स्रोत नखुलेको १६ लाख नगदसहित एक व्यक्ति पक्राउ
स्रोत नखुलेको १६ लाख १० हजार रुपियाँसहित सशस्त्र प्रहरीले मंगलबार विराटनगरबाट एक व्यक्तिलाई पक्राउ गरेको छ।
दुर्घटनामा एकको मृत्यु
गुडिरहेको बसको पछाडिपट्टिका चक्का खुस्किएर ठक्कर दिँदा पूर्व–पश्चिम राजमार्गअन्तर्गत मोरङको कानेपोखरी बजारमा एक जनाको मृत्यु भएको छ ।
कञ्चनजङ्घा सेसेलुङ गोल्डकपको तालिका सार्वजनिक
ताप्लेजुङको सदरमुकाम फुङ्लिङमा सञ्चालन हुने प्रथम कञ्चनजङ्घा सेसेलुङ गोल्ड कपको खेल तालिका सार्वजनिक गरिएको छ। किराँती लिम्बूहरूको सांस्कृतिक चाड चासोक तङ्नामको अवसरमा आयोजित कञ्चनजङ्घा सेसेलुङ गोल्डकप फुटबल प्रतियोगिताको खेल तालिका सार्वजनिक गरिएको हो।
दुई हजार विद्यार्थीलाई न्यानाे कपडा वितरण
ओखलढुङ्गाको खिजिदेम्बा गाउँपालिकाका दुई हजारभन्दा बढी विद्यार्थीलाई न्यानाे कपडा वितरण गरिएको छ ।
पुसे मेलाका अवसरमा स्थानीय बिदा
ताप्लेजुङको मिक्वाखोला गाउँपालिकाले ऐतिहासिक पुसे मेलाका लागि स्थानीय बिदा दिएको छ ।
प्रधानमन्त्री क्रिकेट कपका लागि चार खेलाडी छनाेट
प्रधानमन्त्री कप क्रिकेट प्रतियोगिताका लागि मोरङको पथरीशनिश्चरे नगरपालिकाका चार जना खेलाडी छनाेट भएका छन् ।
-original-thumb.jpg)
प्रदेशवासीलाई बीमाको पहुँचमा पुर्याउँछौँ : मुख्यमन्त्री कार्की
कोशी प्रदेशका मुख्यमन्त्री केदार कार्कीले बीमाको पहुँचमा सबै प्रदेशवासीलाई पुर्याइने बताउनुभएको छ । मुख्यमन्त्री तथा मन्त्रिपरिषद्को कार्यालयमा नेपाल बीमा प्राधिकरणद्वारा आयोजित कार्यक्रममा उहाँले प्रदेशवासीलाई शिक्षा, स्वास्थ्य, विपद्लगायत क्षेत्रमा सहज र सुलभ सेवा उपलब्ध गराउन प्रदेशवासीमा बीमाको पहुँच पु¥याइने जानकारी दिनुुभयो ।
'मध्यपहाडी क्षेत्रमा नमुना सहर बसाउने योजना अलपत्र'
नेकपा एमालेका महासचिव शङ्कर पोखरेलले मध्य पहाडी क्षेत्रमा नमुना सहर बसाउने योजना अलपत्र परेको बताउनुभएको छ ।
अवैध ढुङ्गा गिट्टी दोहन गर्ने टिपरलाई कारबाही
मोरङको लेटाङ ८ स्थित तेली खोलामा अवैध ढुङ्गा गिट्टी दोहन भएको भन्दै स्थानीय युवाले टिपरलाई खोला प्रवेश गर्न रोकेका छन् ।
तीन दशकदेखि फाल्गुनन्द मार्ग नबन्दा स्थानीयलाई सास्ती
फाल्गुनन्द माग निर्माणका लागि अर्बौँ लगानी भइसक्यो तर यो लगानी बालुवामा पानीझैँ भएको छभने आवागमन सहज नहुँदा स्थानीयले सास्ती खेप्नुपरेको छ ।
गाउँमै स्वास्थ्य केन्द्र खुलेपछि स्थानीयवासी दङ्ग
