गोरखापत्र अनलाइन
बुवाको गोलीले ज्यान लियो, तीन बच्चाको बिचल्ली
कालिकोटको नरहरिनाथ गाउँपालिका वडा नं ६ मा स्थानीय निर्वाचन २०७४ मा गोली चल्यो । निर्वाचन बहिस्कार गर्ने नेकपा समूह र सरकारी पक्ष बिचको दोहोरो गोली हानाहानमा माल्कोटका दानबहादुर बटालालाई गोली लाग्यो र घाइते हुनुभयो ।
ढोरपाटनमा सिकारयाम सुरु
नेपालको एक मात्र सिकार आरक्ष ढोरपाटन सिकार आरक्षमा यस वर्षको पहिलो सिकारयाम सुरु भएको छ । राष्ट्रिय निकुञ्ज तथा वन्यजन्तु संरक्षण विभागले पहिलो सिकारयाम असोज–मङ्सिरका लागि आठ नाउर, आठ बँदेल र चार झारलको सिकार गर्न अनुमति दिएको हो । ढोरपाटन सिकार आरक्ष कार्यालयका प्रमुख वीरेन्द्रराज कँडेलले यस वर्षको पहिलो सिकारयाम सुरु भएको बताउनुभयो । उहाँका अनुसार अनुमति पाएका सिकारीले नाउर, झारल र बँदेल सिकार गर्न यही असोज १७ गतेदेखि मङ्सिरको पहिलो सातासम्म आरक्ष खुला गरिएको छ । यस वर्ष आरक्षमा सूचीकृत आठ कम्पनीमार्फत जर्मन, अमेरिका, रसिया र बेलारुसका सिकारीले सिकार खेल्ने अनुमति पाइसकेको कँडेलले जानकारी दिनुभयो ।
साङ्गीतिक यात्रामा राई
गायक पदम राईलाई ‘के गुलियो छ र सखर चिनी’, ‘पछि पछि लागेर’ बोलको गीत र भिडियोले चर्चाको शिखरमा पुर्याएको छ । विगतमा पनि उहाँका दर्जनौँ गीत श्रोतामाझ पुगिसकेका छन् । ‘जागिर खान्छु सरकारी अड्डामा’ बोलको गीतले उहाँलाई थप चर्चित बनायो । हालै बजारमा आएको ‘बाटो घुमाउरो’ बोलको भिडियो दर्शकको रुचिको बनेपछि गायक पदम राई स्थानीयस्तरमा आयोजना हुने स्टेज कार्यक्रममा मात्र होइन विदेशमा रहेका नेपालीमाझसमेत लोकप्रियता हासिल गर्न थाल्नुभएको छ ।
हिमाली पदयात्रामा पर्यटक बढ्दै
गोसाइँकुण्ड तथा लाङटाङलगायत तामाङ सम्पदा क्षेत्रको पदमार्गमा पर्यटकको आगमन बढेसँगै हिमाली भेकको रौनकता समेत बढेको हो । वर्षा घट्दै गएको, मौसममा क्रमशः सुधार आउदा पैदल यात्रा अत्यन्तै सहज भएको जनाइएको छ ।
समृद्ध पालिका बनाउँछौँ
झापा जिल्लाको सानो क्षेत्रफलमा रहेको कनकाई नगरपालिका ७९.१ वर्ग किलोमिटरमा फैलिएको छ । धार्मिक एवं ऐतिहासिक स्थल कनकाईको नामबाट बनेको यस कनकाई नगरपालिका तत्कालीन सुरुङ्गा र घै
अग्रिम टिकट काट्नेहरूको भीड (फोटो फिचर)
दसैँ तिहार र छठका लागि आ–आफ्नो घर जानेहरू अग्रिम रूपमा बसको टिकट काट्न भीड लागेका छन् । व्यवसायीहरूले यात्रुको सहजताका लागि आज(सोमबार) देखि अग्रिम रूपमा लामो दुरीमा चल्ने बसको टिकट खुल्ला गरेसँगै यात्रुहरू टिकट काट्नका लागि भीड लागेको पाइएको छ ।
मर्मत भएन भत्केको सडक
रास्कोट अस्पताल आउजाउ हुने सडक भत्केको वर्षौं बित्दा पनि मर्मत हुन सकेको छैन। सडक मर्मत नहुँदा बिरामी तथा सेवाग्राहीलाई आउजाउ गर्न समस्या भएको छ । गत वर्ष असोजमा परेको अविरल वर्षाले रास्कोट नगरपालिका–२ देखि रास्कोट अस्पताल जोड्ने सडकका विभिन्न स्थानमा पहिरोले क्षति पु¥याएको थियो ।
