काठमाडौं, जेठ २२ गते। नेकपा (एकीकृत समाजवादी) ले स्थानीय तहमा निर्वाचित जनप्रतिनिधिलाई लक्षित गरी राष्ट्रिय अभिमुखीकरण कार्यक्रम आयोजना गर्दैछ।
शनिबारदेखि जारी केन्द्रीय सचिवालयको २६ औं बैठकले असार ४ र ५ गते काठमाडौंमा सो कार्यक्रम गर्ने निर्णय गरेको उपमहासचिव एवम् केन्द्रीय कार्यालय सचिव डा. गंगालाल तुलाधरले जानकारी दिनुभयो। बैठक आइतबार साँझ सम्पन्न भएको छ।
यसैगरी, हालै सम्पन्न स्थानीय निर्वाचनमा पार्टी र गठबन्धनको भूमिकाबारे समीक्षा प्रतिवेदन तयार गर्न प्रदेशगतरुपमा जिम्मेवारी बाँडफाँड गरिएको छ।
जसका लागि, प्रदेश १ मा जयन्ती राई, मधेश प्रदेशमा रामचन्द्र झा, बागमतीमा गंगालाल तुलाधर, गण्डकीमा प्रमेश हमाल, लुम्बिनीमा विजय पौडेल, कर्णालीमा प्रकाश ज्वाला र सुदूरपश्चिमका लागि वेदुराम भुषाललाई जिम्मेवारी प्रदान गरिएको छ।
प्रतिवेदन तयार गरेर स्थायी कमिटीमा पेश गर्नेगरी सो निर्णय गरिएको तुलाधरले बताउनुभयो।
-original-thumb.jpg)
-square-thumb.jpg)