वर्षौँदेखि आधारभूत स्वास्थ्य सेवाबाट वञ्चित भएका टेम्केमैयुङ–५ चोलन्ती र मझौलेवासीले सहजरूपमा स्वास्थ्य सेवा पाएका छन् । गाउँमै स्वास्थ्य केन्द्र स्थापना भएपछि भौगोलिक विकटताका कारण सामान्य स्वास्थ्य सेवाका लागि तीनदेखि चार घण्टा हिँड्नुपर्ने बाध्यताबाट पनि उनीहरू मुक्त भएका छन् ।
संसारी माइस्थान सिमसारमा पर्यटकको घुइँचो
हरियाली चिया बगान, बगानको बीचमा स्वच्छ र सफा पोखरी, चिटिक्क परेका रङ्गीन घरहरु, सँगै रहेका विभिन्न मूर्तिहरु, नजिकै प्रतिकात्मक हवाइजहाज, वरीपरी पिकनिक खाने तथा घुम्न आउने पर्यटकको घुइचो ।
फोहोर व्यवस्थापन गर्न अधिकार सम्पन्न सर्वपक्षीय समिति
झापाको दमक नगरपालिकाले ल्याण्डफिल साइटको व्यवस्थापन सहित फोहोर समस्याको दिगो समाधानका लागि अधिकार सम्पन्न सर्वपक्षीय समिति बनाएको जनाएको छ । एक साताअघि देखि फोहोर नउठ्दा आक्रोश बढेको थियो ।
अस्पताललाई अनुमतिउपर छानबिन
कानुनी मापदण्डविपरीत अस्पतालको क्षमता वृद्धि गर्ने अनुमति दिएको पाइएपछि अख्तियार दुरुपयोग अनुसन्धान आयोगले छानबिन अगाडि बढाएको छ । विराटनगर अस्पताल चोकमा ५० श-याको अस्पतालको स्तरोन्नति गरेर १०० श-या बनाउन अनुमति दिँदा कोशी प्रदेशको स्वास्थ्य मन्त्रालयले कानुनी मापदण्ड उल्लङ्घन गरेको पाइएपछि अख्तियारले अनुसन्धान गर्न थालेको हो ।
तस्करी रोक्न सुरक्षाकर्मीलाई तालिम
सङ्खुवासभामा सवारीसाधनबाट हुनसक्ने चोरी तस्करी नियन्त्रण गर्न सुरक्षाकर्मीलाई तालिमको व्यवस्था भएको छ । तस्करले सामग्री ओसारपसार गर्दा सवारीसाधनको प्रयोग गर्न थालेपछि चोरी रोक्न प्रहरीलाई सवारीसाधन खानतलासीसम्बन्धी पाँचदिने अनुशिक्षण तालिम दिइएको हो ।
धानको राम्रो मूल्य पाएपछि किसान खुसी
झापामा विगतका वर्षको तुलनामा यस वर्ष धानको भाउ आकासिएपछि किसान खुसी भएका छन् । अघिल्लो वर्षको तुलनामा यस वर्ष २५ देखि ५० प्रतिशतसम्म धानको मूल्य वृद्धि भएपछि किसान खुसी भएका हुन् । अघिल्लो वर्ष यो समयमा धानको मूल्य एक हजारदेखि अधिकतम एक हजार दुई सय रुपियाँ प्रतिमन रहेकामा अहिले एक हजार पाँच सयदेखि एक हजार छ सय रुपियाँसम्म किसानले पाएका छन् । न्यूनतम समर्थन मूल्यमा समेत धान बिक्री नहुँदा लागत मूल्य उठाउन समस्या हुने गरेकामा यस वर्ष धानको मूल्य राम्रो पाएको कमल गाउँपालिकाका किसान मदन आचार्यले बताउनुभयो ।
