गोरखापत्र
श्रमिकको तलब वृद्धि
मलेसियामा काम गर्ने आप्रवासी श्रमिकको आधारभूत तलब (बेसिक स्यालरी) एक हजार पाँच सय रिङ्गिट तोकेको छ । योभन्दा पहिले मलेसियामा काम गर्ने विदेशी श्रमिकको आधारभूत तलब एक हजार दुई सय रिङ्गिट थियो । मलेसियास्थित नेपाली दूतावासका अनुसार मलेसिया सरकारले मे १ अर्थात् अन्तर्राष्ट्रिय श्रमिक दिवसका दिनदेखि लागू हुने गरी आप्रवासी कामदारको आधारभूत तलब बढाएको हो ।
‘भूमिहीनका समस्या गठबन्धनले समाधान गर्छ’
नेपाली काँग्रेसकी नेत्री आरजु राणाले केन्द्रमा रहेको गठबन्धन सरकारले निर्णय गर्ने र टीकापुरमा पनि तीन दलको गठबन्धन भएकाले सबै प्रक्रिया मिलाएर अर्को चुनावअगाडि नै भूमिहीनले जग्गा पाउने आश्वासन दिनुभएको छ ।मङ्गलबार टीकापुर नगरपालिका–१ को शिवनगरमा भएको गठबन्धनका उम्मेदवारको चुनावी सभामा बोल्दै राणाले यहाँको सुकुम्बासी शिविरमा बसेकाहरूको घरछाप्रा देखेर दुःख लागेको र सकेसम्म चाँडै समस्या समाधान गर्ने र लालपुर्जा बाँड्ने दिनमा आफू पनि आउने बताउनुभयो ।
गठबन्धनका उम्मेदवारमा पुरुष बढी
सिन्धुलीमा गठबन्धनका उम्मेदवारमा पुरुष बढी देखिएका छन् । नौवटा स्थानीय तह रहेको सिन्धुली जिल्लामा सत्ता गठबन्धनका दलमध्ये नेपाली काँग्रेसले पाँच र नेकपा (माओवादी केन्द्र)ले चारवटा स्थानीय तहमा प्रमुख तथा उपप्रमुख पद बाँडफाँट गरेका छन् ।
.svg-original-thumb.jpg)
माओवादीले पाएन प्रमुख
स्थानीय तह निर्वाचनमा गठबन्धन गरिए पनि काठमाडौँका पालिकामा नेपाल कम्युनिस्ट पार्टी (माओवादी केन्द्र)ले प्रमुखमा उम्मेदवारी पाउन सकेन । काठमाडौँमा एक महानगरपालिका र १० नगरपालिका छन् । सत्ता गठबन्धनबाट प्रमुख वा उपप्रमुख नपाएपछि एकल उम्मेदवारी दिएको छ । टोखा, कीर्तिपुर, नागार्जुन, शङ्करापुर र बूढानीलकण्ठ नगरपालिकामा माओवादीका एकल उम्मेदवार छन् । तारकेश्वर, गोकर्णेश्वर र कागेश्वरी मनोहरा नगरपालिकामा गठबन्धन गरे पनि प्रमुख पद पाएको छैन ।
आलु उत्पादन वृद्धि
बारामा एक लाख १८ हजार ७२० मेट्रिक टन आलु उत्पादन भएको छ । यस वर्ष किसानले सात हजार ४२० हेक्टर क्षेत्रफलमा विभिन्न जातका आलु खेती गरेका छन् । त्यसबाट प्रतिहेक्टर करिब १६ मेट्रिक टन उत्पादन हुँदा कुल एक लाख १८ हजार ७२० मेट्रिक टन आलु उत्पादन गरेको कृषि ज्ञान केन्द्र बारा कलैयाका प्रमुख जितेन्द्र यादवले जानकारी दिनुभयो ।
इलाममा चुनावी अभियान : ठूला सभाभन्दा घरदैलोमा व्यस्त
इलाम जिल्लामा राजनीतिक दलले चुनावी अभियान र प्रचारप्रसारलाई तीव्रता दिएका छन् । भौगोलिक हिसाबले विकट पहाडी जिल्ला इलामका सहर, बजार र गाउँगाउँमा पुगेर उम्मेदवारले घरदैलो गरिरहेका छन् । भेला, भेटघाट, कोणसभा गरेर उम्मेदवारले प्रचार कार्यलाई तीव्र पारेका छन् ।
नेपाल र जिम्बावेबीच तेस्रो टी–२० खेल आज
नेपाल र पाहुना टोली जिम्बावे ‘ए’ विरुद्धको तेस्रो तथा अन्तिम टी–२० खेल आज (बुधबार) हुँदैछ । कीर्तिपुर स्थित त्रिवि मैदानमा दिउँसो १:०० बजे हुने खेलमा नेपाल जिम्बावेलाई हराउँदै सिरिज बराबरी गर्ने दाउमा छ ।
आजदेखि काँग्रेसको चुनावी सभा
