सडक स्तरोन्नतिपछि सहज
जिल्लाको उत्तरी क्षेत्रको सिमकोट–हिल्सा सडकको याल्वाङ चौरदेखि इलिङ काँधसम्मको सडकमा यातायात सेवा सञ्चालनमा सहजता आएको छ । सो खण्डको सडकको स्तरोन्नति भएपछि यातायातका साधन सञ्चालनमा सहज भएको हो । इलिङ काँधमा यसअघि सडकको स्तरोन्नति नगरेका समयमा निकै कठिन गरी यातायातका साधन चलाउनुपर्ने बाध्यता रहेकोमा हाल सो सडकको स्तरोन्नतिपछि सहज भएको जिपचालक पुरन रावतले बताउनुभयो ।
सल्यानमा २० हजार ९५० मेट्रिकटन अदुवा उत्पादन, किसान उत्साहित
चालू आर्थिक वर्ष २०८२–०८३ मा सल्यानमा २० हजार ९५० मेट्रिकटन अदुवा उत्पादन भएको छ । पछिल्लो दुई वर्षयता अदुवाले राम्रो मूल्य पाउन थालेपछि यहाँका किसान उत्साहित बनेका छन् ।
घरमा आगलागी हुँदा बालकको मृत्यु
जुम्लाको तिला गाउँपालिकामा घरमा आगलागी हुँदा १५ वर्षका बालक क्षितिज खत्रीको मृत्यु भएको छ। जिल्ला प्रहरी कार्यालय जुम्लाका अनुसार घटना गएराति तिला गाउँपालिका–३ मा भएको हो।
सिमकोटमा प्लास्टिक प्रयोग गरी खानेपानी आपूर्ति
जिल्लाको सदरमुकाम सिमकोट गाउँपालिका–५ र ६ का स्थानीय तथा बजार क्षेत्रका उपभोक्ताका लागि खानेपानी आपूर्ति गर्न मुहानमा प्लास्टिक बिछ्याएर इन्टेकमा पानी खसालिने गरिएको छ।
आगलागीलगत्तै राहत वितरण, पीडितको घर पुनर्निर्माण सुरु
सल्यानको कपुरकोट गाउँपालिका–५ पाङराङमा आगलागीबाट पूर्ण रूपमा जलेर नष्ट भएको घरको पुनर्निर्माण कार्य सुरु गरिएको छ ।
‘समाजका कुप्रथा हटाउने कानुन बनाउन सक्रिय रहने छु’
पूर्व कोशीबाट उदाएको श्रम संस्कृति पार्टीले पश्चिम नेपालको कर्णाली प्रदेशबाट सुर्खेतकी राधिका रम्तेललालाई समानुपातिक प्रणालीबाट संसद् बनाएको छ । उहाँ संसद् बनेको पहिलो खबर पार्टीका केन्द्रीय अध्यक्ष हर्क साम्पाङ राईले खबर गरेपछि मात्र आफूले जानकारी पाएको बताउनुहुन्छ । उहाँ अबको पाँचबर्से संसद्को यात्रा विपन्न, दलित, पीडित तथा पिछडिएका बासिन्दाको आवाजलाई केन्द्रित गर्ने प्रतिबद्धता व्यक्त गर्नुहुन्छ ।
न्याउरीगाडको पुल निर्माण सुस्त
जुम्लाको कनकासुन्दरी गाउँपालिका–१, न्याउरीगाडमा निर्माणाधीन पक्की पुलको काम सुस्त गतिमा अगाडि बढेको छ । समयमै पुल निर्माण नहुँदा स्थानीयवासी तथा पर्यटक मारमा परेका छन् ।
अनुदानको नुन लिन बाह्र घण्टा पैदल
साल्ट ट्रेडिङ कर्पोरेसनको ढुवानी अनुदानको आयोडिनयुक्त नुन लिन चङ्खेली गाउँपालिका–५, नेक्पावासीले १२ घण्टा पैदल हिँड्नुपर्ने बाध्यता छ । सिङ्गो वडा नै हालसम्म सडक सञ्जालसँग नजोडिएका कारण नेक्पाबाट गाउँपालिका केन्द्र पिप्लाङसम्म पुग्न १२ घण्टा पैदल हिँड्नुपर्ने बाध्यता छ । साल्ट ट्रेडिङ कर्पोरेसनको ढुवानी अनुदानको नुन लिन पुगेका स्थानीय जङ्ग तामाङ भन्नुहुन्छ, “नुन लिन जाँदा छ घण्टा लाग्छ । फर्कदा पनि छ घण्टा नै खर्चिनु पर्छ ।”
