कैलालीमा पुल निर्माण सुस्त
कैलालीमा प्रदेश सरकारको लगानीमा बन्दै गरेको तीन सडकको पुल निर्माणको कार्य सुस्त बनेको छ ।
गुलरियामा छ सय ५५ घरमा जस्तापाता लगाइने
नेपाल सरकारले सुरु गरेको सुरक्षित नागरिक आवास अन्तर्गत बर्दिया जिल्लाको गुलरिया नगरपालिकामा यस आर्थिक वर्षमा छ सय ५५ घरबाट खरको छाना विस्थापित गरिने भएको छ ।
गुल्मीमा दमकल खरिद गर्ने निर्णय मात्रै
गुल्मीमा दमकल खरिद गर्ने निर्णय निर्णयमै मात्र सीमित बनेको छ ।
कोरलाबाट सहजै पुगिन्छ कैलाश मानसरोवर
नेपालबाट चीनको तिब्बतमा अवस्थित कैलाश मानसरोवरमा सडक सञ्जालबाट जान सबैभन्दा सजिलो र कम खर्चिलो हुन्छ। मुस्ताङमा रहेको चीनसँगको कोरला नाकाबाट निकै छोटो र सजिलै पुग्न सकिने लोघेकर दामोदरकुण्ड गाउँपालिकाका अध्यक्ष विष्टले बताउनुभयाे ।
मोटरसाइकल दुर्घटनामा एकको मृत्यु
कलभर्ट बनाउन खनेको खाल्डोमा परेर मोटरसाइकल दुर्घटना हुँदा एक जनाको मृत्यु भएको छ।
देशमा प्रत्यक्ष निर्वाचित कार्यकारी हुने व्यवस्था आवश्यक : डा. भट्टराई
पूर्व प्रधानमन्त्री तथा नेपाल समाजवादी पार्टी (नयाँ शक्ति) का अध्यक्ष डा. बाबुराम भट्टराईले देशमा देखिएको वर्तमान सङ्कट समाधानका लागि प्रत्यक्ष निर्वाचित कार्यकारी प्रमुख हुने व्यवस्था आवश्यक रहेको बताउनुभएको छ ।
ओखर खेतीमा आकर्षण बढ्दो
बागलुङका किसानले बाँझो जमिनमा व्यावसायिक ओखर खेती गर्न सुरु गरेका छन् । खाद्यान्न बाली लगाउँदा उत्पादन कम भएको भन्दै बाँझो जमिनमा किसानले अहिले नगदेबाली लगाउन सुरु गरेका हुन् ।
म्याग्दीका सडक योजनामा बजेट अभाव, निर्माण कार्य प्रभावित
गण्डकी प्रदेश सरकारले बजेट विनियोजन गरेर सञ्चालन गरेका म्याग्दीका ६ वटा बहु वर्षीय ठुला सडक आयोजनाहरूमा करिब १४ करोड रुपियाँ बजेट अभाव भएको छ । निर्माण व्यवसायीलाई काम गरे अनुसारको भुक्तानी दिनुपर्ने बजेट अभाव हुँदा निर्माण कार्य रोकिने अवस्था भएको छ ।
दलित समुदायलाई आत्मनिर्भर बनाउन ‘सीपमूलक तालिम’
यहाँको टेम्केमैयुङ गाउँपालिकाले दलित समुदायलाई ‘व्यावसायिक सीपमूलक कार्यक्रम’ सुरु गरेको छ । न्यून आय भएकालाई आर्थिक रुपमा सक्षम, उद्यमशीलसँगै आत्मनिर्भर बनाउन कार्यक्रम थालेको हो ।
दुई लाख ७० हजार क्विन्टल चिनी उत्पादन
