ताप्लेजुङ, कात्तिक ५ गते । ताप्लेजुङमा कुटपिट गरी श्रीमतीको हत्या गरेको अभियोगमा श्रीमान् र छोरा पक्राउ परेका छन् । छोरासँग मिलेर कुटपिट गरी आफ्नै श्रीमतीको हत्या गरेको आरोपमा आठराई त्रिवेणी गाउँपालिका–३ हाङ्पाङका ४५ वर्षीय विद्याराज लिम्बू पक्राउ परेका हुन् ।
प्रहरीका अनुसार दाउराको चिर्पट प्रहार गरी श्रीमती विष्णुकुमारी लिम्बूको हत्या गरेको आरोपमा छोरा २१ वर्षीय मनोज लिम्बूसहित विद्याराज पक्राउ परेका हुन् । गत असोज २७ गते बाबुछोरा मिलेर विष्णुकुमारीमाथि कुटपिट गरेका थिए । कुटपिट भएको केही दिनपछि विष्णुकुमारीको मृत्यु भएको थियो ।
कुटपिटका कारण मृत्यु भएपछि श्रीमान् विद्याराज र छोरा मनोजलाई पक्राउ गरी अनुसन्धान थालिएको जिल्ला प्रहरी कार्यालय ताप्लेजुङका सूचना अधिकारी प्रहरी निरीक्षक कुशराम कार्कीले जानकारी दिनुभयो । कार्कीका अनुसार पक्राउ परेका बाबु–छोरालाई ताप्लेजुङ जिल्ला अदालतबाट पाँच दिनको म्याद थप गरेर अनुसन्धान थालिएको छ ।
उहाँ ताप्लेजुङबाट गोरखापत्रमा रिपोर्टिङ गर्नुहुन्छ ।
-Alaichi--Chhodai-Taplejung-original-thumb.jpg)