हरित सहर बन्यो वीरगन्ज
वीरगन्जलाई हराभरा बनाउने उद्देश्यका साथ ग्रिनसिटी सामुदायिक प्रहरी सेवा केन्द्रले अभियानका रूपमा वृक्षरोपण कार्यलाई अगाडि बढाएपछि मुख्य व्यावसायिक तथा वित्तीय केन्द्रका रूपमा स्थापित आदर्शनगर हरियाली सहरका रूपमा विकसित भएको छ ।
इजरायलमा रहेका ११९ नेपाली विद्यार्थीलाई स्थानान्तरण गरिँदै छ: कृषि विश्वविद्यालय
इजरायलमा रहेका आफ्ना ११९ जना विद्यार्थीहरू सकुशल रहेको चितवनको कृषि तथा वन विज्ञान विश्वविद्यालयले जानकारी दिएको छ ।
अलपत्र र अधुरा योजना सल्ट्याइने
गण्डकी प्रदेशको भौतिक पूर्वाधार विकास तथा यातायात व्यवस्था मन्त्रालयले अधुरा र अलपत्र आयोजनाको समस्या सल्ट्याउन जोड दिएको छ । मन्त्रालयले गण्डकी प्रदेशका ११ वटा जिल्लामा लामो समयदेखि निर्माण रोकिएका र ढिलासुस्ती भएका सडक, पुल, झोलुङ्गे पुल र भवनसम्बन्धी योजनाको समस्या पहिचान गरी गति दिन पहल सुरु गरेको हो । मन्त्रालयका सचिव शङ्करराज पण्डितले समस्याग्रस्त योजनाको स्थलगत निरीक्षणका साथै प्राविधिक, निर्माण व्यवसायी, जनप्रतिनिधि, सुरक्षा अधिकारी र समुदायसँग छलफल गरेर निर्माणलाई गति दिन पहल गरिएको जानकारी दिनुभयो ।
कृषि विज्ञानमा भविष्य खोज्दै इजरायल पुगेका नारायण उतै अस्ताए
पढ्दै कमाउँदै कार्यक्रममा गत भदौ २५ गते इजरायल गएका कैलाली घोडाघोडी नगरपालिका ४ जनकपुरका नारायणप्रसाद आचार्यको परिवारमा यो समाचार बनाउँदासम्म इजरायलको घटनाबारे पत्तो छैन ।
खसीबोकाको कारोबार सुरु
दसैँतिहारजस्ता चाडपर्व नजिकिएसँगै ताप्लेजुङमा खसीबोकाको कारोबार सुरु भएको छ । सदरमुकाम फुङ्लिङको तोक्मेडाँडामा शनिबार लाग्ने हाटबजारमा चाडपर्वलक्षित खसीबोकाको कारोबार सुरु भएको हो ।
बाख्राको दूधबाट बनेको चिजको माग उच्च
राष्ट्रिय बाख्रा अनुसन्धान कार्यक्रम बन्दीपुरबाट उत्पादित बाख्राको चिज पर्यटकीय नगरी पोखरा र बन्दीपुरमा बिक्री हुँदै आएको छ । बाख्राको गुणस्तर वृद्धिको क्षेत्रमा अनुसन्धान गर्दै आएको कार्यक्रमले दूधको लागि प्रसिद्ध सानेन प्रजातिको बाख्राबाट चिज उत्पादन गर्दै आएको छ ।
लहान बजारको अतिक्रमित सडक पेटी खाली गराइँदै
सिरहाको लहान नगरपालिकाले बजार क्षेत्रको अतिक्रमित सडक तथा सडक पेटीलाई खाली गराउन सुरु गरेको छ । यसअघि नगरपालिकाले ३५ दिने सूचना जारी गरी अतिक्रमित सडक पेटी खाली गराउन आह्वान गरेको थियो ।
कर्णाली र रत्न राजमार्ग मर्मत गरिँदै
कर्णाली राजमार्ग र रत्न राजमार्ग आवधिक मर्मत गरिने भएको छ। सङ्घीय सडक सुपरिवेक्षण तथा अनुगमन कार्यालयले दुवै राजमार्गमा गरी करिब ४० किलोमिटर सडकमा आवधिक मर्मतको काम गर्ने भएको हो । नेपाल सरकारको १५ प्रतिशत र विश्व बैङ्कको ८५ प्रतिशत आर्थिक साझेदारीमा राजमार्गका सडक मर्मत गर्न लागिएको छ ।
