राजन रावत
हुम्ला, माघ २२ गते। सिमकोट गाउँपालिका– ७ को डाँडाफयाको जवुका गाउँमा भएको आगलागीबाट ८२ लाख बराबरको क्षति भएको छ। आगलागीबाट घर, अन्नपात, लत्ताकपडा टीभीसहितका सामान जलेर नष्ट हुँदा ठूलो क्षति भएको हो।
प्रहरी निरीक्षक गिताप्रसाद चौधरीले आगलागीबाट प्रहरी मुचुल्का अनुसार प्रारम्भि विवरण अनुसार ९२ लाखको क्षति पुगेको बताउनुभयो। आगालागीबाट चार वटा घर नष्ट भएका छन् भने घरमा रहेको अन्नपात, लत्ताकपडा, भाडाकुडा सबै जलेर नष्ट भएका छन्।
आगलागीबाट दुई घर पूर्ण रुपमा जलेर नष्ट भएका छन्। छक्क सिंहको घरमा विद्युत सर्ट भएर आगलागी भएको थियो। त्यसबाट छक्क सिंह र काली सिंहको घर पूर्ण रुपमा जलेर नष्ट भएको छ भने सुरसिंह र अन्य एक जना व्यक्तिको घरमा आंशिक क्षति पुगेको हो। स्थानीय बासिन्दाले आगो भने नियन्त्रणमा लिनु भएको थियो। दिउँसो भएको कारण आगलागीबाट मानवीय क्षति भने हुन पाएन।
