बझाङ, फागुन २२ गते । बझाङमा प्रतिनिधि सभा सदस्य निर्वाचन अन्तर्गत मतगणना सुरु भएको छ । आज अपराह्न ४:३० बजेदेखि मतगणना सुरु गर्ने भनिएको भए पनि ५:४० बजेबाट मत गणना सुरु गरिएको मुख्य निर्वाचन अधिकृतको कार्यालयले जनाएको छ।
मतगणना जयपृथ्वी नगरपालिकाबाट सुरु गरिएको छ । मुख्य निर्वाचन अधिकृतको कार्यालयका अनुसार जिल्ला अदालत परिसरभित्र दुई स्थानमा मतगणनाको व्यवस्था मिलाइएको छ।
मुख्य निर्वाचन अधिकृतको कार्यालय बझाङका सूचना अधिकारी प्रकाश सिंहका अनुसार सुरक्षा व्यवस्थासहित आवश्यक प्राविधिक तथा प्रशासनिक तयारी पूरा भएपछि मतगणना सुरु गरिएको हो । बझाङमा ४६.४४ प्रतिशत मत खसेको थियो ।
एमालेका ऐन महर, कांग्रेसका प्रकाश स्नेही रसाइली र रास्वपाका शैलेश सिंह र नेपाली कम्युनिस्ट पार्टीका मीनबहादुर कुँवर लगायत ७ जना चुनावी मैदानमा छन् ।
