रुपेशलाई वडा अध्यक्ष बुद्धिचाल उपाधि

काठमाडौँ, मङ्सिर १ गते । महालक्ष्मी नगरपालिका वडा नं. ९ को आयोजनामा सम्पन्न दुई दिने वडा कप खुला र्‍यापिड रेटिङ्ग बुद्धिचाल प्रतियोगिताको उपाधि नेपालका एफएम रुपेश जैसवालले जित्नुभएको छ । 

भारत र नेपालका शीर्ष खेलाडीबिच भएको नौ चरणको खेलमा रुपेशले आठ अङ्क बनाउनुभयो । रुपेश जैसवालले आठौँ चरणको खेलमा भारतका विनायक सिंह यादवलाई हराउनुभयो । उपाधिसँगै रुपेशले २५ हजार रुपियाँ पाउनुभयो ।

उपविजेता भारतका सिंहले १५ हजार रुपियाा पाउनुभयो । तेस्रो हुनुभएका नोपलका पुरुषोत्तम सिलवालले १० हजार रुपियाँ पुरसकार पाउनुभयो । महिलातर्फ शान्ति धिमाल पहिलो, अश्विना आचार्य दोस्रो र सोनी डंगोल तेस्रो हुनुभयो ।