रवीन्द्र उप्रेतीबर्दिबास, चैत १४ गते । महोत्तरीको रामनगरस्थित एभरेस्ट चिनी मिलले यो वर्ष दुई लाख क्विन्टलभन्दा बढी चिनी उत्पादन गरेको छ । एभरेस्टले आर्थिक वर्ष ०८१÷८२ मा ३१ लाख ४ हजार १६३ क्विन्टल उखु क्रसिङ गरी कूल २ लाख ७० हजार ५८८ क्विन्टल चिनी उत्पादन गरेको हो । एभरेस्टका वित्तीय महाप्रबन्धक विमलचन्द्र ठाकुरका अनुसार यो उत्पादन गत वर्षको तुलनामा पाँच हजार ९९७ क्विन्टलले बढी हो । गत वर्ष (०८०÷८१) मा एभरेस्टले २९ लाख ४ हजार ५११ क्विन्टल उखु क्रसिङ गरी दुई लाख ६४ हजार ५९१ क्विन्टल चिनी उत्पादन भएको थियो । तुलनात्मक रूपले यो वर्ष चिनी उत्पादन बढेको देखिए पनि क्रसिङ क्षमता अनुसार उखु उपलब्ध नहुँदा लक्ष्य बमोजिम भने उत्पादन हुन नसकेको ठाकुरले जनाउनु भयो । उहाँका अनुसार यो वर्ष एभरेस्टले ३५ लाख क्विन्टल उखु क्रसिङ गरी ३ लाख १५ हजार क्विन्टल चिनी उत्पादनको लक्ष्य लिएको थियो । उखु भने लक्ष्यभन्दा करिब ४ लाख क्विन्टल कम आएकोले यसको असर उत्पादनमा परेको हो । अर्कोतर्फ चिनीको प्रतिलब्धि घटनाले पनि उत्पादनमा हृास आएको छ । गत वर्षसम्म चिनीको प्रतिलब्धि ९.११ प्रतिशत थियो । यो वर्ष घटेर ८.७२ प्रतिसतमा सिमित भएको छ । अर्थात् गत वर्ष एक क्विन्टल उखु क्रसिङ गर्दा ९ किलो ११० ग्राम चिनी उत्पादन भएको थियो । यसपाला भने उत्तिकै उखु क्रसिङ गर्दा घटेर ८ किलो ७२० ग्राममा सीमित भएकाले उत्पादन घटने अर्को कारण हो । वित्तीय महाप्रबन्धक ठाकुरले भन्नु भयो ‘चिनीको रिकभरी घट्नु अप्रत्याशित हो । यो समस्या हाम्रो मात्र नभएर भारतमा पनि यही अनुपातमा घटेको छ । के कारणले हो ? स्पष्ट हुन सकेको छैन ।’
ठेक्का रकम अपलचन गर्ने शेरचनविरुद्ध सार्वजनिक सेवामा रोक
मुस्ताङ, चैत १४ गते । मुस्ताङमा बसपार्क सञ्चालन गर्ने एक सञ्चालकविरुद्ध सरकारी सेवा सुविधा लिन नपाउने गरी जिल्लाका सबै सरकारी कार्यालयमा परिपत्र जारी गरिएको छ । मुस्ताङको घरपझोङ गाउँपालिका वडा नं ३ र ४ मा अवस्थित दुई वटा सवारी व्यवस्थापन गर्ने बसपार्क सञ्चालनको ठेक्का लिएर बीचैमा छोड्ने र ठेक्का सम्झौताको शर्त वापतको असुर उपर गर्नुपर्ने रकम पूरै भुक्तानी नगरेको भन्दै मुस्ताङको घरपझोङ–४ जोमसोमका स्थानीय सुरेश शेरचनविरुद्ध घरपझोङ गाउँपालिका कार्यालयले मुस्ताङका सबै निकायमा सरकारी सेवा सुविधा लिन नपाउने गरी प्रारम्भिक चरणको कारबाही प्रक्रियाअघि बढाएको छ ।गाउँपालिकालाई असुल उपर नभएसम्म बसपार्क ठेक्का लिएका उहाँलाई गाउँपालिका, वडा कार्यालयलगायत सबै सरकारी कार्यालयबाट हुने सिफारिस, अनुदानलगायत सबै किसिमका सरकारी सेवा लिन नपाउने गरिएको प्रमुख प्रशासकीय अधिकृत बेदहरी अधिकारीले जानकारी दिनुभयो ।