त्रिसट्ठी दिनमा सकियो ‘झिँगेदाउ–२’ को छायाङ्कन
ज्ञानेन्द्र देउजाको निर्देशनमा निर्माण भइरहेको चलचित्र ‘झिँगेदाउ–२’ को छायाङ्कन ६३ दिनमा सकिएको छ । चितवनमा अन्तिम दृश्य खिच्दै चलचित्रको सम्पूर्ण छायाङ्कन सकिएको निर्माण टिमले जानकारी दिएको हो । निर्देशक देउजाका अनुसार ६० दिनको सेड्युलमा गत मङ्सिरमा छायाङ्कन सुरु गरेको निर्माण टिमले निर्धारित समयभन्दा तीन दिन बढी समय लगाएको छ । पहिलो भागको सफलता मर्न नदिन र दोस्रो भागलाई अझ त्योभन्दा उत्कृष्ट बनाउन कुनै सम्झौता नगरी खिचेकाले एउटा राम्रो चलचित्र दर्शकले हेर्न पाउने विश्वास निर्देशक देउजाले गर्नुभयो ।
असी प्रतिशतले घट्यो सुन कारोबार
सुनको मूल्य अस्वाभाविक रूपमा बढेपछि नयाँसडकलगायतका सुनचाँदी पसल सुनसान बनेका छन् । माघ, फागुन महिनामा बिहेको लगन हुन्छ । विगतका वर्ष यसबेला सुन पसलमा गहना खरिद गर्ने ग्राहकको भिड लाग्ने गर्थ्यो । व्यापार पनि अन्य सिजनको तुलनामा दोब्बरले बढी हुने गर्थ्यो । अहिले भने अधिकांश सुनचाँदी पसल सुनसान छन् ।
एक लाख चवालिस हजार क्विन्टल धान खरिद
खाद्य, व्यवस्था तथा व्यापार कम्पनीले देशका विभिन्न ठाउँमा रहेका १२ कार्यालयबाट एक लाख ४४ हजार क्विन्टल धान खरिद गरेको जनाएको छ । गत कात्तिक ११ देखि धनगढीबाट धान खरिद गर्न सुरु गरेको कम्पनीले हालसम्म विभिन्न ११ वटा केन्द्रबाट उक्त परिमाणमा धान खरिद गरेको हो ।
एडिबीको दक्षिण एसिया विभागमा अर्थशास्त्री श्रेष्ठ
एसियाली विकास बैङ्को दक्षिण एसिया विभागको महानिर्देशकमा नेपालका अर्थशास्त्री सोना श्रेष्ठ नियुक्त हुनुभएको छ । बङ्गलादेश, भुटान, भारत, माल्दिभ्स, नेपाल र श्रीलङ्का हेर्ने गरी उहाँलाई नियुक्त गरिएको एडिबी मुख्यालयले विज्ञप्तिमार्फत जानकारी गराएको छ । उहाँले यी मुलुकमा एडिबीको रणनीति र सञ्चालनको नेतृत्व गर्नुहुने विज्ञप्तिमा उल्लेख छ ।
फागुनमा पनि घट्यो ब्याजदर
माघको तुलनामा फागुनमा पनि अधिकांश बैङ्कको ब्याजदर घटेको छ । व्यक्तिगत मुद्दती निक्षेपतर्फ बैङ्कले ब्याजदर घटाएका हुन् । अहिले सञ्चालनमा रहेका २० मध्ये नौ बैङ्कले व्यक्तिगत मुद्दती निक्षेपको अधिकतम दर घटाएका छन् ११ भने बैङ्कले अघिल्लो महिनाकै ब्याजदरलाई निरन्तरता दिएका छन् ।
अलैँचीबाट चौबिस करोड आम्दानी
लमजुङमा यस वर्ष अलैँची बेचेर २४ करोड ३० लाख रुपियाँ आम्दानी भित्रिएको छ । राष्ट्रिय कृषि आधुनिकीकरण परियोजना कार्यान्वयन एकाइ लमजुङका अनुसार चालु आर्थिक वर्ष २०८२/८३ मा १३५ मेट्रिक टन अलैँची बिक्रीबाट त्यति आम्दानी भएको हो ।
निर्वाचन शान्तिपूर्ण हुन्छ : प्रम
प्रधानमन्त्री सुशीला कार्कीले कुनै तत्वले निर्वाचनको वातावरण बिगार्न खोजे तत्कालै त्यस्ता प्रवृत्ति निरुत्साहित गर्न निर्देशन दिनुभएको छ । कोशी प्रदेशका निर्वाचनसम्बद्ध पदाधिकारी र सुरक्षा प्रमुखसँग निर्वाचन तयारी र सुरक्षा अवस्थाबारे जानकारी लिँदै उहाँले निर्वाचनको वातावरण बिथोल्न खोज्ने प्रवृत्तिप्रति जागरुक हुन निर्देशन दिनुभएको हो ।
