मुकुन्द सुवेदी
बर्दिया, कात्तिक ५ गते । जंगली हात्तीको आक्रमणमा परी बर्दियाको बारबर्दिया नगरपालिका वडा नं. ७ का एकजनाको मृत्यु भएको छ ।
जङ्गली हात्तीको आक्रमणबाट ४८ वर्षीय सोलिराम थारुको मृत्यु भएको जिल्ला प्रहरी कार्यालय बर्दियाका प्रहरी नायव उपरीक्षक हिक्मतबहादुर बोहोराले जानकारी दिनुभयो ।
बिहान मर्निङ–वाकको लागि पूर्वपश्चिम राजमार्ग अन्तर्गतको रम्भापुर क्षेत्र नजिक थारुलाई हात्तीले आक्रमण गरेको थियो । सो क्षेत्र बर्दिया राष्ट्रिय निकुञ्जसँग जोडिएको क्षेत्र हो ।
