काठमाडौं, माघ २५ गते । सरोज खनाल र सुनिल थापा अभिनीत सिरिज 'लालबहादुर : द स्पार्क'को ट्रेलर सार्वजनिक भएको छ । जी मिडिया कनेक्सन प्रालिको ब्यानरमा निर्माण भएको सिरिजमा देवजंग थापाको लेखन तथा निर्देशन छ भने सिरिजका निर्माता प्रकाश आङ्बुहाङ (हाङबारे) हुनुहुन्छ ।
चार सिजनमा ५२ एपिसोड प्रसारण हुने सिरिजको पहिलो सिजन १३ एपिसोडको रहनेछ । सिरिजमा खड्गबहादुर पुन (खबपु), सरिता राजोपाध्याय, लक्ष्मीनाथ तिमिल्सिना, गीता थापा पराजुली, रामबाबु रेग्मी, अनिता गिरी, जेनिश अधिकारी, रविन विष्ट, विश्व मुखियालगायत कलाकारको पनि अभिनय छ ।
सिरिज फाल्गुन पहिलो साताबाट हरेक हप्ता प्रसारण हुने तयारीमा छ ।
