मलाई खेल्नु छ/रमाउनु छ
आगोका फूलहरूसँगसँगै
आगोकै सुगन्ध बोकेर
जलिरहेका प्रज्वलित लप्काहरू
लगाउनु छ गलाभरि माला
मलाई विस्फोट हुनु छ बनेर ज्वालामुखी
सुकाउनु छ समुद्र
सयौँ घाम उदाएका छन् मेरो छातीभित्र
भकभकी उम्लिरहेछ नसा नसामा रगत
लाभाहरू बगिरहेछन् राताम्मे लेदो बनेर
पगाल्नु छ कञ्चनजङ्घाको बरफ
र ढाल्नु छ अग्लो हुनुको अभिमान
रङ्गहीन बनाउनु छ रङ्गीन धरती
एक निमेषमा निम्ट्याउनु छ मान्छेका अहङ्कार
र उदाउने छैन जुन र उदाउने छैन तारा
मात्रै चम्किने छ बिजुली
विशाल मेघ गर्जनसँगै बर्सिने छ
आगोकै ज्वाला तिम्रो ब्रह्माण्डमा
मलाई खेल्नु छ आगोका फूलहरूसँग
आगोकै प्रकाश बोकेर पुग्नु छ गन्तव्यसम्म !!
-square-thumb.jpg)
-square-thumb.jpg)
-original-thumb.jpg)
-original-thumb.jpg)
-original-thumb.jpg)