एकासी अर्ब घनमिटर ग्यास भण्डारण पुष्टि
यहाँको भैरवी गाउँपालिका–१, जलजलेमा ८० अर्ब ७० करोड घनमिटर ग्यास परिमाणमा खनिज ग्यासको भण्डारण रहेको पुष्टि भएको छ । चीनको ‘चाइना जियोलोजिकल सर्भे’ कम्पनीले नेपाल सरकारलाई बुझाएको अन्तिम अन्वेषण प्रतिवेदन अनुसार जलजलेमा ८० अर्ब ७० करोड घनमिटर ग्यास भण्डारण रहेको पाइएको हो ।
विमानस्थल क्षेत्रमा निषेधाज्ञा जारी
जिल्ला प्रशासन कार्यालय काठमाडौँले त्रिभुवन अन्तर्राष्ट्रिय विमानस्थल क्षेत्रआसपासमा निषेधाज्ञा जारी गरेको छ । स्थानीय प्रशासन ऐन अनुसार जिप्रका काठमाडौँले विज्ञप्ति जारी गरी अन्तर्राष्ट्रिय विमानस्थल र आसपास क्षेत्रमा कुनै पनि प्रकारका प्रदर्शन, जुलुस, भेला र नाराजुलुस गर्न निषेध गरेको हो । काठमाडौँका प्रजिअ ईश्वरराज पौडेलद्वारा जारी विज्ञप्तिमा विमानस्थल क्षेत्र संवेदनशील रहने भन्दै शान्ति सुरक्षा तथा आवागमन व्यवस्थापनलाई ध्यानमा राखेर यस्तो निर्णय गरिएको उल्लेख छ ।
भारतद्वारा थप सवारीसाधन सहयोग
आगामी फागुन २१ गतेका लागि तय भएको प्रतिनिधि सभा निर्वाचनको सुरक्षार्थ भारत सरकारले नेपाल सरकारलाई ६५० वटा सवारीसाधन सहयोगस्वरूप उपलब्ध गराएको छ ।
राष्ट्रिय सभा अधिवेशन अन्त्य हुँदै
राष्ट्रपति रामचन्द्र पौडेलले राष्ट्रिय सभाको १९ औँ अधिवेशन अन्त्य गर्नुभएको छ । सरकारको सिफारिसमा राष्ट्रपति पौडेलले फागुन १ गते शुक्रबार राति १२ बजेपछि अधिवेशन अन्त्य गर्नुभएको हो ।
फागुन १ को स्मरण गरिँदै
माओवादी पृष्ठभूमि भएका पार्टीहरूले फागुन १ गते ३० वर्षअघिको बलिदानी स्मरण गर्दै विभिन्न कार्यक्रम गर्दै छन् । उनीहरूले आजको दिनलाई ‘३० औँ जनयुद्ध दिवस’ का रूपमा स्मरण गर्ने भएका हुन् । तत्कालीन नेपाली कम्युनिस्ट पार्टी (माओवादी) ले रुकुमको राडिज्युला, रोल्पाको होलेरी, सिन्धुलीको सिन्धुलीगढी र गोरखाको च्याङ्लीस्थित कृषि विकास बैङ्कमा आक्रमण गरेर २०५२ साल फागुन १ गते सशस्त्र युद्ध उद्घोष गरेको थियो ।
पच्चिस हजारको मात्रै ओपिडी सेवा
स्वास्थ्य बिमा बोर्डले फागुन १ गतेबाट बहिरङ्ग (ओपिडी) सेवा २५ हजारसम्म मात्र लिन मिल्ने व्यवस्था कायम गर्दा वास्तविक बिरामी यो निर्णयबाट समस्या परेका छन् ।
स्थानीय सरकार : कार्यसम्पादन कमजोर
देशभरिका पालिकाहरूले स्थानीय सरकारको कार्यसम्पादन गर्न प्रयोग गरिएका सूचक पूरा गरी शतप्रतिशत अङ्क प्राप्त गर्न सकेका छैनन् । राष्ट्रिय प्राकृतिक स्रोत तथा वित्त आयोगले स्थानीय तहको कार्यसम्पादन मूल्याङ्कन गर्न प्रयोग गरेका १७ वटा सूचकलाई कुनै पनि पालिकाले शतप्रतिशत पूरा गर्न सकेनन् ।
अमेरिकाबाट फर्केर भकारो स्याहार
