गोरखापत्र अनलाइन
त्रिविको प्राज्ञिक पहिचान
अर्थमन्त्री जनार्दन शर्माले जेठ १५ गते संसद्मा उभिएर आर्थिक वर्ष २०७९/८० को बजेटमार्फत त्रिभुवन विश्वविद्यालय (त्रिवि)लाई ‘सेन्टर फर एक्सिलेन्स’का रूपमा विकास गरिने योजना सुनाइरहँदा मुलुककै जेठो विश्वविद्यालय त्रिविमा ताला लागेको १२९ दिन भएको थियो । राजनीतिले शैक्षिक क्षेत्रलाई कसरी थला पारेको छ भन्ने कुरा त्रिविका उपकुलपति, शिक्षाध्यक्ष र रजिस्ट्रारको कार्यालयमा त्यतिका लामो समयदेखि लागेको तालाबन्दीबाट प्रस्ट हुन्छ ।
सार्वजनिक सवारी व्यवस्थापन सूत्र
देशको सङ्घीय राजधानी काठमाडौँको सार्वजनिक यातायात कहिल्यै व्यवस्थित हुन सकेन । सवारी व्यवस्थापन, व्यवस्थित सञ्चालन तथा आधुनिकीकरणमा सम्बन्धित सरोकारवाला पक्षको प्रयासले मूर्तरूप लिन पनि सकिरहेको देखिँदैन ।
लोकप्रिय बन्दै स्मार्ट शौचालय
काठमाडौँ महानगरपालिकाले आगामी आर्थिक वर्षमा १० वटा स्मार्ट शौचालय सञ्चालन गर्ने भएको छ । महानगर कार्यपालिकाको दोस्रो बैठकमा महानगर प्रमुख बालेन्द्र शाहले उक्त घोषणा गर्नुभएको हो ।
पृथ्वीराजमार्गको पहिरो : रातमा पनि एकतर्फी सवारी सञ्चालन
सडक भासिदा अवरुद्ध बनेको पृथ्वीराजमार्गको आँबुखैरेनी मुग्लिन खण्डमा आइतबारबाट राति पनि सावारी साधन सञ्चालनमा आउने भएका छन्।
तेक्वान्दोमा कमल र पार्वतीलाई स्वर्ण
नेपाल प्रहरीका कमल श्रेष्ठ र पार्वती गुरुङले प्रथम राष्ट्रिय खुला तेक्वान्दो पुम्से प्रतियोगितामा आइतबार स्वर्ण जित्नुभएको छ । पुरुष एकलको ३० वर्षमाथि कमल र महिला एकलको २५–३० वर्षमा पार्वतीले स्वर्ण चुम्नुभएको हो । दुवै १३औं दक्षिण एसियाली खेलकुद (साग) का स्वर्ण विजेता हुनुहुन्छ ।
१५ दिने आधारभूत पत्रकारिता तालिम सम्पन्न
काठमाडौं, जेठ २९ गते। काठमाडौं महानगरपालिकाको विशेष सहयोगमा संचालन भएको १५ दिने आधारभूत पत्रकारिता क्षमता अभिवृद्धि तालिम आइतबार सम्पन्न भएको छ। नेवाः पत्रकार राष्ट्रिय दःबू काठमाडौं शाखाको आयोजनामा भएको तालिममा ५७ जना प्रशिक्षाथी सहभागी हुनुहुन्थ्यो। अनलाइन पत्रकारिता, फोटो पत्रकारिता, बाल मनोविज्ञान, आचारसंहिता, समाचार र फिचर लेखनको विषयमा तालिम केन्द्रित थियो। तालिममा भाषागत शुद्धताको विषयमा वेदबहादुर राना मगरले प्रशिक्षण दिनुभयो। १५ दिनसम्म चलेको तालिममा सुरेश किरण मानन्धर, प्रमिला मानन्धर, केपी ढुंगाना, शोभा