• गोरखापत्र अनलाइन
• ३ वैशाख २०८०, आइतबार

गोली घटनाका आरोपीहरु प्रहरी नियन्त्रणमा

रौतहटमा गोली लागि एक जनाको मृत्यु भएपछि प्रहरीले घटनामा संलग्न रहेको आरोपमा गढीमाई नगरपालिकाबाट १६ जनालाई नियन्त्रणमा लिएको जनाएको छ । सडक विस्तार गर्नेक्रममा स्थानीयबीच बिवाद हुँदा स्थानीयद्वारा चलाइएको बन्दुकको गोली लागि ५० वर्षीय रामकुमार राय यादवको हिजो मृत्यु भएको थियो । पालिकाको वडा ८ धोबिनियाँ टोलको सडक चौडा गर्नेक्रममा सडकछेउ जमिन भएका रामईश्वर राय र राजकुमार रायबीच बिवाद भएको थियो ।