गोरखापत्र अनलाइन
अतिक्रमण गरी बनाइएका घरटहरा हटाइए
बाँकेको नरैनापुर र राप्तीसोनारी गाउँपालिकामा वन क्षेत्र अतिक्रमण गरी बनाइएका २७ वटा घरटहरा हटाइएको डिभिजन वन कार्यालय बाँकेले जनाएको छ । सो कार्यालयले दिएको जानकारी अनुसार चालु आर्थिक वर्षमा नरैनापुर र राप्तीसोनारीमा चार हेक्टरभन्दा बढी वन क्षेत्र अतिक्रमण गरी बनाइएका २७ घरटहरा हटाइएको छ । डिभिजन वन कार्यालयका अधिकृत अजितकुमार कर्णले नरैनापुर–६ स्थित दुर्गामाता सामुदायिक वनमा अतिक्रमण गरी निर्माण गरिएका सात घरटहरा हटाइएको बताउनुभयो । राप्तीसोनारी–७, मण्डफवा सामुदायिक वन उपभोक्ता समूहमा करिब तीन हेक्टर वन क्षेत्र अतिक्रमण गरी बनाइएका १३ घरटहरा तथा राप्तीसोनारी–९, ढकेरीमा विगतमा रेन्जपोस्ट रहेको करिब एक हेक्टर क्षेत्र अतिक्रमण गरी निर्माण गरिएका सात घरटहरा हटाइएको पनि उहाँले बताउनुभयो ।
नागार्जुनको कल्भर्टमा कार खस्दा चालकको मृत्यु
स्थानीय सीतापाइलास्थित सिभिल होमनजिक छमछमे खोलाको कल्भर्टमा कार खस्दा चालकको मृत्यु भएको छ । काठमाडौँ उपत्यका प्रहरी कार्यालयका प्रवक्ता प्रहरी वरिष्ठ उपरीक्षक दिनेशराज मैनालीका अनुसार नागार्जुन नगरपालिका–६ खरिटारका ४५ वर्षीय पूर्ण दर्नालको मृत्यु भएको हो ।
गुणस्तरहीन मल आयात
रुपन्देही जिल्लामा यो वर्षको रोपाइँ सुरु भएसँगै भारतबाट नक्कली रासायनिक मलको तस्करी बढेको छ । अहिले नेपाली किसानका खेत खेतमा भारतमा सस्तोमा पाइने रासायनिक मल युरिया र डिएपीको प्रयोग बढेको छ । नेपालमा रासायनिक मल पाउन किसानले सास्ती पाइरहेका बेला भारतबाट खुला सीमाको प्रयोग गरी तस्करले नेपाली किसानका खेतसम्मै नक्कली रासायनिक मल बिक्री गर्ने गरेको पाइएको छ ।
जनधनको क्षति कम गर्न बाढीको पूर्वसूचना दिने प्रणाली प्रभावकारी
कनकाईको बाढी दुई वर्षअघि बस्तीमा पस्नुअगावै आफूहरू सुरक्षित स्थानमा पुगेको शिवसताक्षी–४ किचकडाँगीका टेकनारायण राजवंशीको स्मृतिमा ताजै छ ।
स्वास्थ्यकर्मीले तलब पाएनन्
सुर्खेतको वीरेन्द्रनगर नगरपालिकामा काजमा कार्यरत स्वास्थ्यका कर्मचारी लामो समयदेखि तलबविहीन भएका छन् । सङ्घीय संरचनामा गएपछि तीन तहका सरकारबिच समन्वय अभावका कारण उहाँहरूले तलब पाउनुभएको छैन । नगरपालिकाभित्रका २५ स्वास्थ्यकर्मीले एक वर्षदेखि तलबभत्ता पाएका छैनन् । तलब नपाएपछि कर्मचारीले गुनासो गर्न थालेका छन् । रकम निकासा नहुँदा नगरपालिकामा कार्यरत २५ स्वास्थ्यकर्मीले एक वर्षदेखि तलबभत्ता पाउन नसकेका हुन् ।
सदरमुकाममा ‘टाउन प्लानिङ’ गरिने
चन्दननाथ नगरपालिकाले नीति तथा कार्यक्रम र बजेट सार्वजनिक गरेको छ । नगरपालिकाले ६७ करोड १० लाख ३४ हजार १०९ रुपियाँ बराबरको बजेट ल्याएको छ । बजेटमा सघन सहरी तथा भवन निर्माण आयोजनाको सहकार्यमा हालसम्म बन्न नसकेको जुम्ला सहरको टाउन प्लानिङ गर्ने योजना अगाडि सारिएको छ । प्रतिघर बिमा कार्यक्रमलाई नमुना बनाई कार्यान्वयन गरिने बजेटमा उल्लेख छ । नगरपालिकाले सडकमा दायाँबायाँ अनिवार्य वृक्षरोपण गर्ने भएको छ । नगर सभामा प्रस्तुत बजेटमा नगरवासीका लागि यातायात सुविधा अन्तर्गत नगर बस सञ्चालनमा ल्याउने उल्लेख छ । लागुऔषध दुव्र्यसनी न्यूनीकरणका लागि सुधारगृह स्थापना गरिने छ ।
जीर्ण काठेपुलमा जोखिमपूर्ण वारपार
