.jpg)
बिमाले जोखिमविरुद्ध सुरक्षा प्रदान गर्छ : मुख्यमन्त्री सिंह
मधेश प्रदेशका मुख्यमन्त्री सतिश कुमार सिंहले बिमाले व्यक्तिको जीवन तथा सम्पत्तिको जोखिमविरुद्ध सुरक्षा प्रदान गर्ने भएकाले बिमामा हरेक नागरिकको पहुँच हुनु पर्नेमा जोड दिनुभएको छ ।
जातीय भेदभाव र छुवाछुत मुक्त ‘बलुवा’ गाउँ
केही वर्ष अघिसम्म दलित र गैरदलित भनी फरक व्यवहार देखिएको रौतहटको एक गाउँ हाल जातीय भेदभाव तथा छुवाछुत मुक्त छ ।
अर्काको वैशाखीमा हिँडेर गन्तव्यमा पुगिँदैन : अध्यक्ष प्रचण्ड
पूर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अर्काको वैशाखीमा हिँडेर गन्तव्यमा पुग्न नसक्ने बताउनुभएको छ ।
पिपरा गाउँपालिका पूर्ण विद्यालय भर्ना पालिका घोषणा
महोत्तरी जिल्लाको पिपरा गाउँपालिकालाई पूर्ण विद्यालय भर्ना पालिका घोषणा गरिएको छ ।
१२ कक्षा उत्तीर्ण भएर २० वर्ष पुगेपछि विवाह गर्ने छोरीलाई गाउँपालिकाले २५ हजार दिने
धनुषाको जनकनन्दिनी गाउँपालिकाले १२ कक्षा उत्तीर्ण र २० वर्षपछि विवाह गर्ने छोरीलाई प्रोत्साहनस्वरुप २५ हजार रुपियाँ सहयोग प्रदान गर्ने भएको छ ।
मधेश प्रदेशका छ हजार हेक्टर वनक्षेत्र अतिक्रमित
मधेश प्रदेश सरकारद्वारा प्रस्तुत एक तथ्याङ्कमा प्रदेशका वनक्षेत्रमध्ये पाँच हजार छ सय ९२ हेक्टर भन्दाबढी वन अतिक्रमण भएको जनाइएको छ ।
माओवादी केन्द्र मधेश प्रदेशको परामर्श बैठक बर्दिबासमा सुरु
महोत्तरी, भदौ २५ गते । नेकपा (माओवादी केन्द्र) मधेश प्रदेशको परामर्श बैठक महोत्तरीको बर्दिबासमा सुरु भएको छ । दुई दिनसम्म चल्ने बैठकमा पार्टीका केन्द्रीय पदाधिकारीका साथै मधेश प्रदेशमा कार्यरत केन्द्रीय सदस्य र प्रदेश पदाधिकारीहरुको सहभागिता रहेको छ ।
सर्पले टोकेर बालकको मृत्यु
घरमा सुती रहेका बालकलाई विषालु सर्पले टोक्दा उहाँको मृत्यु भएको छ । मृत्यु हुनेमा महागढीमाई नगरपालिका–१० बस्ने शिवचन्द्र लोहारको ११ वर्षीय छोरा राकेश शर्मा रहेका छन् ।
ट्युसनले विद्यार्थी नियमित विद्यालय जान थाले
लहान–१ का दलित चमार (राम) समुदायका बालबालिकालाई ट्युसन पढाउन थालेपछि विद्यार्थी नियमित विद्यालय जान थालेका छन् । लहानको मुख्य चोक जाने
विद्यालयको अवस्था नाजुक, जोखिम मोलेरै पढ्नुपर्ने बाध्यता
मधेश प्रदेशको राजधानीसमेत रहेको जनकपुरधाम उपमहानगरपालिकामा विगत ३४ वर्षदेखि सञ्चालित एक सामुदायिक विद्यालयको अवस्था नाजुक बन्दै गएको छ ।
धेरै विद्युत् चुहावट हुने क्षेत्र मौलापुर
मधेस प्रदेशका २३ विद्युत् वितरण केन्द्रमध्ये सबैभन्दा धेरै विद्युत् चुहावट रौतहटको मौलापुर वितरण केन्द्रबाट हुने गरेको छ । नेपाल विद्युत् प्राधिकरण मधेस प्रदेश प्रादेशिक कार्यालय जनकपुरका अनुसार आर्थिक वर्ष २०८०र८१ मा मधेस प्रदेशमा सबैभन्दा धेरै विद्युत् चुहावट हुनेमा मौलापुर वितरण केन्द्र रहेको छ । सो केन्द्रबाट ४३ दशमलव ४० प्रतिशतले विद्युत् चुहावट भएको देखिन्छ ।
