गोरखापत्रसँग साझेदारी गर्न तयार छौं : मुख्यमन्त्री भट्ट
सुदूरपश्चिम प्रदेशका मुख्यमन्त्री त्रिलोचन भट्टले प्रदेश सरकार गोरखापत्र संस्थानसँग साझेदारी गर्न तयार रहेको बताउनु भएको छ । बुधबार गोरखापत्र संस्थानका महाप्रबन्धक लालबहादुर ऐरीले गर्नु भएको भेटको क्रममा मुख्यमन्त्री भट्टले प्रदेश सरकार गोरखापत्र संस्थानसँग साझेदारी गरेर अगाडि बढ्न तयार रहेको बताउनु भएको हो ।
ताप्लेजुङमा पाँचजना महिला उपाध्यक्षमा निर्वाचित
ताप्लेजुङमा विभिन्न दलका तर्फबाट उम्मेदवार बनेका पाँचजना महिला उपाध्यक्ष पदमा निर्वाचित हुनुभएको छ । यही बैशाख ३० गते सम्पन्न स्थानीय तहको निर्वाचनबाट उक्त सङ्ख्यामा महिला उपाध्यक्ष पदमा निर्वाचित हुनुभएको हो ।
रुपन्देहीको देवदह नगरपालिकाको दुवै पदमा एमाले विजयी
रुपन्देहीको देवदह नगरपालिकामा एमालेले जितेको छ । देवदहको मेयरमा पाँच दलीय गठबन्धनबाट मेयर उम्मेदवार काँग्रेसका क्षेत्रीय सभापति समेत रहेका हिराबहादुर खत्रीलाई हराउँदै एमालेका ध्रुव खरेल विजयी हुनु भएको हो ।
पुनः मतदान भएको चङ्खेलीमा ८६ प्रतिशत बढी मत खस्यो
राजन रावतहुुम्ला, जेठ ४ गते । पूनः मतदान कार्य भएको चङ्खेली गाउँपालिका–२ को महादेब मावि मतदान केन्द्रमा ८६ दशमलव ३७ प्रतिशत मत खसेको छ । बिबादपछि पुनः मतदान कार्य भएको सो केन्द्रमा शान्तिपुर्ण मतदान कार्य सम्पन्न भएको हो ।बिहान ७ बजेबाट सुुरु भएको मतदान कार्यमा मतदाताको उत्साहपुर्वक सहभागिता जनाउँदै मतदान कार्य सम्पन्न भएको छ । प्रमुुख जिल्ला अधिकारी सीता परियारकाअनुुसार पूनः मतदान भएको महादेब मावि मतदान केन्द्रमा ७८० मत खसेको छ । मतदाताको उलेख्य सहभागिता रहेको उहाँले बताउनुभयो । मतदान कार्य ६ बजेर ४० मिनेट जाँदासम्म भएको उहाँले बताउनुुभयो । कुुल खसेको मतमा ३९५ पुुरुष र ३८५ महिलाले मतदान गर्नुभएको छ । मतदान कार्य बेलुुका ५ बजेसम्म हुनुुपर्नेमा मतदाताहरु सो समयभित्र मतदानस्थलमा प्रवेश गरेकाकारण समय लम्बिएको छ ।उक्त मतदान केन्द्रमा ९०३ जना मतदाता रहनुुभएको छ । बैशाख ३० गते मतदानमा ३९० जनाले मात्र मत खसेको थियो । कम मत खसेको भन्दै गठबन्धन दलहरुले पुनः मतदान गर्नुपर्ने माग गरेका थिए । त्यसपछि निर्वाचन आयोग पुनः मतदान गर्ने निष्कर्षमा पुुगेको थियो । सो मतदान केन्द्रमा सुुरक्षा ब्यवस्था कडा पारिएको थियो । मतदान कार्य शान्तिपूर्ण रुपमा सम्पन्न भएको सुरक्षा निकायले जनाएको छ ।