श्रीमद्भागवतमा उल्लेख गरिएको कथा अनुसार भगवान् श्रीकृष्णका १६ हजार १०८ रानी थिए । उनीहरू स्वयं श्रीकृष्णको व्यक्तित्वबाट मोहित भएर आफैँ श्रीमान् कल्पिएर श्रीमतीकै रूपमा बसेका थिए । उनीहरूकै नामबाट यहाँ गाईको नामकरण गरिएको छ । त्यसैले सबैलाई तपाईं भनेर सम्बोधन गरिन्छ ।
मतदाताहरुसँग अध्यक्ष ओलीको साक्षात्कार
नेकपा (एमाले) का अध्यक्ष केपी शर्मा ओली एक हप्तासम्म झापा ५ का मतदातासँग भेटघाट र साक्षात्कार गरी काठमाडौं फर्कनुभएको छ । फागुन २१ गते हुने निर्वाचनका लागि माघ २३ गते निर्वाचन क्षेत्र झापा ५ आउनुभएका अध्यक्ष ओलीले तीनवटा पालिकाका करिब ८० वटा टोलका मतदातासँग साक्षात्कार गर्नुभएको हो ।
स्कुल बस दुर्घटना : एक जनाको मृत्यु
बागलुङमा भएको स्कूल भ्यान दुर्घटनामा घाइतेमध्ये एक जनाको मृत्यु भएको छ । जिल्लाको बागलुङ नगरपालिका –१ रामरेखादेखि रातामाटातर्फ जाँदैगरेको न्यू एभरेष्ट बोर्डिङ स्कुलको ग ३ च ८६२१ नम्बरको भ्यान आज दुर्घटना भएको थियो ।
प्रदेश सरकारले काम गर्न नसेकेको गुनासो
प्रमुख प्रतिपक्षी दल नेपाली कम्युनिष्ट पार्टी (नेकपा) ले सुदूरपश्चिम प्रदेश सरकारले ठोेस काम गर्न नसकेको जिकिर गरेको छ ।
-original-thumb.jpg)
मतदाता शिक्षाका लागि अनुगमनकर्तालाई तालिम
मुस्ताङमा आगामी फागुन २१ गते हुने प्रतिनिधिसभा सदस्य निर्वाचनलाई लक्षितगरी स्थानीय तहको निर्वाचनका मतदाता शिक्षा अनुगमनकर्तालाई प्रशिक्षण दिइएको छ ।
चोरीको मोटरसाइकलसहित तीन नेपाली भारतमा पक्राउ
यहाँस्थित नेपाल–भारत सीमापारी भारतको रूपईडीहा प्रहरीले नेपाल र भारतमा मोटरसाइकल चोरी गर्ने तीनजना नेपालीलाई चोरीका दश थान मोटरसाइकलसहित पक्राउ गरेको छ ।
जेलेनस्कीद्वारा युद्ध समाप्त गर्न रूसमा थप अमेरिकी दबाबको आह्वान
युक्रेनी राष्ट्रपति भोलोदिमिर जेलेन्स्कीले अमेरिकालाई युद्ध समाप्त गर्न रूसमा थप दबाब दिन आह्वान गर्नु भएको छ । यद्देपी आगामी हप्ता अमेरिकी मध्यस्थता हुने शान्ति वार्तामा मस्कोले भाग लिने वा नलिने भन्ने कुरा हालसम्म स्पष्ट छैन ।
गोलिया काठमा आगलागी, करोड रुपियाँको क्षति
अज्ञात समूहले रौतहटको एक सामुदायिक वनमा जम्मा गरेको सालका काठमा आगलागी हुँदा एक करोड रुपियाँभन्दा बढीको क्षति भएको छ ।
युक्रेनलाई बेलायतको हवाई रक्षा सहयोग
बेलायतले युक्रेनको ऊर्जा र ताप प्रणालीमाथि भइरहेका रुसी आक्रमण रोक्न सहयोग पुर्याउने उद्देश्यले करोडौँ डलर बराबरको हवाई रक्षा प्याकेज घोषणा गरेको छ ।
स्कुल भ्यान दुर्घटना : २४ घाइते, चारको अवस्था गम्भीर
बागलुङको मध्यपहाडी राजमार्गबाट स्कुल भ्यान खसेको छ । बागलुङमा बागलुङ नगरपालिका–१, रामरेखामा सञ्चालित न्यू एभरेष्ट एकेडेमी स्कुलको विद्यार्थी बोकेको भ्यान लोकमार्गदेखि रात्माटा जाँदैगरेको भ्यान दुर्घटना भएको हो।
अमेरिकालाई जापानको साढे पाँच खर्ब डलर प्रतिबद्धता
अमेरिकी राष्ट्रपति डोनाल्ड ट्रम्पले हालैको चुनावी विजयपछि जापानका प्रधानमन्त्री साने ताकाइचीलाई बधाई दिनुभएको छ ।