गाउँपालिका प्रथम पक्षले लगाएको बसपार्क ठेक्का रद्द भइसकेकाले नयाँ ठेक्का लगाउने गरी गृहकार्य भइरहेको प्रमुख प्रशासकीय अधिकृत अधिकारीले बताउनुभयो । “पुरानो बसपार्क ठेक्का भङ्ग भएको र नयाँ ठेक्का लगाउने तयारी हुँदैछ”, उहाँले भन्नुभयो, “बसपार्क सञ्चालन तथा व्यवस्थापन कार्यविधि–२०८० लाई संशोधन गरी नयाँ कार्यविधि–२०८१ जारी भइसकेको छ ।” गाउँपालिकाको आन्तरिक राजस्व वृद्धि गर्ने र मुस्ताङ सदरमुकाम जोमसोमलाई व्यवस्थित रूपमा सवारी पार्किङ गर्नेगरी मुकामको सौन्दर्य जोगाउन गाउँपालिका प्रतिबद्ध रहेको प्रमुख प्रशासकीय अधिकृत अधिकारीको भनाइ छ । घरपझोङ गाउँपालिकाअन्तर्गत रहेका दई वटा बसपार्क सञ्चालन तथा व्यवस्थापनका लागि घरपझोङ गाउँपालिकाले गतवर्ष दरभाउ पत्रको सूचना प्रकाशित गरेको थियो । प्रकाशित सूचनाअनुसार मुस्ताङको घरपझोङ गाउँपालिका–४ जोमसोमका स्थानीय सुरेश शेरचनले वार्षिक रु २० लाख २५ हजार भाडा गाउँपालिकालाई बुझाउने सर्त बमोजिम बसपार्क सञ्चालन तथा व्यवस्थापन गर्नेगरी ठेक्का सम्झौता गरेका थिए । गाउँपालिकाले घरपझोङ बसपार्क सञ्चालन तथा व्यवस्थापनसम्बन्धी कार्यविधि–२०८० अनुसार विसं २०८० चैत १५ गते बसपार्क सञ्चालन तथा व्यवस्थापनको ठेक्का लगाइएको थियो ।गाउँपालिका प्रथम पक्षसँग बसपार्क ठेक्का लिएका दोस्रो पक्ष स्थानीय शेरचनले ठेक्का सम्झौताका सर्त र प्रावधानअनुसार सुरुआती तीन महिनाको अग्रिम भाडा धरौटी रु. पाँच लाख पाँच हजार दुई सय २५ र सम्झौता अवधि दुई वर्षको भाडाको पाँच प्रतिशत हुन आउने रकम रु. दुई लाख दुई हजार पाँच सय गरी कुल रु. सात लाख आठ हजार सात सय ५० गाउँपालिकालाई बुुझाएका थिए ।गाउँपालिका प्रथम पक्ष र बसपार्कका व्यवसायी दोस्रो पक्षबीच घरपझोङका दुई बसपार्कको सञ्चालन तथा व्यवस्थापन गर्ने र बसपार्क सञ्चालनका लागि गाउँपालिकाले आवश्यक सहजीकरण गर्ने उल्लेख गरिएको थियो । यसै प्रयोजनार्थ गाउँपालिकाले दुई पार्कको थप स्तरोन्नति, विद्युत्, इन्टरनेट खानेपानी, टिकट बुकिङ क्वान्टर, बसपार्क गेट निर्माणसहित बसपार्क क्षेत्रमा सिसी टिभी क्यामेरा जडान गरेको थियो । गाउँपालिकाले बसपार्क चलाउन स्थानीय प्रशासन, सुरक्षाकर्मीलगायत सबै सरोकारवालासँग चरणबद्ध छलफल गरेको थियो । गाउँपालिकाले बसपार्क व्यवस्थापनका लागि तीन जना पालिका प्रहरीसमेत करारमा नियुक्ति गरेको थियो ।स्थानीय शेरचनले बसपार्क सञ्चालन तथा व्यवस्थापन गर्न गाउँपालिका, प्रशासन र सुरक्षा निकाय लगायतले असहयोग गरेको भन्दै दुई वर्षको बसपार्क ठेक्का एकपक्षीय रुपमा ठेक्का भङ्ग गरेको पत्र गाउँपालिकामा पठाएका थिए ।