विधि र प्रक्रियाको विरुद्धमा उत्रनु बेइमानी हो : नेता पोखरेल
नेकपा (एमाले) का वरिष्ठ उपाध्यक्ष ईश्वर पोखरेलले कोशी प्रदेशको नामकरणको विषयलाई लिएर भइरहेको आन्दोलनप्रति आपत्ति जनाउनुभएको छ । वरिष्ठ उपाध्यक्ष पोखरेलले विधि र प्रक्रियासम्मत ढङ्गले आफैँले प्रदेशको नाम कोशी राख्नमा सहयोग गरी एमालेलाई आरोपित गरेर आक्रमणमा उत्रनु बेइमानी भएको बताउनुभयो ।
हल्दिबारीमा भेटिए पुरातात्त्विक इँटा
दक्षिण झापाको हल्दिबारी गाउँपालिका-४ च्याङ्ग्राबन्ध गाउँमा पुरातात्त्विक महत्त्वका सामग्री भेटिएका छन् । स्थानीयवासीले खेतबारी जोत्ने र खाल्डो खन्ने क्रममा अनौठा इँटा, भाँडाकुँडा र इनार भेटेका हुन् ।
खोटाङमा धान उत्पादन घट्यो
खोटाङमा यस वर्ष धान उत्पादनमा कमी आएको छ । गत वर्षको तुलनामा यस वर्ष जिल्लामा एक हजार ६ सय १२.७३ मेट्रिक टन कम धान उत्पादन भएको कृषि ज्ञानकेन्द्र खोटाङले जनाएको छ ।
लोपोन्मुख लेप्चा समुदायले मनाए नामवन
लोपोन्मुख लेप्चा समुदायले आज नामआल-नामवन-नामसुङ-२३४४ अर्थात् नयाँ वर्ष मनाएका छन् । लाप्चा समुदायले आफ्नो समुदायको सांस्कृतिक पर्वकै रूपमा यो नामवन मनाउने गरेका छन् ।
सरकारी कार्यालयमा दोभाषे राखिने
कोशी प्रदेशका मुख्यमन्त्री केदार कार्कीले कोशी सरकार मातहतका अस्पताललगायतका सरकारी कार्यालयहरूमा कार्यविधि बनाएर दोभासे राख्ने बताएका छन् । राष्ट्रिय बहिरा महासङ्घ नेपाल, कोशीले बुझाएको ज्ञापन पत्र लिएपछि मुख्यमन्त्री कार्कीले उक्त प्रतिबद्धता व्यक्त गर्नुभएको हो ।
सफारी पल्टिँदा चालकको मृत्यु
झापाको मेचिनगर नगरपालिका –१० धुलाबारीमा सिटी सफारी दुर्घटना हुँदा चालकको मृत्यु भएको छ ।
बाङ्गे नडाहा सडकको निमार्ण कार्य सुरु
बाङ्गे नडाहा हुँदै धरान जोड्ने सडकको निमार्ण कार्य सुरु भएको छ । गत जेठबाट सुरु भएको सडक बनाउने कामले तीव्रता लिन थालेको हो ।
तमोरको पुल बाह्र वर्षदेखि अधुरै
तेह्रथुम र पाँचथर जिल्लालाई जोड्न लुबुघाटस्थित तमोर नदीमा निर्माण थालिएको पक्की पुल १२ वर्षदेखि अधुरै छ । पुल निर्माणले गति लिन सकेको छैन । उक्त पुल बन्न कति समय लाग्छ केही टुङ्गो छैन ।
‘जलविद्युतकाे लाभांशबाट समृद्धि सम्भव’
सङ्खुवासभाको १० स्थानीय तहहरूमध्ये सबैभन्दा दुर्गम स्थानीय तह हो भोटखोला गाउँपालिका । साबिक किमाथाङ्का, चेपुवा, हटिया र पावाखोला गाविसलाई समेटेर गठन गरिएको यस पालिकामा पाँच वडा छन् । मित्रराष्ट्र चीनसँग सि
