कणाद महर्षि
सदाबहार मौसम थियोे
अन्योलका छिद्रताहरू
बेढङ्गका खटप्वालहरू
बेछाँटका अड्चनहरू
कतै केही थिएनन् विघ्न बाधाहरू
०००
यथास्थानमा छरिएको, रोपिएको थियोे
बाली बिज–बिजन !
उम्रिएका, सप्रिएका पनि थिए –
झाङ्गिएर फैलिएका पनि हुन् उब्जनीहरू !!
०००
ऋतुहरू थुप्रैपल्ट अदलबदल भए
अहिले हेर्दा
छैनन् करेसाबारीमा टुसाउन बाँकी केही
०००
आँगनमा चाउरिएको
समयको बिस्कुन मात्र
लमतन्न लम्पसारिएको छ ।
-original-thumb.jpg)
-original-thumb.jpg)