ललितपुरको बागमती र महांकाल गाउँपालिका अध्यक्षमा कांग्रेस
ललितपुरको तीन गाउँपालिकामध्ये बागमती गाउँपालिका अध्यक्षमा नेपाली कांग्रेसका बीरबहादुर लोप्चन र महांकाल गाउँपालिका अध्यक्षमा कांग्रेसका गणेश केसी विजयी हुनुभएको छ । कोन्ज्योसोम गाउँपालिका अध्यक्षमा भने नेकपा (एमाले) का कृष्णमान लामा विजयी हुनुहुन्छ ।
टोखा नगरप्रमुखमा एमालेका अधिकारी र उपप्रमुखमा कांग्रेसका तामाङ विजयी
काठमाडौं टोखा नगरप्रमुखमा नेकपा (एमाले) का प्रकाश अधिकारी विजयी हुनुभएको छ । अधिकारीले दश हजार ३४० मत ल्याउनुभएको हो । उहाँको निकटतम प्रतिद्वन्द्वी नेपाली कांग्रेसकी रजनी थापाले दश हजार १६६ मत पाउनुभएको छ ।
काठमाडौंको फोहोर पाँच दिनभित्र उठिसक्ने महानगरको दाबी
काठमाडौंको सडमा थुप्रिएको फोहोर तत्काल कुनै अवरोध सृजना नभए पाँच दिनभित्र उठिसक्ने काठमाडौं महानगरपालिकाले जनाएको छ । स्थानीय निर्वाचन अघिदेखि सडकमा थुप्रिएको फोहोर मंगलबारबाट उठाउन थालिएको छ ।
हिमालीको अध्यक्षमा काँग्रेस र उपाध्यक्षमा एमाले विजयी
बाजुराको हिमाली गाउँपालिकाको अध्यक्षमा काँग्रेस र उपाध्यक्षमा नेकपा (एमाले) का उम्मेदवार विजयी भएका छन् । अध्यक्षमा नेपाली काँग्रेसका गोविन्द्रबहादुर मल्ल थापा र उपाध्यक्षमा नेकपा एमालेका उम्मेदवार राजकला सार्की विजयी हुनुभएको हो ।
दोधारा चाँदनीमा प्रमुखमा एमाले र उपप्रमुखमा काँग्रेस विजयी
लक्ष्मणदत्त पन्तमहेन्द्रनगर, जेठ ४ गते । कञ्चनपुरको महाकाली पारि रहेको एकमात्र पालिका दोधाराचाँदनी नगरपालिकामा एमालेले नगरप्रमुख र काँग्रेसले उपप्रमुखमा जित हासिल गरेको छ । प्रमुखमा विजयी एमालेका किशोरकुमार लिम्बुले ७ हजार १०४ मत पाउनुभएको छ । उहाँका निकटतम प्रतिद्धन्द्वी काँग्रेसका गोपालदत्त भट्टले ६ हजार १७२ मत प्राप्त गर्नुभयो । कैची चुवाउचिन्ह लिएर चुनावी मैदानमा आउनुभएका स्वतन्त्रका उम्मेदवार भिमबहादुर कुमाल एक हजार ९३४ मतका तस्रो स्थानमा उभिनुभएको छ । यसैगरी, उपप्रमुखमा ६ हजार ३६५ मत प्राप्त गरेर काँग्रेसकी गंगादेवी जोशी निर्वाचित हुनुभएको छ । उहाँका निकटम प्रतिद्वन्द्वी एमालेकी खिमा चन्दले ५ हजार ८२६ मत प्राप्त गर्नुभयो । माओवादीका उम्मेदवारले २ हजार ३४९ मत पाएका निर्वाचन अधिकृत कृष्णदत्त भट्टले बताउनुभयो । जम्मा १० वडा रहेको उक्त पालिकामा ६ वडामा एमाले, २ मा राप्रपा, १ वडामा काँग्रेस र १ वडामा माओवादीले जित हात पारेको छ ।
