भुवन कार्की
रुपन्देही, जेठ ५ गते । बुटवलमा लागुऔषधसहित दुई जना पक्राउ परेका छन् । बुटवलको नयाँ बसपार्कबाट बिहीबार प्रहरीले दुई जनालाई पक्राउ गरेको हो ।
पक्राउ पर्नेमा बुटवल वडा नं. ११ का ४० वर्षीय नारायणप्रसाद संजापती र वडा नंं. १९ की ४१ वर्षीया माया गुरुङ पक्राउ परेको वडा प्रहरी कार्यालय बुटवलका प्रहरी निरीक्षक अर्जुन पौडेलले जानकारी दिनुभयो ।
प्रहरीले १२ ग्राम ३७० मिलिग्राम ब्राउन सुगर र ३३ क्याप्सुल स्पास्मोइक नामको लागुऔषध बरामद गरेको हो । पक्राउ परेका दुवै जनालाई अदालतबाट म्याद थप गरी आवश्यक अनुसन्धान अघि बढाएकोसमेत प्रहरीले जनाएको छ ।