गतवर्षको १५ चैतमा कार्यान्वयन गर्ने बसपार्क ठेक्का लिएका शेरचनले बसपार्क सञ्चालन गर्नेतर्फ ध्यान नदिएको र बसपार्कको भाडा क्रमशः बुझाउँदै जानुपर्नेमा नबुझाएको भन्दै बसपार्क सञ्चालन तथा व्यवस्थापन कार्यविधि– २०८० अनुसार गाउँ कार्यपालिकाको बैठकले शेरचनसँग २०८१ असोज २१ गते ठेक्का सम्झौता भङ्ग गर्ने निर्णय गरेको थियो ।
विद्यालयको अतिक्रमित जग्गा फिर्ता
पश्चिम मकवानपुरको मनहरी गाउँपालिका–८, सिमपानीस्थित महेन्द्रकिरण माध्यमिक विद्यालयको मिचिएको जग्गा स्थानीय सरकारको पहलमा फिर्ता हुन थालेको छ । विद्यालयको नाममा दर्ता
अमेरिकी नागरिक अपहरण गरी तीन लाख युरो फिरौती माग्ने महिला पक्राउ
राममणि दाहालहेटौँडा, चैत १४ गते । प्रहरीले हेटौँडा उपमहानगरपालिका १९ स्थित नेवारपानीबाट अमेरिकी नागरिकलाई अपहरण मुक्त गरेको छ । पोखरा महानगरपालिका वडा नं. ६ लेकसाइडस्थित एक होटेलबाट सोमबार अमेरिकी राहदानी वाहक ७० वर्षीया वृद्धा अपहरण पर्नुभएको थियो । नेपाल प्रहरीको केन्द्रीय अनुसन्धान ब्युरो र जिल्ला प्रहरी कार्यालय मकवानपुरको सहकार्यमा ती वृद्धालाई अपहरणमुक्त गरिएको हो । ती वृद्धालाई अपहरण गरेको आरोपमा प्रहरीले एक जना महिलालाई पनि पक्राउ गरेको छ ।जिल्ला प्रहरी कार्यालय मकवानपुरका प्रहरी निरीक्षक ठाकुर प्रसाद सापकोटाले नेपाल प्रहरीको केन्द्रीय अनुसन्धान ब्युरोले जानकारी गराएपछि ती महिलासहित अपहरणमा संलग्न एक महिलालाई नियन्त्रणमा लिएको जानकारी दिनुभयो । उहाँका अनुसार अपहरणमा पर्नेमा भारतीय मूलको अमेरिकी नागरिक रहनुभएको छ ।आफ्नो साथीहरूसँग मुक्तिनाथ मन्दिर भ्रमणका लागि नेपाल आएकी ती वृद्धा अपहरणमा परेको र अपहरणपछि तीन लाख युरो फिरौती माग गरेको नेपालस्थित अमेरिकी राजदूतावासले जानकारी गराएपछि प्रहरीले खोजी गर्ने क्रममा नेवारपानीबाट अमेरिकी नागरिकलाई सकुशल उद्धार गरेको थियो । प्रहरीले अपहरणमा संलग्न भएको अभियोगमा नुवाकोटको बेलकोटगढी नगरपालिका वडा नं.४ बस्ने वर्ष ३७ की सरिता लामालाई पक्राउ गरेको छ ।प्रहरीका अनुसार प्रहरी हिरासतमा रहेकी सरिता लामाविरुद्ध अपहरण तथा शरीर बन्धक कसुरमा मुद्दा चलाउने गरी अनुसन्धान प्रक्रिया अगाडि बढाइएको छ ।
अठचालिस वर्षपछि सडक कालोपत्रे
सडक ट्र्याक खोलेको ४८ वर्षपछि त्रिपुरासुन्दरी गाउँपालिका ५ र ६ पुग्ने बाल्का–टेकानपुर–तौथली सडक कालोपत्रे सुरु भएको छ । २०३३ सालदेखि २०३८ सम्म नेपाल ओरियन्ट म्याग्नेसाइड उद्यो