अधिकांश स्थानीय तहमा गठबन्धन सफल
स्थानीय तह निर्वाचनमा वडा तहसम्म चुनावी एकता गरेका पाँच दलीय गठबन्धन अधिकांश स्थानीय तहमा सफल भएको छ । जिल्लाको १० वटा स्थानीय तह र ८५ वटा वडामध्ये अधिकांश पालिका र वडा गठबन्धनका साझा उम्मेदवारले जितेका हुन् ।
चितवनको कालिका नगर प्रमुख र उपप्रमुखमा एमाले विजयी
चितवनको कालिका नगरपालिकामा नेकपा (एमाले) का उम्मेदवार विनोद रेग्मी निर्वाचित हुनुभएको छ । उहाँले गठबन्धनबाट नेपाली काँग्रेसका उम्मेदवार शिवराम केसीलाई १४३ मतले पराजित गर्नुभएको हो ।
देवदहको प्रमुख उपप्रमुख दुवैमा एमालेका उम्मेदवार विजयी
छविलाल पाण्डे बुटवल, जेठ ४ गते । रुपन्देहीको देवदह नगरपालिकाको प्रमुखमा नेकपा (एमाले) का उम्मेदवार ध्रुव खरेल निर्वाचित हुनुभएको छ । एमालेको तर्फबाट नगर प्रमुख पदमा उम्मेदवार बन्नुभएका खरेलले नेपाली काँग्रेस र माओवादी केन्द्रको गठबन्धनबाट उम्मेदवार बन्नुभएका निवर्तमान नगर प्रमुख हिरा खत्रीलाई १ हजार ६ सय २० मत अन्तरले पराजित गर्नुभयो । खरेलले १२ हजार ९४३ मत पाउँदा खत्रीले ११ हजार ३२३ मत पाउनुभयो । खरेलसँग पराजित हुनुभएका खत्री २०७४ सालको निर्वाचनमा एमालेका टीकाराम चापागाईलाई पराजित गरी नगर प्रमुख निर्वाचित हुनुभएको थियो ।त्यसैगरी नगर उपप्रमुखमा पनि एमालेकै बिद्यालक्ष्मी गुरुङ निर्वाचित हुनुभएको छ । २०७४ सालमा उपप्रमुख निर्वाचित गुरुङले गठबन्धनको तर्फबाट उम्मेदवार बन्नुभएकी नेकपा माओवादी केन्द्रकी सुन्दरी गिरीलाई ६ हजार ४९४ मतान्तरले पराजित गर्नुभयो ।
धरान उपमहानगरमा स्वतन्त्र उम्मेदवार साम्पाङ अगाडि
निशा राईधरान, जेठ ४ गते । धरान उपमहानगरपालिकामा हालसम्म २२ हजार ९७९ हजार मतगणना भएको छ । जसमा स्वतन्त्र उम्मेदवार हर्क साम्पाङ अगाडि हुनुहुन्छ । गणनाको शुरुवातदेखि गठबन्धनको अग्रता रहे पनि हाल गठबन्धनका प्रमुख पदका उम्मेदवार किशोर राईलाई पछि पार्दै स्वतन्त्रका हर्क साम्पाङले एमाले काँग्रेस लगायत सबै राजनीतिक दलका उम्मेदवारलाई स्वतन्त्र उम्मेदवारले चुनौती दिएका छन् ।पछिल्लो मत परिणाम अनुसार स्वतन्त्रका उम्मेदवार हर्क साङपाङले ८ हजार १४० मत प्राप्त गरेर अग्रस्थानमा रहनुभएको छ भने दोस्रोमा नेपाली काँग्रेसका उम्मेदवार किशोर राइको आठ हजार १२६ मत छ । तेस्रोमा एमालेका उम्मेदवार मञ्जु भण्डारीले छ हजार ७१३ मत प्राप्त गर्नुभएको छ । यसैगरी, उपप्रमुख पदमा गठबन्धनको उम्मेदवार अइन्द्रबिक्रम बेघाले नौ हजार १३६ मत प्राप्त गर्नुभएर गठबन्धनका अग्रता कायमै राख्नुभएको छ भने एमालेका उम्मेदार पदम इस्वोले आठ हजार ८५१ मत प्राप्त गर्नुभएको छ । हालसम्म ११ वटा वडाको मत परिणाम सार्वजनिक भइसकेको छ भने वडा नं २०, १९, ११ को मतगणना जारी रहेको निर्वाचन अधिकृतको कार्यालय धरानले जनाएको छ ।
