गोरखापत्र अनलाइन
वाग्लेलाई तिज म्युजिक अवार्ड
१० औँ छायाछवि तिज म्युजिक अवार्ड २०८० बाट सङ्गीतकार बिपी वाग्लेले मौलिक तिज गीतको लय (सङ्गीत) तर्फ यस वर्षको सर्वोत्कृष्ट अवार्ड जित्नुभएको छ ।
सिम्रन स्याङ्जामा भाइरल
आधुनिक गायनमा छोटो समयमै चर्चाको शिखरमा रहेकी बागलुङकी सिम्रन परियारले स्याङ्जाको अर्जुनचौपारीमा दर्शकको मन जित्नुभएको छ । महिलाको महान् चाड हरितालिका तिजका अवसरमा दलित उत्थान केन्द्र, अर्जुनचौपारीद्वारा सोमबार आयोजित रामाइलो तिज मेलामा उहाँ आफ्नो प्रस्तुतिले दर्शकमाझ भाइरल हुनुभएको हो ।
विज्ञान–प्रविधिको महत्त्व उच्च
कृषि तथा पशुपन्छी विकासमन्त्री डा. वेदुराम भुसालले अत्याधुनिक प्रविधिसहितको सामाजिक–आर्थिक विकास, जलवायु परिवर्तन तथा महामारीजन्य अन्य जोखिमसँग लड्न विज्ञान तथा प्रविधिको महत्व उच्च रहेको बताउनुभएको छ ।
जलवायु परिवर्तनको असरसँग जुध्न नेतृत्वदायी भूमिकाको आग्रह
परराष्ट्रमन्त्री एनपी साउदले जलवायु परिवर्तनले पारेको असरबाट जुध्न विकासशील राष्ट्रलाई नेतृत्वदायी भूमिका प्रदान गर्न विकसित राष्ट्रलाई अपिल गर्नुभएको छ । जैविक ऊर्जाको भविष्यका लागि सांसदको सञ्जाल (पार्लियामेन्टरियन्स नेटवर्क फर अ फोसिल फ्युल फ्युचर) द्वारा अमेरिकाको वासिङ्टनमा आइतबार आयोजित कार्यक्रमलाई सम्बोधन गर्दै उहाँले स्थितिको गाम्भीर्यतालाई दृष्टिगत गर्दै भावी पुस्ताका लागि कार्ययोजना निर्माण गर्न समन्वयत्मक ढङ्गले अगाडि बढ्नुपर्ने चुनौती देखापरेको बताउनुभयो । उहाँले जैविक ऊर्जा विस्थापनका लागि प्रक्रियागत रणनीतिबारे अति कम विकसित देशको अध्यक्षका हैसियतले मुख्य वक्ताका रूपमा कार्यक्रमलाई सम्बोधन गर्नुभएको राससले जनाएको छ ।
आज गणेश चतुर्थी पर्व
अग्रपूजाको अधिकार प्राप्त गर्नुभएका बिघ्नहर्ता भगवान् गणेशको पूजाआराधना गरी मनाइने गणेश चतुर्थी पर्व आज मनाइँदै छ ।
थानापति महादेव मन्दिरमा २१ फिटको त्रिशूल
रामेछापको मन्थली नगरपालिका–९, पुरानागाउँ बाहुनचुरामा रहेको थानापति महादेवको मन्दिरमा २१ फिट अग्लो तामाको त्रिशूल राखिएको छ। रामेछाप जिल्लाकै महत्वपूर्ण धार्मिक स्थल थानापति महादेव मन्दिरमा हरितालिका तिजका अवसरमा सोमबार तामाको त्रिशूल राखिएको हो।
धुलिखेल–सिन्धुली–बर्दीबास सडकको बजेट घट्यो
चालु आर्थिक वर्ष धुलिखेल–सिन्धुली बर्दीबास सडक (बिपी लोकमार्ग) आयोजनाको बजेट घटेको छ। अघिल्ला आर्थिक वर्षमा दिइरहेको बजेटमा कटौती गरी सङ्घीय सरकारले कम बजेट दिएको हो। बिपी लोकमार्गको रेखदेख तथा मर्मत सम्भार गर्दै आएको धुलिखेल–सिन्धुली बर्दीबास सडक आयोजनाको बजेट गत आर्थिक वर्षको तुलनामा चालु आर्थिक वर्ष ९६ प्रतिशत कटौती भएको छ। आव २०७९/८० मा पुँजीगततर्फ ५८ करोड नौ लाख र चालुतर्फ एक करोड ८१ लाख गरी ५९ करोड ९० लाख रुपियाँ बजेट रहेको उक्त आयोजनामा चालु आवमा चालु र पुँजीगततर्फ गरी दुई करोड ५६ लाख रुपियाँ मात्रै विनियोजन भएको छ।
बिपी साहित्य महोत्सव समापन भोलि