नेपाली काँग्रेसले स्थानीय तह निर्वाचनलाई दृष्टिगत गरी देशका १० सहरमा चुनावी सभाको आयोजना गर्दैछ । काँग्रेसका शीर्ष नेताहरूले सम्बोधन गर्ने गरी वैशाख २१ बुधबारदेखि २७ गतेसम्मको चुनावी सभाको तालिका सार्वजनिक गरिएको छ ।
काँग्रेस कञ्चनरुपको घोषणापत्र सार्वजनिक
महिलालाई निःशुल्क सेनेटरी प्याड र जङ्गली जनावर आक्रमण रोकथामको पूर्ण बाचासहित सप्तरीको कञ्चनरूप नगरपालिकामा नेपाली काँग्रेसले चुनावी घोषणापत्र सार्वजनिक गरेको छ ।नेपाली काँग्रेसबाट नगरपालिकाको प्रमुख पदका उम्मेदवार ललन गुप्ताले चुनावी घोषणापत्र सार्वजनिक गर्नुभएको हो । घोषणापत्रमा नगरपालिकाका सबै महिलालाई निःशुल्क सेनेटरी प्याड उपलब्ध गराउने उल्लेख छ । सेनेटरी प्याडको उद्योगसमेत सञ्चालन गरी महिला स्वास्थ्य स्वयं सेविकालाई आयआर्जनमा आत्मनिर्भर बनाउने, गर्भवती तथा सुत्केरी महिलाका लागि निःशुल्क भिडियो एक्सरे सेवा सञ्चालनमा ल्याउने, गर्भवती तथा सुत्केरी महिलालाई मासिक पोषण भत्ता उपलब्ध गराउनेलगायतका प्रतिबद्धता उल्लेख छ ।
लिभरपुल च्याम्पियन्स लिगको फाइनलमा
इङ्लिस प्रिमियर लिग क्लब लिभरपुल च्याम्पियन्स लिग फुटबलको फाइनलमा प्रवेश गरेको छ । मंगलबार राति भएको सेमिफाइनल खेलको दोस्रो लेगमा स्पेनिस क्लब भिल्लारियललाई ३–२ गोलले हरायो । लिभरपुलले समग्रमा ५–२ गोलको जित निकाल्यो ।
निर्वाचनमा मत माग्दै खेतबारीमा उम्मेदवार
स्थानीय निर्वाचन आउन अब नौ दिन मात्र बाँकी छ । चुनावी माहोलमा होमिएका उम्मेदवार भोट माग्न घरदैलो अभियानलाई तीव्रता दिइरहेका छन् । कसरी आफू र आफ्नो पार्टीलाई विजयी गराउन सकिन्छ भन्नेतिर लागिरहेका छन् । तर कृषकलाई भने आफ्नै खेतबारी
पाल्पामा महिला मतदाता बढी
स्थानीय तहको निर्वाचनमा पाल्पामा पुरुषको तुलनामा महिला मतदाताको सङ्ख्या बढी छ । निर्वाचन कार्यालय पाल्पाका अनुसार पुरुष मतदाताभन्दा छ हजार ३३० महिला मतदाता बढी छन् । महिला मतदाता धेरै रहेको पाल्पामा एक लाख तीन हजार १० जना महिला मतदाता रहेका छन् । त्यस्तै ९६ हजार ६८० पुरुष मतदाता छन् ।
निर्यात प्रवद्र्धन गर्न दीर्घकालीन नीति आवश्यक
आयात घटाउन र निर्यात बढाउन दीर्घकालीन नीति आवश्यक रहेको सरोकारवालाले बताएका छन् । नेपाल चेम्बर अफ कमर्सको भातृसंस्था युथ चेम्बरले राजधानीमा मङ्गलबार आयोजना गरेको ‘नेपालको विद्यमान आर्थिक अवस्था र चुनौती र समाधान विषयक’ कार्यक्रमका सहभागीले निर्यात प्रवद्र्धन र आयातलाई व्यवस्थित बनाउनुपर्नेमा जोड दिनुुभएको हो ।
नाचगान गर्दै मतदाता रिझाउँदै
स्थानीय सरकारमा जनताका प्रतिनिधि चयनका लागि हुन गइरहेको स्थानीय तह निर्वाचनको रौनक बढेको छ । दलहरूले चुनाव लक्षित गतिविधि बढाएपछि कैलालीमा पनि चुनावी रौनक बढेको हो । निर्वाचन नजिकिँदै गर्दा चुनावी प्रचारप्रसारलाई तीव्रता दिएका दलहरूले नाचगान गर्दै मतदाता रिझाउने कार्य गरिरहेका छन् ।
पाँचदलीय गठबन्धनको प्रतिबद्धतापत्र सार्वजनिक
स्थानीय तह निर्वाचनमा चितवन जिल्लामा तालमेल गरेका पाँचदलीय सत्ता गठबन्धनले मङ्गलबार भरतपुरमा निर्वाचनलाई लक्षित गरी साझा प्रतिबद्धतापत्र सार्वजनिक गरेको छ । लोकतान्त्रिक वाम गठबन्धन, भरतपुर महानगरपालिका समितिले भरतपुुर महानगरको र लोकतान्त्रिक वाम गठबन्धन चितवनले जिल्लाको समग्र प्रतिबद्धतापत्र सार्वजनिक गरेका हुन् ।
