्रदेश सरकारले तीन वर्षअघि ५० शय्याको अस्पताल बनाउने घोषणा गरे पनि काम अलपत्र बनेको छ।
डेढ करोडको प्लाइउड भारत निर्यात
नेपालगन्ज नाकाबाट एक महिनामै डेढ करोड रुपियाँको प्लाइउड भारत निर्यात गरिएको छ । चालु आर्थिक वर्ष २०८०/८१ को साउन महिनामै एक करोड ४६ लाख मूल्य बराबरको २५ हजार चार क्युबिक मिटर प्लाइउड भारत निर्यात गरिएको हो ।
बाल क्यान्सरको उपचार सेवा सुरु गरिदैँ
बाँकेको खजुरामा रहेको सुशील कोइराला प्रखर क्यान्सर अस्पतालमा केही दिनमै बाल क्यान्सरको उपचार सेवा सुरु गरिने भएको छ ।
मादल बिक्न छाडेपछि पेसा सङ्कटमा
दाङको घोराही उपमहानगरपालिका–१४ स्वर्गद्वारी आश्रम टोल निवासी ६५ वर्षीय जुठे बादीलाई विगतका वर्षहरूमा तीजको समयमा नयाँ मादल बनाउन र पुराना मादल बनाउन भ्याइनभ्याई हुन्थ्यो ।
थारु बहुल क्षेत्रमा अटवारी पर्वको रौनक सुरु
थारु समुदायमा मौलिक पर्व अटवारीको रौनक सुरुभएको छ । लुम्बिनी प्रदेश सरकारले ३१ गते आइतबारका लागि दाङ, बाँके र बर्दिया जिल्लामा सार्वजनिक बिदा दिएको छ ।
इन्फ्लुएन्जाबाट सावधान रहन चिकित्सकको सुझाव
बाँकेमा गत केही दिनयता इन्फ्लुएन्जा पुष्टि हुने बिरामीको सङ्ख्या बढ्दै गएपछि सो रोग समुदायमा फैलिएकाले सावधान रहन चिकित्सकले सुझाव दिएका छन् ।
विवाद भएपछि एक महिनामा सपथ
नेपालगन्ज उद्योग वाणिज्य सङ्घको निर्वाचन सम्पन्न भएको करिब एक महिनापछि नवनिर्वाचित पदाधिकारी तथा सदस्यहरुलाई शुक्रबार सपथग्रहण गराइ प्रमाणपत्र प्रदान गरिएको छ । भदौं २ गते सङ्घको निर्वाचन अन्तर्गत मतदान भएकोमा भदौं ४ गते मत गणना सम्पन्न भएको हो ।
तम्घासमा योग प्रशिक्षणको तयारी
पतञ्जली योग समिति गुल्मीले योग प्रशिक्षक तयार पार्ने उद्देश्यले योग प्रशिक्षण सञ्चालन गर्ने तयारी गरेको छ । ‘घर–घरमा योग जन–जनमा योग’ भन्ने मुख्य नाराका साथ सदरमुकाम तम्घासमा ११० घण्टा भौतिक योग कक्षा सञ्चालन गर्न लागिएको पतञ्जली योग समितिका अध्यक्ष सुरेशचन्द्र भुसालले जानकारी दिनुभयो ।
'जानकी साहित्य पुरस्कार' आख्यानकार भण्डारीलाई
गुल्मीको किरण पुस्तकालयले यस वर्षको जानकी साहित्य पुरस्कार आख्यानकार हरिप्रसाद भण्डारीलाई प्रदान गरेको छ । ‘जानकी प्रतिष्ठान’ द्वारा स्थापना गरिएको सो पुरस्कार मोती जयन्तीको अवसर पारेर धुर्कोट गाउँपालिका–५ वस्तुमा २०१६ जेठ ५ गते जन्मिनुभएका भण्डारीलाई प्रदान गरिएको हो ।
डेढ करोडको लागतमा बिरामी कुरुवा घर
बाँकेको खजुरामा रहेको सुशील कोइराला प्रखर क्यान्सर अस्पताल परिसरमा सुविधा सम्पन्न हस्पिक सेन्टर (बिरामी कुरुवा घर) को निर्माण गरिएको छ ।
बबई कोरिडोर निर्माणको कामलाई प्राथमिकतामा छ : मुख्यमन्त्री चौधरी
दाङको सातौँ जिल्ला सभा सुरु भएको छ । सभाको लुम्बिनी प्रदेशका मुख्यमन्त्री डिल्लीबहादुर चौधरीले आज उद्घाटन गर्नुभयो ।
गुल्मीमा दश हजार बढी सवारी कारबाहीमा
गुल्मीमा एक वर्षमा दश हजारभन्दा बढी सवारीसाधन कारबाहीमा परेका छन् । आर्थिक वर्ष २०७९/०८० मा जिल्लामा बस, जिप, कार, ट्याक्टर, ट्रक, मोटरसाइकल, लगायतका दश हजार ९७ सवारीसाधन कारबाहीमा परेका हुन् ।