चौरजहारीमा माओवादीका पुष्प र ईश्वरी विजयी
रुकुम पश्चिमको चौरजहारी नगरपालिकामा नेकपा माओवादी केन्द्रले विजयी हाँसिल गरेको छ । नगरप्रमुख र उपप्रमुखमा माओवादी केन्द्रका पुष्प वादी र ईश्वरी शर्मा वि.एम.ले जित हाँसिल गर्नुभएको हो । निर्वाचन अधिकृतको कार्यालय चौरजहारीका अनुसार पुष्प वादीले ६ हजार ८८२ मत प्राप्त गर्दा उहाँका निकटतम प्रतिद्वन्द्वी नेपाली कांग्रेसका प्रेमबहादुर ओलीले ६ हजार ३११ मत प्राप्त गर्नुभएको छ । यस्तै जनता समाजवादी पार्टीका प्रशाराम खत्रीले १७ र राप्रपाका उम्मेदवारले ८ मत ल्याउनुभएको छ ।
मङ्गलसेन नगरपालिकामा नेकपा (एमाले) विजयी
अछाम सदरमुकास्थित मङ्गलसेन नगरपालिकामा नेकपा (एमाले) विजयी भएको छ । प्रमुखको पदमा दोहोरिएका बोहराले ७३५ को मतान्तरमा विजयी हासिल गर्नुभएको मुख्य निर्वाचन अधिकृत कार्यालयका सहायक निर्वाचन अधिकृत नारायण पौडेलले जानकारी दिनुभयो ।
मध्यनेपाल नगरपालिकाको प्रमुखमा पुनः पाण्डे विजयी
मध्यनेपाल नगरपालिकाको प्रमुखमा निर्वाचित प्रमुख रमेशकुमार पाण्डे र उपप्रमुखमा निर्वाचित सीता गुरुङ
अर्थमन्त्रीले संविधान नपढी बजेट ल्याउँछन् : नेता खनाल
नेकपा (एकीकृत समाजवादी)का सांसद एवम् सम्मानित नेता झलनाथ खनालले मुलुकका कुनै पनि अर्थमन्त्रीले संविधानको भाग ४ नपढेको आरोप लगाउनुभएको छ ।
त्रिवेणी प्रमुख र उपप्रमुखमा काँग्रेसको विजय
बाजुराको त्रिवेणी नगरपालिकाको प्रमुख र उपप्रमुखमा नेपाली काँग्रेसका उम्मेदवार विजयी भएका छन् । नगरप्रमुखमा कर्णबहादुर थापा र उपमेयरमा कमला न्यौपाने विजयी हुनु भएको हो ।
आठबिसकोटमा माओवादीका रवि र धनकुमारी विजयी
जिल्लाको आठबिसकोट नगरपालिकामा माओवादी केन्द्रका उम्मेदवारले विजय हाँसिल गरेका छन् । नगर प्रमुख र उपप्रमुखमा माओवादी केन्द्रका रवि केसी र धनकुमारी शाही निर्वाचित भएको निर्वाचन अधिकृतको कार्यालय आठबिसकोटले जनाएको छ । प्रमुखमा रविले सात हजार ३७९ मत प्राप्त गर्दा उहाँका निकटतम प्रतिद्वन्द्वी नेपाली कांग्रेसका धिरेन्द्रकुमार बटालाले ६ हजार ६१५ मत प्राप्त गर्नुभएको छ ।
