गोरखापत्र
जिम्मेवारी कुशलतापूर्वक सम्पन्न गर्न आयुक्त तुलाधरको निर्देशन
गोरखापत्र अनलाइनकाठमाडौं, वैशाख १२ गते । स्थानीय तह सदस्य निर्वाचन मनोनयन दर्ताको दोस्रो दिन निर्वाचन आयोगका आयुक्त डा. जानकीकुमारी तुलाधरले आयोगले सम्पेको जिम्मेवारी कुशलतापूर्वक वहन गर्न निर्वाचन अधिकृतको कार्यालयमा खटिएका कर्मचारी तथा सम्बद्ध सबैलाई निर्देशन दिनुभएको छ । सोमबार तारकेश्वर नगरपालिकामा रहेको निर्वाचन अधिकृतको कार्यालयको अनुगमन तथा निरीक्षण गर्नुहुँदै उहाँले सो निर्देशन दिनुभएको हो । निर्वाचन अधिकृत चपला पोखरेलकाअनुसार तारकेश्वर नगरपालिका धर्मस्थली काठमाडौंमा रहेको निर्वाचन अधिकृतको कार्यालयको उहाँले अनुगमन तथा निरीक्षण गर्नुभएको हो । आयुक्त डा. तुलाधरले निर्वाचन अधिकृतको कार्यालय, मनोनयनदर्ताको लागि गरिएको तयारीबारे जानकारी लिनुहुँदै आवश्यक सहयोग र समन्वयका लागि आयोगमा सम्पर्क राख्न आग्रह गर्नुभयो । सोहीअनुसार आयुक्त डा. तुलाधरले काठमाडौं उपत्यकाका प्रायः सबैजसो निर्वाचन अधिकृतको कार्यालयमा महिला निर्वाचन अधिकृतहरुलाई खटाइएकोमा खुशी व्यक्त गर्नुभयो । आयोगले दिएको जिम्मेवारी पूर्ण बफादार भई कुशलतापूर्वक सम्पन्न गर्न गराउन निर्देशन पनि उहाँले दिनुभयो । निर्वाचन आचारसंहिता पालनामा कडाई गर्न निर्वाचन अधिकृतको कार्यालय, प्रहरी प्रशासन एवम् सुरक्षाकर्मीलाई उहाँले निर्देशन दिनुभयो । सो अवसरमा निर्वाचन अधिकृत पोखरेलले निर्वाचन कार्यालय अन्तर्गतका मतदान केन्द्र र निर्वाचनसँग सम्बन्धित हालसम्म भएका कार्यप्रगतिबारे जानकारी गराउनुभएको थियो ।
मन्थली नगरपालिकामा भयाे एमालेकाे उम्मेदवारी दर्ता
नवराज श्रेष्ठ रामेछाप, वैशाख १२ गते । स्थानीय तह निर्वाचनको लागि रामेछापको मन्थली नगरपालिकामा एमालेका उम्मेदवारले सोमबार मनोनयन दर्ता गराएका छन् । नगरपालिकाको प्रमुखमा लब श्रेष्ठ र उपप्रमुखमा इश्वरी बस्नेतले उम्मेदवारी दर्ता गराउनुभएको छ । उम्मेदवारी दर्ता गर्नको लागि नेकपा एमालेका केन्द्रीय सदस्य एवं रामेछाप जिल्ला इञ्चार्ज कैलाशप्रसाद ढुङ्गेल, केन्द्रीय सदस्य माधव ढुङ्गेल, गीता कार्की, एमाले मन्थली नगर पार्टी अध्यक्ष रामबाबु घिमिरेलगायतका मुख्य निर्वाचन अधिकृतको कार्यालयमा पुग्नुभएको थियो । मन्थली बजारबाट बाजागाजासहित एमालेका नेताहरू उम्मेदवारी दर्ता गर्न मुख्य निर्वाचन अधिकृतको कार्यालयमा पुग्नुभएको थियो ।१४ वटा वडा रहेको मन्थली नगरपालिकामा एमालेले वडा नं १ मा दिनेश सुवेदी, २ मा सुरेन्द्र कार्की, ३ मा कृष्णगोपाल थापा, ४ मा शुक्रबहादुर श्रेष्ठ, ५ मा गणेश कार्की, ६ मा शङ्कर थापा, ७ मा देवेन्द्र श्रेष्ठ र ८ मा गोपाल श्रेष्ठ उम्मेदवार बन्नुभएको छ । यसै गरी वडा नं ९ मा गोकर्णराज आरण, १० मा रामहरि चौहान , ११ मा कृष्णबहादुर पुलामी भूपाल, १२ मा खुसहरि बुढाथोकी, १३ मा नवराज थापामगर र १४ मा मोतीलाल तामाङ उम्मेदवार बन्नुभएको छ । उम्मेदवारी दर्ता गरेपछि नगरप्रमुखका उम्मेदवार लब श्रेष्ठले सबैको सहयोग र सद्भावबाट आफूले चुनाव जित्ने विश्वास व्यक्ति गर्नुभयो । सबैको भावनालाई सम्बोधन गरी मन्थली नगरपालिकाको विकासमा जुट्ने उहाँले प्रतिबद्धता व्यक्त गर्नुभयो ।