अविरल वर्षाले कर्णाली करिडोर अवरुद्ध
शुक्रबार परेको अविरल वर्षाका कारण कर्णाली करिडोरअन्तर्गत विभिन्न स्थानमा सडक अवरुद्ध भएको छ। निरन्तर वर्षासँगै आएको पहिरो र ढुङ्गा खस्दा सडक अवरुद्ध भएपछि सवारी आवागमन पूर्ण रूपमा प्रभावित भएको हो।
आगलागीबाट एक घर जलेर पूर्ण रुपमा नष्ट
सल्यानको कपुरकोट गाउँपालिका–५ पांग्राङमा आगलागीबाट एक घर पूर्ण रूपमा नष्ट भएको छ । डिलबहादुर बिकको घरमा गएराति करिब पौने १२ बजेतिर अचानक आगलागी हुँदा घरभित्र रहेका सम्पूर्ण सामग्री जलेर नष्ट भएका हुन् ।
सरकारी कार्यालयको ‘डाइरेक्ट लाइन’ले सिमकोटमा खानेपानी सङ्कट
हुम्लाको सदरमुकाम सिमकोटस्थित मुख्य सरकारी कार्यालयहरूले खानेपानीको ‘डाइरेक्ट लाइन’ जोड्दा बजारवासीमा खानेपानीको समस्या चुलिएको छ।
आयुर्वेद स्वास्थ्य शिविरमा ८१ जनाले सेवा लिए
जाजरकोट आयुर्वेद स्वास्थ्य केन्द्रले तीनदिने निःशुल्क स्वास्थ्य शिविर सञ्चालन गरेको छ। सदरमुकाम खलङ्गामा आयोजित शिविरमा ८१ जना बिरामीले सेवा लिएका छन्।
प्रदेशको शैक्षिक योजना तर्जुमा अन्तिम चरणमा
कर्णाली प्रदेशले शिक्षा गुणस्तर सुधार गर्न १० बर्से शैक्षिक योजना निर्माण गर्न लागेको छ । प्रदेशको सामाजिक विकास मन्त्रालयले शैक्षिक वर्ष २०८२/८३ देखि २०९१/९२ सम्मका लागि शैक्षिक सुधार गर्ने भन्दै सो योजना तर्जुमा गर्न लागेको हो । यसका लागि मन्त्रालयले गठन गरेको कार्यदलले अन्तिम मसौदा तयार गरिरहेको छ ।
‘संसदबाट परिवर्तनको आभास गराउन सक्नु पर्छ’
जाजरकोटको भेरी नगरपालिका–१०, भुरमा विपन्न दलित र सामान्य किसान परिवारमा जन्मिएकी पार्वती विक हालै सम्पन्न प्रतिनिधि सभा सदस्य निर्वाचनमा समानुपातिक प्रणालीबाट सङ्घीय सांसद बन्नुभएको छ । २०४२ पुस २८ गते जन्मिएकी विक जाजरकोटबाट दलित समुदायको प्रतिनिधित्व गर्दै सङ्घीय संसद्मा प्रतिनिधित्व गर्ने पहिलो दलित महिला बन्न पुग्नुभएको छ । नेपाली कम्युनिस्ट पार्टी (नेकपा) का तर्फबाट महिला तथा दलित क्लस्टरबाट पार्टीले उहाँलाई १ नम्बरमा छनोट गरेको हो ।
प्रहरीको प्रतिवेदन सरकारी वकिलको कार्यालयमा
गत फागुन २३ गते वीरेन्द्रनगर नगरपालिका–४ को जङ्गलमा अचेत अवस्थामा फेला परी मृत्यु भएको भनिएकी वीरेन्द्रनगर नगरपालिका–१ मा बस्ने १६ वर्षीय बालिका इनिशा विकको मृत्यु अनुसन्धान प्रतिवेदन जिल्ला सरकारी वकिल कार्यालयलाई बुझाइएको छ । करिब १७ दिनसम्मको अनुसन्धानपछि सुर्खेत प्रहरीले सो अनुसन्धान प्रतिवेदन बुधबार जिल्ला सरकारी वकिल कार्यालयलाई बुझाएको हो । गत फागुन २३
बिउ राखेर मनाइयो धान दिवस
