वर्षा ऋतु आएसँगै धान रोपाइँ कर्म ।
मेलापात हात साट्दै लगाइन्छ पर्म ।।
उपत्यका तराई र पहाडका गरा ।
धान रोपी जताततै पार्छौ हराभरा ।।
हलीदाईले गोरु नार्दै हिलो सम्याउने ।
हिलो खेल्दै लाठे रोपार दर्शक रमाउने ।।
धानको गाभा शिरमा लगाइ जमरा हो ठान्छौ ।
दसँै पर्व आयो भन्दै हर्ष विभोर मान्छौ ।।
प्रधान कृषि देश हाम्रो सर्वोपरी धन ।
धानै बढी फलाउन लाग्छन् तन–मन ।।
मानु रोपी मुठी फल्ने धानको भात मीठो ।
रोपारले धान रोप्छन् बाउसे गर्ने ठिटो ।।
धानको बिउ हातमा लिइ ठिक ठाउँमा रोप ।
बेठी नारी गीत गाए मादलुलाई ठोक ।।
कहिले झरी कहिले बादल घाम घमाइलो ।
संस्कृतिको जगेर्ना हो रोपाइ रमाइलो ।।
बिउ राख्ने व्यहाडमा गराछेउ आली ।
खेतमा धान रोपेपछि फल्छ धानको बाली ।।
मलजल गोडमेलले धान धेरै फल्छ ।
असार पन्ध्र धान दिवस नेपाल भरी चल्छ ।।