महर्जन बज्राचार्य, मनोजरत्न शाहीलगायतले प्रशिक्षण दिनुभयो। समापन कार्यक्रममा बोल्नुहुँदै प्रमुख अतिथि आदिवासी जनजाति उत्थान राष्ट्रिय प्रतिष्ठानका उपाध्यक्ष गोकुलप्रसाद घर्तीले पत्रकारितामा इमान्दारिताको खाँचो रहेको औल्याउनुभयो। प्रशिक्षार्थीको तर्फबाट धारणा राख्दै सुनिता तुलाधर शिल्पकारले प्रशिक्षणमा धेरै कुरा सिक्न पाएको बताउनुभयो। ‘हामी खाली गाग्री भएर आएका थियौं, खाली गाग्रीमा ज्ञानका कुरा भर्न पाएका छौँ।’ समापन कार्यक्रममा बोल्नुहुँदै आयोजक नेवाः पत्रकार राष्ट्रिय दःबू काठमाडौंका अध्यक्ष अर्विन्द्रमान सिंहले तालिममा सहभागी प्रशिक्षार्थी र प्रशिक्षकलाई धन्यवाद दिनुभयो।
गुल्मीमा आगलागी नियन्त्रण सम्बन्धी डेमो प्रर्दशन
इतबार विदाको दिन । तम्घास बजारमा खासै चहलपहल थिएन् । सरकारी कार्यालयहरु बन्द थिए । तर तम्घास चिदिचौरमा भने वरिपरि मानिसहरुको भिड देखिन्थ्यो । चिदिचौर अगाडी रहेको महेन्द्र माध्यमिक विद्यालय पनि बन्द थियो । अघिपछिका दिनमा चिदिचौरमा बजार गर्न हिडिरहेका मानिस देखिन्थे । यस दिन चिदिचौरको वातावरण अन्य दिनमा भन्दा फरक देखिन्थ्यो ।
औद्योगिक प्रदर्शनी सफल बनाउन सहयोग प्रस्ताव
चितवन उद्योग संघले सातौं चितवन अन्तर्राष्ट्रिय औद्योगिक प्रदर्शनीलाई सफल बनाउन सातवटै प्रदेशसँग सहयोग प्रस्ताव पेश गरेको छ । दिगो आर्थिक विकासका लागि औद्योगिक प्रवर्धन भन्ने नारासहित चितवन उद्योग संघको आयोजनामा आगामी पुस १, २ र ३ गते आयोजना हुने प्रदर्शनीलाई सफल बनाउन प्रस्ताव पेश गरेको हो ।
चुँदीखोलामा माछा मार्न गएका दुई युवकको निधन
माछा मार्ने क्रममा तनहुँमा दुई युवकको आइतबार डुबेर मृत्यु भएको छ । भानु नगरपालिका–२ बस्ने वर्ष २२ को सागर गुरुङ र वर्ष ३५ को धनबहादुर गुरुङको मृत्यु भएको इलाका प्रहरी कार्यालय भानुका प्रहरी निरीक्षक प्रकाश भुषालले जानकारी दिनुभयो ।
अमेरिकी आर्मी टोली पाँचखाल र शिवपुरी भ्रमणमा
नेपालको औपचारिक भ्रमणमा रहनु भएका अमेरिकी आर्मीका कमान्डर जनरल चाल्र्स ए फ्लाइनसहितको सदस्य टोलीले आइतबार पाँचखालस्थित नेपाली सेनाको श्रीवीरेन्द्र शान्ति कार्य तालिम केन्द्र र शिवपुरीस्थित सैनिक कमान्ड तथा स्टाफ कलेजको भ्रमण गर्नुभएको छ ।
नेपालमा लायन्स क्लबको योगदान महत्वपूर्ण छ : राष्ट्रपति भण्डारी
