अर्जुन काफ्ले
स्याङ्जा, वैशाख ३० गते । भक्त जगकुमारी स्मृति पत्रकारिता पुरस्कारबाट जीवनकला खत्री (सरिता) सम्मानित हुनुभएको छ ।
गलकोट – ६ हटियामा गरिएको प्रेस सेन्टर, नेपाल बाग्लुङको १५ औँ वार्षिक साधारण सभामा गलकोट नगरपालिका – ६ की खत्रीलाई १० हजार नगदसहित सम्मान पत्र प्रदान गरिएको हो । उहाँ करिब १० वर्षदेखि यस क्षेत्रमा कार्यरत हुनुहुन्छ ।
यस्तै, श्याम चन्द्रकली स्मृति पत्रकारिता पुरस्कार बागलुङ नगरपालिका १ का रामकृष्ण बोहरालाई प्रदान गरिएको हो ।
२२ वर्षदेखि पत्रकारितामा कार्यरत बोहरालाई दोसल्ला ओढाएर १० हजार नगद सम्मान पत्रले सम्मान गरिएको हो ।
पुरस्कार नेकपा (माओवादी केन्द्र)का केन्द्रीय सदस्य बलावती शर्मा र प्रेस सेन्टर, नेपालका महासचिव सन्तोष पौडेलले प्रदान गर्नुभयो ।
