काठमाडौँ, असार ९ गते । निर्देशक शोभित बस्नेत प्रस्तुतकर्ता रहेको चलचित्र ‘जय हो’ को एक मिनेट १४ सेकेन्डको टिजर शुक्रबार ओएसआर डिजिटलबाट सार्वजनिक गरिएको छ। आगामी भदौ ८ अर्थात् अगस्ट २५ मा चलचित्र विदेश र नेपालमा एकसाथ प्रदर्शनमा आउँदै छ।
टेक पौरखी राईको निर्देशनमा निर्माण भएको सिनेमामा अर्पण थापा, सलोन बस्नेत, केकी अधिकारी, निशा अधिकारी, माओत्से गुरुङ, प्रेम पाण्डे, दीपा शाक्य श्रेष्ठ, सुबी मगर, सुमिन गुरुङ, सुशान्त श्रेष्ठलगायतका कलाकारको अभिनय छ।
चलचित्रमा सम्राट बस्नेतको द्वन्द्व निर्देशन, कविराज गहतराज र रामजी लामिछानेको कोरियोग्राफी, बनिश शाहको सम्पादन, समीर मियाँको भिएफएक्स र केवलमानसिंह बस्नेतको प्रोडक्सन डिजाइन रहेको छ। यसका मुख्य सहायक निर्देशक दीप्तप्रकाश अधिकारी हुनुहुन्छ।