साढे तेह्र करोडको तरकारी बिक्री
सर्लाहीको लालबन्दी थोक तरकारी बजारबाट एक महिनामा साढे १३ करोड रुपियाँको तरकारी बिक्री भएको छ । कृषि थोक बजार व्यवस्थापन समितिका अनुसार साउनमा यहाँबाट १३ करोड ५५ लाख ३७ हजार ९५० रुपियाँको तरकारी देशका विभिन्न सहरमा पुगको हो । लालबन्दी बजारमा लालबन्दीसहित छिमेकी हरिवन, ईश्वरपुर, चन्द्रनगर, हरिपुर, बागमतीलगायत पालिका तथा महोत्तरीको बर्दीबास र गौशाला नगरपालिकाका किसानले तरकारी बिक्री गर्छन् । साउन महिनामा सबैभन्दा धेरै परबर चार करोड ७६ लाख ९० हजार रुपियाँ र बोडी दुई करोड नौ लाख ९७ हजार रुपियाँको बिक्री भएको छ । त्यस्तै भिन्डी एक करोड ६२ लाख ४१ हजार पाँच रुपियाँ, झिङ्गनी एक करोड दुई लाख ७८ हजार, लौका ८४ लाख १२ हजार ९५० रुपियाँ र काँक्रो ५० लाख ९६ हजार २५० रुपियाँको बिक्री भएको कृषि थोक बजार व्यवस्थापन समितिले जनाएको छ ।
चुरोट खाएर ठुटा फाल्दा आगलागी, एक जना गम्भीर घाइते
सर्लाहीको ईश्वरपुर नगरपालिका –१४, हरकठवामा आइतबार राति आगोले जलेर एक जना गम्भीर घाइते भएका छन् ।
नियन्त्रण भएन काठ तस्करी
वनकर्मीले जङ्गली क्षेत्रसंँग जोडिएका विभिन्न स्थानमा छापा मारी तस्करसहित ७८ क्युफिट बराबरको काठ तथा दुई थान मोटरसाइकल नियन्त्रणमा लिएका छन् । परियोजनाको जङ्गलबाट पनि साखुका ५८ क्युफिट काठसहित तस्कर पक्राउ परेका छन् ।
नहरमा नुहाउन गएका बालकको डुबेर मृत्यु
सर्लाहीको हरिवन नगरपालिका-५, किरिङ टोलमा आइतबार अपराह्न नहरमा डुबेर एक बालकको मृत्यु भएको छ । अत्यधिक गर्मी भएपछि साथीसँगै घर नजिकै बागमती सिँचाइ आयोजनाको नहरमा नुहाउन गएका स्थानीय जनिफ मन्सुरका छोरा १५ वर्षीय सहमद मन्सुरको डुबेर मृत्यु भएको हो ।
ट्याक्टरले ठक्कर दिँदा छात्राको मृत्यु, दुई घाइते
महोत्तरीको गौशाला–१ मा ट्याक्टरले ठक्कर दिँदा एक जना स्कुले बालिकाको मृत्यु भएको छ । सँगै स्कुल जाँदै गरेका दुई जना बालबालिका घाइते भएका छन् ।
२० लाख बराबरको अवैध सामान बरामद
पर्सा जिल्लाको वीरगन्जस्थित तीन वटा गोदाम लगायत विभिन्न इलाकाबाट भन्सार छली गरेर ल्याएको करिब २० लाख रुपियाँ बराबरको सामान बरामद भएको छ ।
'सहिदको सम्मानको लागी मधेश सरकार प्रतिबद्ध छ'
मधेश प्रदेशका मुख्यमन्त्री सतिश कुमार सिंहले मधेस आन्दोलनका सहिदहरूको सम्मानको लागी मधेस सरकार प्रतिबद्ध रहेको बताउनुभएको छ ।
‘खानेपानीको विद्यमान समस्या समाधान गर्न सरकार प्रतिबद्ध छ’
खानेपानीमन्त्री प्रदीप यादवले वीरगन्ज र आसपासका क्षेत्रमा देखिएको खानेपानीको समस्या समाधान गर्न सरकार प्रतिबद्ध रहेको बताउनुभएको छ ।
मिथिलाञ्चलमा आज ‘भदैया रैब’ पर्व मनाइँदै
महोत्तरीसहित मिथिलाञ्चलमा आज भदैया रैब पर्व मनाइँदैछ । आइतबार बिहानै मिथिला क्षेत्रका महिला घरघरमा ठेकुवा (सख्खर हालेर बनाइएको एक प्रकारको पकवान) पकाएर, केरा, मकै, काँक्रो, स्याउ, अक्षता, सुपारी र पानसहितका वस्तुहरु जुटाएर रैब पर्व मनाइरहेका छन् ।