१६ हजारको उम्मेदवारी दर्ता, निर्वाचन अधिकृतको कार्यालयमा भीड
निर्वाचन आयोगले सोमबार मध्याह्न १२ बजेसम्म उम्मेदवारी मनोनयनको विवरण सार्वजनिक गर्दै १६ हजार ५६८ उम्मेदवारी परेको जनाएको छ ।
मुसीकोट नगर प्रमुख र वडा अध्यक्षमा स्वतन्त्र उम्मेदवारी दर्ता
राजु लामिछानेरुकुम पश्चिम, वैशाख १२ गते । रुकुम पश्चिमको मुसीकोट नगरपालिकाको प्रमुख र वडा अध्यक्ष पदका लागि स्वतन्त्र उम्मेदवारी दर्ता भएको छ । गत स्थानीय तहको निर्वाचनमा नेपाली काँग्रेसबाट मुसीकोट १ को वडाध्यक्षमा निर्वाचित वीरबल केसीले नगर प्रमुखमा स्वतन्त्र उम्मेदवारी दिनुभएको हो । मुख्य निर्वाचन अधिकृतको कार्यालयमा केसीले नगर प्रमुखमा स्वतन्त्र उम्मेदवारी दिएको सहायक निर्वाचन अधिकृत विष्णुप्रसाद पौडेलले जानकारी दिनुभयो ।त्यसैगरी, वडा नम्बर १ को अध्यक्षका लागि पनि स्वतन्त्रबाट उम्मेदवारी परेको छ । मुसीकोट नगरपालिका १ का कालिबहादुर महताराले वडा अध्यक्ष पदका लागि मनोनयन दर्ता गराउनुभएको हो । उहाँ नेपाली काँग्रेसको भ्रातृसङ्गठन तरुण दलका मुसीकोट नगर निर्वाचन परिचालन समितिका संयोजक हुनुहुन्छ । नेपाली काँग्रेसले मुसीकोट नगरपालिकाको प्रखुमको लागि महेन्द्र केसी, उप प्रमुखमा निर्मला गिरी र वडा नम्वर १ को वडा अध्यक्षमा ज्ञानुचन्द्र चन्दलाई उम्मेदवार बनाउने निर्णय गरेको छ ।
साहित्यकार हृदयकाे स्मरणमा निबन्ध प्रतियाेगिता हुँदै
काठमाडाैं, वैशाख १२ गते । नेवाः विद्यार्थी युनियनको आयोजनामा ‘क्याम्पसमा नेपालभाषा विद्यार्थी कसरी संख्या बढाउन सकिन्छ भन्ने शीर्षकमा निबन्ध प्रतियोगिता हुने भएको छ । नेपालभाषाका साहित्यकार कवि केशरी चित्तधर हृदयकाे जेठ १२ गते परेकाे जन्मोत्सवमा साे प्रतियोगिता हुने लागेकाे युनियनका अध्यक्ष रिदेन महर्जनले जानकारी दिनुभयाे । प्रतियोगितामा प्रथम, द्धितीय, तेस्रो र सान्त्वना पुरस्कारको समेत व्यवस्था गरिएको छ।
एमालेका स्थापित र राप्रपाका श्रेष्ठको उम्मेदवारी दर्ता
नेकपा एमालेको तर्फबाट काठमाडौं महानगरपालिकाको प्रमुख पदमा केशव स्थापितले उम्मेदवारी दर्ता गर्नुभएको छ । सोमबार राष्ट्रिय सभागृहमा पुगेर उहाँले उम्मेदवारी दर्ता गर्नुभएको हो । साथै उपप्रमुखमा सुनिता डङ्गोलले पनि उम्मेदवारी दर्ता गर्नुभएको छ ।
टुङ्गाे लाग्याे अर्घाखाँचीमा गठबन्धनकाे उम्मेदवार