ठेकदारको बदमासीः बाली हुर्किसक्यो किसानले मल पाएनन्
ठेकदारको बदमासीले गर्दा मोरङका किसानहरू बाली हुर्किसक्दा पनि मल पाउन सकेका छैनन् ।
हड्डीको क्यान्सर
हड्डीमा रहेका कोषको असामान्य वृद्धिलाई परम्परागत रूपमा गैरक्यान्सर (चिकित्सा भाषामा बिनाइन) र क्यान्सर खाले (चिकित्सा भाषामा मेलिग्नेन्ट) गरी दुई वर्गमा विभाजित गरिएको हुन्छ ।
पुल निर्माणले विद्यालय जान सहज
मकवानपुरको बकैया गाउँपालिका–१२, धेत्रेदमारको सिमातखोलामा झोलुङ्गे पुल निर्माण भएपछि विद्यालय आवतजावत सहज भएको छ । बर्खायामको समयमा पुल नहुँदा सिमातखोलामा जोखिमपूर्ण
रोगबाट बच्ने उपाय
मानिसलाई लाग्ने रोग के हो र यसले जीवनमा के कस्तो असर गर्दछ भन्ने वास्तविकता बुझ्न अति जरुरी हुन्छ ।
प्रतिकिलो ६५ रुपियाँले घट्यो रिट्ठाको भाउ, किसान मारमा
चार वर्षदेखि अकासिएको रिट्ठाको भाउ यो वर्ष दोब्बरले घटेको छ । लगातार पाइरहेको भाउ एक्कासि घटेपछि कृषकहरू निराश भएका छ ।
सिटी स्क्यान बिग्रिएपछि सेवाग्राही मर्कामा
४५ वर्षीय राजेशप्रसाद चौहान टाउकोमा चोट लागेपछि वीरगन्जको नारायणी अस्पतालमा उपचारका लागि आउनुभयो । ओपिडीको टिकट काटेपछि डा. उमेश कुशवाहासँग परीक्षण गराउँदा टाउकोको सिटी स्क्यान गर्न लेख्नुभयो । सो अस्पतालमा सिटी स्क्यान नहुँदा निजी अस्पतालमा जान भनियो । अस्पतालमा अत्याधुनिक सिटी स्क्यान मेसिन रहेको सुनेका चौहानले अचम्मित हँुदै सोधखोज गर्दा विगत तीन महिनादेखि सिटी स्क्यानले काम नगर्दा बिरामीलाई समस्या भएको थाहा पाउनुभयो ।
आफ्ना नै वैरी
मानिसले आफूलाई घरमा सबैभन्दा सुरक्षित ठान्छ ।
८९ लाख लिएर ठेकेदार बेपत्ता, चार वर्षदेखि पुल अलपत्र
धरान उपमहानगरपालिका–५ स्थित देवी गाउँको सिरानमा रहेको लेदुवा खोलामा निर्माणाधीन पुल ४ वर्षदेखि अलपत्र छ ।
समावेशीकरणको दिशामा नयाँ फड्को : गोरखापत्रद्वारा प्रकाशित कुमाल भाषा
समावेशीकरणको दिशामा नयाँ फड्को : गोरखापत्रद्वारा प्रकाशित कुमाल भाषा
हिमाली क्षेत्रका विद्यालयमा आवासीय सुविधा
निजी विद्यालय नभएको हिमालपारिको जिल्ला मनाङमा तीन वटा विद्यालयले आवासीय सुविधा प्रदान गरेका छन् ।
दाउरामै पाक्छ खाना
मुस्ताङको थासाङ गाउँपालिका–१, टुकुचे झिलिङ्घमा अवस्थित नालन्दा बौद्ध विद्यालयमा खाना पकाउन ग्यासको सिलिन्डर प्रयोग गरिँदैन । विगत सात वर्षदेखि खाना पकाउन ग्यास प्रयोग नगरी विद्यालयको भान्सामा परिकार पाक्ने गरेका छन् ।
