काठमाडौँ, वैशाख २० गते । उदय सुब्बाको निर्देशनमा निर्माण भइरहेको चलचित्र ‘दुई कदम’को छायाङ्कन हाल पूर्वका धनकुटा, वसन्तपुर, इलाम, झापा र धरानमा धमाधम भइरहेको छ । तारादेवी लिम्बूको निर्माण तथा दयाराम घिमिरेको कथा रहेको चलचित्रमा अजम्बरी फिल्मस्को प्रस्तुति रहेको छ ।
चलचित्रमा गौरव पहारी, बुद्धि तामाङ, इओन लिम्बू, सिमोन गिरी, सुनील थापा, अर्जुन गुरुङ ‘भङ्गेरी’, कविता आलेमगर, विमला लिम्बू, चन्दा दाहाल, जीवन लिम्बूलगायतका कलाकारको अभिनय छ भने विक्रम डीसीको छायाङ्कन, ताराप्रकाश लिम्बू र विकास चौधरीको सङ्गीत, राजु किरातीको द्वन्द्व र रामजी लामिछानेको नृत्य रहेको छ । चलचित्र भदौमा रिलिज हुने निर्माण पक्षले जनाएको छ ।