गणेश खनालअर्घाखाँची, वैशाख १२ गते । गठबन्धनले उम्मेदवार टुङ्ग्याएको छ । काँग्रेसले आफ्नो भागमा परेको पाँच स्थानीय तहमा काँग्रेसले उम्मेदवार चयन गरेको हाे।सन्धिखर्क नगरपालिका प्रमुखमा काँग्रेस लुम्बिनी प्रदेश सदस्य शान्ता भण्डारी र शीतगंगा नगरपालिका प्रमुख छविलाल पौडेललाई उम्मेदवार बनाएको छ । कांग्रेस–माओवादी गठबन्धनमा उपप्रमुख जितेको भूमिकास्थान नगरपालिकामा याे पटक कांग्रेसले उम्मेदवार पाएन । नगरप्रमुख राजमो र उपप्रमुख माओवादीलाई भाग परेको छ ।त्यस्तै, छत्रदेव गाउँपालिका अध्यक्षमा चन्द्रमान श्रेष्ठ, उपाध्यक्षमा इन्दिरा भुसाल, पाणिनि गाउँपालिका अध्यक्षमा अच्युत गौतम र उपाध्यक्षमा लक्ष्मी गौतमलाई चयन गरेको छ । श्रेष्ठ र भुसाल नयाँ अनुहार हुन् । पाणिनिका दुई गौतमलाई पुनः दोहोरिएका हुन् । मालारानी गाउँपालिका उपाध्यक्षमा शोभाखर खनाललाई उम्मेदवार बनाएको छ । जसपा गठबन्धनबाट बाहिरिएको छ ।पाणिनि गाउँपालिका र छत्रदेव गाउँपालिका काँग्रेस एक्लै भिड्ने भएको छ । माओवादीले सन्धिखर्क नगरपालिका उपप्रमुखमा राजेन्द्र भुसाल, शीतगंगा नगरपालिकाको उपप्रमुखमा टिका रेस्मी, भूमिकास्थान नगरपालिकाको उपप्रमुखमा बालकृष्ण बजान्डे र मालारानी गाउँपालिकाको अध्यक्षमा पदम क्षेत्रीलाई उम्मेदवार बनाउने निर्णय गरेको छ । नेकपा एसले केही वडा अध्यक्ष र सदस्यहरु पाएको छ । एमालेले केही दिन अगाडि उम्मेदवार टुङ्गाे लागिसकेको छ ।
पाल्पामा गठबन्धनले टुङ्ग्यायो उम्मेदवार
नेपाली काँग्रेस, नेकपा (माओवादी केन्द्र) र एकीकृत समाजवादीले पाल्पाले स्थानीय तहमा आफ्नो पार्टीबाट उम्मेदवारको टुङ्गो लगाएको छ ।
पाल्पामा १७ थान हातहतियार सङ्कलन
पाल्पा, वैशाख १२ गते । पाल्पामा १७ थान हातहतियार सङ्कलन भएको छ । इजाजत प्राप्त हातहतियार प्रहरीमा बुझाउन प्रशासनले गरेको आग्रह अनुसार हालसम्म ११ थरिका १७ जना विभिन्न खालका हतियार, पाँच सय ४२ वटा गोली सङ्कलन भएको जिल्ला प्रहरी कार्यालय पाल्पाले जनाएको छ ।स्थानीय तहको निर्वाचन सुरक्षालाई मध्यनजर गर्दै प्रशासनले इजाजत प्राप्त हातहतियार प्रहरीमा बुझाउन आग्रह गरेको थियो । प्रहरीका अनुसार १२ नाले बन्दुक तीन थान, एक नाले टोटा बन्दुक चार थान, दुई नाले बन्दुक एक थान सङ्कलन भएको छ । यस्तै, एक नाले १२ बाेर बन्दुक एक थान, दुई नाले बृज लोडिङ् बन्दुक, एक नाले बृज लोडिङ् बन्दुक, २२ बारे राइफल, भरुवा बन्दुक, २२ वटा एक नाले बन्दुक, एक नाले भरुवा बन्दुक, एक नाले बृज लोडिङ् बन्दुक एक, एक नाले हतियार बरामद भएको प्रहरीले जनाएको छ । सङ्कलन भएको हातहतियार विभिन्न प्रहरी तथा इलाका प्रहरी कार्यालयमा रहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।
चौरजहारीमा माओवादी केन्द्रका उम्मेदरवारद्वारा उम्मेदवारी दर्ता
स्थानीय तह निर्वाचनअन्तर्गत रुकुम पश्चिमको चौरजहारीमा नेकपा माओवादी केन्द्रले उम्मेदवारी दर्ता गराएको छ ।
श्रीमती हत्या आरोपमा दुई जना पक्राउ
