कैलालीको घोडाघोडी नगरपालिका वडा नम्बर १ को सुखडमा अवस्थित घोडाघोडी मन्दिर भक्तजनका लागि प्रख्यात मानिन्छ । यो मन्दिर पूर्वपश्चिम राजमार्गको दक्षिण भागमा राजमार्गको किनारमा रहेको छ ।
गोरखाको पादेली वा पोखरी थोकको चोकमा अवस्थित रामेश्वर मन्दिर प्रख्यात मन्दिर मध्ये एक हो । दर्शनार्थीको भीड लाग्ने यस मन्दिरको निर्माण वि.स. १६९३ मा राजा राम शाहले गराउन लगाएको इतिहास छ ।
दाङको घोराही उपमहानगरपालिका चौघरामा रहेको प्रख्यात गोरक्ष या रत्ननाथ या चौघरा मन्दिर भक्तजनको मुख्य तीर्थस्थल बन्दै गएको छ। भगवान् गोरखानाथका शिष्य रत्ननाथबाट यस मठको निर्माण भएको मानिएको यो मन्दिर पछिल्लो समय सबैको आस्थाको केन्द्र बनेको छ।
सिन्धुलीको कमलामाई नगरपालिका वडा नम्बर २ मा अवस्थित प्राचीन भद्रकाली मन्दिर भक्तजनहरूका लागि प्रख्यात बनेको छ । यो मन्दिर काठमाडौँबाट बि.पी. राजमार्ग हुँदै जाँदा ढुंग्रेभन्ज्याङको दाहिने तर्फको डाँडाको चुचुरोमा रहेको छ। जुन प्राकृतिक सम्पदाले भरिपूर्ण स्थल रहेको यस मन्दिरमा पुग्नको लागि राजमार्गबाट १५८ खुट्किला माथि उक्लिनु पर्छ।
रुपन्देहीको पटखौली गाउँपालिका वडा नम्बर ८ गौरी गाउँमा अवस्थित सतियामाई मन्दिर दर्शनार्थीहरुका लागि प्रख्यात मध्ये एक हो ।
सिन्धुलीको सुनकोसी गाउँपालिका –५ मुल्कोटमा स्थित बी.पी.राजमार्ग हुँदै सिन्धुली जाँदा राजमार्गसँगै दाहिने तर्फको भित्तामा रहेको सेतीदेवीको मन्दिर आजभोलि सबैको आस्थाको केन्द्र बनेको छ ।
रुपन्देहीको मर्चवारी गाउँपालिका वडा नं. ५ को बोगडी गाउँमा रहेको प्रख्यात मर्चवारी माईको मन्दिर । यो देवीको मन्दिरलाई निकै नै पुरानो देवी मानिएको छ ।
बर्दिया जिल्लाको ठाकुर बाबा नगरपालिका वडा नं. ९ मा अवस्थित रहेको प्रख्यात ठाकुर बाबा मन्दिर । यस स्थललाई ठाकुर बाबा मध्यवर्ती धार्मिक वन पनि भनिन्छ।
कपिलवस्तुको ऐतिहासिक स्थल तिलौराकोट दरबार जहाँ गौतम बुद्धले २९ वर्ष युवा काल बिताएका थिए। यस तिलौराकोटमा ४ वटा द्वार रहेका छन्। पूर्वीद्वार , पश्चिमद्वार, उत्तरीद्वार र दक्षिणीद्वार । हाल चलनमा आएको प्रमुखद्धारको रूपमा पश्चिमद्वार रहेको छ।
बर्दियाको गुलरिया नगरपालिका वडा नं ४ मा अवस्थित कोटही देवीको मन्दिर प्रख्यात मध्येको एक हो । यहाँ पहिला पिपलको ठुटाको फेदीमा शिला पत्र मात्र थियो। भक्तजनहरू त्यही शिला पत्रलाई कोटही देवी मानी पूजा अर्चना गर्दथे।
गैडहवा गाउँपालिका वडा नं ८ मा अवस्थित प्राचीन डोलही शिव मन्दिर निकै प्राचीन मन्दिर मध्ये एक हो । यो मन्दिर गाउँको मध्य भाग वा सडकको दाहिने तर्फ शिखर शैलीको रहेको छ।
जिल्लाको सुनवल नगरपालिका वडा नं. ४ रमवापुरमा स्थित कृष्णधाममा विश्वकै अग्लो कृष्ण भगवानको मूर्ति स्थापना गरिएको छ ।
नवलपरासी जिल्लाको पाल्ही नन्दन गाउँपालिका वडा नं.४ मा अवस्थित प्राचीन एवम् प्रख्यात पाल्ही कोटकी काली भगवती मन्दिर छ ।
प्रख्यात सिद्ध बाबाको मन्दिर सिन्धुलीको कमलामाई नगरपालिका वडा नं. ४ स्थित च्याउ कोट डाँडा अर्थात् सिन्धुलीगढीमा अवस्थित रहेको छ ।
काठमाडाैंको शङ्खरापुर नगरपालिका साँखुको प्रख्यात एवम् प्राचीन बज्रयोगिनी मन्दिर छ । यसकै दायाँतर्फ प्राचीन गुंविहार छ । नेपाल भाषामा 'गुं' को अर्थ जङ्गल हो। त्यसैले यसलाई जङ्गलमा रहेको विहार भनिएको हो ।