जुम्लामा बिउ राख्ने अभ्याससहित बिहीबार धान दिवस मनाइएको छ । जिल्ला कृषि विकास कार्यालय जुम्लाको आयोजनामा बिउ कसरी राख्ने, के के विधि चाहिन्छ, सो विषयमा खेतमै गएर अभ्यास गरिएको छ । कृषि अनुसन्धान कार्यालयको प्राङ्गणमा कृषिविज्ञ र जानकार किसानले अन्य बिउ राख्ने तरिकाबारे अभ्यास गरेर उपलब्ध किसान, स्थानीय र सरोकारवालालाई सिकाएका छन् ।
सल्यान कपुरकोट गाउँपालिकाको कार्यपालिका बैठक सम्पन्न
कपुरकोट गाउँपालिकाको १८औँ गाउँकार्यपालिकाको अधिवेशन अन्तर्गत दोस्रो बैठक सम्पन्न भएको छ ।
सल्यानका दुई पालिकाबीच धार्मिक–पर्यटकीय सहकार्य सुरु
शारदा नगरपालिका र छत्रेश्वरी गाउँपालिकाले धार्मिक तथा पर्यटकीय क्षेत्रको प्रवर्धनका लागि आपसी सहकार्य सुरु गरेका छन्।
कर्णाली प्रदेश खेलकुद विकास परिषद्को सदस्य सचिवमा रविन्द्र चन्द नियुक्त
कर्णाली प्रदेश सरकारले रविन्द्र चन्दलाई कर्णाली प्रदेश खेलकुद विकास परिषद्को सदस्य सचिवमा नियुक्त गरेको छ ।
सल्यानमा शुक्रबार सात घण्टा विद्युत सेवा अवरुद्ध हुने
प्रसारण लाइन सुदृढीकरणका लागि भन्दै सल्यानमा शुक्रबार सल्यानमा सात घण्टा विद्युत सेवा अवरुद्ध गरिने भएको छ ।
हुम्लामा खाना पकाउने ग्यास अभाव
हिमाली जिल्ला हुम्लामा खाना पकाउने ग्यासको अभाव देखिएको छ। सातवटै गाउँपालिका केन्द्रमा पहिले पाउने ग्यास हाल उपलब्ध नहुँदा स्थानीयवासीलाई समस्या परेको हो।
संसदमा बादी समुदायको पहिलो प्रतिनिधि सीता
दलित समुदायभित्र पनि निकै पछाडि रहेको बादी समुदायले पहिलो पटक सङ्घीय संसद्मा प्रतिनिधित्व पाएको छ । हालै सम्पन्न निर्वाचनमा सुर्खेतमा जन्मिएकी सीता बादी पहिलो पटक सङ्घीय संसद्मा सांसद बन्नुभएको हो । उहाँ राष्ट्रिय स्वतन्त्र पार्टीबाट प्रतिनिधि सभामा समानुपातिक सूचीबाट सांसद बन्नुभएको हो ।
सम्झौताको चार वर्षपछि धमाधम पुल निर्माण
सम्झौता भएको चार वर्षपछि कर्णाली कोरिडोरको खार्पुनाथ गाउँपालिका–५ को खार्पुको दोजाम कर्णाली नदीमाथि धमाधम पक्की पुल निर्माण भइरहेको छ । हिल्सा–सिमकोट सडक योजनाले बारम्बारको ताकितापछि निर्माण कम्पनीले आगामी जेठ मसान्तसम्म निर्माण सम्पन्न गर्ने गरी पुल निर्माणलाई तीव्रता दिइएको हो ।
युवाविहीन लिमीका गाउँ
नाम्खा गाउँपालिका–६ को हिमालपारिको गाउँ लिमीका तीन वटा बस्ती युवाविहीन भएका छन् । गत फागुन २१ को प्रतिनिधि सभा सदस्य निर्वाचनमा मतदान गर्न आएका अधिकांश युवा कामका लागि फेरि चीनको ताक्लाकोट र केही काठमाडौँ फिर्ता भएपछि हाल ती बस्ती युवाविहीन भएका हुन् ।
सल्यानमा आलु खेती विस्तार कार्यक्रम सञ्चालन
सल्यान जिल्लामा आलु खेतीलाई व्यावसायिक बनाउने उद्देश्यले कृषि विकास कार्यालयले चार पालिकामा आलु प्रवर्धन कार्यक्रम सञ्चालन गरेको छ।
