पानी नपर्दा किसान चिन्तित, कोशीमा २९ प्रतिशत रोपाइँ
असारको अन्तिम सातासम्म पनि औसतभन्दा कम पानी परेपछि कोशी प्रदेशमा यो वर्ष २९ प्रतिशत मात्र रोपाइँ भएको छ । कोशी प्रदेशको कृषि विकास निर्देशनालयका बागवानी विकास अधिकृत भवानी बस्नेतका अनुसार गत वर्ष असारको २१ गतेसम्म कोशी प्रदेशका १४ जिल्लामा ३४ दशमलव ४३ प्रतिशत रोपाइँ भएको थियो ।
मुक्त कम्लरीलाई बङ्गुरपालनमा सहयोग
भेटनरी अस्पताल तथा पशु सेवा विज्ञ केन्द्र दाङले मुक्त कम्लरीहरुलाई बङ्गुर पालनमा सहयोग गरेको छ । कृषि, भूमि व्यवस्था तथा सहकारी मन्त्रालय कृषि विकास निर्देशनालय लुम्बिनीको सहयोगमा लक्षित विशेष आय आर्जन कार्यक्रममार्फत मुक्त कम्लरीलाई बंगुरपालनमा सहयोग गरेको भेटनरी अस्पताल तथा पशु विकास अधिकृत तथा सूचना अधिकारी कृष्ण न्यौपानेले जानकारी दिनुभयो ।
घोडाघोडीमा हरिहाँसको गणना हुँदै
कैलालीस्थित विश्व रामसार क्षेत्रमा सूचीकृत प्रसिद्ध घोडाघोडी तालमा हरिहाँसको गणना भइरहेको छ । घोडाघोडीको सूचक प्रजाति रहेका हरिहाँसको संख्या र अवस्था अद्यावधिक गर्ने उद्देश्यले डिभिजन वन कार्यालय पहलमानपुरसँगको समन्वयमा नेपाल पंक्षी संरक्षण संघ (बिसिएन) ले हरिहाँसको गणना गरिरहेको हो ।
तेह्रथुमका किसान व्यावसायिक रूपमा सिस्नुखेती गर्दै
सङ्घीय राजधानी काठमाडौँका साथै देशका विभिन्न भागमा सञ्चालित तारे होटलमा सिस्नुको माग बढ्न थालेपछि यहाँका किसानले व्यावसायिक रूपमा सिस्नोखेती थालेका छन् ।
लालपुर्जाको आसमा सात दशक
सात दशकभन्दा लामो समयदेखि बर्दियाको राजापुर बजार क्षेत्रमा बसोबास गर्ने ३०४ घरधुरीले अहिलेसम्म पनि जग्गाधनी प्रमाणपुर्जा पाउन सकेका छैनन् । २०७४ सालभन्दा पहिला राजापुर बजार क्षेत्रमा बसोबास गर्ने स्थानीयले सरकारी जग्गा प्रयोग गरेबापत सरकारलाई जग्गाको बैठकी कर तिर्दै आएका थिए ।
रोजगारी नपाएपछि भारततिरै
रोजगारीका लागि नेपालगन्जस्थित जमुनाह नाका भएर भारत छिर्ने नेपाली युवाको सङ्ख्या फेरि एक पटक बढ्दै गएको छ । कर्णाली र लुम्बिनी प्रदेशका पहाडी जिल्लाका युवा अहिले फेरि ठुलो सङ्ख्यामा दैनिक रोजगारीका लागि जमुनाह नाका भएर भारततर्फ गइरहेको यहाँस्थित नेपाल–भारत नाकामा रहेको जमुनाह प्रहरीले जनाएको छ ।
तीन वर्षसम्म पनि हुन सकेनन् सार्वजनिक सुनुवाइ
प्रत्येक चौमासिकमा पालिकाले प्रवाह गरेका सेवाबारे सार्वजनिक सुनुवाइ गर्नुपर्ने कानुनी प्रावधान छ । तर इस्मा गाउँपालिकामा भने पछिल्लो निर्वाचित जनप्रतिनिधि आएपछि सार्वजनिक सुनुवाइ नै हुन सकेको छैन ।
मसिना–मर्पेस–बोचपोखरा सडक निर्माण अलपत्र
दाङमा निर्माण व्यवसायीको लापर्बाहीका कारण दुई वर्षमा स्तरोन्नति गरिसक्नुपर्ने सडक चार वर्ष बितिसक्दा करिब ३५ प्रतिशत मात्र सकिएको छ । घोराही–मसिना–मर्पेस–बोचपोखरा हुँदै प्युठानको स्वर्गद्वारी जोड्ने ग्रामीण सडक निर्माण व्यवसायीको लापर्बाहीका कारण स्तरोन्नति हुन सकेको छैन ।