मुस्लिम समुदायका जुम्ल्याहा छोराले पाउँदैछन् एमबिबिएसको छात्रवृत्ति
पर्साको पकाहाँमैनपुर गाउँपालिका–४ लाहावरथकरी स्थायी घर भई हाल श्रीपुर वीरगञ्जमा बसोबास गर्ने फिरोज राकीको परिवारमा गत शुक्रबारदेखि छुट्टै खुसी छाएको छ । उहाँका जुम्ल्याहा छोरा नसिम राकी र असिम राकीले चिकित्सा शिक्षा स्नातक तह (एमबिबिएस) को प्रवेश परीक्षामा छात्रवृत्तिका लागि योग्य भएसँगै परिवारमा एकैसाथ हर्ष र खुसी छाएको हो ।
मधेशमै सरकारी तहमा एमबिबिएस पढाइको तयारी
मधेश प्रदेशमा पहिलो पटक सरकारीस्तरमा चिकित्साशास्त्रतर्फ उच्च शिक्षा आरम्भ हुने भएको छ । चिकित्सा शिक्षा आयोगले मधेश स्वास्थ्य विज्ञान प्रतिष्ठानलाई चिकित्साशास्त्रमा स्नातक (एमबिबिएस) का लागि ५० सिट निर्धारण गरेपछि प्रदेशमै पहिलो पटक सरकारीस्तरमा चिकित्साशास्त्रतर्फ उच्च शिक्षाको आरम्भ हुने भएको हो ।
इँटा व्यवसाय खस्किँदै
मधेश प्रदेशमा तयारी इँटा बिक्री नहुँदा इँटा उद्योगी व्यवसायी आर्थिक मारमा परेका छन् । इँटा उद्योग सञ्चालन गर्न लिएको ऋणको साँवा ब्याज तिर्न, मजदुरलाई मजदुरी दिन, लागत लगाउनसमेत नसकिरहेको व्यवसायीले बताएका छन् । सप्तरी इँटा उद्योग व्यवसायी सङ्घको शनिबार आयोजित चौथो साधारण सभा तथा दोस्रो अधिवेशनमा व्यवसायीले यस्तो पीडा सुनाएका छन् । राज्यले इँटाको विकल्प कङ्क्रिटको प्रयोग गरेर विकास निर्माणको काम गर्न थालेका कारण इँटाको मागसँगै बजार पनि खुम्चिएको व्यवसायीको कथन छ । वातावरण र पर्यावरण अध्ययनबिना नै कङ्क्रिट प्रयोग गरिरहेको विकास निर्माण कार्यले जलवायु परिवर्तनमा असर पारिरहेको उहाँहरूले तर्क गर्नुभयो तर पनि सडक ढलान जस्ता वातावरण र पर्यावरणमा असर पार्ने काम तीव्र रूपमा भइरहेको उहाँहरूको भनाइ छ ।
पुर्ख्यौली पेसा संरक्षणको माग
पुर्ख्यौली पेसामा आश्रित कुम्हार समुदायले पेसा संरक्षणका लागि माग गरेका छन् । यो समुदायले पुर्ख्यौली नै अगाडि बढाउने उद्देश्यले यस्तो माग गरेका हुन् । लहान–४ का ५७ वर्षीय जगदीश पण्डित यति बेला विश्वकर्मा पूजाका लागि माटोका मूर्ति बनाउनमा व्यस्त हुनुहुन्छ । उहाँ भन्नुहुन्छ, “चौरचन पर्वका लागि माटोका सामग्री ढकना, कलश, मटकुरी र दियोलगायतका सामग्रीबाट यस वर्ष खासै आम्दानी भएन । लहान–४, ५, ६, र ८ मा रहेका २५० घर कुम्हार परिवारले निकै सङ्ख्यमा चौरचन पर्वका लागि माटोका सामग्री बनाएपछि बजार मूल्य पाउन सकेन । मूर्तिबाट कमाइ हुने आसमा विश्कर्माको मूर्ति बनाउन लागिपरेका छौँ । ३० वटा माटोका मूर्ति बनाएर २० हजार रुपियाँसम्म कमाइ हुने आशा गरेका छौँ ।”
दश जोडीको दाइजोमुक्त सामूहिक विवाह
धनुषाको मिथिला नगरपालिका–२ बेलाचापीस्थित सतलोक आश्रमममा दश जोडीले सामूहिक विवाह गरेका छन् ।
