फालिए अक्सिजन सिलिन्डर

 कालीकोट समाचारदाता

कालीकोट, साउन १२ गते । कालीकोटमा कोरोना महामारीको चरम सङ्क्रमणका बेला सहयोगी संस्थाले दिएका अक्सिजन सिलिन्डर जिल्ला अस्पताल बाहिर बेवारिस रूपमा फालिएको छ । कालीकोटमा अक्सिजनको चरम अभावका बेला विभिन्न संस्थाहरूले अक्सिजन ग्यासको सिलिन्डर उपलब्ध गराएका थिए । जिल्ला अस्पतालले नै अक्सिजन आफँै उत्पादन गर्न सुरु गरेको थियो ।

स्वास्थ्य सेवा कार्यालयका प्रमुख डा. रत्नवीर सुनारले बाहिर खुला ठाउँमा राख्दासमेत सिलिन्डर खराब नहुने भएकाले बाहिर थुपारिएको बताउनुभयो । उहाँले अब ग्यास भरेर सरुवा रोग अस्पतालमा राख्ने तयारी भइरहेको पनि जानकारी दिनुभयो । 

अस्पतालको नयाँ भवन बनेका कारण कोठा खाली गरेर बिरामीको शøया राख्ने क्रममा खाली सिलिन्डर बाहिर राखिएको उहाँले बताउनुभयो । 

उहाँले अस्पतालको भवन छिटो बनाउनका लागि कसैबाट समेत पहल नभएको गुनासो गर्नुभयो । जिल्लामा ५० शøयाको अस्पताल निर्माण भइरहेको छ । पुराना स–साना भवनमा ओपीडी, अप्रेसन कक्ष, प्रसूति कक्ष, स्टोर, फार्मेसी चलाउन धेरै समस्या भएको अस्पतालले जनाएको छ ।