पक्की पुलले जीवनशैली परिवर्तन
गुल्मी र पर्वत जोड्ने पक्की पुल यतिबेला दैनिकी चलाउने माध्यम बनेको छ । गुल्मीको कालीगण्डकी गाउँपालिका पूर्तिघाट र पर्वतको बियादी गाउँपालिका जोड्ने गरी कालीगण्डकी नदीमा बनेको पक्की पुलको सहारा यतिबेला दैनिकी चलाउने सहज माध्यम बनेको हो ।
बाढीको पूर्वसूचना दिन साइरन जडान
बाढी र डुबानको उच्च जोखिम रहने बाँके जिल्लाका दुई गाउँपालिकाका अति जोखिमपूर्ण १० ठाउँमा विपत् पूर्वसूचना प्रणाली अन्तर्गत बाढीको पूर्वसूचना दिने साइरन जडान गरिएको छ । मनसुनमा आउने सम्भावित बाढीबारे समयमै चेतावनी दिन राप्ती सोनारी गाउँपालिका र नरैनापुर गाउँपालिकाका तटीय क्षेत्रका १० स्थानमा सो साइरन जडान गरिएको हो ।
राप्ती नदीमा झोलुङ्गे पुल बन्दै
दाङको देउखुरीस्थित राप्ती नदीमा झोलुङ्गे पुल निर्माणको काम सुरु भएको छ । लमही नगरपालिका–९, अमिलिया र राजपुर गाउँपालिका–७, हाडबास गाउँलाई जोड्ने गरी राप्ती नदीमा झोलुङ्गे पुल निर्माणको काम सुरु भएको हो ।
विदेश पठाइदिने प्रलोभन देखाएर ठगी
छिटो धन कमाउने र विकसित देशमै स्थायी बसोबासको प्रलोभनमा फसेर यहाँका युवा ठगिने क्रम बढेको पाइएको छ । वैदेशिक रोजगारीमा पठाइदिन्छु भन्ने दलालको विश्वास गर्ने तर वैदेशिक रोजगारीमा जानुअघि आवश्यक पर्ने सूचना, कानुनी प्रक्रियाबारे ध्यान नदिँदा ठुलो धनराशि ठगी भएको पाइएको हो ।
गुरुङ र मगर भाषा सरकारी कामकाजमा प्रयोग
गण्डकी प्रदेशमा नेपाली खस भाषाका अतिरिक्त गुरुङ र मगर भाषा पनि सरकारी कामकाजमा प्रयोग हुने भएका छन् । गण्डकी प्रदेश सभाको आठौँ अधिवेशनको २२ औँ बैठकले यससम्बन्धी विधेयक सर्वसम्मत पारित गरेको हो ।
‘पढ्दै कमाउँदै’ अभियानमा विद्यार्थी
गत शुक्रबार पश्चिम बागलुङको बडीगाड गाउँपालिका–२, खरबाङस्थित त्रिभुवन माध्यमिक विद्यालयका विद्यार्थीले धान रोपाइँ गरेका छन् । यसपालि विद्यार्थीले हिउँदमा लगाएको मकै र तोरीसमेत राम्रो उत्पादन हुँदा शिक्षक, विद्यार्थी निकै खुसी भए ।
दुई प्रतिशतले वनक्षेत्र वृद्धि
कोशी प्रदेशमा छ वर्षको अवधिमा वनक्षेत्रले ओगटेको जमिनको क्षेत्रफल करिब दुई प्रतिशतले वृद्धि भएको छ । कोशी प्रदेशको पर्यटन, वन तथा वातावरण मन्त्रालयको पछिल्लो तथ्याङ्क अनुसार यस प्रदेशमा आर्थिक वर्ष २०७५
चौँसट्ठी वटा सिँचाइ कुलो निर्माण
कृषि उत्पादन वृद्धि र किसानको आयस्तर सुधार गर्ने उद्देश्यसहित कृषि विकास कार्यालय जुम्लाले चालु आर्थिक वर्षमा तीन करोड रुपियाँको लगानीमा ६४ वटा साना सिँचाइ कुलो निर्माण गरेको छ । विनियोजन भएका कुल ६८ वटा सिँचाइ कुलो भए पनि दुई वटा सम्झौता नै हुन सकेनन् भने दुई वटा सम्झौता भए पनि कार्यान्वयन भएनन् । चारदेखि पाँच लाखसम्मका ६४ वटा सिँचाइ योजना निर्माण भएको कृषि विकास कार्यालय जुम्लाका प्रमुख रामभक्त अधिकारीले बताउनुभयो ।