निर्वाचन प्रक्रियामा भ्रम उत्पन्न हुने समाचार सम्प्रेषण नगर्न आग्रह
गोरखापत्र अनलाइनकाठमाडौं, जेठ ४ गते । निर्वाचन पद्धति र प्रक्रियामा भ्रम उत्पन्न हुनेखालका समाचार सम्प्रेषण नगर्न नगराउन निर्वाचन आयोगले आग्रह गरेको छ । आयोगका प्रवक्ता शालिग्राम शर्मा पौडेलले बुधबार विज्ञप्ति जारी गर्नुहुँदै सो आग्रह गर्नुभएको हो ।“निर्वाचान सञ्चालनका सबै प्रक्रियामा आयोगको समग्र जिम्मेवारी रहेकोप्रति कुनै द्विविधा नरहेको सन्दर्भमा केही सञ्चारमाध्यममा आएका अन्यथा अर्थ लाग्ने आशयको समाचारप्रति आयोगको गम्भीर ध्यानाकर्षण भएको छ” विज्ञप्तिमा भनिएको छ, ”निर्वाचन पद्धति र प्रक्रियामा भ्रम उत्पन्न हुनेखालका समाचार सम्प्रेषण नगर्न नगराउन आयोग आग्रह गर्दछ । आयोगको गरिमा र निर्वाचन प्रक्रियाप्रति नै अविश्वास हुनेगरी समाचार सम्प्रेषण नगर्न, नगराउन आयोग सबैमा हार्दिक अनुरोध गर्दछ ।”यथासमयमा मतगणना सम्पन्न होस् भन्ने सबैको चाहनालाई छिटो कार्य सम्पादन गर्न पनि आयोगले आग्रह गरेको छ । आज मध्यान्हसम्म चार सय ६० पालिकाको अन्तिम परिणाम प्राप्त भइसकेको पनि आयोगले प्रष्ट पारेको छ । अन्य ठाउँको मतपरिणाम आउनेक्रम जारी रहेको आयोगले बताएको छ । परिणाम आउन बाँकी पालिकामा मतगणना कार्य २०७९ जेठ ५ गतेसम्म सम्पन्न गर्न आयोगका तर्फबाट अधिकतम् प्रयास भइरहेको जनाउँदै प्रवक्ता पौडेलद्वारा जारी विज्ञप्तिमा भनिएको छ, “धेरै मत गणना गर्नुपर्ने अवस्था रहेको महानगर र उपमहानगरपालिकाहरुका हकमा बढीभन्दा बढी मतगणना टोली व्यवस्था गरी तोकिएको समयभित्र मतगणना कार्य सम्पन्न गर्न यसअघि नै आयोगबाट भएको निर्देशनलाई आयोग पुनः स्मरण गराउन चाहन्छ ।” पाँच दिनभित्र मतगणना सक्न निर्देशनविभिन्न कारणबाट मतदान कार्य स्थगन भएका पालिकाहरुलाई पाँच दिनभित्र गणना कार्य सम्पन्न गर्न निर्देशन दिएको छ । आयोगको संवैधानिक जिम्मेवारी एवम् मितव्ययीरुपमा निर्वाचन सम्पन्न गराउने दायित्व र जिम्मेवारीलाई पूर्णरुपमा सफल पार्न सबै राजनीतिक दल, उम्मेदवार, आमसञ्चार जगत, नागरिक समाजलगायत सबै सरोकारवालाको उत्तिकै साथ र सहयोग अपरीहार्य रहने आयोगले प्रष्ट पारेको छ ।