सिमकोट–हिल्सा सडकखण्डको हेक्पाखोलामा निर्माण भएको जीर्ण काठेपुलमा जोखिम मोलेर वारपार गर्न यातायातका साधन बाध्य भएका छन् । सो खोलामा पक्की पुलको निर्माण सम्पन्न हुन सकेको छैन । दुई वर्षअघि निर्माण गरिएको काठेपुल जीर्ण हुँदा यातायातका साधन सोही पुल तर्न बाध्य हुँदै आएका हुन् । सिमकोटबाट नाम्खा गाउँपालिका–६, लिमीतर्फ जाँदै गरेका चालक जोर बोहराले पुल पूरै हल्लिने अवस्थामा रहेको बताउनुभयो । जीर्ण काठेपुलमा बोलेरो जिप चलाउनु आफ्नो बाध्यता भएको उहाँको भनाइ छ । उहाँले पुलमाथि राखिएका काठ हल्लिने भएका कारण निकै डर मानेर पुल तर्नु परिरहेको जनाउनुभयो ।
एसइई परीक्षामा मोरङबाट आठ जनाले प्राप्त गरे ४ जिपिए
राष्ट्रिय परीक्षा बोर्डले गत चैतमा लिएको एसइई परीक्षामा मोरङ जिल्लाबाट आठ जना विद्यार्थीले उत्कृष्ट नतिजा ४ जिपिए प्राप्त गरेका छन् । अहिलेसम्म प्राप्त विवरणअनुसार विराटनगरस्थित एभरेस्ट स्कुलबाट परीक्षा दिएका तीन जना विद्यार्थीहरूले ४ जिपिए ल्याएका छन् । विराटनगरका तीन विद्यालयहरूले ४ जिपिए प्राप्त गर्न सफल भएका छन् भने विराटनगर बाहिर पथरी नगरपालिकाबाट दुई र उर्लाबारीबाट एक जना विद्यार्थीले ४ जिपिए प्राप्त गरेको शिक्षा समन्वय इकाई मोरङले जानकारी दिएको छ ।
बैङ्ककमा पर्यटन प्रवर्द्धन कार्यक्रम
बैङ्ककस्थित नेपाली राजदूतावासले बिहीबार नेपाल पर्यटन बोर्ड, नेपाल वायुसेवा निगम, नेपाल एशोसिएसन अफ टुर एण्ड ट्राभल एजेन्ट्स (नाट्टा), ट्रेकिङ एजेन्सिज एशोसिएसन अफ नेपाल (टान) र नेपाल पर्वतारोहण सङ्घसँगको संयुक्त आयोजनामा बैङ्ककमा पर्यटन प्रवर्द्धन कार्यक्रम आयोजना गरेको छ ।
म्याग्दीको मङ्गलामा ‘लिफ्ट’ प्रविधिको सिँचाइ आयोजना निर्माण
जिल्लाको मङ्गला गाउँपालिका–३ पखेरमा ‘लिफ्ट’ प्रविधिको सिँचाइ आयोजना निर्माण भएको छ । सङ्घीय र गण्डकी प्रदेश सरकारको लगानीमा खानेपानी, जलस्रोत तथा सिँचाइ डिभिजन कार्यालयले जिल्लामा पहिलोपटक ‘डिपबोरिङ’ प्रविधिको सिँचाइ आयोजना निर्माण गरेको हो ।
कायरोमा नेपालसम्बन्धी तस्बिर प्रदर्शनी
कायरोस्थित नेपाली राजदूतावासको समन्वयमा सोही दूतावासमा इजिप्टका कलाकारद्वारा नेपाली मुहार चित्रण शीर्षकमा कला तथा तस्बिर प्रदर्शनी आयोजना भएको छ ।
बाँझो जमिन उपयोग गराउन किसानलाई सेवा सुविधा
कालिञ्चोक गाउँपालिका–८ स्थित हाम्रो साना किसान कृषि सहकारी संस्थाले बाँझो जमिनलाई उपयोगमा ल्याउन ७२ जना किसानलाई सुविधा उपलब्ध गराउने भएको छ । किसानलाई संस्थाको समन्वयमा ग्रिन इन्टेलिजेन्स कम्पनीले १२ हजार विभिन्न जातका बिरुवा निःशुल्क उपलब्ध गराएको संस्थाका अध्यक्ष होम पाठकले जानकारी दिनुभयो ।
डुबान क्षेत्रमा उच्च आवासगृह निर्माण
जिल्लाको भजनी नगरपालिका–३ का विष्णु चौधरीलाई बर्सेनि बाढी र डुबानका कारण विस्थापित भएर हुलाकी सडकमा आश्रय लिनुपर्ने बाध्यता छ । बर्खा सुरु भएपछि विष्णुजस्ता सयौँ परिवारका लागि बाढी र डुबानबाट विस्थापित भएर सडकमा आश्रय लिनु बाध्यता हो । पटकपटक बाढीको जोखिमबाट छुटकाराका लागि हारगुहार गरिरहेका विष्णुलाई यस वर्ष हुलाकी सडक छेउमा निर्माण भएको उच्च आवासगृहले आशा जगाएको छ ।
सार्वजनिक सेवाका कार्यालय निमित्तको भरमा
डडेलधुराका अधिकांश सरकारी कार्यालय निमित्त प्रमुखको भरमा सञ्चालन हुँदै आएका छन् । कर्मचारीको अभाव खेपिरहेका सरकारी कार्यालयमा दरबन्दी अनुसारका कार्यालय प्रमुखको अभाव देखिएको छ । चार दर्जन सरकारी कार्यालय रहेको डडेलधुरामा केही कार्यालयबाहेक अधिकांश कार्यालय निमित्तको भरमा चलिरहेका छन् । निमित्तभई कामकाज गर्दा कतिबेला कार्यालय प्रमुख आउने नआउने ठेगान नै हुँदैन ।
पहिलो प्राथमिकतामा किसान
महागढीमाई नगरपालिका बाराको केन्द्रमा छ । प्रसिद्ध गढीमाताको नामले यस पालिकाको नामकरण गरिएको हो । पूर्वबारागढी गाउँपालिका, पचरौता नगरपालिकासँगै पूर्व र उत्तरमा करैयामाई गा