राष्ट्रपति विद्यादेवी भण्डारीले नेपालमा लायन्स क्लबले स्वास्थ्य, शिक्षा र प्राकृतिक विपद्का क्षेत्रमा गरेको योगदान महत्वपूर्ण रहेको बताउनुभएको छ।
युवाका लागि कृषि क्षेत्र उत्तम विकल्प
युवाका क्षेत्रमा भएका नीतिगत व्यवस्थाको प्रभावकारी कार्यान्वयन गर्न सरोकारवाला पक्षले सुझाव दिएका छन् ।
चट्याङ प्रतिरोधी प्रणाली जडानले मानवीय क्षति शून्य
मेघ गर्जन थालेपछि चट्याङ खस्ने सम्भावना बलियो रहन्छ । घर वा बाहिर चट्याङ जहाँ भए पनि पर्न सक्छ । चट्याङमा परेपछि प्रायः मृत्यु हुने गरेको कारण यसबाट जोगिन घर बाहिरका मानिसमा ओत लाग्न अतालिएर भागदौड मचिन्छ ।
जिल्ला समन्वय समिति रामेछापमा गठबन्धन विजयी
जिल्ला समन्वय समिति रामेछापको निर्वाचनमा सत्ता गठबन्धनका उम्मेदवार विजयी हुनुभएको छ । आइतबार मन्थलीमा सम्पन्न निर्वाचनमा नेपाली कांग्रेस र नेकपा (माओवादी केन्द्र) गठबन्धन प्यानल विजयी भएको हो ।
"कथा भन्नु नै कथक हो"
काठमाडौं, जेठ २९ गते। नम्रता केसी आफूलाई एक नृत्याङ्गनाको रुपमा चिनाउँनुहुन्छ। सर्लाहीमा जन्मिएर काठमाडौंमा बस्दै आउनुभएकी केसीले भारतको लखनउ विश्वविद्यालयबाट कथक नृत्यमा स्नातकोत्तरसम्मको अध्ययन गर्नुभएको छ। काठमाडौंमै रहेर एस्थेटिक डान्स स्टुडियोमार्फत् कथक नृत्यको प्रशिक्षण चलाइरहनुभएकी केसीले भर्खरै कथक नृत्यमा एक वर्षे कोर्स पनि सुरु गर्नुभएको छ। कथक नृत्यमा आधारित रहेर केसीसँग सुकृत नेपालले गरिएको यो कुराकानी : नाच्नु भनेको के हो ?नाच्नु भनेको अभिव्यक्ति हो।के हो कथक नाच ?कथा भन्नु नै कथक हो। कसरी सिक्नुभयो कथक ?मेरो नृत्य सिकाइको आधार पढाइ नै हो। सानैदेखि नाच्न मन गर्ने भएकाले बुवाको प्रेरणामा पद्मकन्या कलेजमा नृत्य विषय लिएर अध्ययन सुरु गरे। त्यहाँ पढ्दा लोक नृत्य र शास्त्रीय नृत्य पढ्न पाइन्थ्यो। लोक नृत्यसँगै शास्त्रीय नृत्य पढ्दै जाँदा कथकको अभ्यास सुरुभयो। नृत्य विषय लिएरै स्नातक तहको पढाइ सकेपछि स्नातकोत्तर पनि यसमै गर्नुपर्छ भन्ने लाग्यो तर त्यतिबेला नेपालमा नृत्यमै स्नातकोत्तर पढ्न सकिने व्यवस्था थिएन। त्यसैले भारतको लखनउ विश्वविद्यालयबाट कथकमा स्नातकोत्तर गरेँ। नेपालमा कथक नृत्यको भविष्य कस्तो देख्नुहुन्छ ?कथक विश्वव्यापी रुपमै प्रसिद्ध शास्त्रीय नृत्य हो। अन्तर्राष्ट्रिय व्यापकताले नेपालमा पनि यसको भविष्य वा सम्भावना राम्रै छ। अनि नेपालमा कथा पनि धेरै छन् !अहिलेसम्म कतिजति प्रस्तुति दिनुभयो ?