• २१ चैत २०८१, बिहिबार

‘न्यु इयर इभ’मा गुन्जिँदै रामकृष्ण ढकाल

blog

काठमाडौँ, चैत २० गते। नयाँ वर्ष २०८२ सालको पूर्वसन्ध्यामा भक्तपुरको गठ्ठाघरमा रहेको जर्मन होम्सले ‘न्यु इयर इभ’ कार्यक्रम गर्ने भएको छ। वरिष्ठ लोकप्रिय गायक राम कृष्ण ढकाल एण्ड ब्याण्डको विशेष प्रस्तुति रहने उक्त कार्यक्रमलाई ‘न्यु इयर इभ एट जर्मन होम्स विथ राम कृष्ण ढकाल’ नाम दिइएको छ। कार्यक्रममा गायक ढकालका अलावा अन्य राष्ट्रिय कलाकारको पनि प्रस्तुति रहने छ। 

चैत ३१ गते बेलुका ६ बजेबाट सुरु हुने उक्त कार्यक्रम राति १२ बजेसम्म चल्नेछ। कार्यक्रमलाई नायिका रीमा विश्वकर्माले सञ्चालन गर्नुहुनेछ। ‘न्यु इयर इभ एट जर्मन होम्स’मा साङ्गीतिक कार्यक्रमको साथसाथै कमेडी, साल्सा नृत्य र डी.जे सेसन पनि रहने छ। 

न्यु जर्मन आर्किटेक्चरमा बनेको भव्य हल उद्घाटन समेत रहेको उक्त कार्यक्रममा करिब १५ सयदेखि दुई हजार दर्शकलाई सहभागिता गराउने लक्ष्य राखिएको छ।

कार्यक्रममा सहभागी हुने मध्यबाट एक जनाले थाइल्यान्ड ट्रिपको पुरस्कार प्राप्त गर्न सक्नेछन् भने अन्य विशेष उपहार पनि रहेका छन्।  

२०८१ साललाई धन्यवाद भन्दै नयाँ ऊर्जाका साथ २०८२ साललाई स्वागत गर्नको लागि भव्य कार्यक्रमको आयोजना गरेको जर्मन होम्स होटेलका सञ्चालक एवम् कार्यकारी निर्देशक राजन कार्कीले जानकारी दिनुभयो।