जग्गा रजिस्ट्रेसन नहुँदा अस्पताल समस्यामा
लहानस्थित रामकुमार उमाप्रसाद स्मारक प्रादेशिक अस्पतालको जग्गा रजिस्ट्रेसन प्रव्रिmया अगाडि नबढ्दा समस्या परेको छ । ५० वर्षअगाडि एक बिघा १५
दरबन्दीभन्दा दोब्बर कर्मचारी
कालीकोटको तिलागुफा नगरपालिकाको कर्मचारीको कुल दरबन्दी स्वीकृति सङ्ख्या ४७ जना हो । स्वीकृति भएको दरबन्दी सङ्ख्यामा सात जना मात्र खाली छन् । अन्य कर्मचारी विभिन्न क्षेत्रबाट पदपूर्ति भइसकेका छन् तर नगरपालिकाले सात जनाको ठाउँमा ८८ जना कर्मचारी करारमा भर्ना गरेको छ ।
बाढी प्रभावित क्षेत्रमा उच्च सतर्कता अपनाउन आग्रह
बागमती प्रदेशका मुख्यमन्त्री बहादुरसिंह लामा तामाङले बाढी प्रभावित रसुवालगायत जिल्लाका बासिन्दालाई अझै जोखिम रहेकाले उच्च सतर्कता अपनाउन आग्रह गर्नुभएको छ । चीनको तिब्बतबाट आएको भोटेकोशीका
मकै पोलेर जीविकोपार्जन
कतिपय बासिन्दाले जाजरकोट सदरमुकाम खलङ्गा बजारमा मकै पोलेर बिहान बेलुकाको छाक जुटाउने गरेको पाइएको छ । भेरी नगरपालिका–१२, धाइरागाउँकी कृष्णा भण्डारीले गाउँमा ज्याला मजदुरी नपाएपछि सहर पसी मकै पोलेर जीविकोपार्जन गर्नुभएको छ । सहरमा आइ उहाँले मकै पोलेर आमासहित पाँच दिदीबहिनीको छाक टार्नुभएको छ ।
समावेशीकरणको दिशामा नयाँ फड्को : गोरखापत्रद्वारा प्रकाशित उराँव भाषा
समावेशीकरणको दिशामा नयाँ फड्को : गोरखापत्रद्वारा प्रकाशित उराँव भाषा
च्याउ खाँदा सावधानी अपनाउन सुझाव
वर्षायाममा च्याउको उपभोग अत्यधिक हुने भएकाले सावधानी अपनाउन वनस्पतिविज्ञले सुझाव दिएका छन् । विषालु च्याउको सेवनले मानिसको मृत्यु नै हुन सक्ने भएकाले सतर्कता अपनाउन विज्ञको सुझाव छ । यस सन्दर्भमा वनस्पति अनुसन्धान केन्द्र सल्यानले सचेतना अभियान सञ्चालन गरिरहेको छ ।
नौ अस्पताल समितिविहीन
सुदूरपश्चिम प्रदेशका नौ जिल्लामा रहेका अस्पताल विगत तीन महिनादेखि विकास समितिविहीन अवस्थामा छन् । त्यसले गर्दा अस्पतालको नीतिगत कार्य प्रभावित भएको छ ।
समावेशीकरणको दिशामा नयाँ फड्को : गोरखापत्रद्वारा प्रकाशित मारवाडी भाषा
समावेशीकरणको दिशामा नयाँ फड्को : गोरखापत्रद्वारा प्रकाशित मारवाडी भाषा
बाँझो जमिनमा बिरुवा हुर्काउँदै कृष्णदत्त
कृष्णदत्त भट्ट हाल डिभिजन वन कार्यालय कैलालीका डिभिजन वन अधिकृत हुनुहुन्छ । तराईमा जन्मिनुभएका भट्टले आफ्नो बुवाबाजेको थातथलो अजयमेरु गाउँपालिका–३, भद्रपुरनजिकै पल्लीसिरोली भन्ने स्थानमा ठुलो नर्सरी स्थापना गरेर विभिन्न जडीबुटीका बिरुवा हुर्काइ रहनुभएको छ ।