त्यसरी गनेकै त छैन। तर, धेरै गरेको छु, गर्दैछु।कथक नृत्यले जीवनको गुजारा चल्छ ?यो प्रश्नको जवाफ साधारणीकरण गरेर दिन सकिँदैन होला, किनभने यो सापेक्षित हुन्छ। मेरो अनुभवबाट भन्नुपर्दा आवश्यक विशेषज्ञता हासिल गरेर काम गर्ने हो भने कथक नृत्य गरेर वा पढाएर काठमाडौंमा साधारण किसिमले गुजारा चल्छ। हामीले भर्खरै अनामनगरमा एस्थेटिक डान्स स्टुडियोको प्रशिक्षण केन्द्र खोलेका छौं जहाँ हामी तीन महिनादेखि शास्त्रीय नृत्य मात्रै सिकाइरहेका छौं। कथक गरेरै जीवन गुजारा गर्न सकियोस् भनेर भर्खरै कथकको एक वर्षे कोर्स पनि सुरु गरेका छौं। आवश्यकता पर्दा भविष्यमा अरु विधाहरु पनि सिकाउन सक्छौं तर अहिलेलाई यसैले पुगिरहेको छ। जीवनको सहकार्य र रंगमञ्चको सहकार्य कस्तो छ ? गाउँघरतिर सब्जी फलाउन थाङ्ग्रो लगाउने चलन छ। मेरो श्रीमान मेरो लागि त्यस्तै थाङ्ग्रो हो। जसको सहयोगले म फुल्दै छु, फैलिदै छु।अहिले केमा व्यस्त हुनुहुन्छ ?व्यस्तताको हिसावले अहिले पुरै समय कथक नृत्यको प्रशिक्षणमा नै गइरहेको छ। एस्थेटिक डान्स स्टुडियोको अनामनगरस्थित प्रशिक्षण केन्द्रमा बिहान ७ बजेदेखि साँझ ७ बजेसम्म नै विभिन्न समूहमा कथक सिक्ने प्रशिक्षार्थी हुनुहुन्छ, उहाँहरुलाई सिकाएर र नयाँ कामको योजना बनाएर अघि बढ्दैछु। हामीले भर्खरै नृत्य श्रृंखला सुरु गरेका छौं। नेपालमा नृत्यको पनि नियमित प्रदर्शन होस् भन्ने उद्देश्य राखेर सुरु गरिएको यो कार्यक्रमको दुईवटा श्रृंखला काठमाडौंमा सफलतापूर्वक सम्पन्न भइसकेको छ। अब तेश्रो श्रृंखला असार महिनामा पोखरामा र नयाँ प्रस्तुतिसहितको चौथो श्रृंखला आगामी साउनमा काठमाडौंमा गर्ने तयारी हुँदैछ। नाटक छोडेर नृत्यतिर लाग्नुको कारण ?दुई वटा नाटक खेलेको हो। तर, मूल कुरा ती नाटकमा अभिनय गर्दैगर्दा पनि म नृत्याङ्गना नै थिए। अहिले पनि नृत्याङ्गना नै छु। खासमा नृत्य र नाटकसम्बन्धी यो बुझाइ नै मलाई अपुरो लाग्छ। हामीले गर्ने नृत्य पनि अभिनय नै हो। नाट्य भनेको नृत्यको विकसित रुप हो। कथक पढ्दा हामी पनि पूर्वीय शास्त्रका अभिनय सिद्धान्त पढ्छौं। त्यसकारण अभिनय छोडेर नृत्यतिर लागेको भन्दा पनि नृत्यमार्फत अभिनयको फरक भाषा खोजिरहेको भन्न रुचाउँछु। त्यसबाहेक नेपालको नाटक क्षेत्रसँगको सहकार्य मलाई मनपर्छ र जुरेको बेला केही कामहरु गर्दै आएकी छु र गरिरहने रहर पनि छ।