संविधान सभाका अध्यक्ष एवं नेपाल कम्युनिस्ट पार्टी (एमाले) का उपाध्यक्ष सुवासचन्द्र नेम्वाङको निधनका कारण स्थगित बिपी साहित्य महोत्सवको समापन असोज ३ गते हुने भएको छ । नेपाली कांग्रेसले प्रथम जननिर्वाचित प्रधानमन्त्री एवं कांग्रेसका संस्थापक बिपी कोइरालाको ११० औँ जन्मजयन्तीका अवसरमा आयोजना गरेको ‘बिपी साहित्य महोत्सव’ को समापन असोज ३ गते हुने भएको हो ।
-original-thumb.jpg)
अस्ट्रेलियाका सभामुख डिक नेपाल आउनुहुँदै
अस्ट्रेलियाको प्रतिनिधि सभाका सभामुख मिल्टन डिकले आगामी अक्टोबर नेपाल भ्रमण गर्नुहुने भएको छ। राष्ट्रिय सभाका अध्यक्ष गणेशप्रसाद तिमिल्सिनासँगको भेटमा नेपालका लागि अस्ट्रेलियाका राजदूत फेलिसिटी भोल्कले सभामुखको नेपाल भ्रमणबारे जानकारी गराउनुभएको हो।
यी हुन पुरस्कृत हुने विद्यालय, शिक्षालय र क्याम्पस
शिक्षा, विज्ञान तथा प्रविधि मन्त्रालयले राष्ट्रिय शिक्षा दिवस २०८० का अवसरमा पुरस्कृत हुने विद्यालय, प्राविधिक शिक्षालय, क्याम्पस तथा सङ्घ संस्थाका नामावली सार्वजनिक गरेको छ । मन्त्रालयले सार्वजनिक गरेको सूचीअनुसार, पुरस्कृत हुने राष्ट्रिय शिल्ड तथा नगद पुरस्कार एक लाखदेखि तीन लाख रुपियाँसम्म प्राप्त गर्ने छन् । पुरस्कृत हुने विद्यालय, प्राविधिक शिक्षालय, क्याम्पस तथा सङ्घ संस्थाहरू यस प्रकार छन् :
कम उमेरमा आमा बन्दै
‘बिहेबारी, बिस वर्ष पारि’ भन्ने नारा र ऐन, कानुन भए पनि बैतडीमा २० वर्ष नपुग्दै आमा बन्नेको सङ्ख्या बढ्दो छ । बैतडीमा मात्र वार्षिक चार सय किशोरीले २० वर्ष नपुगी सन्तान जन्माएर आमा बनेका छन् । बालविवाह न्यूनीकरणका क्षेत्रमा सरकारी तथा गैरसरकारी क्षेत्रले काम गरेको दाबी गरे पनि बैतडीमा बालविवाह रोकिएको छैन । स्वास्थ्य कार्यालय बैतडीको तथ्याङ्क अनुसार आर्थिक वर्ष २०७७/७८ मा ४१५, आर्थिक वर्ष २०७८/७९ मा ३८७ र २०७९/८० मा ३२३ जना किशोरी आमा बनेका छन् ।
संयुक्त राष्ट्र संघमा अल्पविकसित देशका पक्षमा प्रधानमन्त्री प्रचण्डको आह्वान
संयुक्त राष्ट्र संघको मुख्यालय न्यूयोर्कमा संचालन भइरहेको सन् २०२३ को एसडीजी शिखर सम्मेलनमा विश्वका अतिकम विकसित देशहरुको समूहका अध्यक्ष प्रधानमन्त्री पुष्पकमल दाहाल ‘प्रचण्ड’ले सम्बोधन गर्नुभएको छ।
अब चारित्रिक प्रमाणपत्रमा अभियोग वा कसुर उल्लेख नहुने
गृह मन्त्रालयबाट जारी ‘प्रहरी चारित्रिक प्रमाणपत्र वितरण निर्देशिका’ आज राजपत्रमा प्रकाशित भएको छ। जारी निर्देशिका अनुसार अब चारित्रिक प्रमाणपत्र लिने व्यक्तिको अभियोग वा कसुर चारित्रिक प्रमाणपत्रमा उल्लेख हुनेछैन।
चट्याङमा परेर एकको मृत्यु, नौजना गम्भीर घाइते
चट्याङमा परेर नौजना घाइते र एक जनाको मृत्यु भएको छ ।
सडक सुधार तथा सुरक्षालाई थप प्रभावकारी बनाउनुपर्छ : कार्यवाहक प्रधानमन्त्री खड्का
कार्यवाहक प्रधानमन्त्री तथा रक्षामन्त्री पूर्णबहादुर खड्काले मन्त्रिपरिषदका सदस्यहरूसँग समसामयिक विषयमा छलफल गर्नुभएको छ ।