विद्यमान कानूनी व्यवस्थाबमोजिम बहालवाला स्थानीय जनप्रतिनिधिहरुको पदावधि यही जेठ ५ गतेसम्म रहेको र तत्पश्चात स्थानीय तह सरकारमा जनप्रतिनिधि विहीनता हुने अवस्थालाई मध्यनजर गरी जेठ ५ गतेभित्र नै मतगणना सम्पन्न गर्न आयोगले भनेको छ । “मतगणना कार्यमा सानातिना विषयलाई ठूलो मुद्दा बनाइ विवाद बल्झाउने, गणना कार्य सम्पन्न भइ मुचुल्का उठाएर अन्तिम परिणाम घोषणा गर्ने समयमा पुनः गणना गराउन माग गर्नेजस्ता समस्याहरु खडा गर्ने, गणना गर्दैजाँदा मतगणनाको अन्तिम चरणमा पुग्दा झिनो मतान्तर देखिएमा शुरुदेखि नै पुनः मतगणना गराउन खोज्नेजस्ता कार्यबाट मतगणना यथासमयमा सम्पन्न गर्ने कार्यमा व्यवधान उत्पन्न हुने हुँदा त्यस प्रकारका व्यवहार प्रदर्शन नगर्न आयोग हार्दिक आग्रह गर्दछ” विज्ञप्तिमा उल्लेख छ ।
सुनसरीको देवानगञ्जमा जसपाका मेहता, भोक्राहा नरसिंहमा काँग्रेसका आजाद
सुनसरीको १२ स्थानीय तह मध्ये देवानगञ्ज गाउँपालिकामा जनता समाजवादी पार्टीबाट अध्यक्षका उम्मेदवार बेचन प्रसाद मेहता र उपाध्यक्षमा नेपाली काँग्रंसका उम्मेदवार कुमारी विभा यादव विजयी हुनुभएको छ । जनता समाजवादी पार्टीका अध्यक्ष उम्मेदवार मेहताले ६ हजार ८७४ मत ल्याएर विजयी हुनुभएको छ भने उपाध्यक्षमा नेपाली काँग्रेसकी कुमारी विभा यादवले ६ हजार ११२ मत प्राप्त गरी विजयी हुनुभएको छ ।
काभ्रेको खानीखोला गाउँपालिकामा गठबन्धनका उम्मेदवार विजयी
काभ्रेको डाँडापारी क्षेत्रमा पर्ने खानीखोला गाउँपालिकामा गठबन्धनका उम्मेदवार विजयी भएका छन् । गठबन्धनका तर्फबाट गाउँपालिकाको अध्यक्ष पदमा नेकपा माओवादी केन्द्रका इन्द्रबहादुर थिङ चार हजार ४८५ मत ल्याएर विजयी हुनु भएको हो । उहाँले नेकपा एमालेका उम्मेदवार शेखर लामालाई एक हजार ३२९ मतान्तरले पराजित गर्नुभएको हो । एमालेका लामाले तीन हजार १५६ मत ल्याउनु भएको हो ।
मेलम्ची नगर प्रमुखमा आइतमान र उपप्रमुखमा उमा विजयी
मेलम्ची नगरपालिकाको प्रमुखमा काँगे्रसका आइतमान तामाङ र उपप्रमुखमा एमालेकी उमा प्रधान निर्वाचित भएका छन् । मेयर तामाङले ११ हजार २५८ मत ल्याउनु भएको छ । उहाँको निकटतम प्रतिद्वन्द्वी एमालेको बालकृष्ण देउजाले ११ हजार १६५ मत ल्याउनु भएको छ ।
प्रधानमन्त्री देउवालाई चीनका राष्ट्रपतिबाट बधाई
गृहमन्त्री बालकृष्ण खाणसँग नेपालका लागि चिनियाँ राजदूत होउ यान्छीले शिष्टाचार भेट गर्नुभएको छ । बुधबार गृह मन्त्रालयमा भएको भेटमा दुई देशबीचको आपसी सम्बन्ध र सहयोग आदान प्रदानका विषयमा कुराकानी भएको थियो ।
मुलुकको व्यापार घाटा डरलाग्दो अवस्थामा छ : सांसद भट्टराई
नेकपा (एमाले)का सांसद योगेशकुमार भट्टराईले मुलुकको व्यापार घाटा डरलाग्दो अवस्थामा रहेको आरोप लगाउनुभएको छ ।