काठमाडौं, वैशाख १२ गते । आफ्नै श्रीमती ३० वर्षीया अस्मिता चौधरीको हत्या गरेको अभियोगमा बूढानीलकण्ठ नगरपालिका १० कपन आकाशे धारा नजिक डेरा गरी बस्ने सिराहा लाहान नगरपालिका ७ घर भएका ४२ वर्षीय प्रबिन चौधरीलाई प्रहरीले आइतबार राति पक्राउ गरेको छ । श्रीमतीलाई सुतिरहेको अवस्थामा आगो लगाई हत्या गर्न खोजेका थिए । शरिरमा तारपिन नामक तेल खन्याई आगो लगाई घाइते बनाएपछि उपचारको क्रममा मृत्यु भएको भएको थियो । आगो लगाएको अवस्थामा स्थानीयबासीले फेला पारी घाइतेको उपचार लागि अस्पताल भर्ना गरेको तर उपचार क्रममा मृत्यु भएको सोमबार प्रहरीले प्रकाशन गरेको विज्ञप्तीमा उल्लेख छ । यता मकवानपुरमा आफ्नै श्रीमती २८ वर्षीया दिया शर्माको हत्या गरेको अभियोगमा भारतीय नागरिकलाई पक्राउ गरेको छ । बकैया गाउँपालिका ५ तीनतले बस्ने भारत मध्यप्रदेश भाेपाल घर भएका ३० वर्षीय पवन सोनीलाई प्रहरीले आइतबर राति प्रहरीले पक्राउ गरेको प्रहरीले जनाएको छ । पवनले घरायसी विवादको कारण सुत्ने कोठामा घाँटी थिची हत्या गरेको इलाका प्रहरी कार्यालय फापरबारीले जनाएको छ । घटनाको सम्बन्धमा प्रहरीले आवश्यक अनुसन्धान गरिरहेको जनाएको छ ।
निर्वाचन आयुक्तद्वारा चन्द्रागिरि निर्वाचन अधिकृतको कार्यालय निरीक्षण
गोरखापत्र अनलाइन काठमाडौं, वैशाख १२ गते । स्थानीय तह सदस्य निर्वाचन मनोनयन दर्ताको दोस्रो दिन निर्वाचन आयोगका आयुक्त डा. जानकीकुमारी तुलाधरले सोमबार चन्द्रागिरि नगरपालिकामा रहेको निर्वाचन अधिकृतको कार्यालयको निरीक्षण गर्नुभएको छ । निर्वाचन अधिकृत सिर्जना थपलियाकाअनुसार चन्द्रागिरि नगरपालिकाको भवनमा रहेको निर्वाचन अधिकृतको कार्यालयको अनुगमन तथा निरीक्षण गर्नुभएको हो । आयुक्त डा. तुलाधरले निर्वाचन अधिकृतको कार्यालय, मनोनयनदर्ताको लागि गरिएको तयारीबारे जानकारी लिनुभयो । । सोहीअनुसार उहाँले मतदानपछि हुने मतगणनाका लागि तय गरिएको स्थानको समेत निरीक्षण गर्नुभएको थपलियाले जानकारी गराउनुभयो । सो अवसरमा आयुक्त डा. तुलाधरले उम्मेदवारी दर्ता गर्ने क्रममा ज्येष्ठ नागरिक, अपाङ्गता भएका व्यक्ति तथा महिलालाई प्राथमिकतामा राखेर मनोनयन दर्ताको व्यवस्था मिलाउन निर्देशन दिनुभएको निर्वाचन अधिकृत थपलियाले जानकारी गराउनुभयो । मनोनयन दर्ता प्रक्रियालाई सहज र चुस्त बनाउन भूमिका खेल्न उहाँले निर्वाचन अधिकृतको कार्यालयका कर्मचारीहरुलाई निर्देशन दिनुभएको थियो ।
प्रमुख दलले सोमबार उम्मेदवारी दर्ता गर्ने
विराटनगरमा प्रमुख राजनीतिक दलले सोमबार दिउँसो उम्मेदवारी दर्ता गर्ने भएको छ । स्थानीय तह निर्वाचनका लागि नेपाली काँग्रेसलाई दिउँसो १ बजे र नेकपा एमाले र नेकपा समाजवादीलाई दिउँसो ३ बजे उम्मेदवारी दर्ता गर्ने भएको हो ।
सात करोड ठगी आरोपी पक्राउ
बैंकिङ कसूर तथा ठगी मुद्दाका फरार प्रतिवादी काठमाडौं महानगरपालिका १० बानेश्वर बस्ने रौतहट देवाही गोनाही नगरपालिका ३ घर भएका ४३ वर्षीय मुत्यन्य जयसवाललाई प्रहरीले पक्राउ गरेको छ ।
एमालेले टुङ्ग्यायो लमजुङको ८ वटै पालिकाको उम्मेदवार
नेकपा एमालेले लमजुङका ८ वटै स्थानीय तहका उम्मेदवारको टुङ्गो लगाएको छ । चार नगरपालिका र चार गाउँपालिकाको प्रमुख/उपप्रमुख, अध्यक्ष/उपाध्यक्षको टुङ्गो लागेको नेकपा एमाले गण्डकी केन्द्रीय सदस्य मायानाथ अधिकारीले बताउनुभयो ।
